Nations Bible

Gênesis 48

Minar Poelayzimayl · Toque num versículo para ver as referências cruzadas.

Yakubu woenab poeybadhin Epreymaw Manasew mulipa

1War thonara nanga nuydh Yoewsepa karngemidhin kedha nungu thathiw kikir mina koeyza. Nuydh nungu ukasar garkaz kazi mamoemoedhin, Manase a Epreym. Kalanu thana Yakubulpa imaypa memayidhin. 2Nuydh nanga Yakubu gasamoedhin kedha Yoewsepa nungu garkaz kazi ngapa nubepa imaypa, Yakubu moegawn garpathamoeydhin uthuy lagoenu nungu igi niyaypa.

3Yakubu kedha mulaydhin Yoewsepalpa, ‘Awgadh, adhapudhay woenabal poerapoeral Awgadh, ngayapa yakamaydhin goegath nel Luz Kanananu, a nuydh ngayapa woenab poeybadhin, 4a kedha woenabal yangukudu guythuyadhin ngayapa, “Ngath bangal ngibepa koeyma kazil mamayine, thana bangal nginu kaziw kazil wara koey goegath lag bangal. Ngath kay ngibepa nubi boeradhar maypa nginu kaziw kazipa thanamun za pamoeygoepa.” ’

5Wa, lak Yakubu Yoewsepalpa kedha, ‘Sepal nginu ukasar garkaz kazi Aykupithunu ngawal na kazi mamoemoedhin, ngay wagel kay koepa ngapa miyaydhin, sepal ngaw kazi matha kedha, Rewbenaw Simiyonaw midh nanga. 6Nginu bangal nanga dhuray kazil nanga thana bangal ngaw kazil lawnga, thanamun aykuyk ngawngu lawnga, thana bangal mura zapul gasamipu Epelemaw Manasew mulingu nginu ukasar kazingu. 7Ngath kedha zoenguz kedha aympa nginu apu Reysoel. Ngaw koerkak badh mina koeyza nadh Kanananu muwasidhin Eprathapa amadhan, ngoey nanga Mesopoetaymiyangu. Ngath nan sina moerama thayadhin Eprathapa yabugudanu pasinu.’

Yakubu nuydh Yoewsepan kazi imamoedhin

8Nuydh na Yakubu Yoewsepan kazi imamoedhin, nuy yapupoeybaydhin kedha, ‘Ipal ngawal?’

9Yoewsepa kedha, ‘Sepal ngaw garkaz kazi Awgadhan ngawal ngayapa Aykupithunu mamamoedhin nanga.’

Yakubu kedha, ‘Ngapa ngayapa palay mamamoeriw nakay ngath palamulpa woenab poeybaypa.’

10Yakubu zapul moegina yawaymoeypu minguz kedha nuy mina kay thathi nubepa matha ngoedhagidh lawnga balbayginga imaypa. Yoewsepa kalanu palay Yakubulpa mamamoedhin, nuy Yakubu palay gudthapaman. 11Yakubu kedha Yoewsepalpa, ‘Kazi, ina waza kulay koey koerkak badhalnga; ngayapa kedha, ngath nginu paru lak imayginga. Kayib nanga matha nginu paru lawnga. Awgadhaw sib wanan ngayapa kedha, ngath nginu kaziw paru imamoemoenu.’ 12Palay garkaz palamun popuya pasinu kaday siyamar, kalanu Yoewsepa palay adhapa maman a kuyk patidan apasin Yakubulpa, paru boeradhoerapa mulupa.

13Nuydh Yoewsepa ngapa yoelpamoedhin nungu ukasar kazi palamun maykuykuya. Wa, kuykuyg waza Manase Yakubun getha doegamoenu, a kuthayg Epelema boedha doegamoenu. Kasa kay kedha Yakubu nungu geth wardh wanamoedhin; kuthaygiya nungu gethadoegam geth kuykunu a kuykuygiya boedhadoegam geth kuykunu wanamoedhin.

Kalanu Yakubu woenab poeybadhin Yoewsepalpa a kazipa nungu

15Kalanu nuydh Yakubu Yoewsepalpa woenab poeybadhin kedha,

‘Abraman a Isakan Awgadh ngi palamun thawmayzi Awgadh,

woenab poeybaw palbi kazipa!

Awgadh, ngoena ngadh nubi goeygipa gethiya yoelpadhin

woenab poeybaw palamulpa.

16Angela, ngoena ngadh nanga mura wati mathamayl zoenguz

gudaz puydhadhin woenab poeybaw palamulpa.

Lak bangal ngaw nel a ngaw thathiw nel,

Abraman a Isakan ngaru bal pawpa gethawoeyaypu palay.

A lak bangal palay koeyma kazilayg

a palamun kaziw kazil.’

17Yoewsepa nanga imadhin kedha nungu thathiw getha doegam geth Epelemaniya kuykunu, nuy ubigasidhin. Nuydh nungu thathiw geth adhapa moeypa madhin Manasen kuykupa. 18Nuy Yakubulpa kedha, ‘Bab kedha lawnga, senaw kuykuyg kazi nungu kuykunu nginu getha doegam geth wanar.’

19Nungu thathi ubigasidhin kedha mulaydhin, ‘Ngaw kazi, ngay ngulayg. Manasen kaziw kazil bangal koey garsar, kasa kay kedha nungu kuthaygaw bangal lak koeyma Manaseniya, nungu kaziw kazil bangal wara koey goegath.’ 20Yakubu woenab poeybadhin palamulpa senabi goeyginu, a kedha mulaydhin, ‘Isoereylaw buway bangal ngipel nel tharempu thana bangal na woenabaw ya umamoeypu kedha, “Awgadhan bangal ngithamulpa lak koey woenab poeybane kedha, Epelema Manasew midh nanga.” ’ Wa, nuydh Isoereyl kedha kuniya aymoedhin, nuydh kuthayg kulay madhin; Eplema kulay Manase wagel.

21Kalanu Yakubu Yoewsepalpa kedha mulaydhin, ‘Ngidh ngoena iman, ngaw um mina amadhan, kasa Awgadh bangal ngibiya kalmel a ngin bangal lak kuniya manine nginu thathiw thathiw lagoepa. 22Sena ngibepa, nginu tukuypal lawnga ngath madhin Sekoem, koey ayde lag ngath madhin Amoraythalgoengu ngaw kuyay thurikan a gagay thayakan.’

Ilustração artística — interpretação, não registro histórico.

Você sabia?

Adoção e bênção de Efraim e Manassés

  • Jacó considera seus os dois filhos de José, nascidos no Egito, no mesmo nível de Rúben e Simeão, filhos de Lia. Os filhos que nascessem a José depois deles continuariam sendo de José e seriam chamados pelo nome dos irmãos no território que herdassem.Fontes: o próprio texto bíblico · Manasseh (son of Joseph) · Reuben · Simeon
  • Manassés era o filho mais velho e Efraim o mais novo, nascido no Egito. O nome Efraim significa dupla fecundidade, porque Deus o tornara fecundo na terra da sua aflição. Embora Israel mal pudesse ver por causa da idade, cruzou as mãos, pôs a direita sobre Efraim e insistiu que o irmão mais novo seria maior.Fontes: o próprio texto bíblico · Ephraim · Manasseh (son of Joseph)
  • Jacó recorda que Deus Todo-Poderoso lhe apareceu em Luz, na terra de Canaã, e ali o abençoou. Luz era o nome antigo de uma cidade real cananeia perto de Betel, onde Jacó parou e recebeu uma visão profética. Ele também se lembra de Raquel, mãe de José, que morreu, para sua tristeza, no caminho de volta de Padã — nome que aparece só neste versículo, para designar Padã-Arã — e que ele sepultou à beira da estrada de Efrata, isto é, Belém.Fontes: o próprio texto bíblico · Luz · Paddan · Rachel

Notas escritas com auxílio de IA a partir de fontes abertas (Theographic Bible Metadata, CC BY-SA 4.0; Easton’s Bible Dictionary, domínio público) e revisadas antes de publicar.

Lugares deste capítulo

  • Canaan · 32.767, 35.333 · versículos 3, 4, 7, 21
  • Luz · Hoje: Beitin · 31.923, 35.241 · versículo 3
  • Egypt · 30.129, 31.308 · versículos 5, 9
  • Bethlehem · 31.704, 35.208 · versículo 7
  • Ephrath · Hoje: Bethlehem · 31.704, 35.208 · versículo 7

Só aparecem lugares com identificação de alta confiança (90% ou mais segundo as fontes acadêmicas reunidas pelo OpenBible). Mapa da época: DARE (Digital Atlas of the Roman Empire), CC BY 4.0; mapa atual: © colaboradores do OpenStreetMap; lugares: OpenBible.info (CC BY 4.0).

Créditos e licença desta tradução
Minar Poelayzimayl
Bible portions in the Kala Lagaw language of Torres Strait, Australia
copyright © 2014 Wycliffe Bible Translators
Language: Kala Lagaw (Kala Lagaw Ya)
This translation is made available to you under the terms of the
Creative Commons Attribution-Noncommercial-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not sell this work for a profit.
You do not change any of the words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2021-11-12

Fonte: http://ebible.org/mwp/ · eBible.org

Fale com a gente

Conte de onde você lê, como a Bíblia tem te ajudado ou o que podemos melhorar. Lemos todas as mensagens.