Génesis 48
Minar Poelayzimayl · Toca un versículo para ver sus referencias cruzadas.
Yakubu woenab poeybadhin Epreymaw Manasew mulipa
1War thonara nanga nuydh Yoewsepa karngemidhin kedha nungu thathiw kikir mina koeyza. Nuydh nungu ukasar garkaz kazi mamoemoedhin, Manase a Epreym. Kalanu thana Yakubulpa imaypa memayidhin. 2Nuydh nanga Yakubu gasamoedhin kedha Yoewsepa nungu garkaz kazi ngapa nubepa imaypa, Yakubu moegawn garpathamoeydhin uthuy lagoenu nungu igi niyaypa.
3Yakubu kedha mulaydhin Yoewsepalpa, ‘Awgadh, adhapudhay woenabal poerapoeral Awgadh, ngayapa yakamaydhin goegath nel Luz Kanananu, a nuydh ngayapa woenab poeybadhin, 4a kedha woenabal yangukudu guythuyadhin ngayapa, “Ngath bangal ngibepa koeyma kazil mamayine, thana bangal nginu kaziw kazil wara koey goegath lag bangal. Ngath kay ngibepa nubi boeradhar maypa nginu kaziw kazipa thanamun za pamoeygoepa.” ’
5Wa, lak Yakubu Yoewsepalpa kedha, ‘Sepal nginu ukasar garkaz kazi Aykupithunu ngawal na kazi mamoemoedhin, ngay wagel kay koepa ngapa miyaydhin, sepal ngaw kazi matha kedha, Rewbenaw Simiyonaw midh nanga. 6Nginu bangal nanga dhuray kazil nanga thana bangal ngaw kazil lawnga, thanamun aykuyk ngawngu lawnga, thana bangal mura zapul gasamipu Epelemaw Manasew mulingu nginu ukasar kazingu. 7Ngath kedha zoenguz kedha aympa nginu apu Reysoel. Ngaw koerkak badh mina koeyza nadh Kanananu muwasidhin Eprathapa amadhan, ngoey nanga Mesopoetaymiyangu. Ngath nan sina moerama thayadhin Eprathapa yabugudanu pasinu.’
Yakubu nuydh Yoewsepan kazi imamoedhin
8Nuydh na Yakubu Yoewsepan kazi imamoedhin, nuy yapupoeybaydhin kedha, ‘Ipal ngawal?’
9Yoewsepa kedha, ‘Sepal ngaw garkaz kazi Awgadhan ngawal ngayapa Aykupithunu mamamoedhin nanga.’
Yakubu kedha, ‘Ngapa ngayapa palay mamamoeriw nakay ngath palamulpa woenab poeybaypa.’
10Yakubu zapul moegina yawaymoeypu minguz kedha nuy mina kay thathi nubepa matha ngoedhagidh lawnga balbayginga imaypa. Yoewsepa kalanu palay Yakubulpa mamamoedhin, nuy Yakubu palay gudthapaman. 11Yakubu kedha Yoewsepalpa, ‘Kazi, ina waza kulay koey koerkak badhalnga; ngayapa kedha, ngath nginu paru lak imayginga. Kayib nanga matha nginu paru lawnga. Awgadhaw sib wanan ngayapa kedha, ngath nginu kaziw paru imamoemoenu.’ 12Palay garkaz palamun popuya pasinu kaday siyamar, kalanu Yoewsepa palay adhapa maman a kuyk patidan apasin Yakubulpa, paru boeradhoerapa mulupa.
13Nuydh Yoewsepa ngapa yoelpamoedhin nungu ukasar kazi palamun maykuykuya. Wa, kuykuyg waza Manase Yakubun getha doegamoenu, a kuthayg Epelema boedha doegamoenu. Kasa kay kedha Yakubu nungu geth wardh wanamoedhin; kuthaygiya nungu gethadoegam geth kuykunu a kuykuygiya boedhadoegam geth kuykunu wanamoedhin.
Kalanu Yakubu woenab poeybadhin Yoewsepalpa a kazipa nungu
15Kalanu nuydh Yakubu Yoewsepalpa woenab poeybadhin kedha,
‘Abraman a Isakan Awgadh ngi palamun thawmayzi Awgadh,
woenab poeybaw palbi kazipa!
Awgadh, ngoena ngadh nubi goeygipa gethiya yoelpadhin
woenab poeybaw palamulpa.
16Angela, ngoena ngadh nanga mura wati mathamayl zoenguz
gudaz puydhadhin woenab poeybaw palamulpa.
Lak bangal ngaw nel a ngaw thathiw nel,
Abraman a Isakan ngaru bal pawpa gethawoeyaypu palay.
A lak bangal palay koeyma kazilayg
a palamun kaziw kazil.’
17Yoewsepa nanga imadhin kedha nungu thathiw getha doegam geth Epelemaniya kuykunu, nuy ubigasidhin. Nuydh nungu thathiw geth adhapa moeypa madhin Manasen kuykupa. 18Nuy Yakubulpa kedha, ‘Bab kedha lawnga, senaw kuykuyg kazi nungu kuykunu nginu getha doegam geth wanar.’
19Nungu thathi ubigasidhin kedha mulaydhin, ‘Ngaw kazi, ngay ngulayg. Manasen kaziw kazil bangal koey garsar, kasa kay kedha nungu kuthaygaw bangal lak koeyma Manaseniya, nungu kaziw kazil bangal wara koey goegath.’ 20Yakubu woenab poeybadhin palamulpa senabi goeyginu, a kedha mulaydhin, ‘Isoereylaw buway bangal ngipel nel tharempu thana bangal na woenabaw ya umamoeypu kedha, “Awgadhan bangal ngithamulpa lak koey woenab poeybane kedha, Epelema Manasew midh nanga.” ’ Wa, nuydh Isoereyl kedha kuniya aymoedhin, nuydh kuthayg kulay madhin; Eplema kulay Manase wagel.
21Kalanu Yakubu Yoewsepalpa kedha mulaydhin, ‘Ngidh ngoena iman, ngaw um mina amadhan, kasa Awgadh bangal ngibiya kalmel a ngin bangal lak kuniya manine nginu thathiw thathiw lagoepa. 22Sena ngibepa, nginu tukuypal lawnga ngath madhin Sekoem, koey ayde lag ngath madhin Amoraythalgoengu ngaw kuyay thurikan a gagay thayakan.’

¿Sabías que…?
Adopción y bendición de Efraín y Manasés
- Jacob cuenta como suyos a los dos hijos de José, nacidos en Egipto, al mismo nivel que Rubén y Simeón, hijos de Lea. Los hijos que le nacieran a José después de ellos seguirían siendo de José y llevarían el nombre de sus hermanos en el territorio que heredaran.Fuentes: el propio texto bíblico · Manasseh (son of Joseph) · Reuben · Simeon
- Manasés era el hijo mayor y Efraín el menor, nacido en Egipto. El nombre Efraín significa doble fecundidad, porque Dios lo había hecho fecundo en la tierra de su aflicción. Aunque Israel apenas podía ver por la edad, cruzó las manos, puso la derecha sobre Efraín e insistió en que el hermano menor sería mayor.Fuentes: el propio texto bíblico · Ephraim · Manasseh (son of Joseph)
- Jacob recuerda que Dios Todopoderoso se le apareció en Luz, en la tierra de Canaán, y allí lo bendijo. Luz era el nombre antiguo de una ciudad real cananea cerca de Betel, donde Jacob se detuvo y recibió una visión profética. También recuerda a Raquel, madre de José, que murió, para su tristeza, al volver de Padán —nombre que aparece solo en este versículo, para designar Padán-aram— y a quien sepultó junto al camino de Efrata, es decir, Belén.Fuentes: el propio texto bíblico · Luz · Paddan · Rachel
Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.
Lugares de este capítulo
- Canaan · 32.767, 35.333 · versículos 3, 4, 7, 21
- Luz · Hoy: Beitin · 31.923, 35.241 · versículo 3
- Egypt · 30.129, 31.308 · versículos 5, 9
- Bethlehem · 31.704, 35.208 · versículo 7
- Ephrath · Hoy: Bethlehem · 31.704, 35.208 · versículo 7
Solo aparecen lugares identificados con alta confianza (90 % o más según las fuentes académicas reunidas por OpenBible). Mapa de la época: DARE (Digital Atlas of the Roman Empire), CC BY 4.0; mapa actual: © colaboradores de OpenStreetMap; lugares: OpenBible.info (CC BY 4.0).
Créditos y licencia de esta traducción
Minar Poelayzimayl Bible portions in the Kala Lagaw language of Torres Strait, Australia copyright © 2014 Wycliffe Bible Translators Language: Kala Lagaw (Kala Lagaw Ya) This translation is made available to you under the terms of the Creative Commons Attribution-Noncommercial-No Derivatives license 4.0. You may share and redistribute this Bible translation or extracts from it in any format, provided that: You include the above copyright and source information. You do not sell this work for a profit. You do not change any of the words or punctuation of the Scriptures. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. 2021-11-12
Fuente: http://ebible.org/mwp/ · eBible.org