Nations Bible

Genesis 48

Minar Poelayzimayl · Tap a verse to see its cross-references.

Yakubu woenab poeybadhin Epreymaw Manasew mulipa

1War thonara nanga nuydh Yoewsepa karngemidhin kedha nungu thathiw kikir mina koeyza. Nuydh nungu ukasar garkaz kazi mamoemoedhin, Manase a Epreym. Kalanu thana Yakubulpa imaypa memayidhin. 2Nuydh nanga Yakubu gasamoedhin kedha Yoewsepa nungu garkaz kazi ngapa nubepa imaypa, Yakubu moegawn garpathamoeydhin uthuy lagoenu nungu igi niyaypa.

3Yakubu kedha mulaydhin Yoewsepalpa, ‘Awgadh, adhapudhay woenabal poerapoeral Awgadh, ngayapa yakamaydhin goegath nel Luz Kanananu, a nuydh ngayapa woenab poeybadhin, 4a kedha woenabal yangukudu guythuyadhin ngayapa, “Ngath bangal ngibepa koeyma kazil mamayine, thana bangal nginu kaziw kazil wara koey goegath lag bangal. Ngath kay ngibepa nubi boeradhar maypa nginu kaziw kazipa thanamun za pamoeygoepa.” ’

5Wa, lak Yakubu Yoewsepalpa kedha, ‘Sepal nginu ukasar garkaz kazi Aykupithunu ngawal na kazi mamoemoedhin, ngay wagel kay koepa ngapa miyaydhin, sepal ngaw kazi matha kedha, Rewbenaw Simiyonaw midh nanga. 6Nginu bangal nanga dhuray kazil nanga thana bangal ngaw kazil lawnga, thanamun aykuyk ngawngu lawnga, thana bangal mura zapul gasamipu Epelemaw Manasew mulingu nginu ukasar kazingu. 7Ngath kedha zoenguz kedha aympa nginu apu Reysoel. Ngaw koerkak badh mina koeyza nadh Kanananu muwasidhin Eprathapa amadhan, ngoey nanga Mesopoetaymiyangu. Ngath nan sina moerama thayadhin Eprathapa yabugudanu pasinu.’

Yakubu nuydh Yoewsepan kazi imamoedhin

8Nuydh na Yakubu Yoewsepan kazi imamoedhin, nuy yapupoeybaydhin kedha, ‘Ipal ngawal?’

9Yoewsepa kedha, ‘Sepal ngaw garkaz kazi Awgadhan ngawal ngayapa Aykupithunu mamamoedhin nanga.’

Yakubu kedha, ‘Ngapa ngayapa palay mamamoeriw nakay ngath palamulpa woenab poeybaypa.’

10Yakubu zapul moegina yawaymoeypu minguz kedha nuy mina kay thathi nubepa matha ngoedhagidh lawnga balbayginga imaypa. Yoewsepa kalanu palay Yakubulpa mamamoedhin, nuy Yakubu palay gudthapaman. 11Yakubu kedha Yoewsepalpa, ‘Kazi, ina waza kulay koey koerkak badhalnga; ngayapa kedha, ngath nginu paru lak imayginga. Kayib nanga matha nginu paru lawnga. Awgadhaw sib wanan ngayapa kedha, ngath nginu kaziw paru imamoemoenu.’ 12Palay garkaz palamun popuya pasinu kaday siyamar, kalanu Yoewsepa palay adhapa maman a kuyk patidan apasin Yakubulpa, paru boeradhoerapa mulupa.

13Nuydh Yoewsepa ngapa yoelpamoedhin nungu ukasar kazi palamun maykuykuya. Wa, kuykuyg waza Manase Yakubun getha doegamoenu, a kuthayg Epelema boedha doegamoenu. Kasa kay kedha Yakubu nungu geth wardh wanamoedhin; kuthaygiya nungu gethadoegam geth kuykunu a kuykuygiya boedhadoegam geth kuykunu wanamoedhin.

Kalanu Yakubu woenab poeybadhin Yoewsepalpa a kazipa nungu

15Kalanu nuydh Yakubu Yoewsepalpa woenab poeybadhin kedha,

‘Abraman a Isakan Awgadh ngi palamun thawmayzi Awgadh,

woenab poeybaw palbi kazipa!

Awgadh, ngoena ngadh nubi goeygipa gethiya yoelpadhin

woenab poeybaw palamulpa.

16Angela, ngoena ngadh nanga mura wati mathamayl zoenguz

gudaz puydhadhin woenab poeybaw palamulpa.

Lak bangal ngaw nel a ngaw thathiw nel,

Abraman a Isakan ngaru bal pawpa gethawoeyaypu palay.

A lak bangal palay koeyma kazilayg

a palamun kaziw kazil.’

17Yoewsepa nanga imadhin kedha nungu thathiw getha doegam geth Epelemaniya kuykunu, nuy ubigasidhin. Nuydh nungu thathiw geth adhapa moeypa madhin Manasen kuykupa. 18Nuy Yakubulpa kedha, ‘Bab kedha lawnga, senaw kuykuyg kazi nungu kuykunu nginu getha doegam geth wanar.’

19Nungu thathi ubigasidhin kedha mulaydhin, ‘Ngaw kazi, ngay ngulayg. Manasen kaziw kazil bangal koey garsar, kasa kay kedha nungu kuthaygaw bangal lak koeyma Manaseniya, nungu kaziw kazil bangal wara koey goegath.’ 20Yakubu woenab poeybadhin palamulpa senabi goeyginu, a kedha mulaydhin, ‘Isoereylaw buway bangal ngipel nel tharempu thana bangal na woenabaw ya umamoeypu kedha, “Awgadhan bangal ngithamulpa lak koey woenab poeybane kedha, Epelema Manasew midh nanga.” ’ Wa, nuydh Isoereyl kedha kuniya aymoedhin, nuydh kuthayg kulay madhin; Eplema kulay Manase wagel.

21Kalanu Yakubu Yoewsepalpa kedha mulaydhin, ‘Ngidh ngoena iman, ngaw um mina amadhan, kasa Awgadh bangal ngibiya kalmel a ngin bangal lak kuniya manine nginu thathiw thathiw lagoepa. 22Sena ngibepa, nginu tukuypal lawnga ngath madhin Sekoem, koey ayde lag ngath madhin Amoraythalgoengu ngaw kuyay thurikan a gagay thayakan.’

Artistic illustration — an interpretation, not a historical record.

Did you know?

Adoption and Blessing of Ephraim and Manasseh

  • Jacob reckons Joseph’s two sons, born to him in Egypt, as his own, on a level with Reuben and Simeon, Leah’s sons. Children born to Joseph after them were to remain Joseph’s, and were to be called by their brothers’ names in the territory they inherited.Sources: the Bible text itself · Manasseh (son of Joseph) · Reuben · Simeon
  • Manasseh was the elder son and Ephraim the younger, born in Egypt. The name Ephraim means double fruitfulness, because God had made him fruitful in the land of his affliction. Though Israel could hardly see for age, he crossed his hands, laid his right hand on Ephraim, and insisted that the younger brother would be greater.Sources: the Bible text itself · Ephraim · Manasseh (son of Joseph)
  • Jacob recalls that God Almighty appeared to him at Luz in the land of Canaan and blessed him there. Luz was the ancient name of a royal Canaanite city near Bethel, where Jacob halted and received a prophetic vision. He also remembers Rachel, Joseph’s mother, who died to his sorrow on the way back from Paddan—a name found only in this verse, for Padan-aram—and whom he buried beside the road to Ephrath, that is, Bethlehem.Sources: the Bible text itself · Luz · Paddan · Rachel

Notes written with AI assistance from open sources (Theographic Bible Metadata, CC BY-SA 4.0; Easton’s Bible Dictionary, public domain) and reviewed before publishing.

Places in this chapter

  • Canaan · 32.767, 35.333 · verses 3, 4, 7, 21
  • Luz · Today: Beitin · 31.923, 35.241 · verse 3
  • Egypt · 30.129, 31.308 · verses 5, 9
  • Bethlehem · 31.704, 35.208 · verse 7
  • Ephrath · Today: Bethlehem · 31.704, 35.208 · verse 7

Only places identified with high confidence are shown (90% or more according to the scholarly sources compiled by OpenBible). Period map: DARE (Digital Atlas of the Roman Empire), CC BY 4.0; modern map: © OpenStreetMap contributors; places: OpenBible.info (CC BY 4.0).

Credits and license for this translation
Minar Poelayzimayl
Bible portions in the Kala Lagaw language of Torres Strait, Australia
copyright © 2014 Wycliffe Bible Translators
Language: Kala Lagaw (Kala Lagaw Ya)
This translation is made available to you under the terms of the
Creative Commons Attribution-Noncommercial-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not sell this work for a profit.
You do not change any of the words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2021-11-12

Source: http://ebible.org/mwp/ · eBible.org

Talk to us

Tell us where you read from, how the Bible has helped you, or what we could improve. We read every message.