Nations Bible

Gênesis 9

Cishingini Agwara Kambari [asg] · Toque num versículo para ver as referências cruzadas.

Uzuwakpani u Ka̱shile n Nufu

1Ɗa Ka̱shile ka zuwakai Nufu m muku mo olobo n ni una̱singai. Ɗa u danai le, <<Matsai ka̱ta̱ i yimkpa, i shatangu iɗika. 2Nnama ra̱ka̱ ali n aza a na i o kurono a̱tsuma̱ a iɗika, nu nnu n adan i ta̱ o kuyongo a kupana wovon u nu. Ra̱ka̱ vi le a zuwa le ta̱ a ɗaka vi idasakpatsu i nu. 3Ili i na yi n wuma ɗa yi a̱ kuzumgba̱ dem yi ta̱ o kokpo ilikulyaꞋa i nu. Uteku u na n nekei nu yutishi, gogo na n neke wu ta̱ ili dem.

4<<Ama ka̱ta̱ i takuma ili i na i kuwa̱i nu mpasa n ni babu ukiɗi ba. 5Nu mpasa n nu n ɗa a kutsupaka vuza na vu lolotongi mpasa n ni. Mi ta̱ feu a kuna manama dem ma na mu unai vuma. Mi ta̱ feu a kuna vuma na wu unai toku vi ni vuma.

6Vuza na baci u lolotongi mpasa n vuma,

vuma ɗa feu u kulolotongu mpasa n vuma vu nanlo,

adama a na Ka̱shile ka yaꞋan ta̱ vuma

n iyoci i ni.

7A̱ɗa̱ tamkpamu matsai ka̱ta̱ i yimkpa n a̱bunda̱i, i yaꞋan a̱bunda̱i a iɗika ka̱ta̱ i shatangu i ɗa.>>

8Ka̱shile ka danai Nufu n olobo a̱ ni, 9<<Mpa gogo na n yaꞋan ta̱ uzuwakpani n a̱ɗa̱ koɓolo nu ntsukaya n na n kuta̱wa̱ ka̱ca̱pa̱ ka̱ a̱ɗa̱ 10koɓolo n ili i wuma ra̱ka̱ i na yi n avu, nu nnu ra̱ka̱ nu nnama m kpaꞋa koɓolo n kakamba ra̱ka̱, ili ra̱ka̱ i na yu uta̱i a kpantsu ka koɓolo n avu. 11Gogo na, n zuwa ta̱ uzuwakpani u va̱ n a̱ɗa̱, mi o kudoku ma kuna ili i wuma dem m mini ba. Mini kpamu mi o kudoku ma lyaꞋa aduniyan ba.>>

12Ɗa Ka̱shile ka danai, <<Na va ɗaɗa urotu wu uzuwakpani u na n kuyaꞋan n a̱ɗa̱, koɓolo n ili i wuma dem i na yi n avu. Uzuwakpani wa kpamu u kutono ta̱ ntsukaya n na n kuta̱wa̱ dem. 13N zuwa ta̱ vukambu vu va̱ gaɗi a̱ ubuta̱ we eleshu. Ɗa u kokpo urotu wu uzuwakpani u va̱ n aduniyan. 14Ayin a na baci de dem mu uta̱ka̱i n eleshu a uguyi ɗa vukambu vu uta̱i punu e eleshu a, 15mi ta̱ a kuciɓa n uzuwakpani u na n yaꞋin n a̱ɗa̱ koɓolo n ili i wuma ra̱ka̱ kakau. Mini mo kudoku kpamu ma kuna wuma ra̱ka̱ nannai ba. 16Me ene baci vukamba vu uta̱i punu e eleshu, mi ta̱ e kene ka̱ta̱ n ciɓa uzuwakpani wu babu uteku u Ka̱shile n ili i wuma kakau dem punu na a iɗika.>>

17Ɗa Ka̱shile ka danai Nufu, <<Na ɗa urotu wu uzuwakpani u na n yaꞋin n ili i wuma ra̱ka̱ punu na a iɗika.>>

Muku n Nufu

18Muku n Nufu n na mu uta̱i punu a kpantsu ka ele ɗa Shem, Ham n Jafe. (Ham a̱yi ɗa esheku a KanaꞋana.) 19Ele na ɗa muku n tatsu n Nufu, e le ɗa okpoi uma a na a wacuwai a iɗika dem.

20Nufu kacimbi, a̱yi ɗa u gita̱i kuyaꞋan kashina ki itacishi yi nɗanga n na n tsu matsa tsa̱ a̱ɗimbi. 21Ana u soꞋi ma̱ra̱ ma nɗanga n kashina n ni n yoku, ɗa ma makai ni ɗa u vaki koshomboɗi a̱ ka̱va̱li ka̱ ni. 22Ham, esheku a KanaꞋana, we enei ciyampa ce esheku e le ɗa u danai aza a̱ ni e re a na a buwai va ele ɗe pulai. 23Ama Shem n Jafe a ɗikai ogbodo ɗa a̱ ɓa̱na̱i a ɗa a lazakai avangatsu e le; ɗa a walai n kucina̱ sai a̱ ubuta̱ u na esheku e le i ɗa a palai ni na ɗa. A kpatalai a̱shi e le adama a na ka̱ta̱ e ene ciyampa ce esheku e le ba.

24Ayin a na Nufu u jimgbai a̱ ka̱tsuma̱ ko kusoꞋo ka̱ ni, ɗa u yevei ili i na maku ma ukocishi ma̱ ni ma yaꞋankai ni, 25ɗa u danai,

<<Una̱ u tono KanaꞋana!

Sai wo okpo kagbashi

ku ukocishi wa̱ aza a̱ ni.>>

26U danai kpamu,

<<Una̱singai u ɗa u Vuzavaguɗu, Ka̱shile ke Shem!

YaꞋan KanaꞋana wo okpo kagbashi ke Shem.

27YaꞋan Ka̱shile ko doku Jafe ekiye a kuyaꞋan a iɗika i ni n uma punu,

yaꞋan Jafe u yongo a̱ a̱va̱li e Shem,

yaꞋan KanaꞋana wo okpo kagbashi ka̱ ni.>>

28Ana mini mo kotsoi, ɗa Nufu u doku u yaꞋin a̱ya̱ amangatawantatsu n amangerenkupa (350). 29A̱ya̱ a na Nufu u yaꞋin aduniyan a ɗaɗa amangatawunkuci n amangerenkupa (950), ɗa u kuwa̱i.

Ilustração artística — interpretação, não registro histórico.

Você sabia?

A aliança de Noé e as palavras sobre seus filhos

  • Deus faz uma aliança com Noé, com os seus descendentes e com todo ser vivo que saiu da arca, prometendo que um dilúvio nunca mais destruirá toda a vida. O sinal é o arco-íris posto nas nuvens, para todas as gerações. Uma cronologia data essa aliança em 2346 a.C.Fontes: o próprio texto bíblico · God makes a covenant with Noah
  • Gênesis 9 diz que toda a terra foi povoada a partir de Sem, Cam e Jafé. Sem é explicado como 'nome' ou 'renome', provavelmente o mais velho e antepassado dos israelitas, embora Jafé também seja descrito como talvez o primeiro a nascer. Jafé significa 'que se espalha amplamente', um jogo com o hebraico 'Deus engrandecerá a Jafé', e é ligado a muitas tribos do leste da Europa e do norte da Ásia; Cam, que significa 'morno' ou 'quente', e daí o sul, é chamado o filho mais novo de Noé.Fontes: o próprio texto bíblico · Shem · Japheth · Ham
  • Noé, homem da terra, planta uma vinha, bebe o vinho e fica descoberto na sua tenda. Sem e Jafé o cobrem caminhando de costas, com os rostos virados, ato que um dicionário chama de piedade filial e ocasião da profecia de que os descendentes de Jafé se espalhariam. A maldição é pronunciada contra Canaã, o quarto filho de Cam, por causa do que o pai havia feito; uma cronologia data o episódio em 2345 a.C.Fontes: o próprio texto bíblico · Japheth · Canaan · Noah gets drunk and Canaan is cursed

Notas escritas com auxílio de IA a partir de fontes abertas (Theographic Bible Metadata, CC BY-SA 4.0; Easton’s Bible Dictionary, domínio público) e revisadas antes de publicar.

Créditos e licença desta tradução
Cishingini Agwara Kambari [asg]
Cishingini: Cishingini Agwara Kambari [asg] (Bible)
copyright © 2025 Language Development and Translation Initiative (LDTI)
Language: (Cishingini)
Contributor: The Seed Company
This translation is made available to you under the terms of the
Creative Commons Attribution Share-Alike license 4.0.
You have permission to share and redistribute this Bible translation in any format and to make reasonable revisions and adaptations of this translation, provided that:
You include the above copyright and source information.
If you make any changes to the text, you must indicate that you did so in a way that makes it clear that the original licensor is not necessarily endorsing your changes.
If you redistribute this text, you must distribute your contributions under the same license as the original.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
Note that in addition to the rules above, revising and adapting God's Word involves a great responsibility to be true to God's Word. See Revelation 22:18-19.
2025-07-09

Fonte: http://ebible.org/asg/ · eBible.org

Fale com a gente

Conte de onde você lê, como a Bíblia tem te ajudado ou o que podemos melhorar. Lemos todas as mensagens.