Nations Bible

Génesis 9

Cishingini Agwara Kambari [asg] · Toca un versículo para ver sus referencias cruzadas.

Uzuwakpani u Ka̱shile n Nufu

1Ɗa Ka̱shile ka zuwakai Nufu m muku mo olobo n ni una̱singai. Ɗa u danai le, <<Matsai ka̱ta̱ i yimkpa, i shatangu iɗika. 2Nnama ra̱ka̱ ali n aza a na i o kurono a̱tsuma̱ a iɗika, nu nnu n adan i ta̱ o kuyongo a kupana wovon u nu. Ra̱ka̱ vi le a zuwa le ta̱ a ɗaka vi idasakpatsu i nu. 3Ili i na yi n wuma ɗa yi a̱ kuzumgba̱ dem yi ta̱ o kokpo ilikulyaꞋa i nu. Uteku u na n nekei nu yutishi, gogo na n neke wu ta̱ ili dem.

4<<Ama ka̱ta̱ i takuma ili i na i kuwa̱i nu mpasa n ni babu ukiɗi ba. 5Nu mpasa n nu n ɗa a kutsupaka vuza na vu lolotongi mpasa n ni. Mi ta̱ feu a kuna manama dem ma na mu unai vuma. Mi ta̱ feu a kuna vuma na wu unai toku vi ni vuma.

6Vuza na baci u lolotongi mpasa n vuma,

vuma ɗa feu u kulolotongu mpasa n vuma vu nanlo,

adama a na Ka̱shile ka yaꞋan ta̱ vuma

n iyoci i ni.

7A̱ɗa̱ tamkpamu matsai ka̱ta̱ i yimkpa n a̱bunda̱i, i yaꞋan a̱bunda̱i a iɗika ka̱ta̱ i shatangu i ɗa.>>

8Ka̱shile ka danai Nufu n olobo a̱ ni, 9<<Mpa gogo na n yaꞋan ta̱ uzuwakpani n a̱ɗa̱ koɓolo nu ntsukaya n na n kuta̱wa̱ ka̱ca̱pa̱ ka̱ a̱ɗa̱ 10koɓolo n ili i wuma ra̱ka̱ i na yi n avu, nu nnu ra̱ka̱ nu nnama m kpaꞋa koɓolo n kakamba ra̱ka̱, ili ra̱ka̱ i na yu uta̱i a kpantsu ka koɓolo n avu. 11Gogo na, n zuwa ta̱ uzuwakpani u va̱ n a̱ɗa̱, mi o kudoku ma kuna ili i wuma dem m mini ba. Mini kpamu mi o kudoku ma lyaꞋa aduniyan ba.>>

12Ɗa Ka̱shile ka danai, <<Na va ɗaɗa urotu wu uzuwakpani u na n kuyaꞋan n a̱ɗa̱, koɓolo n ili i wuma dem i na yi n avu. Uzuwakpani wa kpamu u kutono ta̱ ntsukaya n na n kuta̱wa̱ dem. 13N zuwa ta̱ vukambu vu va̱ gaɗi a̱ ubuta̱ we eleshu. Ɗa u kokpo urotu wu uzuwakpani u va̱ n aduniyan. 14Ayin a na baci de dem mu uta̱ka̱i n eleshu a uguyi ɗa vukambu vu uta̱i punu e eleshu a, 15mi ta̱ a kuciɓa n uzuwakpani u na n yaꞋin n a̱ɗa̱ koɓolo n ili i wuma ra̱ka̱ kakau. Mini mo kudoku kpamu ma kuna wuma ra̱ka̱ nannai ba. 16Me ene baci vukamba vu uta̱i punu e eleshu, mi ta̱ e kene ka̱ta̱ n ciɓa uzuwakpani wu babu uteku u Ka̱shile n ili i wuma kakau dem punu na a iɗika.>>

17Ɗa Ka̱shile ka danai Nufu, <<Na ɗa urotu wu uzuwakpani u na n yaꞋin n ili i wuma ra̱ka̱ punu na a iɗika.>>

Muku n Nufu

18Muku n Nufu n na mu uta̱i punu a kpantsu ka ele ɗa Shem, Ham n Jafe. (Ham a̱yi ɗa esheku a KanaꞋana.) 19Ele na ɗa muku n tatsu n Nufu, e le ɗa okpoi uma a na a wacuwai a iɗika dem.

20Nufu kacimbi, a̱yi ɗa u gita̱i kuyaꞋan kashina ki itacishi yi nɗanga n na n tsu matsa tsa̱ a̱ɗimbi. 21Ana u soꞋi ma̱ra̱ ma nɗanga n kashina n ni n yoku, ɗa ma makai ni ɗa u vaki koshomboɗi a̱ ka̱va̱li ka̱ ni. 22Ham, esheku a KanaꞋana, we enei ciyampa ce esheku e le ɗa u danai aza a̱ ni e re a na a buwai va ele ɗe pulai. 23Ama Shem n Jafe a ɗikai ogbodo ɗa a̱ ɓa̱na̱i a ɗa a lazakai avangatsu e le; ɗa a walai n kucina̱ sai a̱ ubuta̱ u na esheku e le i ɗa a palai ni na ɗa. A kpatalai a̱shi e le adama a na ka̱ta̱ e ene ciyampa ce esheku e le ba.

24Ayin a na Nufu u jimgbai a̱ ka̱tsuma̱ ko kusoꞋo ka̱ ni, ɗa u yevei ili i na maku ma ukocishi ma̱ ni ma yaꞋankai ni, 25ɗa u danai,

<<Una̱ u tono KanaꞋana!

Sai wo okpo kagbashi

ku ukocishi wa̱ aza a̱ ni.>>

26U danai kpamu,

<<Una̱singai u ɗa u Vuzavaguɗu, Ka̱shile ke Shem!

YaꞋan KanaꞋana wo okpo kagbashi ke Shem.

27YaꞋan Ka̱shile ko doku Jafe ekiye a kuyaꞋan a iɗika i ni n uma punu,

yaꞋan Jafe u yongo a̱ a̱va̱li e Shem,

yaꞋan KanaꞋana wo okpo kagbashi ka̱ ni.>>

28Ana mini mo kotsoi, ɗa Nufu u doku u yaꞋin a̱ya̱ amangatawantatsu n amangerenkupa (350). 29A̱ya̱ a na Nufu u yaꞋin aduniyan a ɗaɗa amangatawunkuci n amangerenkupa (950), ɗa u kuwa̱i.

Ilustración artística: una interpretación, no un registro histórico.

¿Sabías que…?

El pacto de Noé y las palabras sobre sus hijos

  • Dios establece un pacto con Noé, con sus descendientes y con todo ser vivo que salió del arca, prometiendo que un diluvio no volverá a destruir toda vida. La señal es el arcoíris puesto en las nubes, para todas las generaciones. Una cronología fecha este pacto en 2346 a.C.Fuentes: el propio texto bíblico · God makes a covenant with Noah
  • Génesis 9 dice que toda la tierra fue poblada a partir de Sem, Cam y Jafet. Sem se explica como 'nombre' o 'renombre', probablemente el mayor y antepasado de los israelitas, aunque Jafet también se describe como quizás el primero en nacer. Jafet significa 'el que se extiende ampliamente', un juego con el hebreo 'Dios engrandecerá a Jafet', y se lo vincula con muchas tribus del este de Europa y del norte de Asia; Cam, que significa 'cálido' o 'caliente', y de ahí el sur, es llamado el hijo menor de Noé.Fuentes: el propio texto bíblico · Shem · Japheth · Ham
  • Noé, hombre de la tierra, planta una viña, bebe el vino y queda descubierto en su tienda. Sem y Jafet lo cubren caminando hacia atrás, con los rostros vueltos, acto que un diccionario llama piedad filial y ocasión de la profecía de que los descendientes de Jafet se extenderían. La maldición se pronuncia contra Canaán, el cuarto hijo de Cam, a causa de lo que su padre había hecho; una cronología fecha el episodio en 2345 a.C.Fuentes: el propio texto bíblico · Japheth · Canaan · Noah gets drunk and Canaan is cursed

Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.

Créditos y licencia de esta traducción
Cishingini Agwara Kambari [asg]
Cishingini: Cishingini Agwara Kambari [asg] (Bible)
copyright © 2025 Language Development and Translation Initiative (LDTI)
Language: (Cishingini)
Contributor: The Seed Company
This translation is made available to you under the terms of the
Creative Commons Attribution Share-Alike license 4.0.
You have permission to share and redistribute this Bible translation in any format and to make reasonable revisions and adaptations of this translation, provided that:
You include the above copyright and source information.
If you make any changes to the text, you must indicate that you did so in a way that makes it clear that the original licensor is not necessarily endorsing your changes.
If you redistribute this text, you must distribute your contributions under the same license as the original.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
Note that in addition to the rules above, revising and adapting God's Word involves a great responsibility to be true to God's Word. See Revelation 22:18-19.
2025-07-09

Fuente: http://ebible.org/asg/ · eBible.org

Habla con nosotros

Cuéntanos desde dónde lees, cómo te ha ayudado la Biblia o qué podemos mejorar. Leemos todos los mensajes.