Génesis 9
Buki Tabu Beyabeyana · Toca un versículo para ver sus referencias cruzadas.
1Kabo Yaubada Nowa yo natunao iwalo-muloloili iwaloba, “Kwadebalala yo kwabaibaiwa na yanuwa yaulina kwaloyakalapowon. 2Yakayakan meuloili, siya silolokeikeile yo siya sievaeva yo siya sinenenene yo iye meuloili kalita mena simatausagimiu mwa yapeili ami loina koina kwaloinayagili. 3Ginauli meuloili meyawasili kolili wakekan. Sauga bagubagunana koina kawasi patuli yo mayau liguliyao yaeliwa kamiu, na sauga bwaite ginauli meuloina yaeyawa kolimiu kekan kaiwena. 4Na buluma kwasikwasinena tabu ukwakan, kaiwena yawasi imiyamiya kwasinene koina. Kaiwena kwasinene meyawasina kabo yayakasisi-yan. 5Na tem yakayakan yabo tomo yabo kwasinena iyadidi yo yawasina imwawasi, kani maisana ilobai. Besiele tem tomo yabo kanakava kwasinena iyadidi yo yawasina imwawasi kani maisana ilobai. 6Tem tomo yabo kanakava yawasina ikele-gabaen, kani tomone tounuyamatene siunuyamate kaiwena yau Yaubada tomone yayamayale yaboma makamakayaugu koina. 7Na sowasowana kwadebalala yo kwabaibaiwa na ami boda ilalaki yanuwa yaulina mena.”
8Kabo Yaubada iwalo Nowa me natunao kolili iwaloba, 9“Sauga bwaite koina kelabilabin kamwasana kani yaginauli kolimiu yo kabo muli mena tubumiyao kolili tabe, 10yo yamayamayale meuloili siya meyawasili kolili, man siya sievaeva, yakayakan siya silolokeikeile yo siya mekamikavao kwayawatagilima waga mena. 11Kabo yawaloyameli kolimiu kani nige sauga yabo yawawalo yoi yalubwasi iyayawatagili yoi yo kani nige sowasowana yakayakan meuloili yaunuiyoili nige tabe yalubwasi yanuwa yaulina isisibayanae yoi. 12Kani yau gilo yapei yaloyaloi kolili kabo iyamala kelabilabin kamwasana kana kilakilala. Kani yapaisowai kolimiu yo yamayamayale meyawasili meuloili kolili sauga ilalaoma kaiwena. 14Saugana tem yaloyaloi siyawatagili kewa mena yo tabe gilo wagitai, 15kabo yagu kelabilabin kamwasana yanuwatu-kalatan bwaite yaginauli kolimiu yo yamayamayale meuloili meyawasili kolili yo kani nige yalubwasi idodoga yoi yo ginauli meuloina isisibayanae yoi. Saugana tem gilo yagitai yaloyaloi kolili kabo yanuwatu-kalatan kelabilabin kamwasanane miyamiya yaina.” 17Na Yaubada iwalo Nowa koina bwaite besiele iba, “Gilo iya kelabilabin kamwasana kana kilakilala yapaisowai kolimiu yo yamayamayale meuloili kolili.”
Nowa oine koina inuma yauyaule
18Nowa natunao siya siyawatagilima waga mena esaliyao bwaite, Semi, Ami yo Yapeta. Na Ami iya Kenani tamana. 19Tomo yanuwa yaulina meuloili situbumaya Nowa natunao yoli yaiyonane kolili. 20Nowa iya topaisowa bagubaguna molosina, oine kana tano ipaisowai yo ikumai. 21Sauga yabo koina Nowa oine koina inuma kabaleya mwa ikeno kowakowa ana palai kalona mena. 22Kenani tamana Ami ilusae tamana ana keno kowakowa igitai mwa iyawatagili iyawasa kanakavao labui kolili. 23Kabo Semi yo Yapeta kaleko yabo tabatabana sikalai silusae gamwa mena isu labui koina sikabi-kalatan kabo me ali yakasisi dagelalali silaulau-wan silau tamali salina mena kabo kaleko koina siyakaboboi yo manli sipei-suwalan yakato tabu tamali ana kowakowa sigigitai. 24Na sauganane oine ana kaiwe imwawasi yo Nowa itolo kabo wasa ibenalan natuna Ami ana paisowa kaiwena. 25Kabo iba, “Sauga bwaite Kenani, iya Ami natuna, kani yakawa-gulai, iya iyamala topaisowa panpanna kanakavao kolili.” 26Yo iwaloyoi tabe iba, “Yaubada yatobalan iya Semi ana Yaubada na Kenani iyamala topaisowa panpanna Semi koina. 27Kabo yakawanoi Yaubada Yapeta ana dedei iyalalaki besiele tabe tubunao yo Semi tubunao simiya-dudulai. Na Kenani iyamala topaisowa panpanna koina.” 28Yalubwasi mulina mena kabo Nowa imiyamiya tabe bolime 350. 29Ana bolime meuloina 950 ilobai kabo iboita.

¿Sabías que…?
El pacto de Noé y las palabras sobre sus hijos
- Dios establece un pacto con Noé, con sus descendientes y con todo ser vivo que salió del arca, prometiendo que un diluvio no volverá a destruir toda vida. La señal es el arcoíris puesto en las nubes, para todas las generaciones. Una cronología fecha este pacto en 2346 a.C.Fuentes: el propio texto bíblico · God makes a covenant with Noah
- Génesis 9 dice que toda la tierra fue poblada a partir de Sem, Cam y Jafet. Sem se explica como 'nombre' o 'renombre', probablemente el mayor y antepasado de los israelitas, aunque Jafet también se describe como quizás el primero en nacer. Jafet significa 'el que se extiende ampliamente', un juego con el hebreo 'Dios engrandecerá a Jafet', y se lo vincula con muchas tribus del este de Europa y del norte de Asia; Cam, que significa 'cálido' o 'caliente', y de ahí el sur, es llamado el hijo menor de Noé.Fuentes: el propio texto bíblico · Shem · Japheth · Ham
- Noé, hombre de la tierra, planta una viña, bebe el vino y queda descubierto en su tienda. Sem y Jafet lo cubren caminando hacia atrás, con los rostros vueltos, acto que un diccionario llama piedad filial y ocasión de la profecía de que los descendientes de Jafet se extenderían. La maldición se pronuncia contra Canaán, el cuarto hijo de Cam, a causa de lo que su padre había hecho; una cronología fecha el episodio en 2345 a.C.Fuentes: el propio texto bíblico · Japheth · Canaan · Noah gets drunk and Canaan is cursed
Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.
Créditos y licencia de esta traducción
Buki Tabu Beyabeyana Portions of the Old Testament in the Tubetube dialect of the Bwanabwana language of Papua New Guinea Hap Olpela Testamen long tokples Tubetube long Niugini copyright © 2019 Wycliffe Switzerland Language: Tubetube (Bwanabwana) (Bwanabwana) Dialect: Tubetube This translation is made available to you under the terms of the Creative Commons Attribution-Noncommercial-No Derivatives license 4.0. You may share and redistribute this Bible translation or extracts from it in any format, provided that: You include the above copyright and source information. You do not sell this work for a profit. You do not change any of the words or punctuation of the Scriptures. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. 2022-08-18
Fuente: http://png.bible/tteo/ · eBible.org