Genesis 6
Waratau Siaga Tatuei mo Vilegi · Tap a verse to see its cross-references.
Tangaloi ram vai na doridori esi.
1Tavohe a tangaloi mo sao lo ure lehe, a maresu vavine ram vora lawera, 2renetui Huqe Mauri ram leo huri ve a vavine netui tangaloi ngere hi rau garea liu, me ngere ram lagi meire, ngere ram vilegi denire haro. 3Siu a Huqe mo veve vena, “Nongu tanumwe vinhe toga tea me tangaloi vin mwaso radu nge vin mate nona rani vin toga higao vudolue avigi ngavulu geirue.” 4Tavohe renetui Huqe Mauri ram vano lobe na maresu vavine neture tangaloi me ram hango maresu lawera, me ngere tangaloi rau huire garagara. Ngere a Tangaloi roroa ira Nevilim. Lolo ureure lo taro hi, siu lo tagugi vage. 5Huqe mo lehi na asiana lalawua nora tangaloi lolo ureure lehe mo vaiana, siu a tangaloi nora ladolado asi hogosie lo taro hi. 6Huqe mo hahagavi huri ngeie u vei na tangaloi lo ureure lehe me a lolona u horo gena romasi. 7A Huqe mo veve vena, “Neu nain hora vohogi na tangaloi hi nau vei lo nagoi ure tangaloi me gangarue, mena gineu hi ram tanga lo ului tano, me gineu doluegi ram olo lo mahava ba huri nam hahagavi huri ba i neu nanau veire.” 8Nge maraga i Huqe leogareagi Noa.
Valuhuri Noa
9Lune hi a valuhuri Noa nge a tangaloi vovohoi tangaloi hateve ram veveginie lo taro hi, me nge mo dige mei Huqe Mauri. 10Noa bamba na maresu mwera gaitolu, Sem, Ham mei Savet. 11Lolo taro nge ngaha ure he vovohoi tea lo nagoi Huqe Mauri me u horo kena vuro. 12Huqe Mauri mo lehi na ure he vovohoi tea huri a tangaloi lo ure doridori ne rau hesi garagara.
Noa mo bulu na akai toavaravara.
13Siu Huqe Mauri mo veve lawe Noa, “Neu nain vei vohogi na gineu mwaso doluegi huri a ureure u horo gena vuro huri hi neu nain vai vohogi nire mena ureure. 14Siu gon vai na nom akai toavaravara gena gai nanara, goin wahe na lologi goin bulu goro na lologi me tavala varea gena gineu bubulugi. 15Goin bulu na akai toavaravara mwere a gwaravugi sugu vudolue vagatolu, lawuagi sugu ngavulu gailime, ulugi sugu ngavulu gaitolu. 16Goin veie vin rovo goin vei na vulugi sugu gategale. Siu vin wawanga goin vei na matai turegigi lo mwararai akai toavaravara lo gai bibile lo lalangagi vuine, lo livugegi me gaitoligi lo ulugi. 17Neu nain vei na waga vin wehi na gineu mwaso doluegi lo vavai taetae. Vataha na gineu mwaso ngere mabuhire lure lolo ureure rain mate. 18Neu nain teu na noku waratau siaga me niko goin vano sulolo akai toavaravara, mei tubui lo valemu, renetumu mwera mei tubui lo valera. 19Goin teu ta lolo akai toavaravara gineu mwaso doluegi mweragi mena vavinegi huri rain mwaso mei go: 20gineu doluegi ram olo gairue mo huri na lalangagi, lalangai gangarue doluegi ngere hi ram gilu lategi lo tano rain vomai lobemu huri goin teure rain mwaso. 21Niko goin lei na lalangai hinaga ngere hi rain geni, me ngere hi rain teu vurugegi Huri go me huri re.” 22Noa u vei na gineu doluegi mwere hi a Huqe Mauri u vevea lawea.

Did you know?
A Corrupt Earth and Noah's Ark
- Noah's Hebrew name means 'rest.' Tradition regards him as the connecting link between the old world and the new, and as the second great progenitor of the human family.Sources: Noah
- Shem, Ham, and Japheth are the three sons named in this chapter. Shem's name means 'a name' or 'renown'; he was probably the eldest and is usually listed first. Ham, the youngest, has a name that means 'warm' or 'hot' and is therefore associated with the south, while Japheth's name means 'wide spreading,' and he, though listed last, may have been the firstborn.Sources: Shem · Ham · Japheth · the Bible text itself
- Noah lived five hundred years, and then Shem, Ham, and Japheth were born to him.Sources: Noah
Notes written with AI assistance from open sources (Theographic Bible Metadata, CC BY-SA 4.0; Easton’s Bible Dictionary, public domain) and reviewed before publishing.
Credits and license for this translation
Waratau Siaga Tatuei mo Vilegi Ambae, East: Waratau Siaga Tatuei mo Vilegi (Old Testament) copyright © 2022 Pioneer Bible Translators Language: Havai (Ambae, East) Contributor: The Seed Company © Pioneer Bible Translators of Dallas, Texas, USA. This translation is made available to you under the terms of the Creative Commons Attribution Share-Alike license 4.0. You have permission to share and redistribute this Bible translation in any format and to make reasonable revisions and adaptations of this translation, provided that: You include the above copyright and source information. If you make any changes to the text, you must indicate that you did so in a way that makes it clear that the original licensor is not necessarily endorsing your changes. If you redistribute this text, you must distribute your contributions under the same license as the original. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. Note that in addition to the rules above, revising and adapting God's Word involves a great responsibility to be true to God's Word. See Revelation 22:18-19. 2025-05-20
Source: http://ebible.org/omb/ · eBible.org