Psalms 147
Y CUATRO EBANGELIO SIJA YAN Y CHECHO Y APOSTOLES YAN Y SALMO SIJA · Tap a verse to see its cross-references.
1FANMANALABA jamyo as Jeova: sa mauleg na utacantaye alabansa sija gui Yuusta; sa magof este; ya y alabansa respetao.
2Si Jeova jumajatsa Jerusalem: ja fandadaña y manmayute juyong guiya Israel.
3Janafanjomlo y manmayulang na corason, ya jabee y chetnotñija.
4Jasangan y numeron y pution sija; jafanaan todo sija ni y naanñija.
5Dangculo y Yuusta, yan matatnga gui ninasiña; tiningoña taeuttimo.
6Si Jeova jumajatsa y manmanso: ya jachule papa y manaelaye gui jilo oda.
7Cantaye si Jeova ni y finatinas grasias; cantaye alabansa sija gui atpa, para y Yuusta.
8Ni y jatatampe y langet ni y mapagages, ya jalilisto y ichan para y tano, ya janafandodoco y chaguan gui jilo ogso sija.
9Güiya numannae y gâgâ sija nañija, yan y fumaguon y aga sija ni y manaagang.
10Güiya ti ninamamagof ni y ninasiñan y cabayo: ni ti ninamamagof güe ni y adeng y taotao.
11Si Jeova ninamamagof güe ni y manmaañao nu güiya, ni y umangoco sija gui minaaseña.
12Alaba si Jeova, O Jerusalem; alaba si Yuusmo, O Sion.
13Sa janafanfitme y rejas y trangcamo: jabendise y famaguonmo gui sumanjalommo.
14Jafatinas pas gui jalom uttimomo, ya ninabula jao ni y guesmauleg na trigo.
15Janajanao y tinagoña gui jilo tano: y sinanganña malalago goschadig.
16Mannae niebe calang pulo: jachalapon y manengjeng na sereno calang apo.
17Jayute y aesña calang andesmorona sija: jaye siña tumojgue gui menan y manengjengña?
18Janajanao y sinanganña, ya jadirite: janafanguaefe y mangloña, ya y janom sija manmilalag.
19Jafanue si Jacob ni y sinanganña, ya y layña sija yan y juisioña sija y Israel.
20Ti jafatinas taegüine gui un nasion: ya y juisioña, sija ti manmatungo sija. Fanmanalaba jamyo as Jeova.
Did you know?
Praise to the Restorer of Jerusalem and Creator
- Psalm 147 celebrates the restoration of Jerusalem, depicting God as the one who gathers the scattered exiles of Israel and strengthens the fortified bars of the city gates. Jerusalem and its hill Zion are addressed as the center where God establishes peace within its borders.Sources: the Bible text itself · Jerusalem · Zion
- The psalm juxtaposes cosmic majesty with gentle compassion. The same Lord who counts and names every star, controls snow, frost, and rushing waters is described as healing the brokenhearted, caring for the humble, and feeding young ravens.Sources: the Bible text itself
- The poem concludes by highlighting the special covenant given to the descendants of Jacob (Israel). While God sends His commands across the whole earth, His specific laws and statutes were uniquely entrusted to Israel.Sources: the Bible text itself · Jacob (Israel)
Notes written with AI assistance from open sources (Theographic Bible Metadata, CC BY-SA 4.0; Easton’s Bible Dictionary, public domain) and reviewed before publishing.
Places in this chapter
Only places identified with high confidence are shown (90% or more according to the scholarly sources compiled by OpenBible). Period map: DARE (Digital Atlas of the Roman Empire), CC BY 4.0; modern map: © OpenStreetMap contributors; places: OpenBible.info (CC BY 4.0).
Credits and license for this translation
Y CUATRO EBANGELIO SIJA YAN Y CHECHO Y APOSTOLES YAN Y SALMO SIJA The four Gospels, Acts, and Psalms in the Chamorro language of Guam and Northern Marianas Islands territories of the United States of America Public Domain Language: Chamorro Translation by: American Bible Society 2015-01-02
Source: http://ebible.org/cha/ · eBible.org