Nations Bible

Gênesis 47

Gapapaiwa New Testament · Toque num versículo para ver as referências cruzadas.

1Josepa inae da Pero ivonei bo, “Aku mamai ma varevaresiku i sipu da i ghamoghamo ma i sawara kudubina rapesiyai iyuna da Keinan dobuna ikuyowei. Ma ipisi da wekarakava ti na Gosen dobunai.” 2Ma Josepa varevaresina ivi miikovi yavata inae da Pero kurina iti maghibeyesi.

3Vaghina ma Pero ivi tarakiiyanesi bo, “Weni marana gurigurina komakamakai na avi bigasi kava koberaberai?”

Ma ivonapotei bo, “Tokai am bigabiga na ghamoghamo kii koyakoyagha nakanani ma akii mami mau.” 4Ma bade ivonei bo, “Tokai kapisi da Egypt dobunai kana makai mara gisina, iyamna Keinan dobunai na gomara irakata ma ibero kirakai. Tuna kubiine akii ghamoghamo na kii vavai kegha. Kainowi kurim da kuni vaghinei da Gosen dobunai kana makai.”

5Ma Pero, Josepa ivonei bo, “Ainuwabiibai da am mamai da varevaresim ipisi kurim. 6Ma Egypt dobuna na kekita bubuni da tano kiimatana keveresi. Gosen dobuna keveresi da ina makai. Ma mikeda kamosiyai kuakovi da wawaya biga bubunisi ina makamakai na keteresi da taku mani aku ghamoghamo ina koyaghisi.”

7Muriyai Josepa ina mamai Jeikap irutini ipisi da Pero ivi maghibeyei. Ma Jeikap, Pero ivi kiikiiwei ma ivi nowi Bada kurina da Pero iti biibiini. 8Ma nani murinai na Pero, Jeikap ivi tarakiiyanei bo, “Kam madegha na viya?”

9Ma Jeikap, Pero ivonei bo, “Aku yawasa kamonai abababa yawara da madegha 130 ikovi. Taku kaku madegha na itupo ma ipiropiro ke nakanani ma aku mamai mau, ti i baba kamonai na kii madegha ine kirakai.” 10Vaghina ma Jeikap, Pero ivi biibiina meyei ma ikuyowei.

11Ma vaghina, Josepa ina mamai da varevaresina Egypt dobunai iteresi. Irutinisi inae da ikikava Pero ivonavonei nununai iberai, tano kiimatanina Ramese ina parata ririnai iveresi, nani dobuna kana vava sago na Gosen. 12Ma bade vavai iveresi, ina mamai da varevaresina ma bade ina mamai ina rakaraka ma ededa gisigisi, i koroto nununai vavai irereghi kurisi.

Gomara irakata kirakai.

13Gomarina Egypt da Keinan dobusiyai na irakata ma ibero kirakai da nani dobuna wawayisi kii vavai ikovi ma vitonara ikarakarisi. 14Tuna kubiine mara nonowa damsi inenae Josepa kurina da vavai igimagimari na manesi kudubina Josepa iyuyuna da ikavakavari Pero ina ku numa. 15Ma Egypt da Keinan dobusiyai mane ikovi na damsi patana da inenae Josepa kurina ma ivonavonei bo, “Vavai keverekai. Tokai akii mane ikovi, ma, ke ita biibai da matamuwai kana rabobo.”

16Vaghina ma Josepa ivonesi bo, “Nakanani na tivovivirana, ami ghamoghamo kona vereku na vavai ana veremi, iyamna ami mane ikovi.” 17Tuna kubiine i ghamoghamo peyarina irutinapiyei Josepa kurina da vavai iveresi, i hosi, i sipu, i gote, i kau ma i donki ivi vovivirana vavai kubiine. Madegha sago kamonai i ghamoghamo ivivi vovirana ma kii vavai ruvana ivereveresi da tepanai imakamakai.

18Nani madeghina ikovi ma murina madeghinai na ivovirame Josepa kurina ma ivona bo, “Tam na akii bada, ma wekarakava na ke kovokovoghina da kani kawagavugavuwem. Vonavaghata da akii mane ikovi ma bade akii ghamoghamo na tam kuvi rapenei. Ke sago aviyavisina ita makamakai kata verem da wawayikai ma akii tano kava. 19Avi kubiine maghinomuwai kana rabobo? Akii tano ma tokai wawayikai kegimarikai, tivovivirana vavai kubiine ma kani sleiv Pero kubiine ma bade akii tano ini rapenei. Vavai keverekai da ke kana rabobo ma bade pei keverekai kana voni da tano ke ina makii wapawapa.”

20Vaghina ma Josepa i tano kudubina Egypt kamonai igimaratawei da Pero ivi rapenei. Gomara irakata kirakai tuna kubiine na Egypt damsi kudubisi i tano ivi gimarei kiivavo Pero kurina, tanona kudubina na rapenai. 21Egypt dobuna kamonai na Josepa iberai da meyagii nununai wawaya kudubisi ivi sleiv yavu. 22Ma kegha da iyavo kava god viviberosi i vokavara ibadei na kii tano kava na ke ita gimari, iyamna kii reregha na nonowa Pero gwabinai iviiviiya, tuna kubiine kii vavai imakamakai ma kii tano na ke iti gimarei.

23Ma iyavo kava ivi sleiv ma i tano ivi wapai, na Josepa ivi sisiya kurisi, ivonesi bo, “Wekarakava na tami ma ami tano agimari ikovi Pero kubiine. Ma pei weni koyuna da ami bada Pero kubiine kona vovao. 24Witi borina kana mara ina nekiibau na riba miikovi koterei da riba sago na Pero koverei ma riba ivi ruwamaruwa na kovotani da ami pei ma kami vavai, tami ma ami rakaraka ma iyavo kava yavata komakamakai na kubiimi.”

25Ma wawayisi ivonapotei bo, “Akii bada, tam kuvi yawasikai, tam kubiibii kirakai. Tokai na kani sleiv Pero kubiine.”

26Weni berasi kubiine Josepa taravatu iterei da Egypt dobuna kamonai na riba miikovi ina terei ma sago na kiivavo rapenai. Weni taravatuna na Egypt damsi patana da evovotani. Ma iyavo kava god viviberosi i vokavara ibadei na ti kava kii tano na Pero ke iti rapenei.

Jeikap ina vinowi turina.

27Israel damsi Gosen dobuna kamonai imakamakai da i mura irakata ma ivi tuwa da natunatusi ipeyari kirakai. Israel damsi inae ku Egypt da Gosen dobunai imakamakai bubuna ma i mura irakata.|alt="Camp site. (plenty to eat)" src="co01445c.tif" size="span" loc="Gen 47:27" copy="© DCC" ref="Gen 47:27"

28Jeikap, Egypt dobuna kamonai imakai da madegha 17 ikovi ma nani maranai na kana madegha 147. 29Ma ina mara itupo da ita rabobo na natuna Josepa ikwatui ma ivonei bo, “Mikeda am nuwaviina irakata kirakai kuriku na imam ku daghadaghaku keterei, kevi matakira da aku kayowana kuna berai. Am agabiibiiyai aku sisiya kuna vokikini ma kuna vonakiiyapa da ke Egypt dobunai kuna dogoku.

30Ana rabobo na Egypt dobunai kekavarakiibuweku da meni dobunai aku mami mau idogosi na nani dobunai kuna dogoku.”

Ma Josepa ivonapotei bo, “Ikikava kuvoneku na ana berai.”

31Ma Jeikap ivoname, “Kevonakiiyapa da kuna berai.” Ma vaghina, Josepa vonakiiyapa bagibagina iterei ina mamai kurina. Ma Jeikap ina diwonai itupavibagi ma idune da God ivokavakavari.

Ilustração artística — interpretação, não registro histórico.

Você sabia?

Um lar em Gósen

  • José estabeleceu seu pai e seus irmãos em Gósen, a região que o faraó chamou de a melhor parte da terra. O mesmo distrito também é chamado terra de Ramessés; ficava a leste do Nilo, ao que parece não longe da residência real, embora a região hoje seja um deserto.Fontes: o próprio texto bíblico · Goshen · Rameses
  • Quando o faraó perguntou qual era o ofício deles, os irmãos de José responderam que eram pastores, como seus pais, e pediram para ficar em Gósen, porque a fome em Canaã não deixara pasto para os rebanhos. O Easton’s Bible Dictionary (1897) identifica o faraó dos dias de José provavelmente como Apopi, o último rei hicso, e observa que os pastores eram uma abominação para os egípcios nativos, enquanto esses pastores asiáticos foram bem recebidos pelos hicsos; outros situam José no reinado de Tutmés III, muito depois dos hicsos.Fontes: o próprio texto bíblico · Pharaoh (of Joseph)
  • Como a fome esgotou o Egito e Canaã, José recebeu o pagamento primeiro em dinheiro, depois em gado e, por fim, em terras, de modo que os campos passaram a ser do faraó e o povo foi reduzido à servidão. Ele não tomou a terra dos sacerdotes, pois o faraó já lhes fornecia as rações, e estabeleceu que um quinto da produção pertencia ao faraó.Fontes: o próprio texto bíblico

Notas escritas com auxílio de IA a partir de fontes abertas (Theographic Bible Metadata, CC BY-SA 4.0; Easton’s Bible Dictionary, domínio público) e revisadas antes de publicar.

Lugares deste capítulo

  • Canaan · 32.767, 35.333 · versículos 1, 4, 13, 14, 15
  • Goshen · Hoje: Goshen 1 · 30.799, 31.834 · versículos 1, 4, 6, 27
  • Egypt · 30.129, 31.308 · versículos 4, 6, 11, 13, 14, 15, 20, 21, 26, 27, 28, 29, 30

Só aparecem lugares com identificação de alta confiança (90% ou mais segundo as fontes acadêmicas reunidas pelo OpenBible). Mapa da época: DARE (Digital Atlas of the Roman Empire), CC BY 4.0; mapa atual: © colaboradores do OpenStreetMap; lugares: OpenBible.info (CC BY 4.0).

Créditos e licença desta tradução
Gapapaiwa New Testament
The New Testament in the Gapapaiwa Language of Papua New Guinea
Nupela Testamen long tokples Gapapaiwa long Niugini
copyright © 2009-2018 Wycliffe Bible Translators, Inc.
Language: Gapapaiwa
Translation by: Wycliffe Bible Translators
This translation is made available to you under the terms of the
Creative Commons Attribution-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not make any derivative works that change any of the actual words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2022-11-07

Fonte: http://png.bible/pwg/ · eBible.org

Fale com a gente

Conte de onde você lê, como a Bíblia tem te ajudado ou o que podemos melhorar. Lemos todas as mensagens.