Gênesis 45
Gapapaiwa New Testament · Toque num versículo para ver as referências cruzadas.
Josepa ivi debe meyei.
1Vaghina ma Josepa ke kovokovoghina da nuwanuwana ita tatani ma ke ina kayowana da ina bigabiga matasiyai ita tou. Tuna kubiine ikwavinisi, ivonesi bo, “Kokiibau!” da peyarisi inae, numa kiibutawei. Josepa ina kina kava na ivi debe meyei varevaresina kurisi da tuna iyai. 2Ma itou da itousiyasiyapa da Egypt damsi ivi yanei na sisiya ikavari ineyei Pero ina ku numa.
3Josepa na wekarakava ivi karei da Hibru gamonai ivi sisiya. Varevaresina ivonesi bo, “Taku na Josepa, ma vona bubuna da ita mamai patana da yawayawana, emakamakai bo?” Ma varevaresina weni sisiyina ivi yanei na iyabumana kirakai da ke kovokovoghina ita vonapotei.
4Vaghina ma Josepa ivonesi bo, “Kopisi wike ku ririku.” Ina sisiya ivi yanei na imiiririya kurina ma ivonesi bo, “Taku na Josepa, varesimi vaghata, taku kovi gimareku Egypt damsi kurisi. 5Ma wekarakava na ke koni nuwapoya ma bade ke koni wavu meyemi da weni damsi kurisi kovi gimareku. God ina kayowanai da nakanani ita tupuwa, tuna kubiine ivonataweku avi nao da tami aku wawaya ati yawasimi. 6Weni gomarina kamonai tamakamakai da madegha ruwa ikovi ma bade madegha miikovi maghinotiyai ina makai, nani kamonai na ke kovokovoghina tavao ma tayaba. 7Ma God ivonataweku avi nao da tami ma tupurereghimi ati yawasimi, gomara kamonai ke kona rabobo. Wena tuna na bera ghamana eberaberai kubiimi. 8Kokitai, ke tami ami kayowanai wike kota vonataweku, kegha, God ina kayowanai. Tuna iberai da Pero iterepiiku da avi wawayaghama ma ivineku da ina numa kana bada ma bade Egypt kudubina kana bada. 9Ma wekarakava na yaghiyaghinai kovovira ita mamai kurina ma kovonei bo, ‘Natum Josepa weni nakanani ivona, “God iberai da taku na Egypt dobuna kudubina kana bada, tuna kubiine ke kuni kayovira, yaghiyaghinai ita rakaraka yavata kona pisi kuriku. 10Tami na Gosen dobunai kona makai da taku ririkuwai, tam, natunatumi, tuputupumi, ami ghamoghamo ma aviyavisina kudubina gwabimiyai na yavata.” 11Ma taku Egypt kamonai ana koyaghimi iyamna gomarina na patana da madegha miikovi maghinotiyai ina makamakai. Mikeda ke kona pisi na tami, ami rakaraka, ma ami ghamoghamo na kudubimi vitonara ini karavunuwanemi.’”
12Ma Josepa ina sisiya ikwapanatini ivona bo, “Varevaresiku, wekarakava na peyarimi ma tam Benjamin yavata na matamiyai kokitakitiku da vona bubuna da taku na Josepa.” 13Ita mamai kovonei da aku rewapana irakata kirakai Egypt dobuna kamonai. Ma aviyavisina kudubina matamiyai kokitakitai na kovi akovi. Ma yaghiyaghinai korutini da konoru kuriku.
14Ma tina kikei yavata ivi taraghaghavuwana ma ivi ruwa ivi tutuwana. 15Muriyai ere tutuna varevaresina peyarisi iyonisi ma ituwesi. Nani murinai peyarisi ikweya patapata.
16Pero na ina numiyai ma sisiya ivi yanei da Josepa varevaresina ipisi na ina wawaya ghamaghamasi yavata ivi nuwabiibii kirakai. 17Ma Josepa kurina ivona bo, “Varevaresim kevonesi da vavai ini geru i ku ghamoghamo ma ina vovira i ku dobu, ku Keinan. 18Ma kevonesi da ami mamai ma kakawasi da natunatusi ina rutinisi da ina vovirame wike. Ina pisi na tano ana veresi ma bade Egypt kana biibiina ana veresi da ina kam bubuna.
19Bade kevonesi da tano wakasi weni dobunai eyuna vaghata ma ina nae ku Keinan da ami mamai, kakawasi ma natunatusi yavata ini gerusi ma ina vovira wike. 20Ma i sawara ke ini nuwapoyei iyamna Egypt kana biibiina kudubina na ti ini rapenei.”
21Jeikap natunatuna na ikikava Pero ivonavonesi na nakanani iberai. Ina sisiya nununai na Josepa tano wakasi iyuna ma iveresi ma bade vavai iveresi da kii keta tamiina kubiine. 22Ma peyarisi sagosago duma na gara vusi iveresi. Ma Benjamin na silva ririghina ivi 300 iverei ma kana gara biibiisi ivi miikovi iverei. 23Ma Josepa puyo ivonatawei ina mamai kubiine, donki tomotomowisi ivi 10 ku tepasi na Egypt kana sawara kiikiimatanisi iuwani ma bade witi ma vavai bogii ma bogiiyai donki wivinesi ivi 10 ku tepasi iuwani. Vaviisi na ina mamai ina baba ku Egypt na kana keta tamiina. 24Ivovunagha ikovi na varevaresina ivomiiri, ivonatawesi inenae na ivonesi bo, “Ketiyai kona nenae na ke koni kawapata.”
25Egypt dobuna ikuyowei ma inae i mamai Jeikap kurina, ku Keinan. 26Inekiibau na i mamai ivonei bo, “Josepa na patana da yawayawana ma tuna na Egypt dobuna kana bada ghamana.” Jeikap itataghana ma inotakavakavai da ke iti tumaghanesi. 27Ma Josepa ina sisiya peyarina ivi damani i mamai kurina ma bade ikitai da tano wakasi imiimiiri na nota rewapana iviiya ma ivi tumaghana. 28Ma Jeikap ivona bo, “Wekarakava na aitumaghanemi da natuku Josepa na patana da yawayawana. Muriyai da ana rabobo na ana nae natuku ana kitai.”

Você sabia?
José se revela a seus irmãos
- Gósen, a região onde José diz aos irmãos que se estabeleçam perto dele com os filhos, os netos, os rebanhos e o gado, ficava a leste do Nilo e, ao que parece, não longe da residência real. O Easton's Bible Dictionary (1897) observa que ela é mencionada pela primeira vez na mensagem de José a seu pai e que também era chamada terra de Ramessés, porque as cidades de Pitom e Ramessés ficavam dentro de seus limites.Fontes: Goshen · o próprio texto bíblico
- José chora tão alto que os egípcios o ouvem, e a casa do faraó logo fica sabendo; o faraó e seus servos se alegram ao saber que os irmãos chegaram, e ele lhes oferece o melhor da terra do Egito. O Easton's Bible Dictionary (1897) diz que o faraó dos dias de José foi provavelmente Apopi, ou Apópis, o último dos reis hicsos. Acrescenta que os reis hicsos acolhiam pastores asiáticos, enquanto os egípcios nativos mais antigos consideravam os pastores uma abominação, embora alguns argumentem que José chegou ao Egito no reinado de Tutmés III, muito depois de os hicsos terem sido expulsos.Fontes: Pharaoh (of Joseph) · o próprio texto bíblico
- Benjamim era o filho mais novo de Jacó com Raquel, e José, o mais velho dos dois filhos dela; a mãe morreu ao dar à luz Benjamim em Efrata e o chamou Benoni, que significa filho da minha dor, nome que o pai mudou para Benjamim. No reencontro, José abraça Benjamim e chora, dando-lhe trezentos siclos de prata e cinco mudas de roupa, enquanto cada um dos outros irmãos recebe uma veste nova.Fontes: Benjamin (patriarch) · Joseph (son of Jacob) · o próprio texto bíblico
Notas escritas com auxílio de IA a partir de fontes abertas (Theographic Bible Metadata, CC BY-SA 4.0; Easton’s Bible Dictionary, domínio público) e revisadas antes de publicar.
Lugares deste capítulo
- Egypt · 30.129, 31.308 · versículos 4, 8, 9, 13, 18, 19, 20, 23, 25, 26
- Goshen · Hoje: Goshen 1 · 30.799, 31.834 · versículo 10
- Canaan · 32.767, 35.333 · versículos 17, 25
Só aparecem lugares com identificação de alta confiança (90% ou mais segundo as fontes acadêmicas reunidas pelo OpenBible). Mapa da época: DARE (Digital Atlas of the Roman Empire), CC BY 4.0; mapa atual: © colaboradores do OpenStreetMap; lugares: OpenBible.info (CC BY 4.0).
Créditos e licença desta tradução
Gapapaiwa New Testament The New Testament in the Gapapaiwa Language of Papua New Guinea Nupela Testamen long tokples Gapapaiwa long Niugini copyright © 2009-2018 Wycliffe Bible Translators, Inc. Language: Gapapaiwa Translation by: Wycliffe Bible Translators This translation is made available to you under the terms of the Creative Commons Attribution-No Derivatives license 4.0. You may share and redistribute this Bible translation or extracts from it in any format, provided that: You include the above copyright and source information. You do not make any derivative works that change any of the actual words or punctuation of the Scriptures. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. 2022-11-07
Fonte: http://png.bible/pwg/ · eBible.org