Nations Bible

Zacarias 10

Godɨn Eghaghanim: Akar Gavgavir Dɨkɨrɨzir Ghurim ko Igiam · Toque num versículo para ver as referências cruzadas.

God uan gumazamiziba ua me iniasa akam akɨri

1Dagheba aghungamin dughiamɨn, ia amozim bagh Ikiavɨra Itir Godɨn azangsɨgh.

Ikiavɨra Itir God overiar pɨzim ko, ghuariam akuvima, amozim izi,

ezɨ dagheba ko, biziba aghui.

2Gumazamiziba, me gɨn otivamin bizibagh foghasa, aseba ko kukunir gumazibar azangsɨsi.

Ezɨ me ifavarir akabar me gami.

Gumazir maba irebabar mɨngaribar gun mɨgei, me uaghan ia gifari.

Me ghaze ia navir amɨrizim iniam, ezɨ puvatɨ, ian navir osɨmtɨzim ikɨvɨra ikiam.

Gumazamiziba mati sipsipba tintiniba arua ovegha gɨfa.

Me geghuvir gumaziba puvatɨzɨ, kamaghɨn amizɨ me osɨmtɨziba ateri.

3Ezɨ Ikiavɨra Itir God kamaghɨn mɨgei,

“Kantrin Igharazibar Gumazamizibar gumazir dapanir nan gumazamiziba gativaziba,

nan navim men atara me bagha nan isi.

Kɨ ivezir kuram me danɨngam.

Judan gumazamiziba, me nan gumazamizibara.

Kɨ Ikiavɨra Itir Godɨn Gavgaviba Bar Itim, kɨ deraghvɨra men ganam,

mati sipsipbagh eghuvir gumazim uan sipsipbar gari.

Egh kɨ Judan anababa bar dar amutɨ,

me mɨdorozir hoziar bar gavgavimɨn mɨn ikiam.

4Eghtɨ Judan anababar tongɨn, gumazir dapanir gavgavir maba otivam,

egh me mati dɨpenim aterir dagɨaba ko,

dɨpenim aterir guariba ko,

mɨdorozir barir pibar mɨn ikiam.

5Me mɨdorozir gumazir gavgavibar mɨn uari inigh, uan apaniba abɨntɨ,

mati mɨdorozir gumaziba nguibar ekiamɨn zuir tuavimɨn uan apaniba, nguazir beghneazibar me dɨkabɨri.

Kɨ Ikiavɨra Itir God me ko ikiam.

Kamaghɨn amizɨ, me bar pamtemɨn mɨsogh mangɨ,

hoziabagh apiazir mɨdorozir gumazibav sogh me abɨnigham.

6“Kɨ Judan gumazamizibar amightɨ, me bar gavgavigham.

Egh kɨ Israelian gumazamiziba ua me iniam.

Kɨ men apangkufi,

kamaghɨn amizɨ, kɨ bar me inigh uamategh men nguazimra izam.

Eghtɨ me deravɨra ikiam, mati kɨ me batoghezir puvatɨ.

Kɨ Ikiavɨra Itir God, kɨ men God,

kamaghɨn amizɨ, kɨ men mɨgɨrɨgɨar me na mɨgeiba kɨ da baragham.

7Israelian gumazamiziba me mɨdorozir gumazir gavgavibar mɨn otivigh

bar akuegham,

me mati gumaziba wainɨn dɨpaba ame.

Eghtɨ men ovavir boriba gɨn otivigh,

kɨ Ikiavɨra Itir God, me gamizir bizir aghuir kabagh nɨghnɨgh

bar akuegham.

8“Kɨ uan gumazamiziba bar men dɨmɨva,

me akumakum me inigh izam.

Kɨ ua me inigh me damutɨ,

me fomɨra ikezɨ moghɨn bar avɨrasemegham.

9Kɨ guizbangɨra me batuegha me aghamsɨki,

ezɨ me pura tintinibar kantrin igharazibar iti.

Egh me nguibar saghuiabar ikɨva,

me na gɨnɨghnɨghvɨra ikiam.

Ikɨzir kaba uan boriba ko, me ikɨvɨra ikɨva,

bar moghɨra uari akuvagh, uamategh

uan nguazimra izam.

10Nan gumazamizir Isip ko, Asirian kantrin itiba,

kɨ ua me inigh izɨtɨma,

me uan nguazimra dapiagham.

Kɨ nguazimɨn mɨtaghniam gɨsɨvaghtɨma,

me Gileatɨn Distrik ko, Lebanonɨn nguazim sara iniam.

Eghtɨ gumazamiziba nguazir kam bar a gizɨvagham.

11Kɨ me inightɨ me uamategh uan nguibamɨn izam,

eghtɨ Isipia ko, Asiriaba ongarir ekiamɨn mɨn men tuavim apɨrightɨ, kɨ me abɨnigham.

Kamaghɨra, kɨ Isipian gavgavim agɨvagh,

egh uaghan Nailɨn Fanem damightɨ a mɨsigham.

Eghtɨ Asirian gavgavim uaghan gɨvagham.

12Kɨ uan gumazamizibar amightɨ me gavgavigham.

Eghtɨ me nan apengan ikɨ nan ziam fɨva, nan akabar gɨn mangam.

Kɨ Ikiavɨra Itir God, kɨ mɨkemegha gɨfa.”

Você sabia?

Restauração e o ajuntamento do rebanho

  • Zacarias inicia contrastando o Senhor, que concede as chuvas de primavera essenciais para as colheitas, com os ídolos e adivinhos cujas promessas vazias deixavam o povo disperso como ovelhas sem pastor.Fontes: o próprio texto bíblico
  • A profecia menciona explicitamente a casa de Judá e a casa de José (representada por Efraim), vislumbrando a reunificação e o fortalecimento de ambos os reinos do antigo Israel.Fontes: o próprio texto bíblico · Joseph (son of Jacob) · Ephraim
  • O Egito e a Assíria representam as grandes potências e regiões de exílio de onde o povo disperso seria reunido para repovoar terras férteis, como Gileade, a leste do Jordão, e o Líbano, ao norte.Fontes: o próprio texto bíblico · Egypt · Assyria

Notas escritas com auxílio de IA a partir de fontes abertas (Theographic Bible Metadata, CC BY-SA 4.0; Easton’s Bible Dictionary, domínio público) e revisadas antes de publicar.

Lugares deste capítulo

  • Assyria · 36.359, 43.153 · versículos 10, 11
  • Egypt · 30.129, 31.308 · versículos 10, 11
  • Gilead · Hoje: Gilead 1 · 32.187, 35.692 · versículo 10
  • Lebanon · 33.540, 35.584 · versículo 10
  • Nile · Hoje: Nile River · 31.465, 30.367 · versículo 11

Só aparecem lugares com identificação de alta confiança (90% ou mais segundo as fontes acadêmicas reunidas pelo OpenBible). Mapa da época: DARE (Digital Atlas of the Roman Empire), CC BY 4.0; mapa atual: © colaboradores do OpenStreetMap; lugares: OpenBible.info (CC BY 4.0).

Créditos e licença desta tradução
Godɨn Eghaghanim: Akar Gavgavir Dɨkɨrɨzir Ghurim ko Igiam
The Holy Bible in the Aruamu language of Madang Province, Papua New Guinea, 2020 Edition
Buk Baibel long tokples Aruamu long Madang Provins long Niugini long 2020
copyright © 2020 Pioneer Bible Translators
Language: Aruamu
Translation by: Pioneer Bible Translators
Contributor: The Seed Company
GOD'S STORY in the Aruamu Language of Papua New Guinea
This translation is made available to you under the terms of the
Creative Commons Attribution Share-Alike license 4.0.
You have permission to share and redistribute this Bible translation in any format and to make reasonable revisions and adaptations of this translation, provided that:
You include the above copyright and source information.
If you make any changes to the text, you must indicate that you did so in a way that makes it clear that the original licensor is not necessarily endorsing your changes.
If you redistribute this text, you must distribute your contributions under the same license as the original.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
Note that in addition to the rules above, revising and adapting God's Word involves a great responsibility to be true to God's Word. See Revelation 22:18-19.
2025-05-15

Fonte: http://png.bible/msy2020/ · eBible.org

Fale com a gente

Conte de onde você lê, como a Bíblia tem te ajudado ou o que podemos melhorar. Lemos todas as mensagens.