Rute 3
Buki Kimaasabaina · Toque num versículo para ver as referências cruzadas.
Ruti ikaawanoi vaita manuna tetelina
Naomi koroto tayamo iilusale Ruti monena tetelina
1E Naomi inuwonúwana Ruti manuna, tuwo ilatuwoko idigo kana,
‘Natugu, dedevina koroto tayamo alusale monem, bei im kaiyaka dedevina. 2¿Boasa kunuwokavate? Tauyana ina pakonayao vevina taiyao boi koseoseo. Amo korotoyana monegu osiyana. Kunōve. Sabamgo ame aba kausapisápina goi bei bali itakino. Koroto witi itakino|src="HK00097B.TIF" size="col" ref="3:2" 3E kom kūna kuisīwo. Ikavava, kupūtuma be nakae am kwama dedevina toina kulōsi go, kusōu kūna nako tauyana iitakínona goi. Ego tauyana taabu iigitēm ana kadókana ikáika ikavava, imasisi. 4Ago kom kūna tauyana kugīte nako goi iimasisi. Bogina iimasisi, e ina tanigo kunīsi go, aena kikina goi kumasīsi. Moe nakae matakavata kukawanoiye. Namliyeta baige bei ilatuwokoim kaga bei kuguinuwe.’
5E Rutiyana idigo kana,
‘Kaga liliuna kuudigedi bei aguinuwedi.’
6Tuwo moitamo tauyana ina aba kausapisápina goi kaga yaona iidigedi nakae iguinuwedi.
Boasa itagona Ruti inai tetelina
7E Boasayana ikáika ikavava, ina lotówana dedevina, tuwo ina bali gugunina kikina goi imasisi. Niga go Rutiyana ivasinamo ina tauyana ina tanigo inisi, e aena kikina goi imasisi. 8E nobunatoina goi Boasa ikaliwoisa ikanagavila, e vavinayana igitebabane aena kikina goi imasisi ikanamatáiya. 9E idigo kana,
‘¡Iyaa! ¿Kom avatau?’
‘Yau Ruti, im pákwana. Kom yaogu kaamasina osiyana guna totateta. Tauna, kwabīgu be kumatakavatēgu’, Ruti kaena.
10Boasayana idigo kana,
‘¡O vavina! ¡Yauwe ikaipakuyem! Boi im lokata gagaina yaom yaina goi go, ame tutayana im lokata gagaina toina yaigu. Boi tubuwau geya kulusaleta bego kunai, toesaesa o tokai. 11Ago vavina, geya kumatoiteta geya. Kaga liliuna kukawaanoiye bei aguinuwe. Moitamo. Tomota liliudi asa goi siyagoi kom guma Moabe; vavina dedevim. 12Ego moe moitamo yau yaom kaamasina osiyana ina totateta be nakae itoboinegu amatakavatem go, koroto tayamo ikaaiyaka, tauyana totubukumgo. Tauna tauyana mana lovina itoboine imatakavatem. 13Ameko goi kuumasīsi vanuwo itomo. Itomo nobuyana ana tauyana agite. ¡Neta itagona bego imatakavatem, e dedevina, go geya, Yauwe yoina goi akatótula, yau bei amatakavatem! Ago ame tutayana kuumasīsi ana kadókana itomo.’
14E tuwo Boasa aena kikina goi Rutiyana imasisi ana kadókana botomotomo itáoya. Boasa ina nuwonúwana kana,
‘Geya latuwogu tomota siyagoi bego vavina tayamo ima aba kausapisápina goi imasisi.’
15Tutayana Ruti itáoya, Boasa idigo kana,
‘Am tanigo kunīsi kuvinīgu go, dadavina kuyoisikavāte.’
Tuwo ivini, e Boasayana bali kutukutuna nakae bayao tayamo ikabi, Ruti ana tanigo goi isiwoi. Ikavava, e Rutiyana ivavabe. Ikavava, Boasa itáoya ina asa.
16Go Ruti ikaluvilamna ina ina kasa goi baliyana yaona ivini. Yaonayana ilumadádana idigo kana,
‘¿Natugu, im ketoiya manakae?’
Tuwo kaga liliuna Boasa bogina iguinuwe, e manuna Rutiyana ivatétala, 17idigo kana,
‘Boasa ilatuwokoigu idigo kana,
“Geya itoboinemta nima kaka kwaluvila kuna yaom yaina.”
Tauna bali kutukutuna gagaina ivinigu.’
18Naomi idigo kana,
‘Ruti, om inūwa. Nava bei tagite kaga isowóduwo yaim. Moitamo. Boasa ame bei iguinuwa manum.’

Você sabia?
Rute na Eira
- A debulha e a limpeza da cevada costumavam ser feitas ao entardecer, quando os ventos ajudavam a separar o grão da palha. Proprietários como Boaz passavam a noite na eira para dormir perto dos montes de cereal colhido e proteger a colheita.Fontes: o próprio texto bíblico
- Rute pediu a Boaz que estendesse a ponta de sua capa sobre ela, um gesto que simbolizava proteção e casamento segundo o costume do resgatador familiar. Boaz elogiou seu caráter e lealdade por não procurar homens mais jovens.Fontes: o próprio texto bíblico · Boaz
- Embora Boaz fosse um parente rico de Noemi e de seu falecido filho Malom, ele explicou que havia outro familiar com parentesco mais próximo, o qual tinha a prioridade legal no dever de resgate.Fontes: o próprio texto bíblico · Boaz · Ruth
Notas escritas com auxílio de IA a partir de fontes abertas (Theographic Bible Metadata, CC BY-SA 4.0; Easton’s Bible Dictionary, domínio público) e revisadas antes de publicar.
Créditos e licença desta tradução
Buki Kimaasabaina The New Testament and part of the Old Testament of the Holy Bible in the Gumawana language of Papua New Guinea Buk Baibel long tokples Gumawana long Niugini copyright © 2019 Wycliffe Bible Translators, Inc. Language: Gumawana This translation is made available to you under the terms of the Creative Commons Attribution-Noncommercial-No Derivatives license 4.0. You may share and redistribute this Bible translation or extracts from it in any format, provided that: You include the above copyright and source information. You do not sell this work for a profit. You do not change any of the words or punctuation of the Scriptures. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. 2026-10-02
Fonte: http://png.bible/gvs/ · eBible.org