Nations Bible

Rute 2

Buki Kimaasabaina · Toque num versículo para ver as referências cruzadas.

Ruti inonoina Boasa ina tánuwo goi tetelina

Ruti iloosinapu bego Naomi ivaite tetelina

1Bedeliyema goi Naomi yaona tayamo ikaaiyaka. Tauyana toesaesa be nakae koroto gagaina, e yoina Boasa. Boasayana be Elimeleka adi nunu tayamo.

2E Ruti guma Moabe Naomi ilatuwoko idigo kana,

‘Yaogu, neta kutagonegu bei yau ana tánuwo tayamo goi bali kutukutuna ana totaupa sitamaumaauidi aseo. Ego ava totaupa ikanuuwoiyegu mlina goi bei aseo.’

Naomiyana kana,

‘Yaogu, kūna nakae kuguinūwe.’

3Tuwo tauyana ina bali tanuina tayamo goi bali ana totaupaupayao isabokuuliyedi bali kutukutuna vaalutudi iseoseo. Ego tanuwoyana moe Boasa ina tánuwo. ¡Boasayana be Elimeleka adi nunu tayamo!

Boasa ina lokata Ruti yaina tetelina

4E Boasayana makaitaga Bedeliyema goi isowóduwo ima, e ina ina todibayoyayao yaidi ikaipakuyedi, idigo kana,

‘¡Yauwe bei ivakitaumi!’

‘¡Yauwe bei ikaipakuyem!’ tauyadi kaedi.

5E Boasayana ikandobala, Ruti igite, tuwo ilumadádana ina todibayoyayao adi tovakumgo yaina, idigo kana,

‘¿Woiyai amo avatau osiyana?’

6E tovakumgoyana idigo kana,

‘Tauyana ogaoga, guma Moabe. Naomi taiyao Moabe goi sima. 7Maine vavinayana ima ikawanoi yaigu idigo kana,

“¿Neta kutagōna bego bali ana todibayoyayao asabokuuliyedi go, idi bali patumidi kikidi goi kutukutudi vaalutudi aseo?”

Atagona, tuwo tauyana tánuwo goi ipaaisewa gagaina nobuyana go, ima ame tuta. Ego tuta giyaina tauna iwaiwasi.’ Ruti bali kutukutudi vaalutudi iseoseo|src="co00961b.tif" size="col" ref="2:7"

8E tuwo Boasa ina Ruti ilatuwoko idigo kana,

‘Vavina, kunovēgu. Taabu kunonōina ituli ta tánuwo goi kuseoseo, go sem guna topaisewayao vevina kikidi kuvalaabilābina, e taiyao koseosēo. 9Ago koroto kugitēdi nako goi sipaaisewa go, sitamaumáuwo. Amoko goi kūna vevinayadi taiyao koseosēo. Korotoyadi bei alatuwokoidi geya sikitaitaiyemta. Neta maem isayasaya, kūna nako goi tauyadi bwae sitege siyatoyato, moe kwābi kunīm.’

10E tuwo, Rutiyana ivatugúyala ikanakabobo go, idigo kana,

‘¿Yau ogaoga go, kaga unana kukanuwoiyegu be yau manugu kunuwonúwana?’

11E Boasayana idigo kana,

‘Vatetelim madabokina tomota bogina sivateteli anove. Nakae kaga liliuna kuguuinuwedi yaom manuna tutayana monem ikámasa. Ayagoi tamam be sinam kwalavedi be nakae im kasa kwalave, e kuma ameko bego kwaiyako vata go, boi boda ame geya kuyagoiyeta. 12Bei Yauwe, kai Isileli tubunao ima Yaubada, am vaiwówana ivinim im guinuwa pasina. Bogina kuma Tauyana panepanena goi bego ivainugonem.’

13‘Guna tomoya, matam goi anuwóiya bogina ababane. Moitamo. Yau im pákwana bogina kukipaiwolegu be nakae atepatu kuvinigu go, yau im pákwana vevina im pakonayao sobuyekoidi nakae’, Ruti kaena.

14E niga áika ana tuta goi Boasa idigo kana,

‘Ruti, kubāla kūma ameko. Ame avam. Oine bwaena yuyuyuna goi kuvaigāde, e kwāika.’

Tuwo moitamo Ruti ibala ina tauyana ina todibayoyayao kikidi itusobu ivaigade, e ikáika. Ago Boasa bali kutukutuna aiigabudi nakae ivini ikáika. Ikakáika, bogina gamona go, kutukutuyadi maniyena sikesa. 15E Ruti bogina itáoya, ikaluvilamna ina ana bali iseoseo go, Boasa ina pakonayao koroto ilovinaedi idigo kana,

‘¡Kotagōna tauyana bali patumidi kikidi goi iseoseo go, taabu koobōve! 16Nakae maniyena kobuyagīdi kokaisobuyēdi kokalavēdi, e Ruti itoboine isevedi go, taabu koobōve.’

Yauwe ina lokata Ruti yaina tetelina

17E tuwo Ruti bali ana tánuwo goi iseoseo ana kadókana lavilavi. Tutayana bali ikausapisapidi ikavava, bayao tayamo nakae ikayaoda. 18Ikausapisapi ikavava, e ina bali ma bayaoina ikabi, ikaluvilamna ina ina kasa goi baliyana yaona ivatuluko kaga bogina isevedi. Ago kutukutuyadi ikaabogedi yaona ivini ikáika. 19E Naomi ikandosobu kutukutuyadi igitedi, yaona yaina ilumadádana idigo kana,

‘¿Yaogu, ame nako goi bali kuseoseo? ¿Avatau ina tánuwo goi? Guna kawanoi bego korotoyana ikanuuwoiyem Yauwe bei ikaipakuye.’

Tuwo Rutiyana ina paisewa manuna ivatétala, idigo kana,

‘Korotoyana ina tánuwo goi aseoseo moe yoina Boasa.’

20Naomiyana mana uyáwana idigo kana,

‘¡Yaogu, latuwogu Yauwe ikaipakuye! ¡Yauweyana ilokateda, kita maa yawoida be kidi tokámasa!’

Naomi tuwaina kana,

‘¡Amo korotoyana monegu osiyana, ada totateta! Tauna kai Isileli tubunao ima sinapu goi tauyana itoboine imatakavateda.’

21E Rutiyana guma Moabe idigo kana,

‘Tuwaina korotoyana ilatuwokoigu idigo kana,

“Tuwaina kuseosēo guna pakonayao taiyao ana kadókana guna dibayoya madabokina silukavave.” ’

22Naomi idigo kana,

‘Natugu, moe dedevina kuna Boasa ina tánuwo goi kuseo ina pakonayao vevina taiyao. Neta kuna ituli ta tánuwo goi kuseo, govila todibayoya koroto sikitaitaiyem.’ Ruti bali kutukutuna ma bayaoina yaona Naomi ivini|src="co00968b.TIF" size="col" ref="2:18-22"

23E tuwo Rutiyana Boasa ina topaisewayao vevina kikidi ivalaabilábina, e witi be bali iseoseo tauyadi taiyao ana kadókana dibayoya ana kaba lukavava. Ikavava, Ruti yaona taiyao sikaaiyaka.

Ilustração artística — interpretação, não registro histórico.

Você sabia?

Rute colhe nos campos de Boaz

  • Belém situava-se na região montanhosa de Judá, e os vales férteis a leste serviam como campos agrícolas onde Rute recolhia as espigas de cevada deixadas pelos ceifeiros.Fontes: Bethlehem · Ruth · o próprio texto bíblico
  • Boaz era um proprietário próspero em Belém, pertencente ao clã do falecido marido de Noemi, Elimeleque, o que o tornava um parente chegado e resgatador da família.Fontes: Boaz · Elimelech · o próprio texto bíblico
  • Apesar de Rute ser uma estrangeira de Moabe, Boaz concedeu-lhe hospitalidade e proteção especiais, oferecendo-lhe grãos tostados e água, e ordenando aos seus trabalhadores que não a maltratassem por causa de sua lealdade a Noemi.Fontes: Ruth · o próprio texto bíblico

Notas escritas com auxílio de IA a partir de fontes abertas (Theographic Bible Metadata, CC BY-SA 4.0; Easton’s Bible Dictionary, domínio público) e revisadas antes de publicar.

Lugares deste capítulo

  • Bethlehem · 31.704, 35.208 · versículos 1, 4
  • Moab · Hoje: Moab 1 · 31.181, 35.701 · versículo 6

Só aparecem lugares com identificação de alta confiança (90% ou mais segundo as fontes acadêmicas reunidas pelo OpenBible). Mapa da época: DARE (Digital Atlas of the Roman Empire), CC BY 4.0; mapa atual: © colaboradores do OpenStreetMap; lugares: OpenBible.info (CC BY 4.0).

Créditos e licença desta tradução
Buki Kimaasabaina
The New Testament and part of the Old Testament of the Holy Bible in the Gumawana language of Papua New Guinea
Buk Baibel long tokples Gumawana long Niugini
copyright © 2019 Wycliffe Bible Translators, Inc.
Language: Gumawana
This translation is made available to you under the terms of the
Creative Commons Attribution-Noncommercial-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not sell this work for a profit.
You do not change any of the words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2026-10-02

Fonte: http://png.bible/gvs/ · eBible.org

Fale com a gente

Conte de onde você lê, como a Bíblia tem te ajudado ou o que podemos melhorar. Lemos todas as mensagens.