Salmos 118
JINI WEN BΛ T'AN · Toque num versículo para ver as referências cruzadas.
Wocox i yʌlʌ lac Yum muꞌ bʌ i cotyañonla
1Subenla wocox i yʌlʌ lac Yum, como ñoj wen lac Yum.
Ti beleꞌ ora an i yutslel i pusicꞌal.
2Laꞌ i yʌlob jini israelob:
Ti pejtyelel ora an i yutslel i pusicꞌal lac Yum, cheꞌob.
3Laꞌ i yʌlob i jiñʌjlelob Aarón: Ti pejtyelel ora an i yutslel i pusicꞌal lac Yum, cheꞌob.
4Laꞌ i yʌlob jini muꞌ bʌ i chꞌujutisañob lac Yum: Ti pejtyelel ora an i yutslel i pusicꞌal lac Yum, cheꞌob.
5Cheꞌ ñac ti cubi wocol tic pejcʌ lac Yum,
Tiꞌ jacꞌbeyon, ti yʌcꞌʌyon ti cojlel.
6Lac Yum an quicꞌot.
Machꞌan mi quej c bʌcꞌñan chʌ bʌ yes miꞌ tyumbeñoñob quixtyañujob.
7Lac Yum mi yajñel quicꞌot. Mi yʌqꞌueñon c pꞌʌtyʌlel.
Mi quej j qꞌuel i jilibal jini muꞌ bʌ i tsꞌaꞌleñon.
8Yom mi lac xucꞌchocon lac pusicꞌal ti lac Yum.
Mach yom mi lac xucꞌchocon ti quixtyañujob.
9Yom mi lac xucꞌchocon lac pusicꞌal ti lac Yum.
Mach yom mi lac xucꞌchocon ti yumʌlob.
10Jini simaroñoꞌ bʌ ti jujumpꞌej pañimil tiꞌ joyoyoñob.
Tiꞌ cꞌabaꞌ lac Yum mi quejel c ganariñob.
Wocox i yʌlʌ lac Yum muꞌ bʌ i cotyañonla.
11Tiꞌ joyoyoñob. Melel, joyolon i chaꞌañob.
Pero tic ganariyob tiꞌ cꞌabaꞌ lac Yum.
12Jomjomñayob tic tꞌejl cheꞌ bajcheꞌ i ñaꞌ chab,
Colel i pulon cheꞌ bajcheꞌ chꞌix muꞌ bʌ ti lejmel tic joytyʌlel
Tiꞌ cꞌabaꞌ c Yum tic ganariyob.
13Wen ñetꞌelon, colel c yajlel,
Pero lac Yum tiꞌ locꞌsʌyon.
14Lac Yum c pꞌʌtyʌlelʌch. Jiñʌch muꞌ bʌ j cꞌʌyin.
Jiñʌch ajcotyaya c chaꞌan.
15Ubinla jini tijicña bʌ tꞌan tiꞌ chumlib jini tyojoꞌ bʌ.
Como ti lac ganari tiꞌ pꞌʌtyʌlel lac Yum.
16Wen ñuc i pꞌʌtyʌlel lac Yum.
Chaꞌan tiꞌ pꞌʌtyʌlel lac Yum mi lac ganarin.
17Machꞌan mi quej c sajtyel. Cuxul mi quej cajñel.
Mi quej c sub i melbal lac Yum.
18Lac Yum tiꞌ wen tyojꞌisʌbeyon c pusicꞌal ti wocol,
Pero maꞌan mi yʌcꞌon ti sajtyel.
19Jambeñon i puertajlel Templo yaꞌ baꞌ mi yochelob jini tyojoꞌ bʌ,
Chaꞌan mi cochel cʌqꞌuen wocox i yʌlʌ lac Yum.
20Jiñʌch i puertajlel lac Yum baꞌ mi quejelob ti ochel jini tyojoꞌ bʌ.
21Mic subeñet wocox a wʌlʌ como ti a jacꞌbeyon.
Ti ochiyet ti Ajcotyaya c chaꞌan.
22Jini tyun tsaꞌ bʌ i chocoyob jini ajmel tyun bʌ otyot ti ochi tiꞌ wentyʌlel oy ti xujcꞌ otyot.
23Jiñʌch i chaꞌlibal lac Yum.
Tyoj bʌcꞌñʌjel mi laj qꞌuel jini tsaꞌ bʌ i chaꞌle.
24Ili bʌ qꞌuin i melbalʌch lac Yum.
Laꞌ la cubin tijicña. Yom tijicña mi la cajñel.
25C Yum, awocolic, cotyañon lojon.
Awocolic c Yum, laꞌ loqꞌuic ti wen chʌ bʌ mi lojon chaꞌlen.
26Cꞌajacña i yoj jini muꞌ bʌ i tyʌlel tiꞌ cꞌabaꞌ lac Yum
Wʌꞌ ti a wotyot, c Yum, mi lojon c chꞌujutisañet.
27Jiñʌch Dios lac Yum. Ti yʌcꞌʌ i sʌclel mulawil ti lac pusicꞌal.
Cʌchʌla ti chꞌajan tsʌnsʌbil bʌ i majtyan Dios yaꞌ ti yajnib i majtyan.
28Jatyet c Dioset, mi quej c subeñet wocox a wʌlʌ.
C Dios, mi quej c pʌs a ñuclel.
29Subenla wocox i yʌlʌ lac Yum, como ñoj wen lac Yum.
Ti pejtyelel ora an i yutslel i pusicꞌal.
Você sabia?
Ação de graças por livramento e a procissão festiva
- O salmo começa com um chamado a três grupos distintos: a nação de Israel, a casa de Arão (a linhagem sacerdotal) e todos os que temem ao Senhor. Cada grupo é convidado a repetir o refrão que celebra o amor leal e eterno de Deus.Fontes: o próprio texto bíblico · Aaron
- O texto descreve uma procissão litúrgica aproximando-se do santuário, pedindo a abertura das portas da justiça e recebendo uma bênção vinda da casa do Senhor. A celebração culmina junto ao altar, onde o sacrifício festivo é atado às suas pontas.Fontes: o próprio texto bíblico
- A imagem da pedra rejeitada pelos construtores que se torna a principal pedra angular retrata uma reversão dramática, na qual o que parecia desprezado é elevado por Deus à posição de maior honra e sustentação.Fontes: o próprio texto bíblico
Notas escritas com auxílio de IA a partir de fontes abertas (Theographic Bible Metadata, CC BY-SA 4.0; Easton’s Bible Dictionary, domínio público) e revisadas antes de publicar.
Créditos e licença desta tradução
JINI WEN BΛ T'AN The New Testament and portions of the Old Testament in the Tila dialect of the Chol language of Mexico La Santa Biblia en el Chol de Tila copyright © 2008 La Liga Bíblica Language: Chol de Tila (Chol) Dialect: Tila Translation by: Wycliffe Bible Translators This translation is made available to you under the terms of the Creative Commons Attribution-Noncommercial-No Derivatives license 4.0. You may share and redistribute this Bible translation or extracts from it in any format, provided that: You include the above copyright and source information. You do not sell this work for a profit. You do not change any of the words or punctuation of the Scriptures. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. 2016-06-08
Fonte: http://ebible.org/ctucti/ · eBible.org