Nations Bible

Rute 4

A Nitana Vure · Toque num versículo para ver as referências cruzadas.

E Boas i Parangi e Rut

1Ngane e Boas i lakea na dilidala na tanga dagi, i made vonga. I uka ma i tabaka, a bakovi na nikorimule, ra viri e Boas i vakalongo e Rut vona, i valai. Lakea e Boas i galea, “O turagu, o valai taro o made puru, a tahoka a ngava vomu.” Lakea i valai i made turane Boas.

2Lakea e Boas i bole a gare ala ravulu na tanga dagi, i taki ria ri gi longo a ngava ne rua. Lakea ri valai, ri vapopo. 3Muri i takia a bakovi na nikorimule, i ta maea, “E Naomi i hamule o Moab, i ngaru ge habia, ni gi kona a tabekena malala ne Elimelek, ra turane tarua. 4A luhoi i kamumu ga vakalongo ioe vona, go konamulea na matane huriki, na matane huriki a gare na viri nau. Ioe o ngaru ni konamulea a malala iea, o konea. Pali ioe o koi, o vakalongo iau ngane, ga lohoka. Ioe kunana a viri bara o muga o konamulea ra malala iea. Pali ioe bara o koi, iau a muri vomu na kabu ne tarua bara konamulea a malala iea.”

Lakea a bakovi iea i ta maea, “Iau ga konamulea.”

5Muri e Boas i ta maea, “Na parava o konamulea a malala ne Naomi, bara o bolea e Rut, ra ngatavine o Moab a havuri na bakovi i mate. I mavonga, ra malala iea bara i tabuli na rana kabu na bakovi i mate pali.”

6Lakea a bakovi na nikorimule i ta maea, “A koi, a malala nau ma ge bole tabu e huriki e tuna. Ioe o konamulea a malala vona, iau a marikoi liu.”

7Hosi ne Israel na tahuna ni valongo mai a ngava na nivakoli a maki, na nihabi polo a maki, a bakovi tara bara i habia a vahapolo vona na bakovi tara. I manga ri vakalobo a ngava.

8Lakea a bakovi iea i takia e Boas, i ta maea, “O konamulea.” Muri a bakovi iea i kali talea a vahapolo vona i habia ne Boas.

9Muri e Boas i vakalongo e huriki a gare, e huriki ri vapesihi vonga, i ta maea, “Mona, na matane mua lobo, a konamulea ne Naomi a malala ne Elimelek, ne tuna ala rua e Kilion, e Malon. 10A kona tabua e Rut, ra ngatavine o Moab, a havuri ne Malon, ge girihigu. A rata mavonga a malala iea ge tabuli na rane Malon, ra bakovi i mate pali, lakea a rana i uka ma ge lobo na kabu vona na tanga vona. Mona mua lobo mu longoa.”

11Muri e huriki a gare turane huriki ri vapesihi na mada, ri ta maea, “Mia lobo mi longoa. E BAKOVI DAGI ge rata kamumua ra ngatavine i valai na ruma vomu, ge manga e Resel, e Lea, ra ru hudotalea a kabu ne Israel. Pali ioe, ge ioe a bakovi dagi na kabu ne Eprata, a ramu ni gi vakarere o Betlehem. 12Mi ngaru a hamone marua e BAKOVI DAGI i habi marua vona a ngatavine karaba iea, ge manga a hamone Peres, re tune Iuda rua e Tamar.”

E Huriki a Gare ne Davit

13Muri e Boas i parangi vona e Rut, i mahita turana, lakea e BAKOVI DAGI i rata kamumua i singou, i podea a koma bakovi. 14Lakea e huriki a ngatavine na tanga ri takia e Naomi, “Si gi kavurikea e BAKOVI DAGI, a vuhuna i habia vomu a viri ge matakari ioe. A rana ge bele dagi o Israel! 15Ra viri iea ge vakatora a nigau vomu, bara i matakari ioe na tahuna o gare. E kamu, ra i ngaru hateka ioe, i poda a koma ne girihina. A nikori ne kamu i dagi hateka vona a nikori bara o bole na tahuna o tahoka e tumu a bakovi ala polorua.”

16Muri e Naomi i bokea e tune Rut, i matakaria i manga e tuna. 17E huriki a ngatavine na tanga ri ta maea, “E Naomi i tahoka ngane e tuna a bakovi.” Lakea ri vunua e Obed. Ia e tamane Iesi. E Iesi ia e tamane Davit.

18Iea a nuverei na kabu ne Peres:

e Peres e tamane Hesron,

19e Hesron e tamane Ram,

e Ram e tamane Aminadab,

20e Aminadab e tamane Nason,

e Nason e tamane Salmon,

21e Salmon e tamane Boas,

e Boas e tamane Obed,

22e Obed e tamane Iesi,

e Iesi e tamane Davit.

Ilustração artística — interpretação, não registro histórico.

Você sabia?

A redenção junto à porta e a linhagem de Davi

  • No antigo Israel, transações legais como a redenção de propriedades eram realizadas publicamente junto à porta da cidade, diante de anciãos e testemunhas. Tirar e entregar a sandália servia como um ato legal costumeiro para confirmar a transferência dos direitos de resgate.Fontes: o próprio texto bíblico · Ruth
  • Ao adquirir as terras de Elimeleque e de seus filhos, Boaz assumiu também a obrigação de se casar com a viúva de Malom, Rute, a moabita, a fim de preservar o nome do falecido sobre a sua herança familiar.Fontes: o próprio texto bíblico · Boaz · Mahlon · Elimelech
  • O menino nascido de Rute e Boaz, chamado Obede, tornou-se avô do rei Davi, inserindo Rute, uma estrangeira de Moabe, na genealogia real que descende de Perez.Fontes: o próprio texto bíblico · Obed · David · Pharez

Notas escritas com auxílio de IA a partir de fontes abertas (Theographic Bible Metadata, CC BY-SA 4.0; Easton’s Bible Dictionary, domínio público) e revisadas antes de publicar.

Lugares deste capítulo

  • Moab · Hoje: Moab 1 · 31.181, 35.701 · versículo 3
  • Bethlehem · 31.704, 35.208 · versículo 11
  • Ephrathah · Hoje: Bethlehem · 31.704, 35.208 · versículo 11

Só aparecem lugares com identificação de alta confiança (90% ou mais segundo as fontes acadêmicas reunidas pelo OpenBible). Mapa da época: DARE (Digital Atlas of the Roman Empire), CC BY 4.0; mapa atual: © colaboradores do OpenStreetMap; lugares: OpenBible.info (CC BY 4.0).

Créditos e licença desta tradução
A Nitana Vure
Genesis, Exodus, Leviticus, Numbers, Deuteronomy, Joshua, Ruth, Jonah, and the New Testament in the Bola language of Papua New Guinea
Sampela hap Buk Baibel long tokples Bola long Niugini
copyright © 2011 Wycliffe Bible Translators, Inc.
Language: Bola
Translation by: Wycliffe Bible Translators
This translation is made available to you under the terms of the
Creative Commons Attribution-Noncommercial-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not sell this work for a profit.
You do not change any of the words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2014-12-03

Fonte: http://png.bible/bnp/ · eBible.org

Fale com a gente

Conte de onde você lê, como a Bíblia tem te ajudado ou o que podemos melhorar. Lemos todas as mensagens.