Rute 3
A Nitana Vure · Toque num versículo para ver as referências cruzadas.
E Rut e Boas na Tabeke Ni Ubivila a Barli
1Na parava tara, e Naomi i takia e kana, “O kagu, ga matakanea tara bakovi go parangi vona, go made na tanga vona, ge matakari kamumu ioe. 2E Boas, ra viri o leho turane huriki a vora ngatavine vona, ia a kabu ne tarua. Barama na rodo bara i vila a vinina barli na tabeke ni ubi vila a vinina barli vona. 3O hilolo, o biri ioe na nibiri mangisipa, o vakabagetu ioe. Muri o lakea na tabeke ni ubi vila a vinina barli vona. Nahea ge matai ioe. O pesi kapiloho, o davea ge kani, ge ninu taro. 4Na tahuna i mahita, o matai kamumu a hini i mahita vona. Muri o vano, o ave rikea a kala na vahana, o mahita puru vonga, bara i taki ioe a ra go ratea.”
5Lakea e Rut i koli, i ta maea, “A maka ngava o taki lobo ga ramai.” 6Lakea i vano, i puru lakea na tabeke ni ubi vila a vinina barli, i muri mai a ngavane kana.
7E Boas i kani, i ninu, i milamila a kaina, lakea i vano i mahita na harena barli ni ru kadolu. Muri e Rut i laho sibanga lokovonga, i ave rikea a kala na vahane Boas, i mahita puru. 8Na kururodo, e Boas i turutu rike i hadongo, lakea i masia a ngatavine i mahita tabukoi na vahana.
9Lakea i nanea, “Ioe e rei, ke?”
Lakea e Rut i koli, i ta maea, “Iau a vora vomu, e Rut. O kavitagu iau na harena kala vomu, a vuhuna ioe a viri nau bara o korimule iau.”
10Lakea e Boas i koli, i ta maea, “Tugu, e BAKOVI DAGI ge gamai ioe. A rabu kamumu o vakasiri a kabu ne tarua ngane, i kamumu hateka na rabu o vakasiri muga, i uka ma o ngaru e huriki a riau, ri uka mahala o ri tahoka a mahala. 11Ngane, o tugu, naha ni mangenge. Iau ga muri mai a ningaru vomu. E huriki lobo na tanga koea ri lohoka vomu, ioe a ngatavine maratarata. 12I muholi, iau a kabu marua, pali i tahoka tara bakovi i tabukoi hateka ne marua bara i korimule marua. 13O mahita koea na rodo iea. Na hatelanga ga nanea a bakovi iea. Ia ge ngaru ni korimule marua, bara i ratea. Pali ia ge koi, muholi hateka, na rane BAKOVI DAGI i mahuri, iau bara korimule marua. O mahita koea, ge harena na hatelanga.”
14Lakea i mahita tabukoi na vahana. Na hatelanga pokopoko i vano, ma ge matakilalea e huriki. I rata mavonga, a vuhuna e Boas i takia i koi e huriki ri gi masia a ngatavine i valai na tabeke ni ubi vila a vinina barli. 15Na tahuna ta ge vano, e Boas i takia ge habia tara kala vona ge vulalea. Na tahuna i vulalea, e Boas i guru puru vona a barli, a nimavana i 20 kilo, i vakakubea vona, i vano. Muri i hamule lakea na tanga dagi.
16Muri e Rut i hamule ne kana, lakea e kana i nanea, “O kagu, i navai?”
Lakea e Rut i tuverei polo ne kana a maki lobo e Boas i rata vona. 17I ta maea, “E Boas i habi nau a barli, a nimavana i 20 kilo! I taki i koi ga laho lame mule mai ioe.”
18Muri e Naomi i ta maea, “O kagu, o hatenono ge bele navai vona a ngava. E Boas i uka ma ge malo ge harena na ngava ni gi vakalobo mona.”

Você sabia?
Rute na Eira
- A debulha e a limpeza da cevada costumavam ser feitas ao entardecer, quando os ventos ajudavam a separar o grão da palha. Proprietários como Boaz passavam a noite na eira para dormir perto dos montes de cereal colhido e proteger a colheita.Fontes: o próprio texto bíblico
- Rute pediu a Boaz que estendesse a ponta de sua capa sobre ela, um gesto que simbolizava proteção e casamento segundo o costume do resgatador familiar. Boaz elogiou seu caráter e lealdade por não procurar homens mais jovens.Fontes: o próprio texto bíblico · Boaz
- Embora Boaz fosse um parente rico de Noemi e de seu falecido filho Malom, ele explicou que havia outro familiar com parentesco mais próximo, o qual tinha a prioridade legal no dever de resgate.Fontes: o próprio texto bíblico · Boaz · Ruth
Notas escritas com auxílio de IA a partir de fontes abertas (Theographic Bible Metadata, CC BY-SA 4.0; Easton’s Bible Dictionary, domínio público) e revisadas antes de publicar.
Créditos e licença desta tradução
A Nitana Vure Genesis, Exodus, Leviticus, Numbers, Deuteronomy, Joshua, Ruth, Jonah, and the New Testament in the Bola language of Papua New Guinea Sampela hap Buk Baibel long tokples Bola long Niugini copyright © 2011 Wycliffe Bible Translators, Inc. Language: Bola Translation by: Wycliffe Bible Translators This translation is made available to you under the terms of the Creative Commons Attribution-Noncommercial-No Derivatives license 4.0. You may share and redistribute this Bible translation or extracts from it in any format, provided that: You include the above copyright and source information. You do not sell this work for a profit. You do not change any of the words or punctuation of the Scriptures. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. 2014-12-03
Fonte: http://png.bible/bnp/ · eBible.org