Mateus 4
Bro Nkifrarhu Mrokfot · Toque num versículo para ver as referências cruzadas.
Satanr Jisasr kfo nhebehmo yuhat
1Be Jisasr ndhart htanymort. Bi Bro Nkifrarhu Yafothat thu nhombrayetrn, to be nd Yafothatn yak hatoh hanymottr, yimor nungur tik furatn. Bro Nkifrar duka memor, “Jisasr nd tkitt tohhato tndhr yihato rorhu yima yuhur tadborhawonrahrr.” 240 yiham toh furamor. Nhai nuwa yarmor. Tu wuroh yiharn bi yatinoh namborhohetrn, 3nd yima yuhum tadborhiwa tndhr mfnahhato kfo memorr, “Ni Bro Nkifrarhu yonn rhu thombat, ndar tahim wakfokahtnm, bretpam kekutrahm.” 4Tfit Jisasr kfo wok memorr, “Bro Nkifrarhu gonborngt kfo kangt,
‘Nhai wom yimar bretparpat yehato tohwonkahr. Nhai.
Bro Nkifrar kfoyuk mrokfo bugam yehato tohwor.’” Lo 8.3
5Inji nna pthanihato tfit nd tndhr yaknimorr, hanymorr Jerusalemko yorhwa temperrhu mingiahurhu bikatitn. Yura mhatohmorrn, kfo memorr, 6“Ni Bro Nkifrarhu yonn rhu thombat, watuhatoknikahnn, bbinysoft wamitohwonn. Bro gonborngt kfo kangt,
‘Bro Nkifrarhu mounmotm kforuhatrm,
wuyakitohak hanyrahmn.
Rroh tirmn mirhuniruhann,
nhai tahimpno mitawokruhatnm ninhu wuram.’” Sng 91.11-12
7Jisasr tfit kfo wok memorr, “Bro gonborngt kfo kangt,
‘Mirahn Bror ninhu Bro Nkifrar frnhombrakahann
afo htiruha finji hingrnaruhar.’” Lo 6.16
8Inji kfomotrr, tfit yaknimorr hamuhmorr yura kminysofmn. Yura mhatohhato fak nuhasmorr ndar bbinysofthu bro yufa nanyjaret kmi kmim. 9Kfo memorr, “Kanga akfoyann, nanhu yufat kfo nakuhato kfo tatorahn, be ninn nda bbinysof bugat hiruha.” 10Jisasr sinyahato kfo wok memorr, “Wuri wai! Bro gonborngt kfo kangt,
‘Bro Nkifrarparhu yufat kfo nakuhato kfo bruttnakfot.
Rorpar kfo bruttnahato hikkfot.’” Lo 6.13
11Be nd tndhr htanymorr Jisasr. Tndhr htanymohat Jisasr bi yati noh namborhoh bugamor. Tfit mounmotm yihato romn toh dbu hmbreyaknimotmr bmteft tfit fakmor.
Jisasr Galiliko rihingrnakmo yuhat
12Jonrhu kalabus hta mrokfot Jisasr wanyhato be tfit Galiliko yimor. 13Taun Nasaret htanyhato taun Kaperneamtn yi mtohmor. Kaperneamt korht Galili bari thmbtn, Sebulun Naftaliroh frikef yuhafhu bbinysoftn. 14Nd neft Jisasr namohat, bi Bro Nkifrar profet Aisaiarhu tngt kfo htamo yuhatn fak hikmort. 15Aisaiar kfo memor,
“Met yindarim Sebulunrhu tkitm tohyukm
yo Naftalirhu tkitm tohyukm,
marombko yita yihota yuhat yorhwa tkitm
yo tek Joden mkuko yorhwa tkitm,
ndm Galili distrikkorhofem.
Nd distrikt yima tangirohet.
16Nd met yindarim, be tu bro kspt yiro tohwam,
be htirahmt bro nukeft.
Nd met yindarim yifungt rhu hasoyukm nukeft yakrahtm.” Ais 9.1-2
Bro Nkifrarhu kingdomkfot Jisasr kfo ptha nuhasmo yuhati tuhan yindariroh dbohnefm yak thumo yuhat
Jisasr yakmo barkof husfihus hingrnanho yimam
17Nd yiharn Jisasr turhu mrokfot rikfo pthakmort. Kfo memour, “Hefenrhu kingdomkfot bi brbohwot. Ndnettn tamoh tamoh nefenm mong troh bugakfot.”
18Jisasr Galili bari thmbt yau hanyhato Saimon Andru najohf rugit yak yif hasetfn htimorf. Saimonr kto Pita yufat futamomr. Rof nd hingrneft hingrnahato maru kakmouf. 19Jisasr rof htihato kfo memorf, “Nann wania wahikfn. Nann wahikkahtfn yimaroh yakneft yak nuhasruhanfn.” 20Be rof inji wanyhato nd rugi wuskar myak htanihato mhikakni twanhomofr.
21Saimon Andru najohf yaknihato yimom. Yau hanyhato tfit buha Sebedirhu yon Jems Jon najohf mhtimorf. Rom tum nitohfit turoh mmbrt tohhato rugim fak nahu dbofta hasomom. Nd Sebedirhu yonf mhtihato kfo naku kangrf, “Wania wahikfna.” 22Be nd yon najohf inji wanymohat be mhikakni twanhomofr. Yifem Sebedir, ror htanymofr mmbrtn.
Jisasr bok yimam yak marnyamo yuhat
23Jisasr distrikt Galilit frhtfas bugamort. Turoh rhu rifinyuk rmonm yihato met yindarim mrokfom hemourm. Hefenrhu kingdomkfothu mrokfomn kfo nuhas bonuhasmourm. Yo met yindarim hatohyuk wonk wonk dbohnefm fak thu bugamorm. 24Rorhu ndkorhof yi nmbuhat Siria profinshu met yindarim wany hanyhato hne hna bugamomm womhtet womhtet dbohnefmpno kkor hasetm yo kmi yarh fknayetm yo yimam noh mumeft yakhato tir wuram mengongaknihato bruktpno bruktpno tohakniyetm yo tir noh wura nohetm, ndhtet ndhtet dbohnetm hne hna bugamotmm Jisasr fak marnya hanymorm. 25Nhai be kuken yima rifhur Jisasr hikrmomr. Kmim sinya buga hanymom. Galilikorhofm, distrik Dekapoliskorhofm, Jerusalem, Judia yo tek Joden mkuko tohyukm sinya bugahato hik hanymomr.

Você sabia?
Do deserto às margens da Galileia
- O tentador neste capítulo é chamado tanto de diabo como de Satanás, nome que significa "adversário" ou "acusador". Um dicionário bíblico observa que, no Novo Testamento, Satanás é usado de forma intercambiável com o diabo, e que ele tentou Jesus no deserto. Depois de jejuar quarenta dias e quarenta noites, Jesus recusou as exigências de transformar pedras em pão, de lançar-se do pináculo do templo e de adorar Satanás em troca dos reinos do mundo, respondendo com as Escrituras até que o diabo o deixou e anjos o serviram.Fontes: o próprio texto bíblico · Satan
- Quando Jesus soube que João tinha sido preso, retirou-se para a Galileia, deixou Nazaré e foi morar em Cafarnaum, à beira-mar, na região de Zebulom e Naftali, mudança que Mateus liga a palavras ditas por meio do profeta Isaías. Uma nota geográfica explica que a Galileia permaneceu por muito tempo ocupada por seus antigos habitantes e por isso passou a ser chamada "Galileia dos gentios". Cafarnaum não é mencionada no Antigo Testamento; um verbete sobre o lugar diz que, depois de Jesus ser expulso de Nazaré, ela se tornou a sua própria cidade.Fontes: o próprio texto bíblico · Galilee · Capernaum
- Caminhando à beira do mar da Galileia — um lago que o Evangelho de João também chama de mar de Tiberíades, com cerca de doze milhas e meia de comprimento —, Jesus chamou dois pares de irmãos que trabalhavam como pescadores. Simão, chamado Pedro, e André estavam lançando uma rede; um dicionário bíblico observa que André, de Betsaida, fora primeiro discípulo de João Batista, e que os dois irmãos só se tornaram acompanhantes habituais de Jesus depois da prisão de João. Mais adiante, Tiago e João, filhos de Zebedeu, estavam num barco com o pai consertando redes; Jesus os chamou, e os dois pares deixaram o trabalho e o seguiram.Fontes: o próprio texto bíblico · Andrew · James (Son of Zebedee) · Sea of Galilee
Notas escritas com auxílio de IA a partir de fontes abertas (Theographic Bible Metadata, CC BY-SA 4.0; Easton’s Bible Dictionary, domínio público) e revisadas antes de publicar.
Lugares deste capítulo
- Jerusalem · 31.777, 35.234 · versículos 5, 25
- Galilee · 32.760, 35.527 · versículos 12, 13, 15, 23, 25
- Judea · Hoje: Judea 1 · 31.777, 35.234 · versículos 12, 25
- Nazareth · 32.702, 35.298 · versículo 13
- Jordan · Hoje: Jordan River · 31.761, 35.558 · versículos 15, 25
- Sea of Galilee · 32.819, 35.590 · versículo 18
- Syria · Hoje: Syria 2 · 33.511, 36.306 · versículo 24
- Decapolis · 32.717, 35.800 · versículo 25
Só aparecem lugares com identificação de alta confiança (90% ou mais segundo as fontes acadêmicas reunidas pelo OpenBible). Mapa da época: DARE (Digital Atlas of the Roman Empire), CC BY 4.0; mapa atual: © colaboradores do OpenStreetMap; lugares: OpenBible.info (CC BY 4.0).
Créditos e licença desta tradução
Bro Nkifrarhu Mrokfot The New Testament in the Alamblak language of Papua New Guinea Nupela Testamen long tokples Alamblak long Niugini copyright © 2003, 2004 Wycliffe Bible Translators, Inc. Language: Alamblak This translation is made available to you under the terms of the Creative Commons Attribution-Noncommercial-No Derivatives license 4.0. You may share and redistribute this Bible translation or extracts from it in any format, provided that: You include the above copyright and source information. You do not sell this work for a profit. You do not change any of the words or punctuation of the Scriptures. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. 2011-07-22
Fonte: http://png.bible/amp/ · eBible.org