Nations Bible

Mateo 4

Bro Nkifrarhu Mrokfot · Toca un versículo para ver sus referencias cruzadas.

Satanr Jisasr kfo nhebehmo yuhat

1Be Jisasr ndhart htanymort. Bi Bro Nkifrarhu Yafothat thu nhombrayetrn, to be nd Yafothatn yak hatoh hanymottr, yimor nungur tik furatn. Bro Nkifrar duka memor, “Jisasr nd tkitt tohhato tndhr yihato rorhu yima yuhur tadborhawonrahrr.” 240 yiham toh furamor. Nhai nuwa yarmor. Tu wuroh yiharn bi yatinoh namborhohetrn, 3nd yima yuhum tadborhiwa tndhr mfnahhato kfo memorr, “Ni Bro Nkifrarhu yonn rhu thombat, ndar tahim wakfokahtnm, bretpam kekutrahm.” 4Tfit Jisasr kfo wok memorr, “Bro Nkifrarhu gonborngt kfo kangt,

‘Nhai wom yimar bretparpat yehato tohwonkahr. Nhai.

Bro Nkifrar kfoyuk mrokfo bugam yehato tohwor.’” Lo 8.3

5Inji nna pthanihato tfit nd tndhr yaknimorr, hanymorr Jerusalemko yorhwa temperrhu mingiahurhu bikatitn. Yura mhatohmorrn, kfo memorr, 6“Ni Bro Nkifrarhu yonn rhu thombat, watuhatoknikahnn, bbinysoft wamitohwonn. Bro gonborngt kfo kangt,

‘Bro Nkifrarhu mounmotm kforuhatrm,

wuyakitohak hanyrahmn.

Rroh tirmn mirhuniruhann,

nhai tahimpno mitawokruhatnm ninhu wuram.’” Sng 91.11-12

7Jisasr tfit kfo wok memorr, “Bro gonborngt kfo kangt,

‘Mirahn Bror ninhu Bro Nkifrar frnhombrakahann

afo htiruha finji hingrnaruhar.’” Lo 6.16

8Inji kfomotrr, tfit yaknimorr hamuhmorr yura kminysofmn. Yura mhatohhato fak nuhasmorr ndar bbinysofthu bro yufa nanyjaret kmi kmim. 9Kfo memorr, “Kanga akfoyann, nanhu yufat kfo nakuhato kfo tatorahn, be ninn nda bbinysof bugat hiruha.” 10Jisasr sinyahato kfo wok memorr, “Wuri wai! Bro gonborngt kfo kangt,

‘Bro Nkifrarparhu yufat kfo nakuhato kfo bruttnakfot.

Rorpar kfo bruttnahato hikkfot.’” Lo 6.13

11Be nd tndhr htanymorr Jisasr. Tndhr htanymohat Jisasr bi yati noh namborhoh bugamor. Tfit mounmotm yihato romn toh dbu hmbreyaknimotmr bmteft tfit fakmor.

Jisasr Galiliko rihingrnakmo yuhat

12Jonrhu kalabus hta mrokfot Jisasr wanyhato be tfit Galiliko yimor. 13Taun Nasaret htanyhato taun Kaperneamtn yi mtohmor. Kaperneamt korht Galili bari thmbtn, Sebulun Naftaliroh frikef yuhafhu bbinysoftn. 14Nd neft Jisasr namohat, bi Bro Nkifrar profet Aisaiarhu tngt kfo htamo yuhatn fak hikmort. 15Aisaiar kfo memor,

“Met yindarim Sebulunrhu tkitm tohyukm

yo Naftalirhu tkitm tohyukm,

marombko yita yihota yuhat yorhwa tkitm

yo tek Joden mkuko yorhwa tkitm,

ndm Galili distrikkorhofem.

Nd distrikt yima tangirohet.

16Nd met yindarim, be tu bro kspt yiro tohwam,

be htirahmt bro nukeft.

Nd met yindarim yifungt rhu hasoyukm nukeft yakrahtm.” Ais 9.1-2

Bro Nkifrarhu kingdomkfot Jisasr kfo ptha nuhasmo yuhati tuhan yindariroh dbohnefm yak thumo yuhat

Jisasr yakmo barkof husfihus hingrnanho yimam

17Nd yiharn Jisasr turhu mrokfot rikfo pthakmort. Kfo memour, “Hefenrhu kingdomkfot bi brbohwot. Ndnettn tamoh tamoh nefenm mong troh bugakfot.”

18Jisasr Galili bari thmbt yau hanyhato Saimon Andru najohf rugit yak yif hasetfn htimorf. Saimonr kto Pita yufat futamomr. Rof nd hingrneft hingrnahato maru kakmouf. 19Jisasr rof htihato kfo memorf, “Nann wania wahikfn. Nann wahikkahtfn yimaroh yakneft yak nuhasruhanfn.” 20Be rof inji wanyhato nd rugi wuskar myak htanihato mhikakni twanhomofr.

21Saimon Andru najohf yaknihato yimom. Yau hanyhato tfit buha Sebedirhu yon Jems Jon najohf mhtimorf. Rom tum nitohfit turoh mmbrt tohhato rugim fak nahu dbofta hasomom. Nd Sebedirhu yonf mhtihato kfo naku kangrf, “Wania wahikfna.” 22Be nd yon najohf inji wanymohat be mhikakni twanhomofr. Yifem Sebedir, ror htanymofr mmbrtn.

Jisasr bok yimam yak marnyamo yuhat

23Jisasr distrikt Galilit frhtfas bugamort. Turoh rhu rifinyuk rmonm yihato met yindarim mrokfom hemourm. Hefenrhu kingdomkfothu mrokfomn kfo nuhas bonuhasmourm. Yo met yindarim hatohyuk wonk wonk dbohnefm fak thu bugamorm. 24Rorhu ndkorhof yi nmbuhat Siria profinshu met yindarim wany hanyhato hne hna bugamomm womhtet womhtet dbohnefmpno kkor hasetm yo kmi yarh fknayetm yo yimam noh mumeft yakhato tir wuram mengongaknihato bruktpno bruktpno tohakniyetm yo tir noh wura nohetm, ndhtet ndhtet dbohnetm hne hna bugamotmm Jisasr fak marnya hanymorm. 25Nhai be kuken yima rifhur Jisasr hikrmomr. Kmim sinya buga hanymom. Galilikorhofm, distrik Dekapoliskorhofm, Jerusalem, Judia yo tek Joden mkuko tohyukm sinya bugahato hik hanymomr.

Ilustración artística: una interpretación, no un registro histórico.

¿Sabías que…?

Del desierto a las orillas de Galilea

  • Al tentador en este capítulo se le llama tanto diablo como Satanás, nombre que significa "adversario" o "acusador". Un diccionario bíblico señala que en el Nuevo Testamento Satanás se usa de manera intercambiable con el diablo, y que tentó a Jesús en el desierto. Después de ayunar cuarenta días y cuarenta noches, Jesús rechazó las exigencias de convertir las piedras en pan, de arrojarse desde el pináculo del templo y de adorar a Satanás a cambio de los reinos del mundo, respondiendo con la Escritura hasta que el diablo se fue y los ángeles lo atendieron.Fuentes: el propio texto bíblico · Satan
  • Cuando Jesús oyó que Juan había sido encarcelado, se retiró a Galilea, dejó Nazaret y se estableció en Capernaúm, junto al mar, en la región de Zabulón y Neftalí, traslado que Mateo vincula con palabras dichas por medio del profeta Isaías. Una nota geográfica explica que Galilea permaneció mucho tiempo ocupada por sus antiguos habitantes y por eso llegó a llamarse "Galilea de los gentios". Capernaúm no se menciona en el Antiguo Testamento; una entrada sobre el lugar dice que, después de que Jesús fue expulsado de Nazaret, se convirtió en su propia ciudad.Fuentes: el propio texto bíblico · Galilee · Capernaum
  • Mientras caminaba junto al mar de Galilea —un lago que el Evangelio de Juan también llama mar de Tiberíades, de unas doce millas y media de largo—, Jesús llamó a dos pares de hermanos que trabajaban como pescadores. Simón, llamado Pedro, y Andrés estaban echando una red; un diccionario bíblico señala que Andrés, de Betsaida, había sido primero discípulo de Juan el Bautista, y que los dos hermanos no se convirtieron en acompañantes habituales de Jesús sino hasta después del encarcelamiento de Juan. Más adelante, Santiago y Juan, hijos de Zebedeo, estaban en una barca con su padre remendando las redes; Jesús los llamó, y ambos pares dejaron su trabajo y lo siguieron.Fuentes: el propio texto bíblico · Andrew · James (Son of Zebedee) · Sea of Galilee

Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.

Lugares de este capítulo

  • Jerusalem · 31.777, 35.234 · versículos 5, 25
  • Galilee · 32.760, 35.527 · versículos 12, 13, 15, 23, 25
  • Judea · Hoy: Judea 1 · 31.777, 35.234 · versículos 12, 25
  • Nazareth · 32.702, 35.298 · versículo 13
  • Jordan · Hoy: Jordan River · 31.761, 35.558 · versículos 15, 25
  • Sea of Galilee · 32.819, 35.590 · versículo 18
  • Syria · Hoy: Syria 2 · 33.511, 36.306 · versículo 24
  • Decapolis · 32.717, 35.800 · versículo 25

Solo aparecen lugares identificados con alta confianza (90 % o más según las fuentes académicas reunidas por OpenBible). Mapa de la época: DARE (Digital Atlas of the Roman Empire), CC BY 4.0; mapa actual: © colaboradores de OpenStreetMap; lugares: OpenBible.info (CC BY 4.0).

Créditos y licencia de esta traducción
Bro Nkifrarhu Mrokfot
The New Testament in the Alamblak language of Papua New Guinea
Nupela Testamen long tokples Alamblak long Niugini
copyright © 2003, 2004 Wycliffe Bible Translators, Inc.
Language: Alamblak
This translation is made available to you under the terms of the
Creative Commons Attribution-Noncommercial-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not sell this work for a profit.
You do not change any of the words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2011-07-22

Fuente: http://png.bible/amp/ · eBible.org

Habla con nosotros

Cuéntanos desde dónde lees, cómo te ha ayudado la Biblia o qué podemos mejorar. Leemos todos los mensajes.