Gênesis 48
BAL CEHEC JE HAUN · Toque num versículo para ver as referências cruzadas.
Jekob uqa Ifrem Manasaca eelalen
1Aria ceteh i hedocob saen leih leceb age Josef madoin, “Hina memen uqa hag nijia,” doin. Eunu uqa melahul lecis Manasa Ifremca ehaleceb lein.
2Saen Jekob uqa edi madocobil, “Hina melem Josef uqa hinaca hoia,” docobil uqa gagadic mimei caji cabalna bilen.
3Odocob uqa Josef madon, “Anut Gagadic Odocca uqa Kenan mahana Lus ono ijaca calimei ono uqa eeltiti 4je edi maten, ‘Ija odocna hina fulusdumeg mati bahic calegan. Hina sihul mati calegan. Odocob ija maha i hinana sihul hina toohi cali hoqagan eu adigen. Maha i agena gaid bileceb catanigian,’ ten. 5Aria hina melem lecis ija Isip ene hinaca qee hoc ninijen cali hosin eu ale ijana mel bilesia. Ifrem Manasaca ale ijana mel Ruben Simionca cinigwe calowasan. 6Hina melemenel haun melem lecis i ale tooali cali hocobilfi eu age ijana mel qee calowain. Hina melemenel eu age ceteteh age mugumuga mec eu Ifrem Manasacanadec cedoqagan. 7Ija Reselnu odi odigina. Ija Mesopotemiadec ceceseligin Resel uqa Efrat cemenug Kenan mahana cal men. Odocob ija uqanu wawi ben me qee men. Eunu ija Efrat ono jic gesacna hel cisem,” don. Qila Efrat eu Betlehem.
8Odocob Jekob uqa Josef melahul lecis eu mecialimei uqa sisildon, “Mel i ale indec?” don.
9Odocob Josef uqa memeg jejeg hewi madon, “Eu ija melamiel lecis Anut uqa Isip ene iten,” don.
Odocob Jekob uqa madon, “Ehali ijaca hocom eelaligen,” don. 10Aria Jekob uqa toia mennu ameg eu me bahic qee. Uqa mecii cuhadocwe qee. Eunu Josef uqa melahul eu memeg cemenug ehali leceb uqa cotaali cogaalen. 11Odocob Jekob uqa Josef madon, “Ija hina olain haun qee figaun em qa qila Anut odocna ija hina melemenelha meciadigina,” don. 12Odocob Josef uqa melahul eu ale uqa memegna gobnadec cedalen. Odimei uqa du qahi mahana non.
13Odocob Josef uqa melahul lecis eu cedalen. Odimei Ifrem Jekob eben ansena isec muden. Odocob Manasa Jekob eben meulana isec muden. Odimei ehali memegca cemenug len. 14Odonqa Jekob uqa eben wadacalimei eben meula eu Ifrem ilona men qa Ifrem uqa milum. Odimei uqa eben anse eu Manasa ilona men qa Manasa uqa matu. 15Odocob uqa Josef eeldudu je edi maden,
“Anut ija memiel Ebraham Aisakca ale uqa amegna cobosin
uqa mel i ale eelaleiale.
Anut ija cofteten cocobi hu
qila saen ina gadac uqa eelaleiale.
16Ensel ija aisais me qeenadec besiti oiten eu
uqa mel i ale eelaleiale.
Odocob ija ijanica ija memiel ijanagaca eu aleca bileiale.
Odocob alena sihul mati bahic fulusdosiale,” en.
17Aria Josef uqa memeg eben meula eu Ifrem ilona memen fimei uqa eu odinu waug qee nijel. Eunu uqa memeg eben eu umei waldu ehi li Manasa ilona mecnu odon. 18Odimei Josef uqa madon, “O mei eu odi qee. I eu uqa matu hina eben meula eu i ilona maga,” don.
19Qa uqa memeg cuculi bili madon, “O melami, ija dugina, ija dugina. Uqaha uqana sihul hibna sihul ben oso caloqagan. Qa uqa waliag milum eu uqana sihul age benben caloqagan. Euqa uqa matuna sihul wooldoc caloqagan,” don.
20Eunu uqa deel euna eelali maden, “Isrel age ale ijanalana eel docobdocob oqagan. Age madoqagan, ‘Anut odocna age Ifrem Manasaca cinigwe caleigale,’ oqagan,” en. Eunu Jekob uqa eeldoc je euna Ifrem Manasa aqunitu men.
21Odocob Jekob uqa Josef madon, “Ija cal mige dodoldudugin hina fecitem. Qa Anut uqa hinaca biligian. Odimei ehihi nui hina asinel agena mahana mihigian. 22Sekem, maha laloca, ija Amo dana ebeneganadec, sigin qalicana cacadi cawaladem, maha eu hina walinel qee adigaun qa hina ihigina,” don.

Você sabia?
Adoção e bênção de Efraim e Manassés
- Jacó considera seus os dois filhos de José, nascidos no Egito, no mesmo nível de Rúben e Simeão, filhos de Lia. Os filhos que nascessem a José depois deles continuariam sendo de José e seriam chamados pelo nome dos irmãos no território que herdassem.Fontes: o próprio texto bíblico · Manasseh (son of Joseph) · Reuben · Simeon
- Manassés era o filho mais velho e Efraim o mais novo, nascido no Egito. O nome Efraim significa dupla fecundidade, porque Deus o tornara fecundo na terra da sua aflição. Embora Israel mal pudesse ver por causa da idade, cruzou as mãos, pôs a direita sobre Efraim e insistiu que o irmão mais novo seria maior.Fontes: o próprio texto bíblico · Ephraim · Manasseh (son of Joseph)
- Jacó recorda que Deus Todo-Poderoso lhe apareceu em Luz, na terra de Canaã, e ali o abençoou. Luz era o nome antigo de uma cidade real cananeia perto de Betel, onde Jacó parou e recebeu uma visão profética. Ele também se lembra de Raquel, mãe de José, que morreu, para sua tristeza, no caminho de volta de Padã — nome que aparece só neste versículo, para designar Padã-Arã — e que ele sepultou à beira da estrada de Efrata, isto é, Belém.Fontes: o próprio texto bíblico · Luz · Paddan · Rachel
Notas escritas com auxílio de IA a partir de fontes abertas (Theographic Bible Metadata, CC BY-SA 4.0; Easton’s Bible Dictionary, domínio público) e revisadas antes de publicar.
Lugares deste capítulo
- Canaan · 32.767, 35.333 · versículos 3, 4, 7, 21
- Luz · Hoje: Beitin · 31.923, 35.241 · versículo 3
- Egypt · 30.129, 31.308 · versículos 5, 9
- Bethlehem · 31.704, 35.208 · versículo 7
- Ephrath · Hoje: Bethlehem · 31.704, 35.208 · versículo 7
Só aparecem lugares com identificação de alta confiança (90% ou mais segundo as fontes acadêmicas reunidas pelo OpenBible). Mapa da época: DARE (Digital Atlas of the Roman Empire), CC BY 4.0; mapa atual: © colaboradores do OpenStreetMap; lugares: OpenBible.info (CC BY 4.0).
Créditos e licença desta tradução
BAL CEHEC JE HAUN Genesis and the New Testament in the Amele language of Papua New Guinea Buk Stat na Nupela Testamen long tokples Amele long Niugini copyright © 1997 Wycliffe Bible Translators, Inc. Language: Amele Contributor: Wycliffe Bible Translators This translation is made available to you under the terms of the Creative Commons Attribution-Noncommercial-No Derivatives license 4.0. You may share and redistribute this Bible translation or extracts from it in any format, provided that: You include the above copyright and source information. You do not sell this work for a profit. You do not change any of the words or punctuation of the Scriptures. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. 1997-01-01
Fonte: http://png.bible/aey/ · eBible.org