Nations Bible

Génesis 48

BAL CEHEC JE HAUN · Toca un versículo para ver sus referencias cruzadas.

Jekob uqa Ifrem Manasaca eelalen

1Aria ceteh i hedocob saen leih leceb age Josef madoin, “Hina memen uqa hag nijia,” doin. Eunu uqa melahul lecis Manasa Ifremca ehaleceb lein.

2Saen Jekob uqa edi madocobil, “Hina melem Josef uqa hinaca hoia,” docobil uqa gagadic mimei caji cabalna bilen.

3Odocob uqa Josef madon, “Anut Gagadic Odocca uqa Kenan mahana Lus ono ijaca calimei ono uqa eeltiti 4je edi maten, ‘Ija odocna hina fulusdumeg mati bahic calegan. Hina sihul mati calegan. Odocob ija maha i hinana sihul hina toohi cali hoqagan eu adigen. Maha i agena gaid bileceb catanigian,’ ten. 5Aria hina melem lecis ija Isip ene hinaca qee hoc ninijen cali hosin eu ale ijana mel bilesia. Ifrem Manasaca ale ijana mel Ruben Simionca cinigwe calowasan. 6Hina melemenel haun melem lecis i ale tooali cali hocobilfi eu age ijana mel qee calowain. Hina melemenel eu age ceteteh age mugumuga mec eu Ifrem Manasacanadec cedoqagan. 7Ija Reselnu odi odigina. Ija Mesopotemiadec ceceseligin Resel uqa Efrat cemenug Kenan mahana cal men. Odocob ija uqanu wawi ben me qee men. Eunu ija Efrat ono jic gesacna hel cisem,” don. Qila Efrat eu Betlehem.

8Odocob Jekob uqa Josef melahul lecis eu mecialimei uqa sisildon, “Mel i ale indec?” don.

9Odocob Josef uqa memeg jejeg hewi madon, “Eu ija melamiel lecis Anut uqa Isip ene iten,” don.

Odocob Jekob uqa madon, “Ehali ijaca hocom eelaligen,” don. 10Aria Jekob uqa toia mennu ameg eu me bahic qee. Uqa mecii cuhadocwe qee. Eunu Josef uqa melahul eu memeg cemenug ehali leceb uqa cotaali cogaalen. 11Odocob Jekob uqa Josef madon, “Ija hina olain haun qee figaun em qa qila Anut odocna ija hina melemenelha meciadigina,” don. 12Odocob Josef uqa melahul eu ale uqa memegna gobnadec cedalen. Odimei uqa du qahi mahana non.

13Odocob Josef uqa melahul lecis eu cedalen. Odimei Ifrem Jekob eben ansena isec muden. Odocob Manasa Jekob eben meulana isec muden. Odimei ehali memegca cemenug len. 14Odonqa Jekob uqa eben wadacalimei eben meula eu Ifrem ilona men qa Ifrem uqa milum. Odimei uqa eben anse eu Manasa ilona men qa Manasa uqa matu. 15Odocob uqa Josef eeldudu je edi maden,

“Anut ija memiel Ebraham Aisakca ale uqa amegna cobosin

uqa mel i ale eelaleiale.

Anut ija cofteten cocobi hu

qila saen ina gadac uqa eelaleiale.

16Ensel ija aisais me qeenadec besiti oiten eu

uqa mel i ale eelaleiale.

Odocob ija ijanica ija memiel ijanagaca eu aleca bileiale.

Odocob alena sihul mati bahic fulusdosiale,” en.

17Aria Josef uqa memeg eben meula eu Ifrem ilona memen fimei uqa eu odinu waug qee nijel. Eunu uqa memeg eben eu umei waldu ehi li Manasa ilona mecnu odon. 18Odimei Josef uqa madon, “O mei eu odi qee. I eu uqa matu hina eben meula eu i ilona maga,” don.

19Qa uqa memeg cuculi bili madon, “O melami, ija dugina, ija dugina. Uqaha uqana sihul hibna sihul ben oso caloqagan. Qa uqa waliag milum eu uqana sihul age benben caloqagan. Euqa uqa matuna sihul wooldoc caloqagan,” don.

20Eunu uqa deel euna eelali maden, “Isrel age ale ijanalana eel docobdocob oqagan. Age madoqagan, ‘Anut odocna age Ifrem Manasaca cinigwe caleigale,’ oqagan,” en. Eunu Jekob uqa eeldoc je euna Ifrem Manasa aqunitu men.

21Odocob Jekob uqa Josef madon, “Ija cal mige dodoldudugin hina fecitem. Qa Anut uqa hinaca biligian. Odimei ehihi nui hina asinel agena mahana mihigian. 22Sekem, maha laloca, ija Amo dana ebeneganadec, sigin qalicana cacadi cawaladem, maha eu hina walinel qee adigaun qa hina ihigina,” don.

Ilustración artística: una interpretación, no un registro histórico.

¿Sabías que…?

Adopción y bendición de Efraín y Manasés

  • Jacob cuenta como suyos a los dos hijos de José, nacidos en Egipto, al mismo nivel que Rubén y Simeón, hijos de Lea. Los hijos que le nacieran a José después de ellos seguirían siendo de José y llevarían el nombre de sus hermanos en el territorio que heredaran.Fuentes: el propio texto bíblico · Manasseh (son of Joseph) · Reuben · Simeon
  • Manasés era el hijo mayor y Efraín el menor, nacido en Egipto. El nombre Efraín significa doble fecundidad, porque Dios lo había hecho fecundo en la tierra de su aflicción. Aunque Israel apenas podía ver por la edad, cruzó las manos, puso la derecha sobre Efraín e insistió en que el hermano menor sería mayor.Fuentes: el propio texto bíblico · Ephraim · Manasseh (son of Joseph)
  • Jacob recuerda que Dios Todopoderoso se le apareció en Luz, en la tierra de Canaán, y allí lo bendijo. Luz era el nombre antiguo de una ciudad real cananea cerca de Betel, donde Jacob se detuvo y recibió una visión profética. También recuerda a Raquel, madre de José, que murió, para su tristeza, al volver de Padán —nombre que aparece solo en este versículo, para designar Padán-aram— y a quien sepultó junto al camino de Efrata, es decir, Belén.Fuentes: el propio texto bíblico · Luz · Paddan · Rachel

Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.

Lugares de este capítulo

  • Canaan · 32.767, 35.333 · versículos 3, 4, 7, 21
  • Luz · Hoy: Beitin · 31.923, 35.241 · versículo 3
  • Egypt · 30.129, 31.308 · versículos 5, 9
  • Bethlehem · 31.704, 35.208 · versículo 7
  • Ephrath · Hoy: Bethlehem · 31.704, 35.208 · versículo 7

Solo aparecen lugares identificados con alta confianza (90 % o más según las fuentes académicas reunidas por OpenBible). Mapa de la época: DARE (Digital Atlas of the Roman Empire), CC BY 4.0; mapa actual: © colaboradores de OpenStreetMap; lugares: OpenBible.info (CC BY 4.0).

Créditos y licencia de esta traducción
BAL CEHEC JE HAUN
Genesis and the New Testament in the Amele language of Papua New Guinea
Buk Stat na Nupela Testamen long tokples Amele long Niugini
copyright © 1997 Wycliffe Bible Translators, Inc.
Language: Amele
Contributor: Wycliffe Bible Translators
This translation is made available to you under the terms of the
Creative Commons Attribution-Noncommercial-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not sell this work for a profit.
You do not change any of the words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
1997-01-01

Fuente: http://png.bible/aey/ · eBible.org

Habla con nosotros

Cuéntanos desde dónde lees, cómo te ha ayudado la Biblia o qué podemos mejorar. Leemos todos los mensajes.