Nations Bible

Génesis 2

Buki Tabu Beyabeyana · Toca un versículo para ver sus referencias cruzadas.

1Bwaine besiele bulibuli yo yanuwa yaulina yo ginauli meuloina Yaubada iyamayaleli. Ana paisowa meuloina iyemwawasi. 2Muli mena kaliyate sebenna (7) koina Yaubada ana paisowa igitai imwawasi mwa ikaiyawasi. 3Kabo Yaubada kaliyate seben iwalo-muloloi yo iyakasisiyan kaiwena kaliyatene bwaite koina ikaiyawasi ana yamayamayale paisowana meuloina koina.

Tano Ideni

4Yaubada bulibuli yo yanuwa yaulina iyamayaleli imwawasi yo edeededena bwaite besiele. Saugana Yeoba Yaubada bulibuli yo yanuwa yaulina iyamayaleli yo tomo tabe iyamayale. 5Baguna nige naga mayau yabo o nuwana kawasi yabo ikikin-yawatagilima bwatano mena, nuwana ule mena, nuwana tano mena kaiwena Yaubada nige naga galewa iyayataluyama bwatano iyayabuta yo nige tomo ipapagan na yakato bwatano ikatububunan na igiyali. 6Na waila idoga-saema bwatanone pwatana meuloina iyabuta. 7Yaubada bwatano kauna ikalai kabo koina tomo iyamayale. Kabo yawasina iyui-panaisan isuna koina kabo iyamala tomo meyawasina. 8Kabo Yaubada tano iyamayale dedei tete bomatu mena, bwaimwa Ideni koina, kabo tomone iyayamayalewa ipei tanone koina. 9Yaubada mayau uloina uloina kali koleya namwanamwali yo kanli namwanamwali kekan kaiwena ikumaili bwaine koina na tanone luwaluwalina mena mayau labui ikumaili, yabo yawasi kana mayau yo yabo naenaena yo namwanamwana kali katai mayauna. 10Yalubwasi yabo kikiuna ididi ilaoma tano Ideni luwaluwalina mena ididi-utusi ilobi na sauga meuloina tanone iyabuyabuta. Kabo yalubwasine lagalaganao esopali ipaisowaili siyamala yalubwasi kulukulunao. 11Yalubwasi bagubagunana esana Paison, iya dedei Abila meuloina ididi-takikilan. 12Na dedeine koina gole imiyamiya, golene inamwanamwasosi. Tabe mayau yabo ikin dedeinane koina iya sikalai na koina olo bwalaina namwanamwana sipaisowai yo veku dubadubali kali koleya namwanamwali simiyamiya tabe. 13Yalubwasi labuina esana Gaiyon, iya dedei Kusa meuloina ididi-takikilan. 14Waila yaiyonana Taigilis, iya ididilau yanuwa Asiliya tete bomatu mena yo waila esopalina esana Yupeleitisi. 15Yaubada tomone ikalai yo ipei tano Ideni koina na iyapaisowa yo igite-kalatan. 16Kabo iwalo koina iba, “Sowasowana bwaite mayau meuloili tanone kalona mena kanliyao kolili ukekan, 17na naenaena yo namwanamwana kali katai mayauna kanna tabu koina ukwekekan, kaiwena sauganane tem ukwan kani kuboita.”

18Kabo muli mena Yaubada iwaloba, “Nige inanamwanamwa tem tomo kaigedamo imiyamiya. Sowasowana kana toegelugelu yabo yayamayale na mekanakava simiyamiya.” 19Na Yaubada yakayakan meuloili iyamayaleliko, siya silolokeikeile bwatano pwatana mena yo siya sievaeva sowasowaga bwagabwaga mena, kabo iyoganli ilawagilima tomone koina na igitagitai toisabo esa kani iwolegili. Kabo tomone yakayakan siya sokasokali yo manamanasamli yo siya man sievaeva-keikeile meuloili esaliyao iwolegili. Na bwaine kamwasane koina yakayakan meuloili esaliyao sikalaili. Na Adama nige naga kana toegelugelu yabo ilolobai yakato kana tosagu namwanamwana. 21Kabo Yaubada tomone kenomate lalakina iwolena koina. Saugana ikenokeno kabo lusulusuna kaigeda ikalai yo kwapina iyapatu-yavivilayoi. 22Yo lusulusune ikalaiyama tomone koina kabo koina sine iyamayale. Imwawasi kabo iyoganama koina. 23Saugana tomone sinene igitai iba, “Ee bwaite kagu lonamwa yawasosi ele iya, kaiwena tuwatuwana ilaomaya tuwatuwagu koina yo bulumana ilaomaya bulumagu koina kabo esana yapei sine, kaiwena iya iyamayaleyamaya tau yona koina.” 24Bwaite kaiwena tau tamana yo sinana ilogabaegili ilau mewainena simiya-kaigeda, kabo yoli labuine siyamala kwapi kaigeda. 25Na Adama yo wainena sikowakowa na iyamo nige simwamwalimwaline.

Ilustración artística: una interpretación, no un registro histórico.

¿Sabías que…?

Adán, el Edén y los cuatro ríos

  • Adán, que significa “rojo”, es una palabra babilónica y el nombre común del ser humano, con el mismo sentido en hebreo y en asirio. Se le dio al primer hombre. Fue formado del polvo de la tierra —de ahí el nombre— y Dios sopló en sus narices el aliento de vida.Fuentes: Adam · el propio texto bíblico
  • Un río salía del Edén y se dividía en cuatro brazos: el Pisón, el Gihón, el Hidekel y el Éufrates. Algunos identifican el Pisón con el Fasis o el Halis; otros, con el Indo, el Ganges u otros ríos más. El Gihón ha sido identificado con el Nilo, y otros lo consideran el Oxo, el Araxes o el Ganges. El Hidekel es el Tigris, llamado por los acadios el río de Idikla; Gesenius entendió el nombre como “el Tigris rápido”.Fuentes: el propio texto bíblico · Pison · Gihon · Hiddekel
  • El sitio del Edén, el jardín en el que vivieron los primeros padres, se ha discutido más que casi cualquier otra cuestión geográfica. Se ha situado en Armenia, en la región al oeste del mar Caspio, en Media, cerca de Damasco, en Palestina, en el sur de Arabia y en Babilonia. El Easton's Bible Dictionary (1897) lo busca a lo largo del Tigris y del Éufrates del Asia occidental, en la tierra de Sinar, o Babilonia.Fuentes: Eden

Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.

Lugares de este capítulo

  • Assyria · 36.359, 43.153 · versículo 14
  • Euphrates · Hoy: Euphrates River · 31.004, 47.442 · versículo 14
  • Tigris · Hoy: Tigris River · 31.004, 47.442 · versículo 14

Solo aparecen lugares identificados con alta confianza (90 % o más según las fuentes académicas reunidas por OpenBible). Mapa de la época: DARE (Digital Atlas of the Roman Empire), CC BY 4.0; mapa actual: © colaboradores de OpenStreetMap; lugares: OpenBible.info (CC BY 4.0).

Créditos y licencia de esta traducción
Buki Tabu Beyabeyana
Portions of the Old Testament in the Tubetube dialect of the Bwanabwana language of Papua New Guinea
Hap Olpela Testamen long tokples Tubetube long Niugini
copyright © 2019 Wycliffe Switzerland
Language: Tubetube (Bwanabwana) (Bwanabwana)
Dialect: Tubetube
This translation is made available to you under the terms of the
Creative Commons Attribution-Noncommercial-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not sell this work for a profit.
You do not change any of the words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2022-08-18

Fuente: http://png.bible/tteo/ · eBible.org

Habla con nosotros

Cuéntanos desde dónde lees, cómo te ha ayudado la Biblia o qué podemos mejorar. Leemos todos los mensajes.