Jonás 2
Uumeleembaa Buŋa Tere Soomoŋgo Gbilia · Toca un versículo para ver sus referencias cruzadas.
Joonanoŋ gajugaju korojoŋanoŋ eŋ qama kooliro.
1Joonanoŋ sara uutanoŋ eŋ Poŋ Anutuya qama kooliŋ muŋ 2kokaeŋ ijoro:
“Oo Poŋ, nii kokojinjiŋ uutanoŋ qama kooliŋ gombe
gii qaana moma leeya meleemba.
Nii koomuwaa senjoŋ dusiitanoŋ eŋ komuŋ tagoŋ welema gombe
gii geja ama jejewelenwelena mojaŋ.
3Gii monago kowe biiwi jabiriŋanoŋ (jauŋanoŋ) hagoŋ noŋgi kamaaŋ ejeŋ.
Geeŋgo riiwagoŋ nona gomaŋ siŋsiŋgoyaa dutanoŋ kamaabe
gboulu somatanoŋ esuuŋ nonja.
Goo apu kokopa kuuya ii musuluŋgoŋ nonja.
Goo kowe siriga ii turuŋ neŋ olaaŋ nonja.
4Nii kokaeŋ romoŋgojeŋ: Gii geeŋgaa jaasewaŋganoŋa
konjoma nona sooŋ tintuaŋ ejeŋ.
Ii kileŋ nii mombo jaananoŋ goo jiwowoŋ jigo kowogaageŋ
uuwe keno jejeromoŋromoŋ anjeŋ.
5Apu ano omanjareya ii qananoŋ uma turuŋ nondaboroja.
Kowe biiwi jauŋagadeeŋ liligoŋ nondaboroja.
Kowewaa tokoleya ii jamojuju kaaŋa waŋna momosiiŋ esuuja.
6Nii kowe biiwi jauŋaa dusiitanoŋ koi kanoŋ uluŋgoŋ kamaajeŋ.
Kowe biiwi jauŋaa jaa unuŋa ii koŋgi
pondaŋ qananoŋ eu somoŋgoŋ nonja.
Oo Poŋ Anutuna, nii koi laligojento,
gii mono koomuwaa senjoŋ dusiita
koi kanoŋa gou koma nona
saanoŋ mombo laaligonoŋ koumaŋ.
7“Noo laaligonanoŋ qaomambaajoŋ ano kambaŋ koi kanoŋ
oo Poŋ, nii romoŋgoŋ gombe qamakoolinanoŋ keuma
goo Siwe jigo kowoganoŋ eu uma gejaganoŋ kemebaati, ii mojeŋ.
8“Ejemba gadokopa beŋ lopioŋ omaya goda qeŋ usugoŋ oŋomakejuti,
iyoŋonoŋ kaeŋ ama kaleŋmoriaŋ Toya gii gema guŋkejuto,
9nii mono mepemepesee ooŋsaa qama
mamatewoo ama siimoloŋ ooŋ gomambaajoŋ mojeŋ.
Nii iwoi amambaa qaa jeŋ somoŋgobeti,
iikawaa so mono ama sorogoŋkemaŋa.
Oo Poŋ, gii gou koŋkoŋ Tona koloojaŋ. Qaa ii oŋanoŋ.”
10Kaeŋ qama kooliro Poŋnoŋ sara ii jeŋ kotoŋ muro
kaŋ kouma Joona lono namo toboganoŋ kamaaro. Kiaŋ.

¿Sabías que…?
La oración y liberación de Jonás
- La oración de Jonás utiliza imágenes poéticas para describir su experiencia cercana a la muerte, retratando las profundidades marinas como el 'vientre del Seol', donde descendió hasta los 'cimientos de los montes' con algas enredadas en su cabeza.Fuentes: el propio texto bíblico
- Incluso estando sumergido en las profundidades dentro del pez, Jonás dirige sus pensamientos hacia el santo templo de Dios, prometiendo cumplir sus votos y ofrecer sacrificios de alabanza.Fuentes: el propio texto bíblico
- Según los registros bíblicos, el profeta Jonás era hijo de Amitai, natural de Gat-hefer, y ejerció su ministerio durante el reinado de Jeroboam II en Israel.Fuentes: Jonah
Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.
Créditos y licencia de esta traducción
Uumeleembaa Buŋa Tere Soomoŋgo Gbilia The New Testament and portions of the Old Testament in the Borong Language of Papua New Guinea Sampela hap Buk Baibel long tokples Borong long Niugini Copyright © 2002, 2011 The Bible Society of Papua New Guinea Language: Borong Translation by: Wycliffe Bible Translators This translation is made available to you under the terms of the Creative Commons Attribution-Noncommercial-No Derivatives license 4.0. You may share and redistribute this Bible translation or extracts from it in any format, provided that: You include the above copyright and source information. You do not sell this work for a profit. You do not change any of the words or punctuation of the Scriptures. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. 2015-01-26
Fuente: http://png.bible/ksr/ · eBible.org