Nations Bible

Génesis 50

Nacom Pejume Diwesi po diwesi pena jume diwesi xua Jesucristo yabara tinatsi · Toca un versículo para ver sus referencias cruzadas.

1Inchen Josébe nui møskawei asrwan ira, kishib muchabig køn. 2Incha Josébe tru mø marøbelø nun purugub pønrrabelan nui møskawei asrwan minchib irrøramønrrai mø marøb tamarøngarubig køn. Inchen tru mø marøbeløbe treeg marøbelø køn. 3Tru treeg tamarøb kømibe kwalømmera cuarenta nemisramne købig køn. Inchen egipciosmerabe kwalømmera setenta nemisramne isub kishibelø køn.

4Inchen yandø tru isub kisam kwalømmera patsøben, Josébe Faraon karub wainug purrab misaameran trenchibig køn:

—Ñim truyu purrabelai merrab ñim nan tab indamdiig kuinabene, tiusmanda Faráonwan trenchirrunrrigay cha: 5“Nai møskaimbe nø kwamøwatø, øyeegwan marmø kømø, ¡katø! nane maramønrrun tingaruig køn cha: ‘Canaan pirausrø søramig nø ashib tamarig pasrabigu, nun trusrø søramig kønrrai.’ Inchawei nai møskawan trusrø sørønrrab ibashcha” tan chinrrigay cha, nabe katø arrumønrrun— cha.

6Inchene Faraónbe trenchibig køn:

—Ñui møskai øyeegwan marmø kømø, ¡Katø! Martrurrunrrig cha trendaigwan ñi treeg martrab misrig købene, trube, sørønrrab inrrø— cha.

7Inchen Josébe møskawan sørønrrab nebiben, Faraonwan tru nø karub waigu purugub purabelø nørrø kølli misaameraba, katø Egipto pirau nørrø kølli misaameraba, nune linchibelø køn. 8Katø Joséwei yau misaamera mayamba, katø nui nunelø køben, møskawei yau misaamera køben, nebambubelø køn. Gosén piraube nømui ureemeranbah, ubishameranbah, cabrameranba, waarameranbahtø kørrømara. 9Incha nøbabe kaulli sruin karretillamerayu suldaumera køben, suldaumera kaulli palar køben tsimaytø lincha nebambubelø køn, misag purø nørrøgue.

10Incha Atat taigwei tirigu itsiisrø, tru Jordan pi pulusrø puabe, tsusrømbe mayangucha nu isub kishib treeg marøbelø køn. Trusrømbe Josébe møskainzhig yandø muga misren, trattrø y pa kwaløm isuin inchib kishibig køn. 11Inchen truigwan tru Canaán pirau warab misaamera ashabe, tru Atadwei tirigu chish marin tulyu truba truba isuig kishib kui ashabe, trenchibelø køn:

—Egipciosmera øyeekkatig kishib kuibe purø nuig kørren— cha. Inchagurri tru Jordan pi ambøgatømaysrømbe Abel Mizraim cha wamig køn. (Trenchippe: “Egipciosmera purø isui inchib puraambinug køn” chib.)

12Inchen Jacobwei nusrkaløbe nømun maig martrai nø miaigwan treeg marøbelø køn. 13Nui nusrkaløbe Canaán pirausrømay srua amba, Macpela pirau peñayu trab lalig pasrabigu sørabelø køn, tru Efron hititan Abraham pirøwanbañau peninug, nui yau misaameran sørab tøgagømig, tru Mamre pulusrø. 14Yandø møskawan chab sørabe, Josébe Egiptomay katø nebarrubig køn, nui nuneløba, katø maya misamera sørønrrab lincha amrrubeløba.

15Inchen Joséwei nuneløbe møskai kwaig yandø mugaabene, trunun isub mendabe, trenchibelø køn:

—¿Josébe namune katøgucha namig isub srø unin kønrrab kø chinderah cha, nam nun øyeeg kalø marigwan trunun isua?—

16Inchabe José waisrømay trencha karua ørøbelø køn:

“Ñui møskaimbe nø kwamøwatø, namune trencha karua pasrig køn cha: 17‘Ñimbe Joséwan øyeeg chinrrigay cha: Ñui nunelø yeeg kaig marøb, ñun kalø marigwan Tiusmanda ulø paymø pesannarrunrrig cha’ Inchawei møimbe tiusmanda, nam ñui møskawei Tius karuigwan marøb melabeløtøwein kuinaig købene tru trømbøig kalø mariilane pesannarrunrrig” cha. Inchen øyeeg wamindigwan mørabe, Josébe kishibig køn.

18Inchen nuneløgucha Joséwei merrab chab pua, utsøbasrabe, trenchibelø køn:

—Nambe ñi ka karuindiig melabelø kønrrer— cha.

19Inchene Josébe trenchibig køn:

—Chi kørig kui inchimøtay cha. ¿Nagan Tius nø marigwan na pasramisra marøb pasramuitarru? cha. 20Ñimbe nane kaig martrab isua maren, trune Tiusbe tru kaig marigwane tabig punrrai yunømaran cha, tru møi nam ashib pønrraigwan martrab, misag nørrø pasrabigwan øsig tøgagønrrab. 21Inchawei ñimbe chi kørig kui inchimøtay cha, nabe ñimunba, ñimui ureemeranba ashib tøgagømønrrun— cha. Øyamay nui manrraugurri undaatøga, chi isui inchimønrrai waminchibig køn.

José Kwaig

22Josébe nui møskawei yau misaameraba Egipto pirau tsuig købig køn. Nøbe pilamera ciento diezkatig øsig tsuig købig køn. 23Incha Josébe Efrainwei katøburø awelu ureemeranguen nebua ashib, katø Manaséswei nusrkai tru Maquirwei ureemeranguen nai ureemeratøwein misran chib, srøbchagu mutab indig kuig køn.

24Incha Josébe wendøsrø nui nunelan trenchibig køn:

—Nane yandø kwamig lutau køtan cha. Inchendø Tiusbe ñimune ashchab arrua, purugunrrun cha, Abrahamwanba, Isaacwanba Jacobwanba, ¡Katø! nabe tranmø kømø, tranamønrrun cha kørrømisrin pirausrømay ñimune i piraugurri pera inrrab køn cha.—

25Incha Josébe Israelwei nusrkalan, ‘¡Katø! nambe treeg maramønrrun’ tingarubig køn. Incha Josébe nømun trenchibig køn:

—Isa kømø, Tiusbe ñimun ashchab arrua, purugunrrun cha. Treeg pubene, ñimbe nai tsutsiimerane yugurri srua ambamig køn— cha.

26Incha Josébe kwaig køn pilamera ciento diez nemisren. Inchen nui asrwane minchib irrømønrrai mø marøb tamara, kan taulyu wayig køn Egipto pirau.

Fin

Ilustración artística: una interpretación, no un registro histórico.

¿Sabías que…?

El entierro de Jacob y la muerte de José

  • La era de Atad, donde la comitiva se lamentó a gritos durante siete días al otro lado del Jordán, toma su nombre de una palabra que significa espino cerval. Los cananeos que vieron el duelo llamaron al lugar Abel-mizraim, 'prado de Egipto' o 'duelo de Egipto'. El Diccionario Bíblico de Easton sitúa Abel-mizraim al oeste del Jordán y dice que su ubicación es desconocida, mientras describe Atad como probablemente cercano a Hebrón.Fuentes: el propio texto bíblico
  • Los hijos de Jacob lo sepultaron en la cueva de Macpela, en el campo cerca de Mamre, el sitio de entierro que Abraham había comprado a Efrón el hitita. El Diccionario Bíblico de Easton identifica a Efrón como hijo de Zohar y registra el precio de cuatrocientos siclos de plata.Fuentes: el propio texto bíblico
  • José permaneció en Egipto y vivió hasta los ciento diez años, lo suficiente para ver a los hijos de Efraín hasta la tercera generación. Los hijos de Maquir, hijo de Manasés, fueron criados sobre las rodillas de José —frase que la Revised Version inglesa traduce como 'nacidos sobre las rodillas de José' y que el Diccionario Bíblico de Easton explica como una adopción desde el nacimiento. Él dijo a sus hermanos que Dios los haría subir a la tierra prometida a Abraham, Isaac y Jacob, e hizo jurar a los hijos de Israel que subirían sus huesos desde Egipto; cuando murió, lo embalsamaron y lo pusieron en un ataúd allí.Fuentes: el propio texto bíblico

Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.

Lugares de este capítulo

  • Canaan · 32.767, 35.333 · versículos 5, 13
  • Egypt · 30.129, 31.308 · versículos 7, 14, 22, 24, 26
  • Goshen · Hoy: Goshen 1 · 30.799, 31.834 · versículo 8
  • Atad · Hoy: near the mouth of the Jordan River · 31.915, 35.530 · versículos 10, 11
  • Jordan · Hoy: Jordan River · 31.761, 35.558 · versículos 10, 11
  • Machpelah · Hoy: Cave of the Patriarchs · 31.525, 35.111 · versículo 13

Solo aparecen lugares identificados con alta confianza (90 % o más según las fuentes académicas reunidas por OpenBible). Mapa de la época: DARE (Digital Atlas of the Roman Empire), CC BY 4.0; mapa actual: © colaboradores de OpenStreetMap; lugares: OpenBible.info (CC BY 4.0).

Créditos y licencia de esta traducción
Nacom Pejume Diwesi po diwesi pena jume diwesi xua Jesucristo yabara tinatsi
New Testament in Guambiano
copyright © 2010 Wycliffe Bible Translators, Inc.
Language: Guambiano
Translation by: Wycliffe Bible Translators, Inc.
Copyright Information
© 2010, Wycliffe Bible Translators, Inc. All rights reserved.
This translation text is made available to you under the
terms of the Creative Commons License: Attribution-Noncommercial-No Derivative Works.
( http://creativecommons.org/licenses/by-nc-nd/3.0/ )
In addition, you have permission to port the text to different file formats, as long as you
do not change any of the text or punctuation of the Bible.
You may share, copy, distribute, transmit, and extract portions
or quotations from this work, provided that you include the above copyright
information:
You must give Attribution to the work.
You do not sell this work for a profit.
You do not make any derivative works that change any of the actual words or punctuation of the Scriptures.
Permissions beyond the scope of this license may be
available if you contact
us with your request.
The New Testament
in Guambiano
© 2010, Wycliffe Bible Translators, Inc. All rights reserved.
This translation is made available to you under the terms of the
Creative Commons Attribution-Noncommercial-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not sell this work for a profit.
You do not change any of the words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2014-04-25

Fuente: http://ebible.org/gum/ · eBible.org

Habla con nosotros

Cuéntanos desde dónde lees, cómo te ha ayudado la Biblia o qué podemos mejorar. Leemos todos los mensajes.