Nations Bible

Genesis 50

Nacom Pejume Diwesi po diwesi pena jume diwesi xua Jesucristo yabara tinatsi · Tap a verse to see its cross-references.

1Inchen Josébe nui møskawei asrwan ira, kishib muchabig køn. 2Incha Josébe tru mø marøbelø nun purugub pønrrabelan nui møskawei asrwan minchib irrøramønrrai mø marøb tamarøngarubig køn. Inchen tru mø marøbeløbe treeg marøbelø køn. 3Tru treeg tamarøb kømibe kwalømmera cuarenta nemisramne købig køn. Inchen egipciosmerabe kwalømmera setenta nemisramne isub kishibelø køn.

4Inchen yandø tru isub kisam kwalømmera patsøben, Josébe Faraon karub wainug purrab misaameran trenchibig køn:

—Ñim truyu purrabelai merrab ñim nan tab indamdiig kuinabene, tiusmanda Faráonwan trenchirrunrrigay cha: 5“Nai møskaimbe nø kwamøwatø, øyeegwan marmø kømø, ¡katø! nane maramønrrun tingaruig køn cha: ‘Canaan pirausrø søramig nø ashib tamarig pasrabigu, nun trusrø søramig kønrrai.’ Inchawei nai møskawan trusrø sørønrrab ibashcha” tan chinrrigay cha, nabe katø arrumønrrun— cha.

6Inchene Faraónbe trenchibig køn:

—Ñui møskai øyeegwan marmø kømø, ¡Katø! Martrurrunrrig cha trendaigwan ñi treeg martrab misrig købene, trube, sørønrrab inrrø— cha.

7Inchen Josébe møskawan sørønrrab nebiben, Faraonwan tru nø karub waigu purugub purabelø nørrø kølli misaameraba, katø Egipto pirau nørrø kølli misaameraba, nune linchibelø køn. 8Katø Joséwei yau misaamera mayamba, katø nui nunelø køben, møskawei yau misaamera køben, nebambubelø køn. Gosén piraube nømui ureemeranbah, ubishameranbah, cabrameranba, waarameranbahtø kørrømara. 9Incha nøbabe kaulli sruin karretillamerayu suldaumera køben, suldaumera kaulli palar køben tsimaytø lincha nebambubelø køn, misag purø nørrøgue.

10Incha Atat taigwei tirigu itsiisrø, tru Jordan pi pulusrø puabe, tsusrømbe mayangucha nu isub kishib treeg marøbelø køn. Trusrømbe Josébe møskainzhig yandø muga misren, trattrø y pa kwaløm isuin inchib kishibig køn. 11Inchen truigwan tru Canaán pirau warab misaamera ashabe, tru Atadwei tirigu chish marin tulyu truba truba isuig kishib kui ashabe, trenchibelø køn:

—Egipciosmera øyeekkatig kishib kuibe purø nuig kørren— cha. Inchagurri tru Jordan pi ambøgatømaysrømbe Abel Mizraim cha wamig køn. (Trenchippe: “Egipciosmera purø isui inchib puraambinug køn” chib.)

12Inchen Jacobwei nusrkaløbe nømun maig martrai nø miaigwan treeg marøbelø køn. 13Nui nusrkaløbe Canaán pirausrømay srua amba, Macpela pirau peñayu trab lalig pasrabigu sørabelø køn, tru Efron hititan Abraham pirøwanbañau peninug, nui yau misaameran sørab tøgagømig, tru Mamre pulusrø. 14Yandø møskawan chab sørabe, Josébe Egiptomay katø nebarrubig køn, nui nuneløba, katø maya misamera sørønrrab lincha amrrubeløba.

15Inchen Joséwei nuneløbe møskai kwaig yandø mugaabene, trunun isub mendabe, trenchibelø køn:

—¿Josébe namune katøgucha namig isub srø unin kønrrab kø chinderah cha, nam nun øyeeg kalø marigwan trunun isua?—

16Inchabe José waisrømay trencha karua ørøbelø køn:

“Ñui møskaimbe nø kwamøwatø, namune trencha karua pasrig køn cha: 17‘Ñimbe Joséwan øyeeg chinrrigay cha: Ñui nunelø yeeg kaig marøb, ñun kalø marigwan Tiusmanda ulø paymø pesannarrunrrig cha’ Inchawei møimbe tiusmanda, nam ñui møskawei Tius karuigwan marøb melabeløtøwein kuinaig købene tru trømbøig kalø mariilane pesannarrunrrig” cha. Inchen øyeeg wamindigwan mørabe, Josébe kishibig køn.

18Inchen nuneløgucha Joséwei merrab chab pua, utsøbasrabe, trenchibelø køn:

—Nambe ñi ka karuindiig melabelø kønrrer— cha.

19Inchene Josébe trenchibig køn:

—Chi kørig kui inchimøtay cha. ¿Nagan Tius nø marigwan na pasramisra marøb pasramuitarru? cha. 20Ñimbe nane kaig martrab isua maren, trune Tiusbe tru kaig marigwane tabig punrrai yunømaran cha, tru møi nam ashib pønrraigwan martrab, misag nørrø pasrabigwan øsig tøgagønrrab. 21Inchawei ñimbe chi kørig kui inchimøtay cha, nabe ñimunba, ñimui ureemeranba ashib tøgagømønrrun— cha. Øyamay nui manrraugurri undaatøga, chi isui inchimønrrai waminchibig køn.

José Kwaig

22Josébe nui møskawei yau misaameraba Egipto pirau tsuig købig køn. Nøbe pilamera ciento diezkatig øsig tsuig købig køn. 23Incha Josébe Efrainwei katøburø awelu ureemeranguen nebua ashib, katø Manaséswei nusrkai tru Maquirwei ureemeranguen nai ureemeratøwein misran chib, srøbchagu mutab indig kuig køn.

24Incha Josébe wendøsrø nui nunelan trenchibig køn:

—Nane yandø kwamig lutau køtan cha. Inchendø Tiusbe ñimune ashchab arrua, purugunrrun cha, Abrahamwanba, Isaacwanba Jacobwanba, ¡Katø! nabe tranmø kømø, tranamønrrun cha kørrømisrin pirausrømay ñimune i piraugurri pera inrrab køn cha.—

25Incha Josébe Israelwei nusrkalan, ‘¡Katø! nambe treeg maramønrrun’ tingarubig køn. Incha Josébe nømun trenchibig køn:

—Isa kømø, Tiusbe ñimun ashchab arrua, purugunrrun cha. Treeg pubene, ñimbe nai tsutsiimerane yugurri srua ambamig køn— cha.

26Incha Josébe kwaig køn pilamera ciento diez nemisren. Inchen nui asrwane minchib irrømønrrai mø marøb tamara, kan taulyu wayig køn Egipto pirau.

Fin

Artistic illustration — an interpretation, not a historical record.

Did you know?

The Burial of Jacob and the Death of Joseph

  • The threshing floor of Atad, where the company wailed loudly for seven days across the Jordan, takes its name from a word meaning buckthorn. The Canaanites who saw the mourning called the place Abel-mizraim, 'meadow of Egypt' or 'mourning of Egypt.' Easton's Bible Dictionary places Abel-mizraim west of the Jordan and says its site is unknown, while describing Atad as probably near Hebron.Sources: the Bible text itself
  • Jacob's sons buried him in the cave of Machpelah, in the field near Mamre, the burial site Abraham had bought from Ephron the Hittite. Easton's Bible Dictionary identifies Ephron as the son of Zohar and records the price as four hundred shekels of silver.Sources: the Bible text itself
  • Joseph remained in Egypt and lived to the age of one hundred and ten, long enough to see Ephraim's sons to the third generation. The sons of Machir, son of Manasseh, were brought up on Joseph's knees—a phrase the Revised Version renders 'born upon Joseph's knees,' which Easton's Bible Dictionary explains as adoption from birth. He told his brothers that God would bring them up to the land promised to Abraham, Isaac, and Jacob, and he made the sons of Israel swear to carry his bones up from Egypt; when he died, they embalmed him and placed him in a coffin there.Sources: the Bible text itself

Notes written with AI assistance from open sources (Theographic Bible Metadata, CC BY-SA 4.0; Easton’s Bible Dictionary, public domain) and reviewed before publishing.

Places in this chapter

  • Canaan · 32.767, 35.333 · verses 5, 13
  • Egypt · 30.129, 31.308 · verses 7, 14, 22, 24, 26
  • Goshen · Today: Goshen 1 · 30.799, 31.834 · verse 8
  • Atad · Today: near the mouth of the Jordan River · 31.915, 35.530 · verses 10, 11
  • Jordan · Today: Jordan River · 31.761, 35.558 · verses 10, 11
  • Machpelah · Today: Cave of the Patriarchs · 31.525, 35.111 · verse 13

Only places identified with high confidence are shown (90% or more according to the scholarly sources compiled by OpenBible). Period map: DARE (Digital Atlas of the Roman Empire), CC BY 4.0; modern map: © OpenStreetMap contributors; places: OpenBible.info (CC BY 4.0).

Credits and license for this translation
Nacom Pejume Diwesi po diwesi pena jume diwesi xua Jesucristo yabara tinatsi
New Testament in Guambiano
copyright © 2010 Wycliffe Bible Translators, Inc.
Language: Guambiano
Translation by: Wycliffe Bible Translators, Inc.
Copyright Information
© 2010, Wycliffe Bible Translators, Inc. All rights reserved.
This translation text is made available to you under the
terms of the Creative Commons License: Attribution-Noncommercial-No Derivative Works.
( http://creativecommons.org/licenses/by-nc-nd/3.0/ )
In addition, you have permission to port the text to different file formats, as long as you
do not change any of the text or punctuation of the Bible.
You may share, copy, distribute, transmit, and extract portions
or quotations from this work, provided that you include the above copyright
information:
You must give Attribution to the work.
You do not sell this work for a profit.
You do not make any derivative works that change any of the actual words or punctuation of the Scriptures.
Permissions beyond the scope of this license may be
available if you contact
us with your request.
The New Testament
in Guambiano
© 2010, Wycliffe Bible Translators, Inc. All rights reserved.
This translation is made available to you under the terms of the
Creative Commons Attribution-Noncommercial-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not sell this work for a profit.
You do not change any of the words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2014-04-25

Source: http://ebible.org/gum/ · eBible.org

Talk to us

Tell us where you read from, how the Bible has helped you, or what we could improve. We read every message.