Nations Bible

Génesis 50

Chiga Tevaen'Jema Atesuja 1, Aisheve Caña'cho · Toca un versículo para ver sus referencias cruzadas.

1Tsa'caen pasi Joséja tise yaya ai'voma munsimba i'namba mocha. 2Omboe tise mandasi sejesundeccuma manda cuintsu tise yaya Israel ai'voma tseni'su balsa'mo ñome'bai'ccu onjoen'faye junde congonsa'ne. Tsa'caen mandasi tsa'caen tsu tson'fa. 3Nane tsa'caen pa'chombe ai'voma onjoeñe cuarenta a'ta tsa balsa'mo ñome'bai'ccu onjoen'jeña'cho. Nane tsa'caen tsu injienge.

Tsonsi egiptondeccuja setenta a'ta pa'cco Israelne i'na'fa. 4Ina'jen'cho pasapa Joséja faraón tsa'o'su joccapindeqquiama qquen su:

—Que'ija ñama ñotsse in'jan'da chigáne faraónga qquen conda'faja: 5‘Ña yayaja tise paya'cho nepiji tsu ñama su cuintsu ñajan ñoa'metsse su'choma afaye tise in'jan'chove tsoñe. Nane tiseja atu'ttima Canaán andeni tayo ñoñamba tseni a'tuyeye in'jansi gi ñoa'metsse su'choi'ccu tsa'caen tsoñe su. Tsa'camba gi iñajan chigáne ñama antteja ña yayama atu'ngaye. Japa mangae a'tu nani'da gi ccase vani jiya.’

6Pañamba faraónjan su:

—Jujú, japa que yayama atungaja tise iñajanqquia'caen.

7Faraón anttesi José tise yayama a'tu'su jayisi poiyi'cco faraónma shondosundeccu, Egipto ande'su coenzandeccu'qque Joséma fuiteye ja'fa. 8Toya'caen Jacob dutssiyendeccu, nane José tsa'o'su aindeccu, José antiandeccumbe aindeccu'qque jaja'fa. Gosén andenijan jo'su dushundeccu toya'caen tise'pa aiña'chondeccuveyi cati'fa. 9Toya'caen faesu aindeccu'qque qquitssa'je'cho carongae majanda cavayongae japa tsain'bio a'i tsu Joséma fuite'fa. 10Jordán na'ema chiga sombo'jefanga Atad trigo ttonoma qquesho'je'ttinga nepipa ñoa'me ñombi'yepa i'nañe ashaen'fa. Nane tse'ttinga tsu Joséja tise yaya pa'chone asi'ttaemba siete a'ta pa'cco ñombi'ye.

11Tsa'caen i'na'fa'choma attepa tse'tti'su canjaen'su cananeondeccuja su'fa: “Nane egiptondeccuja tise'pa'su joccapitssia pasi tsa'caen i'namba a'tu'fa.” Tsa'caen supa tse'ttima inisian'fa Abed-mizraim, “Egiptondeccu ñombi'ye'tti” qquen suye. Tse'tti tsu Jordán na'ema chiga sombo'jefa.

12Tsa'caen tsu Jacob dutssiyendeccuja pa'cco tise'pa yaya iñajan'choma tson'fa. 13Nane Canaánni angapa Macpela ande'su fattocco changonga a'tu'fa. Abraham tayoe tise aindeccuma atu'jeya'chove tsa fattocco changoma hitita'su a'i Efrómbema chava'chonga tsu Jacobma'qque a'tu'fa. Tsa ande toya'caen changota tsu Mamre canqquema chiga sombo'jefani. 14Tise yayama a'tu nanimba Joséja tise antiandeccui'ccu toya'caen poiyi'cco tisei'ccu jacansundeccu'qque toequi Egiptoni ji'fa.

José condase tise antiandeccui'ccu

15Tsa'caen Jacob pasi José antiandeccuja qquen in'jan'fa: “Isha tsu ja'ñonda Joséja ingima chi'gapa ccane'qque ingi tisema egae tsonqquia'caenjan tsoña.” 16Tsa'caen asi'ttaemba faesuma manda'fa cuintsu Josénga japa qquen condaye: “Toya pambi'te tsu que yayaja ingima manda 17quenga qquen suye: ‘Quema gi iñajan chigáne que antiandeccu egae tsincon'choma aqque'papa ñoquija. Nane ñoa'me tsu tsendeccu quema egae tson.’ Tsa'caen su'chosi gi quema iñajan'fa ingi egae tsincon'choma aqque'paja. Nane ingita gi que yayambe Chigama shondosundeccu.”

Tsa'caen su'fa'choma conda'fasi pañamba Joséja i'na. 18José ina'jen'ni ñoa'me tise antiandeccu'qque jipa andenga camba'jui'ccu puntssan ccuipa qquen su'fa:

—Que canjan, va'tti qui ingima an'bian tsangae quembe semasundeccuve.

19Tsa'ma Joséja tise'panga su:

—¡Dyombe can'faja! Ñajan Chigambi gi injama'choma somboeñe. 20Que'ita qui ñama egae tsoñe in'jan'fa. Tsa'ma Chiga tsu tsa ega'ye cambiamba ñotssiave canjaemba tsain'bio a'ima ccushaen, ingi ja'ño a'ta atteqquia'caen. 21Tsa'cansi dyombe can'faja. Ña gi anqque'suma afe'jeya que'inga toya'caen que'i dushundeccunga'qque.

José pa'cho

22José toya'caen tise yaya Jacob dutssiyendeccu'qque bo'tsse Egipto andeni canse'fa. Joséja ciento diez canqque'fave cansepa 23tise dutssi'ye Efraíne tercer omba'su dutssi'yema'qque atte. Toya'caen Manasés dutssi'ye Maquirmbe dushundeccuma'qque tsu attepa mende'je.

24Fae a'ta Joséja tise antiandeccunga su: “Re'ricco tsu shaca ña paya'cho. Tsa'ma Chiga Quitsa tsu jipa que'ima fuite'jeya. Toya'caen tise tsu va ande'ye que'ima somboemba Abrahamnga, Isaacnga, toya'caen Jacobnga afeye su'cho andenga que'ima angaya.” 25Tsa'caen supa Israel dutssiyendeccuma su cuintsu ñoa'metsse su'choi'ccu tise in'janqquia'caen tsoñe qquen su'faye: “Ñoa'me gi su Chiga Quitsa jipa tsu fuiteya. Tsa'caen ashaensi jayi'ta ña tsu'ttama'qque somboemba anga'faya'cho.”

26Joséja ciento diez canqque'fave an'biamba Egiptoni pa. Tsa'caen pasi tise ai'voma tseni'su balsa'mo ñome'bai'ccu onjoemba cafonga ppiña'fa.

Ilustración artística: una interpretación, no un registro histórico.

¿Sabías que…?

El entierro de Jacob y la muerte de José

  • La era de Atad, donde la comitiva se lamentó a gritos durante siete días al otro lado del Jordán, toma su nombre de una palabra que significa espino cerval. Los cananeos que vieron el duelo llamaron al lugar Abel-mizraim, 'prado de Egipto' o 'duelo de Egipto'. El Diccionario Bíblico de Easton sitúa Abel-mizraim al oeste del Jordán y dice que su ubicación es desconocida, mientras describe Atad como probablemente cercano a Hebrón.Fuentes: el propio texto bíblico
  • Los hijos de Jacob lo sepultaron en la cueva de Macpela, en el campo cerca de Mamre, el sitio de entierro que Abraham había comprado a Efrón el hitita. El Diccionario Bíblico de Easton identifica a Efrón como hijo de Zohar y registra el precio de cuatrocientos siclos de plata.Fuentes: el propio texto bíblico
  • José permaneció en Egipto y vivió hasta los ciento diez años, lo suficiente para ver a los hijos de Efraín hasta la tercera generación. Los hijos de Maquir, hijo de Manasés, fueron criados sobre las rodillas de José —frase que la Revised Version inglesa traduce como 'nacidos sobre las rodillas de José' y que el Diccionario Bíblico de Easton explica como una adopción desde el nacimiento. Él dijo a sus hermanos que Dios los haría subir a la tierra prometida a Abraham, Isaac y Jacob, e hizo jurar a los hijos de Israel que subirían sus huesos desde Egipto; cuando murió, lo embalsamaron y lo pusieron en un ataúd allí.Fuentes: el propio texto bíblico

Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.

Lugares de este capítulo

  • Canaan · 32.767, 35.333 · versículos 5, 13
  • Egypt · 30.129, 31.308 · versículos 7, 14, 22, 24, 26
  • Goshen · Hoy: Goshen 1 · 30.799, 31.834 · versículo 8
  • Atad · Hoy: near the mouth of the Jordan River · 31.915, 35.530 · versículos 10, 11
  • Jordan · Hoy: Jordan River · 31.761, 35.558 · versículos 10, 11
  • Machpelah · Hoy: Cave of the Patriarchs · 31.525, 35.111 · versículo 13

Solo aparecen lugares identificados con alta confianza (90 % o más según las fuentes académicas reunidas por OpenBible). Mapa de la época: DARE (Digital Atlas of the Roman Empire), CC BY 4.0; mapa actual: © colaboradores de OpenStreetMap; lugares: OpenBible.info (CC BY 4.0).

Créditos y licencia de esta traducción
Chiga Tevaen'Jema Atesuja 1, Aisheve Caña'cho
New Testament and Genesis in Cofán (EC:con:Cofán)
copyright © 2012 Wycliffe Bible Translators, Inc.
Language: Cofán
Translation by: Wycliffe Bible Translators, Inc.
Cofán
con
Ecuador
Copyright Information
©Wycliffe Bible Translators, Inc. All rights reserved.
This translation text is made available to you under the
terms of the Creative Commons License: Attribution-Noncommercial-No Derivative Works.
( http://creativecommons.org/licenses/by-nc-nd/3.0/ )
In addition, you have permission to port the text to different file formats, as long as you
do not change any of the text or punctuation of the Bible.
You may share, copy, distribute, transmit, and extract portions
or quotations from this work, provided that you include the above copyright
information:
You must give Attribution to the work.
You do not sell this work for a profit.
You do not make any derivative works that change any of the actual words or punctuation of the Scriptures.
Permissions beyond the scope of this license may be
available if you contact
us with your request.
The New Testament
in Cofán
©Wycliffe Bible Translators, Inc. All rights reserved.
This translation is made available to you under the terms of the
Creative Commons Attribution-Noncommercial-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not sell this work for a profit.
You do not change any of the words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2014-04-22

Fuente: http://ebible.org/conNTpo/ · eBible.org

Habla con nosotros

Cuéntanos desde dónde lees, cómo te ha ayudado la Biblia o qué podemos mejorar. Leemos todos los mensajes.