Nations Bible

Genesis 50

Chiga Tevaen'Jema Atesuja 1, Aisheve Caña'cho · Tap a verse to see its cross-references.

1Tsa'caen pasi Joséja tise yaya ai'voma munsimba i'namba mocha. 2Omboe tise mandasi sejesundeccuma manda cuintsu tise yaya Israel ai'voma tseni'su balsa'mo ñome'bai'ccu onjoen'faye junde congonsa'ne. Tsa'caen mandasi tsa'caen tsu tson'fa. 3Nane tsa'caen pa'chombe ai'voma onjoeñe cuarenta a'ta tsa balsa'mo ñome'bai'ccu onjoen'jeña'cho. Nane tsa'caen tsu injienge.

Tsonsi egiptondeccuja setenta a'ta pa'cco Israelne i'na'fa. 4Ina'jen'cho pasapa Joséja faraón tsa'o'su joccapindeqquiama qquen su:

—Que'ija ñama ñotsse in'jan'da chigáne faraónga qquen conda'faja: 5‘Ña yayaja tise paya'cho nepiji tsu ñama su cuintsu ñajan ñoa'metsse su'choma afaye tise in'jan'chove tsoñe. Nane tiseja atu'ttima Canaán andeni tayo ñoñamba tseni a'tuyeye in'jansi gi ñoa'metsse su'choi'ccu tsa'caen tsoñe su. Tsa'camba gi iñajan chigáne ñama antteja ña yayama atu'ngaye. Japa mangae a'tu nani'da gi ccase vani jiya.’

6Pañamba faraónjan su:

—Jujú, japa que yayama atungaja tise iñajanqquia'caen.

7Faraón anttesi José tise yayama a'tu'su jayisi poiyi'cco faraónma shondosundeccu, Egipto ande'su coenzandeccu'qque Joséma fuiteye ja'fa. 8Toya'caen Jacob dutssiyendeccu, nane José tsa'o'su aindeccu, José antiandeccumbe aindeccu'qque jaja'fa. Gosén andenijan jo'su dushundeccu toya'caen tise'pa aiña'chondeccuveyi cati'fa. 9Toya'caen faesu aindeccu'qque qquitssa'je'cho carongae majanda cavayongae japa tsain'bio a'i tsu Joséma fuite'fa. 10Jordán na'ema chiga sombo'jefanga Atad trigo ttonoma qquesho'je'ttinga nepipa ñoa'me ñombi'yepa i'nañe ashaen'fa. Nane tse'ttinga tsu Joséja tise yaya pa'chone asi'ttaemba siete a'ta pa'cco ñombi'ye.

11Tsa'caen i'na'fa'choma attepa tse'tti'su canjaen'su cananeondeccuja su'fa: “Nane egiptondeccuja tise'pa'su joccapitssia pasi tsa'caen i'namba a'tu'fa.” Tsa'caen supa tse'ttima inisian'fa Abed-mizraim, “Egiptondeccu ñombi'ye'tti” qquen suye. Tse'tti tsu Jordán na'ema chiga sombo'jefa.

12Tsa'caen tsu Jacob dutssiyendeccuja pa'cco tise'pa yaya iñajan'choma tson'fa. 13Nane Canaánni angapa Macpela ande'su fattocco changonga a'tu'fa. Abraham tayoe tise aindeccuma atu'jeya'chove tsa fattocco changoma hitita'su a'i Efrómbema chava'chonga tsu Jacobma'qque a'tu'fa. Tsa ande toya'caen changota tsu Mamre canqquema chiga sombo'jefani. 14Tise yayama a'tu nanimba Joséja tise antiandeccui'ccu toya'caen poiyi'cco tisei'ccu jacansundeccu'qque toequi Egiptoni ji'fa.

José condase tise antiandeccui'ccu

15Tsa'caen Jacob pasi José antiandeccuja qquen in'jan'fa: “Isha tsu ja'ñonda Joséja ingima chi'gapa ccane'qque ingi tisema egae tsonqquia'caenjan tsoña.” 16Tsa'caen asi'ttaemba faesuma manda'fa cuintsu Josénga japa qquen condaye: “Toya pambi'te tsu que yayaja ingima manda 17quenga qquen suye: ‘Quema gi iñajan chigáne que antiandeccu egae tsincon'choma aqque'papa ñoquija. Nane ñoa'me tsu tsendeccu quema egae tson.’ Tsa'caen su'chosi gi quema iñajan'fa ingi egae tsincon'choma aqque'paja. Nane ingita gi que yayambe Chigama shondosundeccu.”

Tsa'caen su'fa'choma conda'fasi pañamba Joséja i'na. 18José ina'jen'ni ñoa'me tise antiandeccu'qque jipa andenga camba'jui'ccu puntssan ccuipa qquen su'fa:

—Que canjan, va'tti qui ingima an'bian tsangae quembe semasundeccuve.

19Tsa'ma Joséja tise'panga su:

—¡Dyombe can'faja! Ñajan Chigambi gi injama'choma somboeñe. 20Que'ita qui ñama egae tsoñe in'jan'fa. Tsa'ma Chiga tsu tsa ega'ye cambiamba ñotssiave canjaemba tsain'bio a'ima ccushaen, ingi ja'ño a'ta atteqquia'caen. 21Tsa'cansi dyombe can'faja. Ña gi anqque'suma afe'jeya que'inga toya'caen que'i dushundeccunga'qque.

José pa'cho

22José toya'caen tise yaya Jacob dutssiyendeccu'qque bo'tsse Egipto andeni canse'fa. Joséja ciento diez canqque'fave cansepa 23tise dutssi'ye Efraíne tercer omba'su dutssi'yema'qque atte. Toya'caen Manasés dutssi'ye Maquirmbe dushundeccuma'qque tsu attepa mende'je.

24Fae a'ta Joséja tise antiandeccunga su: “Re'ricco tsu shaca ña paya'cho. Tsa'ma Chiga Quitsa tsu jipa que'ima fuite'jeya. Toya'caen tise tsu va ande'ye que'ima somboemba Abrahamnga, Isaacnga, toya'caen Jacobnga afeye su'cho andenga que'ima angaya.” 25Tsa'caen supa Israel dutssiyendeccuma su cuintsu ñoa'metsse su'choi'ccu tise in'janqquia'caen tsoñe qquen su'faye: “Ñoa'me gi su Chiga Quitsa jipa tsu fuiteya. Tsa'caen ashaensi jayi'ta ña tsu'ttama'qque somboemba anga'faya'cho.”

26Joséja ciento diez canqque'fave an'biamba Egiptoni pa. Tsa'caen pasi tise ai'voma tseni'su balsa'mo ñome'bai'ccu onjoemba cafonga ppiña'fa.

Artistic illustration — an interpretation, not a historical record.

Did you know?

The Burial of Jacob and the Death of Joseph

  • The threshing floor of Atad, where the company wailed loudly for seven days across the Jordan, takes its name from a word meaning buckthorn. The Canaanites who saw the mourning called the place Abel-mizraim, 'meadow of Egypt' or 'mourning of Egypt.' Easton's Bible Dictionary places Abel-mizraim west of the Jordan and says its site is unknown, while describing Atad as probably near Hebron.Sources: the Bible text itself
  • Jacob's sons buried him in the cave of Machpelah, in the field near Mamre, the burial site Abraham had bought from Ephron the Hittite. Easton's Bible Dictionary identifies Ephron as the son of Zohar and records the price as four hundred shekels of silver.Sources: the Bible text itself
  • Joseph remained in Egypt and lived to the age of one hundred and ten, long enough to see Ephraim's sons to the third generation. The sons of Machir, son of Manasseh, were brought up on Joseph's knees—a phrase the Revised Version renders 'born upon Joseph's knees,' which Easton's Bible Dictionary explains as adoption from birth. He told his brothers that God would bring them up to the land promised to Abraham, Isaac, and Jacob, and he made the sons of Israel swear to carry his bones up from Egypt; when he died, they embalmed him and placed him in a coffin there.Sources: the Bible text itself

Notes written with AI assistance from open sources (Theographic Bible Metadata, CC BY-SA 4.0; Easton’s Bible Dictionary, public domain) and reviewed before publishing.

Places in this chapter

  • Canaan · 32.767, 35.333 · verses 5, 13
  • Egypt · 30.129, 31.308 · verses 7, 14, 22, 24, 26
  • Goshen · Today: Goshen 1 · 30.799, 31.834 · verse 8
  • Atad · Today: near the mouth of the Jordan River · 31.915, 35.530 · verses 10, 11
  • Jordan · Today: Jordan River · 31.761, 35.558 · verses 10, 11
  • Machpelah · Today: Cave of the Patriarchs · 31.525, 35.111 · verse 13

Only places identified with high confidence are shown (90% or more according to the scholarly sources compiled by OpenBible). Period map: DARE (Digital Atlas of the Roman Empire), CC BY 4.0; modern map: © OpenStreetMap contributors; places: OpenBible.info (CC BY 4.0).

Credits and license for this translation
Chiga Tevaen'Jema Atesuja 1, Aisheve Caña'cho
New Testament and Genesis in Cofán (EC:con:Cofán)
copyright © 2012 Wycliffe Bible Translators, Inc.
Language: Cofán
Translation by: Wycliffe Bible Translators, Inc.
Cofán
con
Ecuador
Copyright Information
©Wycliffe Bible Translators, Inc. All rights reserved.
This translation text is made available to you under the
terms of the Creative Commons License: Attribution-Noncommercial-No Derivative Works.
( http://creativecommons.org/licenses/by-nc-nd/3.0/ )
In addition, you have permission to port the text to different file formats, as long as you
do not change any of the text or punctuation of the Bible.
You may share, copy, distribute, transmit, and extract portions
or quotations from this work, provided that you include the above copyright
information:
You must give Attribution to the work.
You do not sell this work for a profit.
You do not make any derivative works that change any of the actual words or punctuation of the Scriptures.
Permissions beyond the scope of this license may be
available if you contact
us with your request.
The New Testament
in Cofán
©Wycliffe Bible Translators, Inc. All rights reserved.
This translation is made available to you under the terms of the
Creative Commons Attribution-Noncommercial-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not sell this work for a profit.
You do not change any of the words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2014-04-22

Source: http://ebible.org/conNTpo/ · eBible.org

Talk to us

Tell us where you read from, how the Bible has helped you, or what we could improve. We read every message.