Romanos 8
Selected Scriptures in Yipma/Wagamwa · Toca un versículo para ver sus referencias cruzadas.
Kɨraajɨtɨyai kayaa'nanya nemaarasɨta Kurya Tewaanyarɨ nejaabanɨge'nesɨ.
1Sarebɨdaa'nyɨ yɨ tagaasagaa' Kɨraajɨtɨyai Jisaasɨrɨ wɨramwaaigasaraabɨna yagaala yawɨbwata'ne sɨdata'ne mwaryɨ'. 2Sare' tare'nesɨ. Kɨraajɨtɨyai Jisaasi yagebɨ Kuryai kaala kɨjaabanderebwi kayaa'nayabulyɨ yune naanga paryabulyɨ saburaai mena wɨla kyɨtalamaara'. 3Yɨ sare' tare'nesɨ. A'mweraabɨre kɨraagejɨgɨya yabwɨta sabɨna kɨmwɨnyabwi yɨ'neina waryaanyaina mwaaigo'na Kɨmwɨnyabwi kayaa'nayaburɨ padaigasamaa'na myɨ neyannebulyɨra. Sara myɨ yande' Godɨyai sara yagesɨ. Godɨyai kamnya Kabwaalɨbaangerɨ maryasaabagelyɨ. Sarei a'mwe kayaa'nayaimbɨ' kɨraa'nɨgei yɨma'nagelyɨ. Kamɨ a'mweraabɨre kayaa'naya pwaramarasɨ'nyɨ'nei waraabagelyɨ. Yɨ a'mweraabɨ kayaa'nayabwi wɨrarɨgeburɨ Godɨyai sɨda'na kya' Kɨraajɨtɨyai a'mweraabɨneba kayaa'nayanne tɨbɨgɨta'na paragelyɨ. 4Godɨyai nemɨnyɨna “Sagwara kɨmwɨnyabwi tagɨnɨga yɨda'maraangengɨ yuna yandɨbɨsaraabɨ wɨmwaaigɨma!” kada' sara paragelyɨ. Sareina a'mweraabɨre kɨraagejɨgɨya yabwɨta sabɨ kaanya myamaryandaanyɨ. Aawa. Nemɨ Kurya Tewaanya sarɨ kaanya yamaryandaanyainaabɨnesɨ. 5Sare' tare'nesɨ. A'mwera a'mweraabɨre kɨraagesɨyara kumɨre sɨmunyangɨ kɨraagejɨgɨyanna yabwɨrirɨgɨtɨbɨsare. Nabaai Kuryaryɨyara kumɨre sɨmunyangɨ Kuryalenna yabwɨrirɨgɨtɨbɨsare. 6Sare' tare'nesɨ. Kɨraagejɨgɨya sɨmunyabɨ a'mwe sara yune naanga paryabwi Godɨyarɨna kɨmaja yɨremwaaryabwi maa'maigasare. Yɨ nabaai Kurya Tewaanyale sɨmunyabɨ a'mwe sara kaalyasɨ sɨmunya kwaamu'nayasɨ maa'maigasare. 7Sarebɨ kɨraagejɨgɨya yabwɨta sa' sɨmunyangɨ maremwaarajara Godɨyale yɨgamaangera yɨma'nɨmwaasare. Kɨraagejɨgɨya sɨmunya' Gotɨyarɨna yɨgamaangesɨ. Sare' tare'nesɨ. Sagɨrɨ' Godɨyale Kɨmwɨnyabɨ wɨra'nate' mɨ'. Tare'nesɨ. Yɨ nabaai sagɨrɨ' sara yɨnɨga yanne' mɨ'. 8Kɨraagejɨgɨyangɨ mwaaindɨbɨ' a'mwe sarera Godɨyarɨ yɨraaya wigarya'nera mamwaaryɨ yɨpɨnere.
9Semɨ kɨraagejɨgɨyangɨ mamwaaryɨga'. Aawa. Godɨyale Kurya Tewaanyai semɨnyɨ wɨrayɨnggɨmwaaindori Kurya Tewaanyarɨ wɨramwaaigasalalyɨ. Nabaai, yɨ pwai kwai Kɨraajɨtɨyale Kurya Tewaanyai maayai a'mwe sai Kɨraajɨtɨyalei mɨ'. 10Nabaai Kɨraajɨtɨyai semɨnyɨ wɨrayɨnggɨmwaarajai yɨ pɨrɨ' taresɨ. Kayaa'nayabwine'na semɨre kɨraagejɨ' paradejɨgɨra. Yɨ pɨrɨ' taresɨ. Semɨnyɨna Godɨyai “Yɨda'maraangelai nɨmɨrelalyɨ,” mena yɨnggɨdage'na Kuryai kaala mena yɨnggɨmwaaigagelalyɨ. 11Godɨyai Jisaasɨrɨ painɨgeraabyamwɨ yɨdɨgaabagere Kuryai semɨnyɨ wɨrayɨnggɨmwaaindanari Kɨraajɨtɨyai Jisaasɨrɨ paryarɨ yɨdɨgaabagei semɨ parapɨjɨyagaa' semɨre kɨraagejɨgɨ kaala yɨnggɨjaabadelyɨ. Kuryai semɨnyɨ wɨrayɨnggɨmwaaindebɨ kɨraagejɨgɨ kaala yɨnggɨjaabadelyɨ.
12Yɨ sarebɨdaa'nyɨ, nya'mwelai, nemɨ tɨbɨgɨta wɨjaabya'ne kɨnɨnnageine. Tɨbɨgɨta sa' Kurya Tewaanyarɨ mwaaryɨ'nesɨ. Kɨraagejɨgɨya yabwɨsangɨna tɨbɨgɨta aawa. Nemɨ kɨraagejɨgɨya yabwɨsangɨna mwaaryɨ'ne tɨbɨgɨta mwaryɨ'. 13Sare' tare'nesɨ. Semɨ kɨraagejɨgɨya yabwɨsangɨna mwaaimbɨja' yɨ semɨ yune naanga tɨbaryɨra. Kɨrɨ' Kuryale tɨragɨnyabɨ semɨ kɨraagejɨgɨya yabwɨsa ya tamagɨpɨja' yɨ kaala tɨmwaaryindelalyɨ.
14Sare' tare'nesɨ. Godɨyale Kurya Tewaanyai kajarajaraabɨ wibwarɨdaakwɨbanɨgera yɨ sagwara Godɨyale kabwaalɨbaangere. 15Sare' tare'nesɨ. Semɨ Godɨyarɨna lɨga ayagi ya'ne' karabujɨwamwɨnyabɨ yɨnggyɨdɨwagamaremwaara yɨnggyande Kuryarɨ mamaaryesalyɨ. Aawa. Kabwaalɨbaangelarɨ yɨnggɨmwaaigaga Kuryarɨ maaresalyɨ. Yɨ sagwarɨ, nemɨ Godɨyarɨ saga tandaanyɨ “Tataala! Nɨmwala!” 16Kuryai kamɨ sagwai nemɨre kuryarajɨ nemɨ Kɨraajɨtɨyarɨ lɨmwandaanyainaabɨna tara salɨgurakɨbanɨ' “Gotɨyale kwaimɨraayalalyɨra.” 17Nabaai Godɨyale kwaimɨraayaina mwaraaja' Nɨmwai sare wɨya tewaanya maraadeinera. Pɨrɨ' taresɨ. Godɨyale wɨya tewaanya maraadeinera. Pɨrɨ' taresɨ. “Kɨraajɨtɨyalyɨ paaga tɨragɨnya' maraana!” tawaajɨ Kɨraajɨtɨyalyɨ taanginya ye'mwannamaraaja' Kɨraajɨtɨyai wɨya tewaanya maarade ye'mwannamaraadeinera.
¿Sabías que…?
Ninguna condenación y el Espíritu de vida
- Romanos 8 comienza diciendo que ahora no hay condenación para los que están en Cristo Jesús. El texto contrapone la ley del Espíritu de vida, que los libera, a la ley del pecado y de la muerte. Lo que la ley no pudo hacer, porque estaba debilitada por la carne, el capítulo afirma que Dios lo hizo al enviar a su propio Hijo en semejanza de hombre pecador, como ofrenda por el pecado.Fuentes: el propio texto bíblico
- El capítulo dice que todos los que son guiados por el Espíritu de Dios son hijos de Dios. No recibieron un espíritu de esclavitud que los devuelva al miedo, sino el Espíritu de filiación, por el que claman: "¡Abba, Padre!" El Espíritu mismo da testimonio junto con el espíritu de ellos de que son hijos de Dios y, por tanto, herederos de Dios y coherederos con Cristo, si de hecho sufren con él para ser también glorificados con él.Fuentes: el propio texto bíblico
- El capítulo une tres clases de gemido. Toda la creación gime junta con dolores de parto, mientras los que tienen las primicias del Espíritu gimen interiormente, a la espera de la adopción como hijos, la redención del cuerpo. Del mismo modo, el Espíritu los ayuda en su debilidad: no saben cómo deben orar, pero el Espíritu intercede por ellos con gemidos demasiado hondos para expresarse con palabras.Fuentes: el propio texto bíblico
Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.
Créditos y licencia de esta traducción
Selected Scriptures in Yipma/Wagamwa Selected Scriptures in the Wagamwa dialect of the Yipma language (parts of John, 1 John, Romans, and Hebrews). Sampela hop long Nupela Testamen long tokples YIipma Wagamwa long Niugini copyright © 2011 Wycliffe Bible Translators, Inc. Language: Yipma/Wagamwa (Yipma) Dialect: Wagamwa Translation by: Wycliffe Bible Translators This translation is made available to you under the terms of the Creative Commons Attribution-Noncommercial-No Derivatives license 4.0. You may share and redistribute this Bible translation or extracts from it in any format, provided that: You include the above copyright and source information. You do not sell this work for a profit. You do not change any of the words or punctuation of the Scriptures. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. 2015-01-02
Fuente: http://png.bible/byr-w/ · eBible.org