Nations Bible

Mateo 2

Tareka Buka · Toca un versículo para ver sus referencias cruzadas.

Kiboni sapuwo to auna umoro urubia Iesu emowabu ri saiki kidiowado moro rido gou-birimo

1Iesu mamu ro Beterehema sabowa ato goroto. Beterehema sabowa Iudia duriomoro ato owamo. Iedi tau ro nato eputa dubu to Herodi ro gomidiro, Iudia duriomoro nou ro giauri. Taie kiboni sapuwo to karatamudiro auna umoro na peteibi ro saiki kidiawado moro rido na-gou-birimo, Ierusarema sabowa to ta-gorowateai-birimo. 2Neibi ro ibo, ‘Iedi bamuai ro mamu ro dese to na-owahau, boira Iu eputa dubu to edi na ro nama-ararasoro-ri? Kiboni nou sapuwo to saiki kidiawado sapuwo rido kebase ta-nowea-bimo na-imewia-die, ina saiki korioduti moro to neito nowasoro-diebimo nou emowabu ri.’

3Nedi owera ro eputa dubu ro na-girorowai, Ierusarema sabowa urubia mutu, neio ubauba kimaragoidiro ro girobai. 4Taie tuturu to owamo pua eputa dubu Herodi ro Godi ra urubia ra turituri awawo urubia, Mose sabi kitamudiro urubia mutu, owera neio aboto nou ro nato gemeiriai neio ou ri nou aboto. Neio na-gou-rimo, taie nato gimodowa ibo, ‘Godi ro kohodowa dubu koroto moro boira? Tarena Buka ato beda sosoro owera gowapotai-rimo?’

5Nou neio ro ibo gemowameai-rimo, ‘Nou mamu ro Beterehema sabowa ato ama-oroto-ri, Iudia duriomoro ato na-owamo. Mabu nedi owera ro tiamo Tarena Buka ato Godi ipusu owera dubu Maika nou ro kebase ta-gisioidiro ibo, 6Beterehema sabowa oro! Iuda duriomoro ato na-owamo, oro masiro mutu e. Arua sabowa Iuda duriomoro ato na-iamo, oro idaibo sosoro pua. Eputa dubu to edi dubu ro nama-ararasoro-ri, oro aboudo amadi-osuruwo-ri. Nou sipisipi kimowotoi dubu sosoro ie, Isiraere urubia nou ro ama-iauri-ri.’

7Taie nedi owera ro eputa dubu ro na-girorowai, nou ro nedi auna umoro na peteibi ro iato piro se gidabuai-biro. Nou ro ibo, ‘Nibi ro nedi kiboni ro beda tau ato gowea-bimo keba se? 8Beterehema sabowa to ba-dou-bimo. Nedi mere ro mea ia se ba-dosora-bimo, namabimo-owea-ri neito ba-dorowameai-birimo mo emowapotai ri. Mo ibose anama-ou-ri nou emowabu ri.’

9Taie nedi owera ro eputa dubu aboudo na-girorowai-birimo, neibi iato aise gasiriai-birimo, iedi atu kiboni ro nou se gobodoro-birimo, saiki kidiawado moro rido na-gimewia-ro. Neibi ro na-giauri-birimo iedi kiboni ro aise gouwado, womu tato kiboni tupu se ti-gotobowa bamuai korobu moro abato. Taie neibi auna ia kamade mutu aise godoro-birimo bamuai kainai korobu moto to. 11Taie iedi bamuai kainai ro sosoro na-gowea-birimo mamu Maria mutu, neibi kauhio to na-girimusubuwa-birimo, Iesu iato gemowabu-birimo. Taie tako rido awawo wisa namabu gorodi, meamea nibo dehoro teibo mutu, neibi ro na-giehuti-birimo, ata inisensi to asoro-dumo, ina ata mura to asoro-dumo, iedi bamuai kainai ro iato gomio-birimo. 12Ata tau neibi hiwo to Godi ro owera nato gimowapotai-bi ibo, ‘Nibi edi gabo rido gou-diebimo, ioudo orowameai ate Herodi aboto, ata gabo rido ba-dorowameai-bimo simara duriomoro to!’

Neibi ro iedi owera ro na-girorowai-birimo, taie ata gabo rido imese gaimai-birimo.

Iesu bamuai mamu mutu Isipi duriomoro to giwadau-ma

13Iedi auna umoro dubu peteibi ro na-gasiriai-birimo, ina nou saro gabo ato Abera Naramu edi sowake urio ro nato gou-ro hiwo to Iosepa aboto. Nou ro ibo, ‘Iosepa deribua, mere ra mamu ra Isipi duriomoro to ba-diwadau-ma, mere kainai Herodi ro kopia aboudo. Nibi iato aise ba-domidiro-bimo womu tato owera mo aboudo namabimi-irorowai-ri nibi korowameai sapuwo to. Mabu nedi bamuai ro Herodi ro osora opia ri emahuwo.’

14Nedi owera ro Iosepa ro na-girorowai, neitiro nou ro iato iwediouti-ma pua, duwo ato giwadau-maro ioudo Isipi duriomoro to. 15Taie neibi iato aise imidirotiti-bimo womu tato neibi ro na-girorowai-birimo ibo eputa dubu Herodi ta-garaburai. Kebase Abera Naramu ipusu owera dubu edi owera ro na-gisioidiro Tarena Buka ato, tanaro morobise to noti gororosioidiro ibo, Mo mere ta-nemowapotai Isipi duriomoro rido osuruwo ri.

16Herodi umoro na-goi ibo nedi auna umoro dubu peteibi ro neibi ro nou a-gasaubuti-birimo, iato nou punugo ta-garauduti serawo ri. Taie nou ro boso koroho urubia nato gimowapotai imese dubu bamuai kainakaina sirio, 2 kisimisi rido na-ororuwo-die iopiauti ri, Beterehema sabowa ato na-orowomidiro, ibose gomo ato edi sabowa ro giamo. Mabu nedi auna umoro na peteibi ro Herodi kebase neibi ro ibo gemowapotai-birimo, netewa teibo kisimisi teibo ta-gororoporeai-rido kiboni nato gimewia-ro.

17Kebase Godi ipusu owera dubu Ieremaia edi owera ro na-gisioidiro, tanaro morobise to noti gororosioidiro-dumo ibo, 18Auna iamo Rama sabowa ato ta-girorowai-dumo! Idobi diamo iato taro-die! Kamade tato tau iato ta-gereredea! Rasere ro pamo dubu mere kainakaina idobi imerete! Nou ubi tato ie urubia ro kemadoho. Mabu boira? Mabu ata dubu mere ata eremeserai pua.

Iosepa ro giwameai-maro mere ra mamu ra Isipi duriomoro rido

19Herodi na-garaburai, iato nou saro gabo ato, hiwo to Abera Naramu edi sowake urio ro ina Iosepa aboto nato gorowapotai-ro, 20nou ro ibo, ‘Iedi mere ro mamu mutu neido ba-diwameai-ma Isiraere duriomoro to. Mabu nou edi urubia ro ubi na-iamotiti nou opia ri, neio abora pua ie, ta-gorowaburo-dumo.’

21Taie Iosepa ro nedi owera ro na-girorowai, neibi na-geremododiai-birimo, taie ioudo imese gaimai-birimo Isiraere duriomoro to. 22Ina ipi gabo ato owera nou ro nato girorowai ibo, ‘Abora Iudia duriomoro ato eputa dubu to Herodi simara mere Akerasi nou ro omidiro, abera bobo nou ro gorobai.’ Kaupoti nedi owera ro Iosepa ro na-girorowai, nou abato tere kimaragoidiro nato gereredea. Taie Iudia duriomoro to korowameai gabo aise goropai-ro. Ina iato Godi ro Iosepa aboto owera hiwo to nato garo-ro ibo, ‘Iudia duriomoro to owou ate, Gariri duriomoro to ba-dowou!’

Taie nou Gariri duriomoro to aise gou, 23ito na-gorowateai, Nasareta sabowa to aise gemobodiai, iato imidirotiti-bimo. Keba se Godi ipusu owera urubia ro edi owera ro na-gisioidiro-rimo Tarena Buka ato, tanaro morobise to noti gororosioidiro-dumo ibo, ‘Nou Nasareta dubu to amadima-asoro-ri.’

Ilustración artística: una interpretación, no un registro histórico.

¿Sabías que…?

Magos, Herodes y Nazaret

  • El rey Herodes de este capítulo es Herodes el Grande. Su hijo Arquelao, habido con Malthace, una mujer samaritana, heredó la tercera parte del reino: Idumea, Judea y Samaria. Hasta pocos días antes de la muerte de Herodes, otro hijo, Antipas, había sido nombrado sucesor, pero en sus últimos momentos Herodes nombró a Arquelao; por temor a él, José se apartó de Judea y se retiró a Galilea.Fuentes: Archelaus · el propio texto bíblico
  • Mateo relaciona la muerte de los niños en Belén con palabras pronunciadas por el profeta Jeremías: una voz en Ramá, Raquel llorando por sus hijos. Raquel, una de las esposas de Jacob, murió al dar a luz a Benjamín y fue sepultada junto al camino de Efrata, es decir, Belén, justo al norte de la ciudad. Su sepulcro es objeto de gran veneración entre los judíos.Fuentes: el propio texto bíblico · Rachel · Bethlehem
  • Belén, en la región montañosa de Judá, se llamaba antes Efrata y también era conocida como la ciudad de David; bajo los romanos quedaba en Judea, la más meridional de las tres divisiones de Palestina. José y María fueron en cambio a Nazaret, en Galilea, su hogar, un pueblo que no se menciona en el Antiguo Testamento. En general se supone que el nombre Nazaret proviene del hebreo netser, un renuevo o brote, aunque algunos lo relacionan con una palabra que significa guardar o vigilar.Fuentes: Bethlehem · Judea · Nazareth · el propio texto bíblico

Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.

Lugares de este capítulo

  • Bethlehem · 31.704, 35.208 · versículos 1, 5, 6, 8, 9, 16
  • East · Hoy: region around Amman · 31.955, 35.934 · versículos 1, 2, 9
  • Jerusalem · 31.777, 35.234 · versículos 1, 3
  • Judea · Hoy: Judea 1 · 31.777, 35.234 · versículos 1, 5, 22
  • Egypt · 30.129, 31.308 · versículos 13, 14, 15, 19
  • Galilee · 32.760, 35.527 · versículo 22
  • Nazareth · 32.702, 35.298 · versículo 23

Solo aparecen lugares identificados con alta confianza (90 % o más según las fuentes académicas reunidas por OpenBible). Mapa de la época: DARE (Digital Atlas of the Roman Empire), CC BY 4.0; mapa actual: © colaboradores de OpenStreetMap; lugares: OpenBible.info (CC BY 4.0).

Créditos y licencia de esta traducción
Tareka Buka
Portions of the Holy Bible in the Bamu language of Western Province, Papua New Guinea
Buk Baibel long tokples Bamu long Niugini
copyright © 2023 SIL Papua New Guinea
Language: Bamu
This translation is made available to you under the terms of the
Creative Commons Attribution-Noncommercial-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not sell this work for a profit.
You do not change any of the words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2026-08-26

Fuente: http://png.bible/bcf/ · eBible.org

Habla con nosotros

Cuéntanos desde dónde lees, cómo te ha ayudado la Biblia o qué podemos mejorar. Leemos todos los mensajes.