Nations Bible

Génesis 4

Cishingini Agwara Kambari [asg] · Toca un versículo para ver sus referencias cruzadas.

Kayinu n Habila

1Ɗa A̱da̱mu u vaki n vuka vi ni Hawa, ɗa u yaꞋin ka̱tsuma̱, ɗa u matsai Kayinu. Ɗa u danai, <<Vuzavaguɗu u ɓa̱nka̱ mu ta̱, ɗa n ciya̱i kolobo.>> 2Ayin a na i lo, ɗa u matsakai ni vangu ɗa u neꞋi ni kula Habila.

Ana u gbonguroi ɗa wo okpoi maguɓi, a̱yi Kayinu tamkpamu wo okpoi kacimbi. 3A ayin a vukyaꞋa, ɗa Kayinu u bankai Vuzavaguɗu n kuneꞋe ki ili i kashina i ni. 4Ama a̱yi Habila u zagbai mokyon ma singai ma na a̱ gita̱i kumatsa. Ɗa u kiɗai, ɗa u bankai Vuzavaguɗu nu mɓurusa. Ɗa ta na Vuzavaguɗu wi isai alyuka a̱ ni. 5Ama u pana uyoꞋo u Kayinu n alyuka a̱ ni ba. Ɗa Kayinu u yaꞋin wupa, ka̱ɗu ka̱ ni ka̱ na̱mgba̱i.

6Ɗa Vuzavaguɗu we ecei ni, <<Yiɗa̱i i zuwai ɗa vi yaꞋin wupa? Yiɗa̱i i zuwai ɗa asuvu a̱ nu a̱ na̱mgba̱i? 7Ashe vi yaꞋan baci ili i singai a kisa i ɗa ba? Vu lapula baci ba, unushi u ɗa lo a̱ utsutsu a kuvana wu, adama a na u lyaꞋa utsura u nu. Ama u gaꞋan ta̱ vu laꞋa u ɗa.>>

8Ɗa Kayinu u danai vangu vi ni Habila, <<YaꞋan tsu bana a kakamba.>> Ele ɗe a kakamba, ɗa Kayinu u ga̱la̱i Habila.

9Ayin a na i lo, ɗa Vuzavaguɗu we ecei Kayinu, <<Te ɗai ambu wi?>>

Ɗa Kayinu wu ushuki, <<Mpa n yeve ba. Mpa ɗa kindi ka vangu va̱?>>

10Ɗa Vuzavaguɗu u danai, <<Yiɗa̱i i zuwai ɗa vi yaꞋin nannai? Adama a na mpasa n ambu mi ta̱ a malapa mu una̱ punu a iɗika a̱ kuta̱wa̱ wa̱ va̱. 11Gogo na iɗika i na i ɓa̱yuwa̱i adama a na yi isa mpasa n ambu e ekiye a̱ nu, i yaꞋanka wu ta̱ una̱. 12Ubuta̱ u na vu banai dem, ko vi yaꞋan ulinga nini, iɗika ya yo kudoku ya matsa ili ba. Uteku n anana vo okpo ta̱ vuza vu ka̱ka̱ra̱sa̱ punu a iɗika.>>

13Ɗa Kayinu u danai Vuzavaguɗu, <<Atakaci a̱ va̱ a laꞋa ta̱ utsura u va̱. 14Gogo na vu loko mu ta̱ a iɗika ya, mi ta̱ o kokpo usokongi a̱ ubuta̱ u nu, ka̱ta̱ mo okpo ka̱ka̱ra̱shi punu a aduniyan, vuza na we enei mu dem wi ta̱ a kuna mu.>>

15Ɗa Vuzavaguɗu wu ushuki u danai, <<Ta nannai ba! Vuza na baci dem wu unai Kayinu mi ta̱ feu a kutakacika yi ali kucindere.>> Ɗa Vuzavaguɗu u zuwakai ni urotu adama a na vuza na de dem u cinai ni ka̱ta̱ wu una yi ba. 16Ɗa Kayinu u ka̱sukpa̱i kelime ka Vuzavaguɗu ɗa u lazai u banai u da̱sa̱ngi a iɗika i Nodu a Kasana ka Adini.

Ntsukaya n Kayinu

17Ɗaɗa Kayinu u vaki n vuka vi ni ɗa u yaꞋin ka̱tsuma̱ u matsai maku ɗa u neꞋi ni kula Anuhu. Ayin a nanlo a̱yi a kumaꞋa likuci ɗa u nekei likuci ya n kula ku maku ma̱ ni Anuhu. 18Ɗa a matsakai Anuhu maku ɗa u nekei ni kula Iradu, ɗa Iradu u matsai Mehaluja ɗa Mehaluja u matsai Metusela esheku a Lameji.

19Lameji u zuwai a̱ma̱ci e re vuza te kula ku ni ku ɗa Ada kula ku vuza te Zila. 20Ɗa Ada u matsai Jabalu, a̱yi ɗa esheku a aza a na o kuyongo a̱ a̱pa̱m n a guɓai kuzuwa ku le. 21Vuza ni ɗa Jabalu vuza na wi esheku a awaꞋi a umolu n a̱liki a ishari. 22Ɗa Zila u matsai Tubula-kayinu vuza na u ci yima ila̱nga̱ n iyum. Taku vu Tubala-kayinu a̱yi ɗa Nama.

23Kanna ke te Lameji u danai a̱ma̱ci e re a̱ ni,

<<Ada n Zila, panakai mu,

a̱ɗa̱ a̱ma̱ci a Lameji,

n saꞋwa ta̱ kuna kolobo ko yoku

adama a na u uka mu ta̱ muna.

24I baci a kuna uma e cindere adama a vuza na wu unai Kayinu,

I ta̱ a kuna uma amangatatsunkupa n uma e cindere adama a vuza na baci wu unai Lameji.>>

25Ɗa A̱da̱mu u doku u vaki n vuka vi ni, ɗa u yaꞋin ka̱tsuma̱. Ɗa u matsai maku mo yoku, ɗa vuka vi neꞋi ni kula Shitu. U danai, <<Ka̱shile ke neke mu ta̱ maku mo yoku, adama a na Habila u buwa lo ba, Kayinu wu una yi ta̱.>> 26Shitu feu u matsai maku mo kolobo, ɗa u neꞋi ni kula Enos.

A ayin a nanlo a ɗa uma a̱ ka̱na̱i kuɗeke kula ku Vuzavaguɗu.

Ilustración artística: una interpretación, no un registro histórico.

¿Sabías que…?

Caín, Abel y la vida al este del Edén

  • El nombre hebreo de Abel significa “soplo” o “vanidad”. Él cuidaba ovejas, mientras su hermano Caín labraba el suelo: Abel llevó las mejores porciones de los primogénitos de su rebaño, y Caín llevó fruto del suelo. El Diccionario Bíblico de Easton (1897) lee la frase “en el transcurso del tiempo” (al margen, “al fin de los días”) como probable referencia al sábado.Fuentes: Abel · Cain · el propio texto bíblico
  • Tras la muerte de Abel, Caín se estableció en la tierra de Nod, al este del Edén, nombre que significa exilio, vagabundeo o inquietud. Allí construyó una ciudad y la llamó como su hijo Enoc. El Diccionario Bíblico de Easton señala que esta es la primera ciudad mencionada en las Escrituras.Fuentes: Nod · Enoch (son of Cain) · el propio texto bíblico
  • Lamec, quinto en la descendencia de Caín, se casó con dos mujeres, Ada y Zila. El Diccionario Bíblico de Easton llama a las palabras que les dirigió el único ejemplo conservado de poesía antediluviana, a veces conocido como “canto de la espada de Lamec”. Sus hijos se vinculan con modos de vida antiguos: Jabal, con las tiendas y el ganado; Jubal, con el arpa y la flauta; y Tubal-caín, con la forja del bronce y del hierro.Fuentes: Lamech (descendant of Cain) · Adah (wife of Lamech) · Zillah · el propio texto bíblico

Notas escritas con ayuda de IA a partir de fuentes abiertas (Theographic Bible Metadata, CC BY-SA 4.0; Easton’s Bible Dictionary, dominio público) y revisadas antes de publicarse.

Créditos y licencia de esta traducción
Cishingini Agwara Kambari [asg]
Cishingini: Cishingini Agwara Kambari [asg] (Bible)
copyright © 2025 Language Development and Translation Initiative (LDTI)
Language: (Cishingini)
Contributor: The Seed Company
This translation is made available to you under the terms of the
Creative Commons Attribution Share-Alike license 4.0.
You have permission to share and redistribute this Bible translation in any format and to make reasonable revisions and adaptations of this translation, provided that:
You include the above copyright and source information.
If you make any changes to the text, you must indicate that you did so in a way that makes it clear that the original licensor is not necessarily endorsing your changes.
If you redistribute this text, you must distribute your contributions under the same license as the original.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
Note that in addition to the rules above, revising and adapting God's Word involves a great responsibility to be true to God's Word. See Revelation 22:18-19.
2025-07-09

Fuente: http://ebible.org/asg/ · eBible.org

Habla con nosotros

Cuéntanos desde dónde lees, cómo te ha ayudado la Biblia o qué podemos mejorar. Leemos todos los mensajes.