Genesis 49
Buk Niu In Hida Balu nol Dehet deng Apan-kloma ki in Dadi ka · Tap a verse to see its cross-references.
Yakob tek un anan nas oen-lalin nas, nol hangun man oen hapus se leol hmudin
1Hidi na kon, Yakob tadu haman un anan nas totoang. Oen maas totoang son kon, un tekas noan, “Auk anang me! Mi maa dil nakbua dadani nol auk se ni le. Auk le tek mi mesa-mesam, lalan in nuli se leol hmudin na.” 2Hidi kon Yakob tek un anan nas meman elia,
“Yakob anan me! Mi maa le dil pukiu au.
Hii, ta mi aman Israel le aa.
3Ruben! Ku nia mo auk anang in blalan dui ka! Ku kon daid auk hnikan na, nol auk imang kanan son. Atuli-atuli lias todan se ku dui. 4Mo ku dalem ma teken isi lo, taan le ku in koma ka man ola lia. Ku dalem ma banansila el len in ne tasi kua ka, man suktomas sam maa elia mo suktomas sam lako elua. Suknahkiut tuun, mo ku laok niin nol auk sapang Bilha, le tao hmomos ku amam ma maan in nini ka. Undeng na le, ku ngaal kaka la nahi meman!
5Simeon nol Lewi! Mi duam sila mesa! Mi duam hlapat isi in nikit suli, le tao sus atuli. 6Mi in koma ka, suma dait nutus aus-sapi las iin ulat tas, didiin oen bosor isi le keo-keo se mana. Nol undeng mi in daat ta, le mi duu siin halas-sam keo atuli. Tiata auk hosek lo nol mi in dehet tas. Auk kon dai muid le kutang nol mi dasi las lo. 7Tiata halas ni, auk bahang mi oen-lalin daat na, lole mi lai-lisin son! Nol mi in komali ka, muik tahan in nangan namnau bubuit lo kon. Mam mi lepa-haal esan mi in daat na. Mam Ama Lamtua Allah hising soleng mi in hua-koet tas, le oen lakos daad holhising se ola-ola, se dale Israel.
8Yahuda! Ku ngalam ma nahin na noan, ‘naka’. Mam ku kaka-palim mas naka ku, nol suda le todan ku. Ku kon tudan-kida ku musu las, didiin oen nikit nal bon nas lo. 9Ku niam banansila el singa muda man in muun, man nuting taan in kaa esa. Ku kon tuladang el singa ta-hngulu man lui apa ka, le laok nini; muik tahan in brain tia sepo ku lo. Ku kon tuladang el singa ina man doh un ana ka; muik tahan atuli in brain laok kusun lo. Atuli las lii-tiud ku, nol muik in brain le tao lobo-lau nol ku lo. 10Mam ku niam, kil bandu. Ku in hua-koet tas kon kil bandu mudi-muid apa, didiin mam muik At Mes kil hak lapa dui deng totoang. Un daad le kil bandu, hidim bangsa-bangsa las totoang todan Una, nol hii-ming se Una. 11Mam ku nuli nol dael kolo tutungus! Ku kom saa tukun kon, muki! Nol ku kom le tao saa tuun kon, dadi! Hidim ku hmukit tas, nol ku klapa las isin nas taplaeng mamo, le liis-lasa didiin sole-soleng tuun ela. 12Ku in kaa-ninu ngas fala banan sii, didiin hidi nutus taan lo.
13Sebulon! Ku dale pusaka la bluang dui, nol dani tasi, lako lius kota Sidon. Kapal-kapal las deng ola-ol maas le soleng oen nahu las nol babanan se ku onan na.
14Isaskar! Ku nia mo tuladang el keledai in tes sa, mo ku bom baut isi. Eta ku nini se lalan hlala son nam, asii man dising le bangun ku, halin laok napiut ta? Ase! Na mo eta ku ngat net iung man in leok isi mes se suu halin nua, lam tadu ku lo kon ku nikit ku sa-saa las, le bok lako ua son na. Ku ela son na!
16Dan! Ku ngalam ma nahin na noan, ‘atuil in nutus dasi’. Hidim mam ku nol ku in hua-koet tas, man nutus bel ku bangsa las dasi las nol in ngele halin lo. 17Ku nia mo banansila el ul in muik lasong nga, man nini natang se lalan suut ta. Eta atuli saek ahloet le kaliut deng na lam, suknahkitum ul na sau ahlote la iin na, ta atuling in sake ka nahi batlenga.
18Ee AMA LAMTUA! Auk nodan le Ku bel boa-blingin kaim totoang.
19Gad! Ku ngalam ma lin na naha-bubuit tam tatai nol ‘hote-dait labang’. Mam atuil in nako ngas maas keng nol ku, mo ku hobalin keng nolas le tao tehen one.
20Aser! Mam ku klapa las isin nas banan dui, le ku daek kukis leko-leko man fala banan, ta lahi-lahi las maas sos kukis se ku.
21Naftali! Ku niam banansila el lus ina huin, man muik tahan atuli in pekot ku lo. Ku kon hua nal ku anam mas uih-leko ana lo.
22Yusuf! Ku tuladang el kai ina in lohang man nuli dani nol ui mata ka. Un bango ngas lohang sake lako se tembok lapa-lapa ngas. 23Muik atuli in idus le soleng oen dalen in iil isi ka bel ku, banansila el musu las hmeon ku. 24Mo Ama Lamtua Allah man auk in todan na, tulung ku. Tiata Un tao ku imam ma le tes-kain, le didiin deng kakatang kon no, ku hmeon bali nal one. Ku nal one, undeng Ama Lamtua man tulung ku, meman Un in kuasa ka muun isi baktebes! Undeng na le, auk nahlae se Una. Ta Un man doh au. 25Mam Un kon doh ku. Nol Un bel hangun se ku, hangun deng apan-dapa kua, nol hangun deng apan-kloma kia, nol hangun in hua ana mamo-mamo nol boa-blingin. 26Leten nas ilang lo. Nol auk hangun in bel ku nia, mamo dui deng leten-leten nas totoang! Nang le totoang hangun nias holbohon tia se ku la, undeng ku man dui hidi deng ku kaka-palim mas totoang.
27Benyamin! Ku in brani ka, banansila el ngot huin in lubu ka. Ohkaong bii kon, un nulut le daek hmukit taung un in kaa son. Eta duman nam, un laok bating in kaa lisin nas bel un anan nas. Ku in hua-koet tas kon muun banansila ela!”
28Ela son na, Yakob tek meman bel un ana-anan nas lalan in nuli, se leol hmudin na, mesa-mesam nonool un in hua-koet tas. Oen totoang nas, man puting Israel ngalan hngul dua kas.
Yakob mate
29Hidi kon, Yakob nodan un anan nas le oen hida, noan, “Nesang lo ka kam auk mateng. Eta auk mateng son nam mi musti nol laok puan auk se upung Abraham niut utu kua. Niut utu na ne liang, dani nol iung Makpela nol Mamre, ne dale Kanaꞌan. Hmunan nua, upung Abraham sos nal liang na nol klaap na, le taon daid un maan in puan nitu son. Un sos nutus son deng Efron, atuil deng ngaal Het. 31Se na, oen puan kit upun Abraham nol upun Sara. Hidim oen kon puan auk amang Isak, nol auk inang Ribka ne maan na. Tiata mi kon musti laok puan auk se uang, se auk sapang Lea halin na. 32Mi boel nadidingun deken, le puan auk se liang, man upung Abraham in sos nalan son na le!”
33Yakob aa hidi ela kon, un nini pait lako se hadang nga, tuun nam un mate.

Did you know?
Last Blessings for Israel's Twelve Tribes
- Jacob's sayings play on the meanings of his sons' names. Judah (Hebrew Yehudah) comes from Leah's words, "Now will I praise" (odeh), and Jacob says that Judah's brothers will praise him. Dan's name echoes his mother Bilhah's "God hath judged me" (dananni); Jacob says Dan will judge, or provide justice for, his people, and Easton's Bible Dictionary (1897) suggests this probably alludes to Samson, a later judge from the tribe of Dan.Sources: Judah (patriarch) · Dan · the Bible text itself
- The chapter calls each speech a blessing, yet some are stern. Reuben, firstborn of Jacob and Leah, whose name means "Behold a son!", is told he will no longer excel because he defiled his father's bed. Simeon and Levi, who took violent revenge on Hamor and the Shechemites, hear their anger cursed and are told they will be dispersed in Jacob and scattered in Israel; the Authorized Version's "they digged down a wall" is rendered in the Revised Version "they houghed an ox," as this chapter says they hamstring oxen.Sources: Reuben · Simeon · Levi (patriarch) · the Bible text itself
- Jacob then asks to be buried with his fathers in the cave in the field of Ephron the Hittite, which Abraham bought as a family grave. Machpelah, a name understood to mean "portion" or "double cave," stood on a hillside east of Hebron, facing Mamre in the land of Canaan. Abraham and Sarah, Isaac and Rebekah, and Leah were already buried there.Sources: Machpelah · Ephron · Mamre · the Bible text itself
Notes written with AI assistance from open sources (Theographic Bible Metadata, CC BY-SA 4.0; Easton’s Bible Dictionary, public domain) and reviewed before publishing.
Places in this chapter
- Shiloh · Today: Khirbet Seilun · 32.056, 35.290 · verse 10
- Sidon · Today: Sandikli archaeological site in Sidon · 33.561, 35.372 · verse 13
- Canaan · 32.767, 35.333 · verse 30
- Machpelah · Today: Cave of the Patriarchs · 31.525, 35.111 · verse 30
Only places identified with high confidence are shown (90% or more according to the scholarly sources compiled by OpenBible). Period map: DARE (Digital Atlas of the Roman Empire), CC BY 4.0; modern map: © OpenStreetMap contributors; places: OpenBible.info (CC BY 4.0).
Credits and license for this translation
Buk Niu In Hida Balu nol Dehet deng Apan-kloma ki in Dadi ka Genesis and the New Testament in Helong Kejadian dan Perjanjian Baru dalam bahasa Helong copyright © 2011 Unit Bahasa dan Budaya Language: Helong Translation by: Wycliffe Bible Translators, Inc. This translation is made available to you under the terms of the Creative Commons Attribution-No Derivatives license 4.0. You may share and redistribute this Bible translation or extracts from it in any format, provided that: You include the above copyright and source information. You do not make any derivative works that change any of the actual words or punctuation of the Scriptures. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. 2022-03-11
Source: http://ebible.org/hegNTpo/ · eBible.org