Nations Bible

Genesis 48

Buk Niu In Hida Balu nol Dehet deng Apan-kloma ki in Dadi ka · Tap a verse to see its cross-references.

Yakob nodan hangun bel Yusuf anan nas, Efraim nol Manase

1Nesang lo kon, atuli maa tek Yusuf noan, un papa heda muun isi son! Tiata un kil nol un anan nas duas, Manase nol Efraim, le laok ngat oen upuns Yakob. 2Nikit Yakob ming noan Yusuf maas son kon, un dising apa ka le hangu daad se hadang nga.

3Un tek Yusuf noan, “Ana Yusuf! Ama Lamtua Allah man muik kuasa muun isi ka, tulu-balang Un apa ka son, bel auk se iung Lus, se dale Kanaꞌan. Se na, Un hid au. 4Un tek noan, ‘Mam auk bel ku ana-upum mas mamo taplaeng, le ku in hua-koet tas daid bangsa tene. Mam Auk kon bel dale ni se ku in hua-koet tas, le daid oen pusaka didiin apan-kloma ki hidi.’

5Tiata, ku anam Efraim nol Manase, oen hak ka elia: auk maang se Mesir ram, oen duas muik son. Ela kon no, auk nangan oen duas son banansila el auk anang in hua esa, el Ruben nol Simeon. 6Mo eta mam ku haup aan pait tam, na ku anam esa lolen. Auk tao oen el auk anang esa lo ka. Tiata, nang le mam oen sium oen pusaka las deng oen kakan Efraim nol Manase tukun. 7Auk tao elia, undeng auk nangan ku inam Rahel. Dedeng kaim pait deng Mesopotamiam, le lakom dale Kanaꞌan kon, ku inam ma mate undeng in hua ana se lalan, dani nol iung Efrata, ne dale Kanaꞌan. Dedeng na, auk daleng nga iil isi! Kon auk puan un se lalan suut in laok bus el iung Efrata ka.” (Iung na halas ni, oen ngali ngala Betlehem.)

8Yakob aa hidi le un nikit sila ka lam, un net Yusuf anan nas se na. Kon un ketan Yusuf noan, “Hoe! Ni asii anan nias sa?”

9Kon Yusuf siut noan, “Oen niam tana-ana man Ama Lamtua Allah in bel au, se Mesir.”

Kon nam Yakob tekan noan, “Eta elam, ku nolas maa dadani nol au, halin auk kohe-kanas nodan Ama Lamtua Allah le beles hangun.” 10Yakob blalan son, nol un mata ka ngat tam nus tukun. Tiata un ngat net nol babanan isi lo. Kon Yusuf nol un anan nas lakos dadani nol Yakob, le un neko-lik one. 11Hidi na kon, un aa nol Yusuf noan, “Bablaan nia, auk nangan noan bet auk tutnaal ku pait lo ka. Mo halas nia lam, Ama Lamtua Allah dake ka muun dui pait, le didiin auk kon haup ku anam mias.”

12Hidi nam, Yusuf pel bian un anan nas deng Yakob, hidim un hai buku ka le sila ka lako tom se dale ka, se un ama ka sila ka. 13Hidi halas-sam Yusuf hangu. Hidim un bel un anan nas le dil dadani nol un ama ka. Un tapa ana hmunan Manase, se Yakob halin kanan na, nol ana hmudin Efraim, se un halin kliu ka. 14Mo nikit Yakob le nene ima ka laok se oen duas bon nas, halin nodan hangun beles sa, un seda ima kanan na le nene laok se palin Efraim bon na, mo un nene ima kliu ka laok se kaka Manase bon na dapa. 15Hidim un kohe-kanas le nodan Ama Lamtua Allah bel Yusuf hangun, noan,

“Ku upum Isak ama ka, Abraham,

nol ku upum Isak esa,

oen duas muid napiut Ama Lamtua Allah in koma ka.

Ama Lamtua Allah kon papa-paiduil auk son, deng auk muda bii ku, maa lius leol neot nia.

16Un kon puting auk son deng totoang in daat beas bakun.

Tiata auk kon nodan, le Un bel hangun se tana-anang nias nol oen in hua-koet tas.

Nol eta oen kohe-kanas se Ama Lamtua Allah lam,

oen nadidingun oen kian Abraham, upun Isak, nol auk ngalang ngi deken.

Nang le oen in hua-koet tas mamo taplaeng,

le daid bangsa tene se apan-kloma kia.”

17Mo nikit Yusuf ngat un ama ka nene ima kanan na laok se pali la bon na kon, un kil un ama ka ima ka, le seda lako se kaka la bon na. 18Un tek un ama ka noan, “Papa e! Tao ela deken. Ta un na mo Efraim, aan hmunan na lo. Paap musti sakeng paap ima kanan na laok se Manase bon na dapa. Ta na aan hmunan na hak.”

19Mo un ama Yakob dai tao lo. Le tek noan, “Ana! Meman auk tanan. Ta mam Manase daid muun-tes, nol un in hua-koet tas taplaeng mamo, le daid bangsa tene. Mo mam un palin Efraim, muun-tes dui pait. Un in hua-koet tas, daid mamo isi, didiin oen daid bangsa tene mamo, man muun-tes.”

20Hidi kon, un tek tana at dua nas noan, “Manase nol Efraim! Mam eta atuil Israel las nodan hangun bel atuil didang ngam, oen kon aa nuting mi duam ngalan nas. Mam oen nodan noan, ‘Sadi bole lam Ama Lamtua Allah bel hangun se ku, banansila el Un in bel hangun se Efraim nol Manase ka.’”

Nini ela lam, Yakob kon aa Efraim ngala ka muna, deng un kaka Manase ngala ka.

21Hidi nam Yakob tek Yusuf noan, “Ana! Nesang lo ka kam auk mateng. Mo mam Ama Lamtua Allah tulung mia, le nol pait mi lakom se mi upu kia-kaon nas dale kua. 22Halas ni auk in bel ku ki tene dui deng asa man auk in bel se ku kaka-palim mas sa. Ta auk bel taplaeng ku leten in ne dale Kanaꞌan, man hmunan nu auk katan son deng atuil Amori las, se dedeng auk in keng nolas sa.”

Artistic illustration — an interpretation, not a historical record.

Did you know?

Adoption and Blessing of Ephraim and Manasseh

  • Jacob reckons Joseph’s two sons, born to him in Egypt, as his own, on a level with Reuben and Simeon, Leah’s sons. Children born to Joseph after them were to remain Joseph’s, and were to be called by their brothers’ names in the territory they inherited.Sources: the Bible text itself · Manasseh (son of Joseph) · Reuben · Simeon
  • Manasseh was the elder son and Ephraim the younger, born in Egypt. The name Ephraim means double fruitfulness, because God had made him fruitful in the land of his affliction. Though Israel could hardly see for age, he crossed his hands, laid his right hand on Ephraim, and insisted that the younger brother would be greater.Sources: the Bible text itself · Ephraim · Manasseh (son of Joseph)
  • Jacob recalls that God Almighty appeared to him at Luz in the land of Canaan and blessed him there. Luz was the ancient name of a royal Canaanite city near Bethel, where Jacob halted and received a prophetic vision. He also remembers Rachel, Joseph’s mother, who died to his sorrow on the way back from Paddan—a name found only in this verse, for Padan-aram—and whom he buried beside the road to Ephrath, that is, Bethlehem.Sources: the Bible text itself · Luz · Paddan · Rachel

Notes written with AI assistance from open sources (Theographic Bible Metadata, CC BY-SA 4.0; Easton’s Bible Dictionary, public domain) and reviewed before publishing.

Places in this chapter

  • Canaan · 32.767, 35.333 · verses 3, 4, 7, 21
  • Luz · Today: Beitin · 31.923, 35.241 · verse 3
  • Egypt · 30.129, 31.308 · verses 5, 9
  • Bethlehem · 31.704, 35.208 · verse 7
  • Ephrath · Today: Bethlehem · 31.704, 35.208 · verse 7

Only places identified with high confidence are shown (90% or more according to the scholarly sources compiled by OpenBible). Period map: DARE (Digital Atlas of the Roman Empire), CC BY 4.0; modern map: © OpenStreetMap contributors; places: OpenBible.info (CC BY 4.0).

Credits and license for this translation
Buk Niu In Hida Balu nol Dehet deng Apan-kloma ki in Dadi ka
Genesis and the New Testament in Helong
Kejadian dan Perjanjian Baru dalam bahasa Helong
copyright © 2011 Unit Bahasa dan Budaya
Language: Helong
Translation by: Wycliffe Bible Translators, Inc.
This translation is made available to you under the terms of the
Creative Commons Attribution-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not make any derivative works that change any of the actual words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2022-03-11

Source: http://ebible.org/hegNTpo/ · eBible.org

Talk to us

Tell us where you read from, how the Bible has helped you, or what we could improve. We read every message.