Ruth 4
Buki Kimaasabaina · Tap a verse to see its cross-references.
Naomi ana dedevina iibabane tetelina
Boasa Ruti iitatete tetelina
1E kina go Boasayana ituko ina asa ana kaba siu goi itusobu. Aba siuyana moe idi kaba tugúguna. Iitusobu go, totateta manuna boi Ruti bogina ilaatuwoko, e igite iiketoiya imamaima. Tuwo iduduwe idigo kana,
‘Toi, kūma ameko goi kutusōbu.’
Tuwo tauyana ima itusobu. 2E Boasa asa ana tolovinayao ana badabada yawou iduduwedi sima ilatuwokoidi situsobu, bei idi tugúguna sitaiyakeke. 3E Boasa totatetayana ilatuwoko idigo kana,
‘Naomi bogina Moabe goi ikaluvilamna ima go, tauyana latuwona osiyada kaamasina Elimeleka ina poyapoya ana tagona ibisilave. 4Yau anuwonúwana dedevina kom kuyagoi. Neta poyapoyayana latuwom kutatete, e tolovina ame matadi goi kutatēte. Ago geya, kulatuwokoigu bei ayagoi. Geya kada tayaamo koroto mana lovina geya; kom tauna amta kuulovina. Yau sobuyekoim.’
‘Bei atatete’, toi kaena.
5Go kina Boasayana idigo kana,
‘Tutayana poyapoyayana ana tagona kukabi Naomi yaina, e Ruti, tauyana kóbuya guma Moabe, nakae bei kukabi kunai, e bei tokámasa yoina ikaaiyaka be nakae ina kaiguyauyana ikaaiyaka ina nunu sinaena.’
6Go kina totatetayana idigo kana,
‘Neta moe nakae, guna lovina akaidamane yaim. Yau geya itoboineguta Ruti anai, govila bei natugowo idi dalowo giyaina. Tauna kom toinim kutatēte go, yau geya latuwogu.’
7Ego boi nimatu Isileli tubunao idi katótula ana sinapu osenao adi tateta be kónana adi talamapu manudi ame nakae: Koroto tayamo ana sendoro ivalilivi go, siyana ivini. Moe nakae poyapoya ana kaidámana o lovina ana kaidámana bogina sikatotule. Koroto ana sendoro ivalilivi go, osiyana Boasa ivini boda matadi goi|src="co00971b.TIF" size="col" ref="4:7-8"
8Tuwo tutayana totatetayana idigo kana, ‘Kom toinim kutatēte’, e ana sendoro ivalilivi go, Boasa ivini. 9E Boasayana koroto gagaidi be tomota madabokidi matadi goi idigo kana,
‘Ame komi toinimi matami goi bogina kogite bego yau Elimeleka, Maloni be Kiliyoni konadi madabokidi Naomi yaina goi akabidi. 10Aiyuwoina Ruti guma Moabe, tauyana Maloni kobuina, anai. Moe bego tokamasayana ina kaiguyau ikaaiyaka ina nunu sinaena. Nakae ana katumapu bei ibíbina, e yoina geya itagauta. ¿Ame komi bogina kogite?’
11Koroto gagaidi be tomota liliudi aba siuyana goi sikaaiyaka kadi,
‘U, bogina kagite.’
E tuwo sikaodedevine sidigo kadi,
‘Ame vavinayana giyakainava bei kunai, bei kina Yauwe ivaite bego ivenátuna nakae Reitiyeli be Reya sivenátuna; tauyadi natudiyao badabadaidi kai Isileli tubunao manuma. Bei esaesa kubabane im nunu Eparati sinaena. E nakae bei Bedeliyema goi tomota liliudi yoim siiyagoi. 12Bei Yauwe natumowo ivinim vavinayana yaina, e bei im nunu gagaina nakae Peresi ina nunu gagaina, tauyana Yuda be Temari natudi.’
13Tuwo moitamo Boasa Ruti sinai go, Yauwe ina vaita goi ikéuwama, namliyeta ivenátuna, natuna koroto. 14Vevina sidigo kadi,
‘¡Yauwe aba kilágata; Tauyana tubum ivinim am totateta bei imatakavatem. Bei Yauwe ina guinuwa goi gomanayana yoina gagaina Isileli sinaena. 15Yaom imatakoiyem be nakae ivaitem gagaina. Neta kom natumowo koroto ainima aiyuwo, geya adi kaipatamo sivaitem nakae yaom ivaitem. E ame tutayana tubum ivinim; tauyana bei yawoim ilisi tutayana kwainamoya.’
16Tuwo Naomi ibala ina gomanayana ikabi, ivayavau, e imatakavate. 17Vevina tomota liliudi yaidi sidigo kadi,
‘Ame tutayana Naomi ma tubuna.’
Ago gomanayana sivayou Obedi; tauyana nava bei natuna Diyesi. Nava bei Diyesi natuna Devida. Naomi tubuna Obedi ivayavau|src="BA03007BW.tif" size="col" ref="4:16-17"
Devida ina nunu
18Tuwo Peresiyana ina nunu ame nakae:
Peresi natuna moe Esironi.
19Esironi natuna moe Ram.
Ram natuna moe Aminadabi.
20Aminadabi natuna moe Nakasoni.
Nakasoni natuna moe Salimoni.
21Salimoni natuna moe Boasa.
Boasa natuna moe Obedi.
22Obedi natuna moe Diyesi.
Diyesi natuna moe Devida.

Did you know?
Redemption at the Gate and the Lineage of David
- In ancient Israel, legal transactions such as property redemption were conducted publicly at the city gate before elders and witnesses. Removing and handing over a sandal served as a customary legal act to confirm the transfer of redemption rights.Sources: the Bible text itself · Ruth
- By acquiring the land of Elimelech and his sons, Boaz also undertook the obligation to marry Mahlon's widow, Ruth the Moabitess, in order to preserve the name of the deceased on his ancestral inheritance.Sources: the Bible text itself · Boaz · Mahlon · Elimelech
- The child born to Ruth and Boaz, named Obed, became the grandfather of King David, placing Ruth, a foreigner from Moab, into the royal genealogy descending from Perez.Sources: the Bible text itself · Obed · David · Pharez
Notes written with AI assistance from open sources (Theographic Bible Metadata, CC BY-SA 4.0; Easton’s Bible Dictionary, public domain) and reviewed before publishing.
Places in this chapter
- Moab · Today: Moab 1 · 31.181, 35.701 · verse 3
- Bethlehem · 31.704, 35.208 · verse 11
- Ephrathah · Today: Bethlehem · 31.704, 35.208 · verse 11
Only places identified with high confidence are shown (90% or more according to the scholarly sources compiled by OpenBible). Period map: DARE (Digital Atlas of the Roman Empire), CC BY 4.0; modern map: © OpenStreetMap contributors; places: OpenBible.info (CC BY 4.0).
Credits and license for this translation
Buki Kimaasabaina The New Testament and part of the Old Testament of the Holy Bible in the Gumawana language of Papua New Guinea Buk Baibel long tokples Gumawana long Niugini copyright © 2019 Wycliffe Bible Translators, Inc. Language: Gumawana This translation is made available to you under the terms of the Creative Commons Attribution-Noncommercial-No Derivatives license 4.0. You may share and redistribute this Bible translation or extracts from it in any format, provided that: You include the above copyright and source information. You do not sell this work for a profit. You do not change any of the words or punctuation of the Scriptures. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. 2026-10-02
Source: http://png.bible/gvs/ · eBible.org