Psalms 139
JINI WEN BΛ T'AN · Tap a verse to see its cross-references.
Maꞌanic i pꞌisol i ñaꞌtyʌbal Dios
1C Yum tsaꞌix a wen qꞌueleyon. Cʌmbiloñʌch a chaꞌan.
2A wujil cheꞌ mic buchtyʌl yicꞌot cheꞌ mic waꞌtyʌl.
Maꞌ luꞌ cʌmbeñon c pusicꞌal cheꞌ wen ñajt añon.
3Maꞌ qꞌuelon cheꞌ mic majlel ti bij yicꞌot cheꞌ mij cꞌaj coj tic wʌyib.
Cʌñʌl a chaꞌan pejtyelel c melbal.
4Cheꞌ max tyo locꞌ c tꞌan tic tiꞌ, a wujilix chuqui mi quej cʌl.
5Joyolon a chaꞌan. Maꞌ ticꞌon, maꞌ cotyañon.
Cʌñʌtyʌbilon ti a pꞌʌtyʌlel.
6Maꞌan i pꞌisol j cʌñʌtyʌntyel. Mach chꞌujbi c luꞌ cʌn.
Wen ñuc, mach chꞌujbi c chꞌʌmben isujm.
7¿Mejl ba c majlel baꞌ mach chꞌujbi i tyajon Chꞌujul bʌ a Chꞌujlel?
¿Mejl ba c putsꞌtyañet? Mach saj chꞌujbi.
8Muqꞌuic c letsel majlel ti panchan, yaꞌ añet.
Yaꞌic añon ti yajnib sajtyemoꞌ bʌ, yaꞌ añet jeꞌel.
9Muqꞌuic c wejlel majlel ti ñajtyʌl baꞌ miꞌ pasel qꞌuin
Chaꞌan mic chumtyʌl yaꞌ ti junwejl colem jaꞌ
10Jinic tyo yaꞌi mi quej a tyajon.
Mi quej a cʌñʌtyañon ti pꞌʌtyʌl bʌ a cꞌʌb.
11Mi tic lolon alʌ: Mi quej c muc c bʌ baꞌ icꞌjowan,
Mach chꞌujbi i qꞌuelon ti acꞌbʌlel, choꞌon. Pero mach cheꞌiqui como maꞌ qꞌuelon aunque ti acꞌbʌlel.
12Jini icꞌjowan bʌ mulawil machꞌan miꞌ mʌctyʌbeñet a wut.
Lajal sʌc maꞌ qꞌuel acꞌbʌlel cheꞌ bajcheꞌ maꞌ qꞌuel qꞌuiñil
Lajal mi cꞌotyel a wut ti icꞌtꞌojñal cheꞌ bajcheꞌ ti qꞌuiñil.
13Pejtyelel chʌ bʌ tyac an tic malil a melbalʌch.
Ti a meleyon cheꞌ cʌñʌtyʌbilon tyo i chaꞌan c ñaꞌ.
14Mic sub a ñuclel como bʌcꞌñʌbilet.
Ñoj wen bajcheꞌ ti a meleyon.
Ñoj wen a melbal. Cʌñʌlʌch c chaꞌan iliyi.
15Mach muculic c bʌquel ti a wut, cheꞌ cʌñʌtyʌbilon tyo i chaꞌan c ñaꞌ.
Chaꞌan ti cabʌl a ñaꞌtyʌbal ti a mucul tyecheyon ti colel.
16Ti a wʌ ñaꞌtyʌ bajcheꞌ quilal, cheꞌ max tyo bʌ añon.
Tsꞌijbubilix ti a jun jaypꞌej tyo ora mi quejel cajñel ti mulawil.
17Ñoj cꞌotyajax bajcheꞌ maꞌ bej ñaꞌtyañon, c Dios.
Mach chꞌujbi c tsic jayyajlel maꞌ ñaꞌtyañon ti jujumpꞌej qꞌuin.
18Muqꞌuic c jop c tsic, más on ti tsicol bajcheꞌ jini jiꞌ.
Cheꞌ mic tyejechel ti wʌyel, añon tyo a wicꞌot.
19Muqꞌuic a tsʌnsan jini simaroñoꞌ bʌ,
Putsꞌtyanla tic tyojlel jatyetla laꞌ wujil bʌ tsʌnsʌ.
20Jini muꞌ bʌ i contrajiñet ti leco jax bʌ tꞌan,
Miꞌ lolon chan isañob i bʌ.
21¿Mach ba yom c tsꞌaꞌlen jini muꞌ bʌ i tsꞌaꞌleñet, c Yum?
¿Mach ba chꞌʌjyem c pusicꞌal cheꞌ miꞌ contrajiñetyob?
22Mic tsꞌaꞌlen ti pejtyelel c pusicꞌal.
J contrajobʌch jeꞌel jini a contrajob.
23Tsajiñon, Dios. Wen qꞌuelbeñon c pusicꞌal. Cʌmbeñon c pensal.
24Qꞌuele c pusicꞌal mi an chʌ bʌ machꞌʌ wen.
Pʌyʌyon majlel tiꞌ bijlel j cuxtyʌlel machꞌʌ yujil jilel.

Did you know?
God's Complete Knowledge and Presence
- The psalmist uses geographic and cosmic extremes—ascending to the heavens, descending to Sheol (the realm of the dead), flying toward the dawn in the east, or settling by the farthest sea in the west—to illustrate that no place exists beyond God's presence and guidance.Sources: the Bible text itself
- The psalm depicts the creation of human life using the imagery of being knit or woven together in secret within the mother's womb, emphasizing that God observed the unformed body before any of its days existed.Sources: the Bible text itself
- After declaring total separation from the wicked and deceitful, the author concludes by inviting God to thoroughly search his own heart, test his anxieties, and redirect any offensive way toward the everlasting path.Sources: the Bible text itself
Notes written with AI assistance from open sources (Theographic Bible Metadata, CC BY-SA 4.0; Easton’s Bible Dictionary, public domain) and reviewed before publishing.
Credits and license for this translation
JINI WEN BΛ T'AN The New Testament and portions of the Old Testament in the Tila dialect of the Chol language of Mexico La Santa Biblia en el Chol de Tila copyright © 2008 La Liga Bíblica Language: Chol de Tila (Chol) Dialect: Tila Translation by: Wycliffe Bible Translators This translation is made available to you under the terms of the Creative Commons Attribution-Noncommercial-No Derivatives license 4.0. You may share and redistribute this Bible translation or extracts from it in any format, provided that: You include the above copyright and source information. You do not sell this work for a profit. You do not change any of the words or punctuation of the Scriptures. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. 2016-06-08
Source: http://ebible.org/ctucti/ · eBible.org