Nations Bible

Zechariah 14

Paipel · Tap a verse to see its cross-references.

Chon Jerusalem me chon ekewe mwü

1Iwe, ränin än ewe Samol mi Lapalap apwüng a arapoto. Mürin, aramas repwe angei pisekimi chon Jerusalem fän pöchökül o aineti fän mesemi. 2Pun ewe Samol mi Lapalap epwe achufengeni chon ekewe mwü meinisin, pwe repwe feila Jerusalem o maun ngeni. Iwe, ewe telinimw epwe oola, repwe soläni pisekin lon ekewe imw o achomanauei ekewe fefin. Esopun chon ewe telinimw repwe oola, nge ekewe lusun aramas resap kärila seni lon ewe telinimw. 3Mürin, ewe Samol mi Lapalap epwe feito o maun ngeni chon ekewe mwü, usun a fen föri lon fansoun maun. 4Lon ena fansoun i epwe ütä won ewe Chukun Olif mi nom mwen Jerusalem me peliötiu. Iwe, ewe Chukun Olif epwe mökfesen lon ruu kinikin seni ötiu tori lotou, pwe epwe fis eu lemol mi fokun chölap. Iei usun epek ewe chuk epwe sönüla ngeni peliefeng, nge epek ngeni peliör. 5Nge ämi oupwe aleni ewe lemol le sü, pun ewe lemol mi fis lefilen ekewe chuk a tori Asel. Ewer, ämi oupwe sü usun ämi kewe lewo ra sü ren ewe chechechin fanü mi fis lon mwün Usia ewe kingen Juta. Mürin, ewe Samol mi Lapalap ai we Kot epwe feito, nge ekewe chon pin meinisin repwe eti.

6Lon ena fansoun esap wor saram, esap fis patapat ika ais. 7Epwe eu rän mi sokola, eu rän ewe Samol mi Lapalap echök a silei. Esap fis rän ika pwin, nge lupwen fansoun lekuniol epwe wor saram.

8Lon ena fansoun kolukun manau epwe puwu seni lon Jerusalem, esop ewe koluk epwe pula ngeni ewe Setin Mäla mi nom ötiu, nge esop epwe pula ngeni ewe mataulap mi nom lotou. Ei epwe fifis lon fansoun pwichikar usun chök lon fansoun patapat. 9Mürin, ewe Samol mi Lapalap epwe king won unusen fanüfan. Lon ena fansoun ewe Samol mi Lapalap epwe i chök Kot, itan chök epwe pwal föüla.

10Iwe, unusen ewe fanü epwe siwil ngeni eu maasies seni Kepa mi nom efeng tori Rimon mi nom ör. Nge Jerusalem epwe tekia o nonom chök lon lenian seni ewe Asamalapen Peniamin tori lenien ewe aeuin asamalap, pwal tori ewe Asamalapen Pwokuku, pwal seni ewe imw tekia än Hananel tori än ewe king kewe lenien üchüch föün wain. 11Ewe telinimw epwe so, pun esap chüen wor anümamau won. Iwe, chon Jerusalem repwe imweimw lon fän kinamwe.

12Iwe, ewe Samol mi Lapalap epwe awarato och mäfeiengau ngeni chon ekewe mwü meinisin mi maun ngeni Jerusalem. Epwe iei usun: Fituker epwe chök machela, lupwen ra chüen manau, föün meser epwe mach me lon pwanger, nge chönawer epwe pwal machela me lon awer. 13Lon ena fansoun ewe Samol mi Lapalap epwe awarato wor fitikoko me niuokus watte, pwe eman me eman epwe turufi chienan o fiu ngeni. 14Pwal chon Juta repwe maun ngeni chon ekewe mwü me lon Jerusalem. Repwe angei wöün chon ekewe mwü mi nom ünükür pwe choon wokur: kolt, silifer me chomong üf. 15Iwe, eu mäfeiengau usun mesemwan epwe pwal tori ekewe oris, ekewe sokopaten aas, ekewe kamel, ekewe aas me sokopaten man mi nom lon ekewe lenien sounfiu.

16Mürin, meinisin mi chüen manau me lein chon ekewe mwü mi maun ngeni Jerusalem repwe feila Jerusalem iteiten ier pwe repwe fel ngeni ewe King, ewe Samol mi Unusen Manaman, o eti ewe chulapen likachoch. 17Nge ika chon eu mwü me won fanüfan resap mochen feila Jerusalem pwe repwe fel ngeni ewe King, ewe Samol mi Unusen Manaman, esap püngütiu üt wor. 18Are ekewe chon Isip resap mochen feila o eti ewe chulapen likachoch, esap püngütiu üt wor. Ewe Samol mi Lapalap epwe awarato wor ewe feiengau a awarato won chon ekewe mwü resap mochen feila Jerusalem pwe repwe eti ewe chulapen likachoch. 19Epwe iei ewe apwüng ngeni Isip, pwal ngeni chon ekewe mwü meinisin resap feila Jerusalem, pwe repwe eti ewe chulapen likachoch.

20Lon ena fansoun epwe rup won ekewe pel fän üen ekewe oris ekei kapas, “A pin fän iten ewe Samol mi Lapalap.” Iwe, ekewe nape lon imwen ewe Samol mi Lapalap repwe pin usun chök ekewe sepi mi nom mwen ewe rongen asor. 21Iwe, iteiten nape me lon Jerusalem me Juta repwe pin fän iten ewe Samol mi Unusen Manaman, pwe meinisin mi asor repwe feito o aea ekewe nape le kuku fituken ekewe mönün asor lor. Lon ena fansoun esap chüen wor eman chon amömö lon imwen ewe Samol mi Unusen Manaman.

Artistic illustration — an interpretation, not a historical record.

Did you know?

The Day of the Lord and Universal Worship

  • The Mount of Olives is a mountain ridge situated east of Jerusalem, separated from the city by the Kidron Valley. Outside of this prophetic passage, it is named in only one other narrative in the Old Testament, which recounts King David fleeing Jerusalem during the rebellion of Absalom.Sources: Mount of Olives · the Bible text itself
  • The prophet recalls a memorable earthquake during the reign of King Uzziah of Judah, an event so severe that people fled before it. Uzziah was the son of Amaziah and ruled Judah during a long and prosperous reign of about fifty-two years.Sources: Uzziah · the Bible text itself
  • The chapter envisions all surviving nations, including Egypt, traveling annually to Jerusalem to keep the Feast of Tabernacles. Zechariah warns that any nation failing to make the pilgrimage will face a withholding of rain as punishment.Sources: Egypt · the Bible text itself

Notes written with AI assistance from open sources (Theographic Bible Metadata, CC BY-SA 4.0; Easton’s Bible Dictionary, public domain) and reviewed before publishing.

Places in this chapter

  • Jerusalem · 31.777, 35.234 · verses 1, 2, 4, 8, 10, 11, 12, 14, 16, 17, 21
  • Mount of Olives · 31.778, 35.246 · verse 4
  • Great Sea · Today: Mediterranean Sea · 31.805, 34.170 · verse 8
  • Salt Sea · Today: Dead Sea · 31.500, 35.500 · verse 8
  • Arabah · 30.417, 35.151 · verse 10
  • Benjamin Gate · Today: in Jerusalem · 31.777, 35.234 · verse 10
  • Corner Gate · Today: in Jerusalem · 31.777, 35.234 · verse 10
  • Tower of Hananel · Today: Antonia Fortress · 31.780, 35.234 · verse 10
  • Egypt · 30.129, 31.308 · verses 18, 19

Only places identified with high confidence are shown (90% or more according to the scholarly sources compiled by OpenBible). Period map: DARE (Digital Atlas of the Roman Empire), CC BY 4.0; modern map: © OpenStreetMap contributors; places: OpenBible.info (CC BY 4.0).

Credits and license for this translation
Paipel
The Holy Bible in the Chuukese language of the Federated States of Micronesia
copyright © 1984, 1989, 1991, 2001 Liebenzel Mission
Language: Chuukese
Translation by: Liebenzell Mission
Old Testament © 1989, 2001 Liebenzel Mission
New Testament © 1984, 1991 Liebenzel Mission
This translation is made available to you under the terms of the
Creative Commons Attribution-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not make any derivative works that change any of the actual words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2024-01-24

Source: http://ebible.org/chk/ · eBible.org

Talk to us

Tell us where you read from, how the Bible has helped you, or what we could improve. We read every message.