Nations Bible

Genesis 3

Cishingini Agwara Kambari [asg] · Tap a verse to see its cross-references.

Vuma u nusakai Ka̱shile

1Koko ka laꞋa ta̱ nnama n na Ka̱shile Vuzavaguɗu u yaꞋin dem n ugboji. Ɗa ke ecei vuka va, <<Mayu ɗa Ka̱shile ka danai, <Ka̱ta̱ i lyaꞋa umaci wu nɗanga u na wi punu a kashina ka ba?> >>

2Ɗa vuka va vu danai koko kaꞋa, <<Ci ta̱ a kufuɗa tsa lyaꞋa umaci wu nɗanga dem n na mi punu a kashina ka, 3ama Ka̱shile ka dana ta̱, <Ka̱ta̱ i lyaꞋa maɗanga ma na mi punu e mere ma kashina ma ba. Ko kusaꞋwa ka̱ta̱ i saꞋwa ba. Kanna ka na baci i saꞋwai maꞋa, yi ta̱ a̱ kukuwa̱.> >>

4Ama ɗa koko ka danai vuka va, <<Mayun ɗa i kukuwa̱ ba. 5Ka̱shile ka ke yeve ta̱ kanna ka na baci i lyaꞋi maɗanga ma, a̱shi a̱ ɗa̱ i ta̱ a ku paɗukpa, ka̱ta̱ kpamu yo okpo uteku tsu Ka̱shile. Yi ta̱ e kuyeve ili i gbanigbani n ili i singai.>>

6Ana vuka va ve enei umaci u maɗanga wa wi ta̱ n ugaꞋin u kulyaꞋa, n ugaꞋin u kinda. U ciga ta̱ kpamu u ciya̱ cicoꞋo tsu na ci punu, ɗa u taꞋi umaci u maɗanga wa ɗa u lyaꞋi. Ɗa u neꞋi vali va, ɗaɗa u lyaꞋi feu. 7Ɗa dem vi le a̱shi e le a paɗukpai, ɗa e enei ka̱ci ke le oshomboɗi. Ɗa a̱ jilya̱i a̱vuku a maɗanga ma̱ ma̱biri, ɗa a yaꞋankai ka̱ci ke le ciyampa.

8N kulivi, ɗa a panai izumgbi i Ka̱shile Vuzavaguɗu a̱ kuka̱ra̱Ꞌa̱ a kashina ka, ɗa a sumai e sheɗeki punu a nɗanga n kashina ma. 9Ama ɗa Ka̱shile Vuzavaguɗu ke ɗekei vuma va, u danai, <<Te ɗai vi?>>

10Ɗa vuma va wu ushuki, <<M panaka wu ta̱ a̱ kuka̱ra̱Ꞌa̱ a kashina ɗaɗa m panai wovon, adama a na mi ta̱ koshomboɗi ɗa n sheɗeki.>>

11Ɗa Ka̱shile Vuzavaguɗu we ecei ni, <<Yayi u danai koshomboɗi kaꞋa vi? Ko vi lyaꞋa ta̱ maɗanga ma na n danai ka̱ta̱ vi lyaꞋa ba va?>>

12Ɗa vuma va u danai, <<Vuka vu na vu nekei mu u yongo nu mpa, a̱yi ɗa u taꞋi maɗanga ma ɗa u neꞋi mu ɗa n lyaꞋi.>>

13Ka̱shile Vuzavaguɗu ke ecei vuka va, <<Yiɗa̱i i zuwai ɗa vi yaꞋin nannai?>>

Ɗa wu ushuki, <<Koko kaꞋa ka̱ ya̱nsa̱i mu, ɗa n lyaꞋi.>>

14Ɗa Ka̱shile Vuzavaguɗu u danai koko ka,

<<An vi yaꞋin nannai, una̱ u na mi a kuyaꞋanka wu, u laꞋa ta̱ wu nnama m kpaꞋa

koɓolo nu n kakamba dem ali nu nnu feu.

Vi ta̱ a kuyaꞋan nwalu n ka̱tsuma̱ ka̱ nu o kurono a iɗika. Kubuta̱ ku ɗa vi kulyaꞋa

a ayin a wuma a̱ nu ra̱ka̱.

15Mi ta̱ a kuzuwaka ɗa̱ tsurala

avu n vuka va,

a̱ ka̱tsuma̱ ka ntsukaya n nu koɓolo nu ntsukaya n vuka ma. Wi ta̱ o kuɓoso wu a kaci,

ama avu vi ta̱ a kuluma yi a̱ ka̱civa̱.>>

16Ɗa u danai vuka va,

<<Vi ta̱ e kene atakaci n a̱bunda̱i a na n kuneke wu a̱ ubuta̱ u limata.

Nu mɓa̱la̱ n ɗa va kumatsa muku.

Ka̱ɗu ka̱ nu ki ta̱ o kuyongo a̱ ubuta̱ u vali nu,

a̱yi ɗa ta na u kulyaꞋa tsugono wa̱ nu.>>

17Ɗa Ka̱shile Vuzavaguɗu u danai A̱da̱mu,

<<Adama a na vu pana ta̱ kadanshi ka vuka vu nu, ɗa vi lyaꞋi maɗanga ma na n danai nu <Ka̱ta̱ vi lyaꞋa ba,> adama a̱ nu n yaꞋanka ta̱ iɗika dem una̱,

sai vi yaꞋan atakaci kafu vi lyaꞋa,

ali kanna ka na vu kuwa̱i.

18Iɗika yi ta̱ a kumatsa awana m mita̱ ma gbani-gbani,

imacishi i kakamba i ɗa kpamu va kulyaꞋa.

19Vi ta̱ e kulemgbe

kafu vi lyaꞋa ilikulya,

ali kanna ka na vu bonoi punu a iɗika ya,

adama a na ta punu vu uta̱i.

Avu kubuta̱ ku ɗa,

a̱ kubuta̱ ku ɗa kpamu vo kubono.>>

20Ɗa A̱da̱mu u neꞋi vuka vi ni kula Hawa, adama a na a̱yi ɗa u kokpo akaya a uma ra̱ka̱.

21Ɗa Ka̱shile Vuzavaguɗu u yaꞋankai A̱da̱mu n vuka vi ni aminya a ukpan.

22Ɗa Vuzavaguɗu u danai, <<Gogo na vuma wo okpo ta̱ tsu tsu, u yeve ta̱ kasingai n kawuya. Ka̱ta̱ a̱ ka̱sukpa̱ yi u taꞋa ali u lyaꞋa a̱ ka̱tsuma̱ ka nɗanga n kuneke wuma n kasingai ba, ta lo wo yongo n wuma kowanai>> 23Ɗa Ka̱shile Vuzavaguɗu u lokoi vuma va punu a Kashina ka Adini ka. Adama a na u bana u yaꞋan vicimba a̱ ubuta̱ u na a̱ uta̱ka̱i ni. 24Ana u lokoi vuma va, ɗa u zuwai ɗe corobi a̱ na̱shi punu a kashina ka a uɓon u kasana, n otokobi a akina a kulyaꞋa una̱ u re dem adama a na a̱ sa̱nka̱ vuma va kuꞋuwa a kashina ka.

Artistic illustration — an interpretation, not a historical record.

Did you know?

The Fall and Exile from Eden

  • A traditional reference explains Adam as “red,” a Babylonian word used as the generic name for man, with the same meaning in Hebrew and Assyrian, and links the name to his being formed from the dust of the earth. In this chapter that origin returns in the judgment: he will toil for his food until he returns to the ground, for he is dust and to dust he will return, and he is sent to work the soil from which he was taken.Sources: Adam · the Bible text itself
  • In this chapter Adam gives his wife the name Eve, meaning “life” or “living,” because she would be the mother of all the living.Sources: Eve · the Bible text itself
  • The site of the garden of Eden, from which the man is driven in this chapter, has been much discussed and placed in Armenia, west of the Caspian Sea, in Media, near Damascus, in Palestine, in southern Arabia, and in Babylonia. A traditional geographical note looks for it along the Tigris and the Euphrates, in the land of Shinar, or Babylonia.Sources: Eden · the Bible text itself

Notes written with AI assistance from open sources (Theographic Bible Metadata, CC BY-SA 4.0; Easton’s Bible Dictionary, public domain) and reviewed before publishing.

Credits and license for this translation
Cishingini Agwara Kambari [asg]
Cishingini: Cishingini Agwara Kambari [asg] (Bible)
copyright © 2025 Language Development and Translation Initiative (LDTI)
Language: (Cishingini)
Contributor: The Seed Company
This translation is made available to you under the terms of the
Creative Commons Attribution Share-Alike license 4.0.
You have permission to share and redistribute this Bible translation in any format and to make reasonable revisions and adaptations of this translation, provided that:
You include the above copyright and source information.
If you make any changes to the text, you must indicate that you did so in a way that makes it clear that the original licensor is not necessarily endorsing your changes.
If you redistribute this text, you must distribute your contributions under the same license as the original.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
Note that in addition to the rules above, revising and adapting God's Word involves a great responsibility to be true to God's Word. See Revelation 22:18-19.
2025-07-09

Source: http://ebible.org/asg/ · eBible.org

Talk to us

Tell us where you read from, how the Bible has helped you, or what we could improve. We read every message.