Nations Bible

Matthew 3

Ri utzilaj tzij re ri kanimajawal Jesucristo · Tap a verse to see its cross-references.

Katzijon ri Juan Aj Yaꞌl Bautismo

1Xopon ruqꞌijol echiriꞌ ri Juan Aj Yaꞌl Bautismo katzijon pa taq ri luwar katzꞌintzꞌotik re Judea. 2Jekꞌuwaꞌ kubꞌiꞌij: «Tzelej tzij alaq chwach ri Dios, ma rutaqanik ri Dios petinaq chilaꞌ chikaj lik xa naqaj chi kꞌo wuloq» kachaꞌ. Ri Juan Aj Yaꞌl Bautismo kꞌo pa ri luwar katzꞌintzꞌotik|alt="John the Baptist in wilderness" src="CN01651b.tif" size="span" ref="Mt. 3:1-4"

3Ri qꞌalajisanel Isaías xutzꞌibꞌaj kan puwi waꞌ wa Juan echiriꞌ xubꞌiꞌij:

Katataj uqul jun tzijonel kasikꞌin chupa ri luwar katzꞌintzꞌotik, jewaꞌ kubꞌiꞌij:

“Yijbꞌaꞌ pana alaq ri bꞌe re ri Qanimajawal;

sukꞌupij alaq rubꞌe Rire” Is. 40:3

xchaꞌ.

4Ruqꞌuꞌ ri Juan ukojom ꞌanom rukꞌ rismal camello y rupas ximil che rupa e jun tzꞌuꞌum; ri kutijo e taq ri sakꞌ y uwaꞌal kabꞌ re upa taq juyubꞌ.

5Ri ejeqel pa ri tinamit Jerusalem kukꞌ konoje ri e kꞌo pa ri luwar re Judea y ri ejeqel chuchiꞌ ri nimayaꞌ Jordán, xebꞌel lo che utayik ri Juan. 6Kakitzꞌonoj kꞌu kuybꞌal kimak chwach ri Dios, y ri Juan kuya ri bautismo chike pa ri nimayaꞌ Jordán.

7Ekꞌu ri Juan echiriꞌ xrilo lik e kꞌi chike ri fariseos y ri saduceos xekꞌun ruma ri bautismo kuyaꞌo, xubꞌiꞌij chike:

«¡Ralaq pachaꞌ alaq jupuq chi kumatz! ¿China xbꞌiꞌn re we utz kesaj ibꞌ alaq chwach ri unimal kꞌaxkꞌobꞌik kutaq lo ri Dios pawiꞌ alaq? 8Bꞌina alaq jusukꞌ chaꞌ jelaꞌ kaqꞌalajinik jalkꞌatim chi ri bꞌinik silabꞌik alaq, jelaꞌ pachaꞌ ri taqal chike ri kitzelem chi kitzij.

9»Y machꞌobꞌ ne alaq chi ibꞌil ibꞌ alaq waꞌ: “Riꞌoj utz qaꞌanom, ma oj ralkꞌoꞌal kan ri Abraham.” Ma riꞌin kambꞌiꞌij che alaq: We xraj ri Dios, utz kuꞌan ralkꞌoꞌal ri Abraham tobꞌ ne che taq waꞌbꞌaj. 10Yey jikil chi ne uwach ruqꞌatbꞌal tzij ri Dios pawiꞌ alaq, e pachaꞌ juna achi uyakom chi ri ikaj chwi ri ratzꞌayaq ri cheꞌ; ekꞌu taq ri cheꞌ na kuya ta chomilaj jiqꞌobꞌal, kapoqꞌix bꞌi y kakꞌaq pa aqꞌ.

11»Riꞌin paqatzij wi kanya ri bautismo che alaq rukꞌ yaꞌ, kꞌutubꞌal re tzelem chi tzij alaq chwach ri Dios. Noꞌj kꞌu ri Jun katajin lo chwij riꞌin, kꞌo puqꞌabꞌ kuya ri bautismo che alaq rukꞌ ri Santowilaj Ruxlabꞌixel ri Dios y rukꞌ aqꞌ. Rire más kꞌo uchuqꞌabꞌ chinuwach riꞌin; na taqal tane chwe tobꞌ xa kanmolej ruxajabꞌ. 12Ekꞌu Rire koluꞌqꞌata tzij pakiwi ri tikawex chaꞌ jelaꞌ kuya ri tojbꞌal taqal chike chikijujunal. E pachaꞌ juna achi rukꞌaꞌam chi ri puꞌbꞌal uwach ri trigo puqꞌabꞌ chaꞌ naꞌl kujosqꞌij waꞌ y karesaj rupukꞌ chupa. Tekꞌuchiriꞌ, kujok ri trigo y kukꞌol chupa rukꞌolibꞌal. Ekꞌu rupukꞌ kuporoj pa ri jun aqꞌ na jinta utaqexik katenowik» xcha ri Juan.

Ri bautismo re ri Jesús

13Ekꞌuchiriꞌ ri Jesús petinaq Galilea, xopon chuchiꞌ ri nimayaꞌ Jordán chaꞌ ri Juan kuya ri bautismo che. 14Pero ri Juan na xraj taj kuya ri bautismo che ri Jesús, jekꞌuwaꞌ xubꞌiꞌij che:

—Ri lik usukꞌ e rilal ri kayaꞌw la ri bautismo chwe riꞌin. ¿Yey e kami kaꞌaj la riꞌ kanya riꞌin ri bautismo cheꞌla? —xchaꞌ.

15Ekꞌu ri Jesús xukꞌul uwach:

—E chaꞌana woꞌora saꞌ ri kambꞌiꞌij riꞌin chawe, ma lik chirajawaxik e kaqaꞌan janipa ri lik usukꞌ chwach ri Dios —xchaꞌ. Jekꞌulaꞌ ri Juan xuya ri bautismo che.

16Tekꞌuchiriꞌ ri Jesús xukꞌul ri bautismo, xel lo pa ri yaꞌ. Y na jampatana kꞌu riꞌ xjaqataj ruwa kaj y xrilo echiriꞌ ri Ruxlabꞌixel ri Dios xqaj lo puwiꞌ pachaꞌ juna palomax. 17Ekꞌuchiriꞌ, xchꞌaw lo Jun chilaꞌ chikaj, jewaꞌ xubꞌiꞌij:

«E Nukꞌajol waꞌ ri lik kꞌax kannaꞌo

y lik kinkiꞌkot che»

xcha ri Dios.

Artistic illustration — an interpretation, not a historical record.

Did you know?

Repentance and Baptism at the Jordan

  • Matthew identifies John the Baptist as the one spoken of through the prophet Isaiah: a voice calling in the wilderness, “Prepare the way for the Lord.” Easton's Bible Dictionary (1897) records that John’s mission was the subject of prophecy, citing this passage, Isaiah 40:3, and Malachi 3:1, and that he was of priestly descent—his father Zacharias a priest of the course of Abia, and his mother Elisabeth of the daughters of Aaron. A chronology dates both the beginning of John’s ministry and his baptism of Jesus to AD 26.Sources: the Bible text itself · John the Baptist · John the Baptist Begins Ministry · John Baptizes Jesus
  • John came preaching in the wilderness of Judea, and people went out to him from Jerusalem, all Judea, and the whole region around the Jordan, confessing their sins and being baptized in the Jordan River. Easton's Bible Dictionary (1897) notes that under the Romans, in the time of Christ, Judea denoted the southernmost of the three divisions of Palestine, as distinguished from Galilee and Samaria, and included the territories of Judah, Benjamin, Dan, Simeon, and part of Ephraim. Jesus came from Galilee—called Galil by the Jews—to the Jordan to be baptized by John.Sources: the Bible text itself · Judea · Galilee
  • John warned the Pharisees and Sadducees not to rely on the claim, “We have Abraham as our father,” saying that God could raise up children for Abraham from the stones. Easton's Bible Dictionary (1897) explains the name Abraham as “father of a multitude” and describes him as the son of Terah, named before his older brothers because he was the heir of the promises.Sources: the Bible text itself · Abraham

Notes written with AI assistance from open sources (Theographic Bible Metadata, CC BY-SA 4.0; Easton’s Bible Dictionary, public domain) and reviewed before publishing.

Places in this chapter

  • Judea · Today: Judea 1 · 31.777, 35.234 · verses 1, 5
  • Jerusalem · 31.777, 35.234 · verse 5
  • Jordan · Today: Jordan River · 31.761, 35.558 · verses 5, 6, 13
  • Galilee · 32.760, 35.527 · verse 13

Only places identified with high confidence are shown (90% or more according to the scholarly sources compiled by OpenBible). Period map: DARE (Digital Atlas of the Roman Empire), CC BY 4.0; modern map: © OpenStreetMap contributors; places: OpenBible.info (CC BY 4.0).

Credits and license for this translation
Ri utzilaj tzij re ri kanimajawal Jesucristo
New Testament in Achi Rabinal; acr (GT:acrN:Achi)
copyright © 2009 Wycliffe Bible Translators, Inc.
Language: Achi
Dialect: Rabinal
Translation by: Wycliffe Bible Translators, Inc.
Copyright Information
© 2009, Wycliffe Bible Translators, Inc. All rights reserved.
This translation text is made available to you under the
terms of the Creative Commons License: Attribution-Noncommercial-No Derivative Works.
( http://creativecommons.org/licenses/by-nc-nd/3.0/ )
In addition, you have permission to port the text to different file formats, as long as you
do not change any of the text or punctuation of the Bible.
You may share, copy, distribute, transmit, and extract portions
or quotations from this work, provided that you include the above copyright
information:
You must give Attribution to the work.
You do not sell this work for a profit.
You do not make any derivative works that change any of the actual words or punctuation of the Scriptures.
Permissions beyond the scope of this license may be
available if you contact
us with your request.
The New Testament
in Achi
© 2009, Wycliffe Bible Translators, Inc. All rights reserved.
This translation is made available to you under the terms of the
Creative Commons Attribution-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not make any derivative works that change any of the actual words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2014-04-18

Source: http://ebible.org/acrNNT/ · eBible.org

Talk to us

Tell us where you read from, how the Bible has helped you, or what we could improve. We read every message.