Nations Bible

Matthew 2

Ri utzilaj tzij re ri kanimajawal Jesucristo · Tap a verse to see its cross-references.

Achijabꞌ kꞌo kinaꞌoj kebꞌeꞌbꞌina rukꞌ ri Jesús

1Ri Jesús xalax chilaꞌ Belén re Judea echiriꞌ e rey ri Herodes. Xebꞌopon kꞌu Jerusalem jujun achijabꞌ e petinaq pa relebꞌal lo ri qꞌij. Rike lik kꞌo kinaꞌoj puwi taq ri chꞌumil. 2Jekꞌuwaꞌ kakibꞌiꞌij:

—¿Pa kꞌo wi ri rey ke raj judiꞌabꞌ alaxinaq? Ma riꞌoj xqil ruchꞌumil kꞌa pa relebꞌal lo ri qꞌij; yey e waꞌ oj petinaq chaꞌ koꞌlqaloqꞌnimaj uqꞌij —kechaꞌ.

3Echiriꞌ xuta waꞌ ri rey Herodes, lik xsach unaꞌoj che y jelaꞌ xkikꞌulumaj konoje ri winaq e aj Jerusalem. 4Xumol kꞌu kichiꞌ konoje ri nimaq e aj chakunel pa Rocho Dios kukꞌ raj kꞌutunel re ri tzijpixabꞌ y xutzꞌonoj kꞌu chike pa kalax wi ri Cristo, Ruchaꞌoꞌn lo ri Dios. 5Rike xkibꞌiꞌij che:

—Ri Cristo kalax pa raldea Belén re Judea, ma jewaꞌ utzꞌibꞌam kan ri qꞌalajisanel chupa Ruchꞌaꞌtem ri Dios:

6Riꞌat Belén at kꞌo pa ri luwar re Judea,

tobꞌ lik at chꞌutiꞌn, riꞌat lik kꞌo awach

chikiwach raj wach e kꞌo Judea,

ma awukꞌ riꞌat kape wi ri Jun Taqanel;

ekꞌu Rire kuꞌana chajinel ke ri nutinamit Israel Mi. 5:2

—xechaꞌ.

7Ri Herodes ruma ri xuto, xa xeꞌlaqꞌay xebꞌusikꞌij rachijabꞌ e aj naꞌoj puwi taq ri chꞌumil y xutzꞌonoj kꞌu chike jampa xwinaqir waꞌ wa chꞌumil. 8Tekꞌuchiriꞌ, xebꞌutaq bꞌi Belén, jewaꞌ xubꞌiꞌij chike:

—Oj alaq y lik tzukuj alaq chi utz ri ralko akꞌa. We xriq kꞌu alaq, koꞌlbꞌiꞌij alaq chwe pa kꞌo wi chaꞌ jelaꞌ kinꞌek riꞌin y kiꞌnloqꞌnimaj uqꞌij —xchaꞌ.

9Tekꞌuchiriꞌ rachijabꞌ e aj naꞌoj xkita ri xubꞌiꞌij ri rey, xkimaj chubꞌi ri kibꞌe. Ekꞌu ri chꞌumil kilom lo kꞌa pa relebꞌal lo ri qꞌij, nabꞌe bꞌi chikiwach y xtakꞌiꞌ kꞌu chwi ri luwar pa kꞌo wi ri ralko akꞌa. 10Rike echiriꞌ xkil ri chꞌumil, lik xekiꞌkot che. 11Ekꞌuchiriꞌ xebꞌok pa ri ja, xkil ri ralko akꞌa rukꞌ ruchu María. Xexukiꞌik y xkiloqꞌnimaj uqꞌij. Xkijaq kꞌu uchiꞌ ri kikaxa y xkiya taq sipanik che, waꞌ re oro, re incienso y re mirra lik kiꞌ ruxlabꞌ. 12Chaqꞌabꞌ kꞌu riꞌ, xqꞌalajisax chike pa wachikꞌ na ketzelej ta chi pa kꞌo wi ri Herodes. Ruma kꞌu riꞌ, xetzelej pa kitinamit pa jun chik bꞌe.

Kakꞌam bꞌi ri Jesús Egipto kuma ruchu-uqaw

13Echiriꞌ rachijabꞌ e aj naꞌoj ebꞌelinaq chubꞌi rukꞌ ri Jesús, xukꞌut ribꞌ jun ángel re ri Dios pa uwachikꞌ ri José y xubꞌiꞌij che: «Chatyaktajoq, chebꞌakꞌama bꞌi rakꞌa y ruchu. Chixanimaj bꞌi kꞌa Egipto y chixkanaja chilaꞌ kꞌate kambꞌiꞌij chiwe jampa kixpetik, ma ri Herodes kutaq utzukuxik rakꞌa chaꞌ kakamisaxik» xchaꞌ.

14Xyaktaj kꞌu bꞌi ri José chaqꞌabꞌ, xebꞌukꞌam bꞌi rakꞌa y ruchu, y xebꞌek Egipto. 15Chilaꞌ kꞌut xekꞌojiꞌ wi kꞌa che rukamik ri Herodes. Xuꞌan kꞌu waꞌ chaꞌ e kuꞌana rubꞌiꞌim lo ri Dios ruma ri qꞌalajisanel echiriꞌ jewaꞌ xubꞌiꞌij: «Kꞌa chilaꞌ Egipto xinsikꞌij wi lo ri Nukꞌajol» xchaꞌ.

16Ri Herodes, echiriꞌ xretaꞌmaj xsokosoꞌx kan kuma rachijabꞌ e aj naꞌoj, lik xpe royowal. Ruma kꞌu riꞌ, xutaq kikamisaxik konoje ri raltaq ko chꞌutiꞌq alabꞌo kꞌamajaꞌ kakikꞌis kebꞌ junabꞌ, chike ri e kꞌo Belén y pa taq ri luwar e kꞌo lo chunaqaj. Ekꞌu xukꞌam re riꞌ ri xkibꞌiꞌij ri e aj naꞌoj puwi ruqꞌijol echiriꞌ xwinaqir ri chꞌumil. 17Jekꞌulaꞌ e xuꞌana ri tzꞌibꞌital kan ruma ri qꞌalajisanel Jeremías echiriꞌ xubꞌiꞌij:

18Xtataj jun qulaj pa Ramá,

oqꞌej y sikꞌ rukꞌ bꞌis.

E ri Raquel keroqꞌej ri ralkꞌoꞌal

y na karaj tane kabꞌochiꞌix ukꞌuꞌx

ruma ri kikamik ri ralkꞌoꞌal Jer. 31:15

xchaꞌ.

Ri Jesús kukꞌ ruchu-uqaw ketzelej tanchi Nazaret

19Tekꞌuchiriꞌ kaminaq chi ri Herodes, jun ángel re ri Dios xukꞌut ribꞌ pa uwachikꞌ ri José chilaꞌ Egipto y xubꞌiꞌij che: 20«Chatyaktajoq, chebꞌakꞌama bꞌi rakꞌa junam rukꞌ ruchu y chixtzelej tanchi Israel, ma ya xekam konoje ri kakaj kakikamisaj rakꞌa» xchaꞌ.

21Xyaktaj kꞌu ri José, xebꞌukꞌam bꞌi rakꞌa y ruchu, y xtzelej lo Israel. 22Pero xuxiꞌij ribꞌ keꞌek Judea, ma xretaꞌmaj e ri Arquelao rukꞌajol ri Herodes ri xkanaj kan rey re Judea pukꞌaxel ruqaw. Ruma kꞌu ri xqꞌalajisax che pa jun chik uwachikꞌ, xumaj bꞌi ubꞌe Galilea. 23Echiriꞌ xebꞌopon chilaꞌ, xeꞌjeqela pa ri tinamit Nazaret, chaꞌ e xuꞌana ri xkibꞌiꞌij ri qꞌalajisanelabꞌ chwi ri Jesús: “Rire kabꞌiꞌx che aj Nazaret.”

Artistic illustration — an interpretation, not a historical record.

Did you know?

Magi, Herod, and Nazareth

  • The King Herod of this chapter is Herod the Great. His son Archelaus, by Malthace, a Samaritan woman, inherited a third of the kingdom: Idumea, Judea, and Samaria. Until a few days before Herod's death another son, Antipas, had been named successor, but in his last moments Herod named Archelaus; for fear of him, Joseph turned aside from Judea and withdrew to Galilee.Sources: Archelaus · the Bible text itself
  • Matthew links the deaths of the boys in Bethlehem to words spoken through the prophet Jeremiah: a voice in Ramah, Rachel weeping for her children. Rachel, one of Jacob's wives, died giving birth to Benjamin and was buried by the wayside on the road to Ephrath, that is Bethlehem, directly north of the town. Her sepulchre is regarded with great veneration by the Jews.Sources: the Bible text itself · Rachel · Bethlehem
  • Bethlehem, in the hill country of Judah, was earlier called Ephrath and was also known as the city of David; under the Romans it lay in Judea, the southernmost of the three divisions of Palestine. Joseph and Mary went instead to Nazareth in Galilee, their home, a town not mentioned in the Old Testament. The name Nazareth is generally supposed to come from the Hebrew netser, a shoot or sprout, though some connect it with a word for guarding or watching.Sources: Bethlehem · Judea · Nazareth · the Bible text itself

Notes written with AI assistance from open sources (Theographic Bible Metadata, CC BY-SA 4.0; Easton’s Bible Dictionary, public domain) and reviewed before publishing.

Places in this chapter

  • Bethlehem · 31.704, 35.208 · verses 1, 5, 6, 8, 9, 16
  • East · Today: region around Amman · 31.955, 35.934 · verses 1, 2, 9
  • Jerusalem · 31.777, 35.234 · verses 1, 3
  • Judea · Today: Judea 1 · 31.777, 35.234 · verses 1, 5, 22
  • Egypt · 30.129, 31.308 · verses 13, 14, 15, 19
  • Galilee · 32.760, 35.527 · verse 22
  • Nazareth · 32.702, 35.298 · verse 23

Only places identified with high confidence are shown (90% or more according to the scholarly sources compiled by OpenBible). Period map: DARE (Digital Atlas of the Roman Empire), CC BY 4.0; modern map: © OpenStreetMap contributors; places: OpenBible.info (CC BY 4.0).

Credits and license for this translation
Ri utzilaj tzij re ri kanimajawal Jesucristo
New Testament in Achi Rabinal; acr (GT:acrN:Achi)
copyright © 2009 Wycliffe Bible Translators, Inc.
Language: Achi
Dialect: Rabinal
Translation by: Wycliffe Bible Translators, Inc.
Copyright Information
© 2009, Wycliffe Bible Translators, Inc. All rights reserved.
This translation text is made available to you under the
terms of the Creative Commons License: Attribution-Noncommercial-No Derivative Works.
( http://creativecommons.org/licenses/by-nc-nd/3.0/ )
In addition, you have permission to port the text to different file formats, as long as you
do not change any of the text or punctuation of the Bible.
You may share, copy, distribute, transmit, and extract portions
or quotations from this work, provided that you include the above copyright
information:
You must give Attribution to the work.
You do not sell this work for a profit.
You do not make any derivative works that change any of the actual words or punctuation of the Scriptures.
Permissions beyond the scope of this license may be
available if you contact
us with your request.
The New Testament
in Achi
© 2009, Wycliffe Bible Translators, Inc. All rights reserved.
This translation is made available to you under the terms of the
Creative Commons Attribution-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not make any derivative works that change any of the actual words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2014-04-18

Source: http://ebible.org/acrNNT/ · eBible.org

Talk to us

Tell us where you read from, how the Bible has helped you, or what we could improve. We read every message.