Malaquias 2
Na Rongorongo Uto nina Jesus Christ · Toque num versículo para ver as referências cruzadas.
Yahweh te varangara rana manesukaghi
1A Yahweh puku ni maana te ghaghua vanira rana manesukaghi, “Na bosa papara eni te vanighau, 2‘Kau [talumavau/talumava na ahagu] mughua tana hava tua tau gonighi. Ge kau mua rongovia mua na hava tu bosai ke, igeva ku talua nigua na vavaranga ivuvungamiu, maia ghua rana lei totobo tu gonighi vanighau ge ku vautoghau. [E utuni sughua,] mu varanga sokoghau tua, na pukuna tau mua lavipangoti ngangataa nigua na bosa papara. 3Inau ku torora rana vaivarimiu, mu ku paipalighi rana matadira mana ihudira tana tungi ghadira rana maumanu tau nira sukaghi, muku lavihorughau tana ovu ni tungi. 4Keri vaho ge kau ghilala, inau tu vaheghau na bosa papara eni. Keri ke, ma nigua na baubahu vanira rana manesukaghi, gaira rana vaivarina Levi, ke mua ghoi takoso.
5“Ta nigua na baubahu, inau tu nia baubahu vanira na vola mana mabo. Aeni agaia na hava tu vahera, keri ge kara tabotabo na talumavaagu. Mi tana bongighi rakeri, tara talumavau mara mataghuniu. 6Mara nighi taratarai na lei totobo tara utuni, mara mua nia tarai na hava tara hahi. Mara kabu mabo togotogo koluu, mara gonighi na lei totobo ke uto vamua, mara hangara ghua rana balu vure ge kara betoa na goniani na lei totobo tara dika. 7Na lutudira rana manesukaghi ge kara nia tarai na hava te utuni te va mai ta God. Ma rana vure kara mai mughua itadira na vaa naunauana nigua na maana ni dete manaha, na pukuna gaira rana tinoni holabosa vaniu inau a Yahweh puku ni maana.
8“Hauva, itaeni ighau rana manesukaghi tau ririu keha tua tana hava te maemane. Ra nimiu na tarai te hahilaghinira tara subo ge ra gonighi na lei totobo dika. Mi ghau tau diua tua na [vetena/baubahu,] tu va heghau. 9Keri ke, mi nau tu nera rana vure ni Israel ge kara nighau ghighirou na pukuna tau mua taonia na bosagu. Mi tana bona tau taraira nigua na vure ke, mau mua holopangoti sakai sonikolura.”
Rana vure tara mua taluutuni kakaia God
10?A logoa te sakai vamua a tamada ighita udolu ni? Eo, ta loghoa. ?E God ia so te gonighita udolu? Eo! ?Keri ke, mi vei tea ge a hurakei dida na baubahu ta sopa gonighi, mi vei tea ge a nia ghighirou nina vetena a God te bosa vanira tua rana vaivarida? 11Rana vure ni Judah tara hughu sokoa tua didira na baubahu ta God, mara gonighi na lei totobo mamataghugha tara dika i Jerusalem mi lokana ghua Israel. Ra [taghalaghinia/vametoa] tua na Valetabu keri a Yahweh te dolovia. Rana mane taulaghi tara taudira tua rana vaivine tara holohabara na titinoni god. 12Lubatia Yahweh geke ghadaru kehara tana lei kema ni Israel rahei tara goni padighi tua raini, sakai manaa kara holai mai didira na heveilee vania Yahweh puku ni maana.
13Aeni ghua sakai na totobo kau gonia. Ighau tau lumia nina belatabu Yahweh nia na kolobu ni matamiu. Tau nia tangi konokono, na pukuna ke mua holopongotighi na heveioli tau holai vania mai. 14Ma kau huahuati, “?Na hava na pukuna Yahweh ke mua holopangotighi?” Na pukuna vamua gaia te ghilala tau hughui nimiu na baubahu itadira rana taumiu, tau taudira mai tua tana bona tau vaolu. Agaira ghua rana dolamiu, hauva mau hughui sono nimiu na baubahu tana matana God, sakai vamua tau nia baubahu na dolo ke mua tuvavokaa siki sakai. 15?Ivei tea, e talukolughau nia God tau sakai na huli mana tarunga koukolu itadira rana taumiu? Eo, te nea! ?Mana hava nina ghanaghana vaniamiu? Na pukuna vamua kara logho dalemiu ma kara varavangasi ta God. Kau rightaonighau heghemiu, ge ke bei durakea gea siki sakai itamiu ta nina baubahu vania a tauna. 16A Yahweh, na God ni Israel, te ghaghua, “U mua holopangotia na sasani. Mu mua lavipangotia ge siki sakai itamiu ke gonia na gehegehe dika eni vania tauna. Kau rightaonighau heghemiu ge kau bei durakea gea siki sakai itamiu ta nina baubahu vania tauna.”
17Au nea Yahweh me nia lugu tua na lei nimiu na kokoe.
Ma ge kau huahuati, “?Na hava tai hahia ge o nighai lugu?”
Na pukuna tau bosa, “A Yahweh puku ni maana eni ke, e ghanaghana gaia na lei vure tara hahi tua ke, tara uto vamua, me holopangoti udolura,” pa kau bosa haia, “?Na hava na pukuna, ge a God te mua dete maemane?”

Você sabia?
Repreensão à Infidelidade e a Honra às Alianças
- O capítulo repreende severamente o sacerdócio ao relembrar a aliança de Deus com Levi. O sacerdote é descrito como um mensageiro do Senhor dos Exércitos, cujos lábios devem guardar o conhecimento e fornecer instrução fiel em vez de fazer o povo tropeçar.Fontes: o próprio texto bíblico · Levi (patriarch)
- O profeta desafia o povo de Judá e de Jerusalém por quebrar a fidelidade mútua. O texto condena o casamento com adoradores de deuses estrangeiros e o abandono das esposas da juventude, apresentando o matrimônio como uma aliança sagrada celebrada diante de Deus.Fontes: o próprio texto bíblico · Jerusalem
Notas escritas com auxílio de IA a partir de fontes abertas (Theographic Bible Metadata, CC BY-SA 4.0; Easton’s Bible Dictionary, domínio público) e revisadas antes de publicar.
Lugares deste capítulo
- Jerusalem · 31.777, 35.234 · versículo 11
Só aparecem lugares com identificação de alta confiança (90% ou mais segundo as fontes acadêmicas reunidas pelo OpenBible). Mapa da época: DARE (Digital Atlas of the Roman Empire), CC BY 4.0; mapa atual: © colaboradores do OpenStreetMap; lugares: OpenBible.info (CC BY 4.0).
Créditos e licença desta tradução
Na Rongorongo Uto nina Jesus Christ Portions of the Holy Bible in the Gela language of the Solomon Islands Baebol long langguis Gela copyright © 2015 Wycliffe Bible Translators, Inc. Language: Gela This translation is made available to you under the terms of the Creative Commons Attribution-Noncommercial-No Derivatives license 4.0. You may share and redistribute this Bible translation or extracts from it in any format, provided that: You include the above copyright and source information. You do not sell this work for a profit. You do not change any of the words or punctuation of the Scriptures. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. 2021-11-30
Fonte: http://ebible.org/nlg/ · eBible.org