Nations Bible

Gênesis 48

Dhao Alkitab · Toque num versículo para ver as referências cruzadas.

Yakob manèngi Lamatua ho hia mèngi-nale mi ana-ana Yusuf, Efraim dènge Manase

1Nèbhu boe ka, dhèu lasi peka dènge Yusuf na, ama na pèdꞌa aae. Hèia laꞌe nèti dènge ana na, Efraim dènge Manase, sèna ka lasi ladhe baki ra Yakob. 2Ropa Yakob tadèngi Yusuf si mai le, ka na pakaseti madhèdi.

3Hèia na padhai lii dènge Yusuf, aku nèngu na, “Ana Yusuf, ee! Ama Lamatua dhu dènge Koasa Kapai Risi na, uru èèna, Na padꞌelo le iisi Na dènge jaꞌa ètu rae Lus, ètu rai Kanaꞌan. Ètu nèi, Na moa tèke mi jaꞌa. 4Na padhai lii, peka na, ‘Bèli-camèdꞌa Jaꞌa hia ana-èpu èu jꞌajꞌi ae, ho rèngu jꞌajꞌi suku dhu kapai. Rai neꞌe ne, jaꞌa hia jꞌajꞌi unu rèngu, ho jꞌajꞌi pusaka ra toke dꞌai rai-haha èle.’

5Aa ana èu Efraim dènge Manase èèna, hak rèngu sèmi neꞌe ka: lodꞌo dhu jaꞌa dꞌai Masir na, mere iisi le rèngu dua ra. Masi ka sèmi èèna, jaꞌa tao rèngu sèmi ana dꞌèlu jaꞌa, sama sèmi Ruben dènge Simeon. 6Aa ladhe bèli-camèdꞌa èu abhu hari ana, na èèna di unu èu kèna. Jaꞌa tao boe rèngu sèmi ana dꞌèlu jaꞌa. Pe pusaka ra, rèngu abhu nèti aꞌa ra, Efraim dènge Manase. 7Jaꞌa tao sèmi èèna, sèna ka èdhi sanèdꞌe ina mu Rahel. Lodꞌo jiꞌi mai nèti Mesopotamia asa Kanaꞌan, dꞌai talora jꞌara, ina mu madhe ropa nara iisi aaꞌi. Èèna na, jiꞌi dètu rae Efrata ètu rai Kanaꞌan. Lodꞌo èèna, jaꞌa susa dꞌai seli. Ka jaꞌa padhane ne ètu sebhe jꞌara laꞌe asa rae Efrata.” (Limuri ne, rae èèna ra gati ngara na Betlehem.)

8Ropa Yakob padhai lii nare sèmi èèna hèia, na boti kètu na, ladhe nèdhi ana-ana Yusuf ètu èèna. Hèia na karèi Yusuf, aku nèngu na, “Seꞌe se, ana cee?”

9Ka Yusuf dhaa, “Seꞌe, ana dhu Ama Lamatua hia jaꞌa ètu Masir.”

Yakob peka hari, “Ladhe sèmi èèna, na hia ra mai padètu dènge jaꞌa, ho jaꞌa manèngi Ama Lamatua hia si mèngi-nale.” 10Yakob heka le, aa musi madha na ahu le. Na ladhe nèdhi beꞌa heka. Hèia Yusuf nèti ana na sèra padètu asa madha Yakob, ka na liku nare si, aa na uu si dua ra. 11Ka na peka dènge Yusuf, aku nèngu na, “Nèbhu nare sange neꞌe, jaꞌa pangee na, jaꞌa bisa heka kèdhi rèhu èu. Te ngaa Ama Lamatua, tao risi eele nèti ngaa dhu jaꞌa ngee, toke jaꞌa bisa kèdhi ana-ana èu kahèi.”

12Hèia Yusuf hari eele ana na dhèu dua sèra nèti madha Yakob, ka na patitu kètu urutuu na, aa na pacudꞌu rèhu na dꞌai rai, ètu madha ama na. 13Èle èèna ka, Yusuf kèdꞌi. Na nare ana na dhèu dua sèra, ka na hia ra titu padètu-dètu dènge ama na. Na patitu ana uuru na Manase, re bèka gꞌana Yakob. Aa ana ka dua, Efraim, re bèka kariu Yakob. 14Te ngaa ropa Yakob soro ai na neo manèngi mèngi-nale hia ana dua sèra, na soro ai gꞌana na mi kètu Efraim, aa ai kariu mi kètu Manase. 15Ka na manèngi Ama Lamatua hia berkat mi Yusuf, peka na,

“Baki mu Isak,

dènge ama na Abraham,

dua ra madhutu taruu dadꞌèi Ama Lamatua.

Ama Lamatua ladhe-leru jaꞌa kahèi, nèti ana ngèru toke dꞌai deo neꞌe ne.

16Na pakajꞌèu jaꞌa nèti rupa-rupa sasusa.

De jaꞌa manèngi sèna ka Na hia mèngi-nale mi ana èu seꞌe, dènge ana-èpu ra.

Aa ladhe ra manèngi-mangajꞌi mi Ama Lamatua,

ra bhèlu boe ale kolongara baki Abraham, kolongara Isak, aa kolongara jaꞌa,

sèna ka ana-èpu rèngu asa bèba-kacanga,

ho jꞌajꞌi kapai ètu rai-haha neꞌe.”

17Te ngaa ropa Yusuf ladhe nèdhi ama na tao ai gꞌana na mi kètu Efraim, hèia kèpe nare ai ama na, ho tao sa kètu aꞌa na Manase. 18Ka na peka dènge ama na, “Ama, ee! Baku tao sèmi èèna. Nèngu ne, ari Efraim. Nèngu ana limuri. De ai gꞌana ama hudꞌi tao sa kètu aꞌa na Manase. Lula èèna hak ana uuru.”

19Te ngaa ama na Yakob dꞌèi boe. Ka na peka na, “Ana, ee! Jaꞌa keꞌa. Ladhe èèna na, Manase jꞌajꞌi èra, aa ana-èpu na tabha ae, ho jꞌajꞌi suku kapai. Te ngaa ari na Efraim èèna, bèli-camèdꞌa kapai risi hari nèti nèngu. Sèmi èèna kahèi ana-èpu na ae risi eele hari, ho ladhe èèna na, rèngu jꞌajꞌi suku-suku dhu kapai aae.”

20Ka na peka dènge ana se dua ra, “Ladhe dhèu Israꞌel manèngi Ama Lamatua ho hia mamèngi-nale mi dhèu, rèngu ale ngara miu dua mi hèi. Ladhe èèna na, ra peka sèmi neꞌe: ‘Jiꞌi sanao sèna ka Ama Lamatua hia mamèngi-nale mi èu, sama sèmi Na hia mi Efraim dènge Manase.’ ”

Dènge jꞌara neꞌe, Yakob ale uuru ngara Efraim nèti ngara aꞌa na Manase.

21Èle èèna, hèia Yakob padhai lii dènge Yusuf, peka na, “Ana, ee! Jaꞌa nèbhu heka madhe. Te ngaa Ama Lamatua dènge miu, ho èèna na nèti hari miu asa era pea-paluꞌu bèi-baki miu. 22Te ngaa neꞌe ne, jaꞌa hia èu risi eele nèti aꞌari èu. Aa jaꞌa hia tabha èu, ledhe ètu rai Kanaꞌan èèna, dhu uru na jaꞌa kore nèti dhèu Amori, lodꞌo jaꞌa segi rèngu ètu dꞌara pamusu.”

Ilustração artística — interpretação, não registro histórico.

Você sabia?

Adoção e bênção de Efraim e Manassés

  • Jacó considera seus os dois filhos de José, nascidos no Egito, no mesmo nível de Rúben e Simeão, filhos de Lia. Os filhos que nascessem a José depois deles continuariam sendo de José e seriam chamados pelo nome dos irmãos no território que herdassem.Fontes: o próprio texto bíblico · Manasseh (son of Joseph) · Reuben · Simeon
  • Manassés era o filho mais velho e Efraim o mais novo, nascido no Egito. O nome Efraim significa dupla fecundidade, porque Deus o tornara fecundo na terra da sua aflição. Embora Israel mal pudesse ver por causa da idade, cruzou as mãos, pôs a direita sobre Efraim e insistiu que o irmão mais novo seria maior.Fontes: o próprio texto bíblico · Ephraim · Manasseh (son of Joseph)
  • Jacó recorda que Deus Todo-Poderoso lhe apareceu em Luz, na terra de Canaã, e ali o abençoou. Luz era o nome antigo de uma cidade real cananeia perto de Betel, onde Jacó parou e recebeu uma visão profética. Ele também se lembra de Raquel, mãe de José, que morreu, para sua tristeza, no caminho de volta de Padã — nome que aparece só neste versículo, para designar Padã-Arã — e que ele sepultou à beira da estrada de Efrata, isto é, Belém.Fontes: o próprio texto bíblico · Luz · Paddan · Rachel

Notas escritas com auxílio de IA a partir de fontes abertas (Theographic Bible Metadata, CC BY-SA 4.0; Easton’s Bible Dictionary, domínio público) e revisadas antes de publicar.

Lugares deste capítulo

  • Canaan · 32.767, 35.333 · versículos 3, 4, 7, 21
  • Luz · Hoje: Beitin · 31.923, 35.241 · versículo 3
  • Egypt · 30.129, 31.308 · versículos 5, 9
  • Bethlehem · 31.704, 35.208 · versículo 7
  • Ephrath · Hoje: Bethlehem · 31.704, 35.208 · versículo 7

Só aparecem lugares com identificação de alta confiança (90% ou mais segundo as fontes acadêmicas reunidas pelo OpenBible). Mapa da época: DARE (Digital Atlas of the Roman Empire), CC BY 4.0; mapa atual: © colaboradores do OpenStreetMap; lugares: OpenBible.info (CC BY 4.0).

Créditos e licença desta tradução
Dhao Alkitab
Genesis and the New Testament in the Dhao language of Indonesia
Kejadian dan Perjanjian Baru dalam bahasa Dhao
copyright © 2012 Unit Bahasa dan Budaya
Language: Dhao
Translation by: Wycliffe Bible Translators
This translation is made available to you under the terms of the
Creative Commons Attribution-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not make any derivative works that change any of the actual words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2022-03-11

Fonte: http://ebible.org/nfa/ · eBible.org

Fale com a gente

Conte de onde você lê, como a Bíblia tem te ajudado ou o que podemos melhorar. Lemos todas as mensagens.