Nations Bible

Zacarias 12

Godigo dwagi yai po buku · Toque num versículo para ver as referências cruzadas.

Nosali Godigo Jerusalem ma saibao wali

1Te e po da, te Genuai Bidigo po da, aga te dagalu genuai kegelalma, me te tǫ dodolama nigali God dao, tama agai te we bidi dabe augwaliba bidibo ula mabo da. Agai po te Israel dabeba mayu, te tama wali, 2“Eno te Jerusalem te kap wain me deli tiwai pedalumainu ilaibao. Tama te Jerusalem pąde elalubo tǫ kantrigo aga dolainu ebaso, te tǫ kantri augwali te kapde wain ąį tuai bidi dabe te gęǫ page dwagila mu ebo tiwai pedelaibao. Te augwaligo Jerusalemba boi hwįgi pabo side, te augwali pelama, te bagulali obo banis taun bagua sigi pelama, tama augwaligo te Juda dabego gasa taun dabe tigidali me bagua sela silaibao. 3Te tama tiabo sogo pedalubaso da, teda eno te Jerusalem te sęgę yai masigi me deli mu tiwai ilaibao. Te tigidali bulu tǫ kantri bidi dabe te Jerusalem dali boi hwįainu teba sisinagasaibao, tiali goli augwa digi dolaibao, bidigo te moni sęgąį masigi ugaba sagulubo tiwai gilama mu yaibao. 4Te sogode eno te boi bidi dabego hos kibu dabe wi ilama, tama te hos kibude dugawali bidi dabe te homu kolesaga umuna palaibao. Eno te Juda dabe tonalueibao, tiali goli eno te boi bidi dabego hos kibu dabe gedu wilaibao. 5Tama te Juda dabego augwa polalubo bidi dabego te tama tebo sę ebo sulama, augwa homu tomode te tiwai po waibao, ‘Awe, God, te Tigidali Bomo Elalubo Genuai Bidi, agai Jerusalemde bidibo aga we bidi dabeba bomo mawai dao,’ Juda dabego te po waibao,” Genuai Bidigo te po wali.

6“Te sogo eno ilama, tama te Juda dabe polalubo bidi dabe te kalade te genuai isi bogoli dala sabo tiwai pedalu, ma te wa pai wit gide isi bogoli ula pedalubo tiwai yaibao. Tama augwaligo te augwali pąde elalubo bulu tǫ kantri bidi hani tigidali ela silaibao, tiali goli Jerusalem taun te aga elaluali pesagede tama elalueibao,” Genuai Bidigo te po wai dao.

7“Ena Genuai Bidigo te eno bomo mobaso, te Juda ami bidi dabego bomo bolo ugwa mu igulama, te augwa boi bidi aiyaba ilaibao, tama augwaligo genuai nogi saibao. Tama tibaso, te Devitde bulali wąį nǫų hani dabe me te Jerusalem we bidi dabego badi te gasa Juda we bidi tigidaligo genuai nogi aiyaba me elaluamo dao, te tiwai si naga elalueibao. 8Te tebo sogode Genuai Bidigo te Jerusalemde bidibo we bidi te obogo bagulubo tiwai yaibao, te boi hwįbo side mubo sabelego te tigi bea sabo tiwai gilama yaibao. Te eno augwali dąų walobaso, te boi hwįabo bomo meni yani bidi dabego me, augwali te polobadu bidali bidi king Devit tiwai bomai bidi pedelaibao. Tama te Devitgo bulali wąį nǫų dabe te nosali pedalubo hani bage te augwa polalubo bidi bidaibao, te Genuai Bidigo mobo bidi ensel tiwai, ma God aga tiwai digi bidibo tiwai yaibao. 9Tama te sogode eno te Jerusalem dali boi hwįainu yali te tigidali bulu tǫ kantri eno dolaibao,” Genuai Bidigo te po wai dao.

Augwaligo te bidi enego enai baso, nosali augwali hobede ebo gela waibao

10Te Genuai Bidigo po geninama ma weyu te po wali, “Te eno te Devitgo bulali wąį nǫų hani dabego me te Jerusalem we bidi dabe augwaligo te homu dene eyu tau sabo kolesaga dali, te gedu haluasa po wabo kolesaga me, te si wali pomainu ilaibao. Te eno dwasianu naga egobeo. Tama augwaligo te augwa digi enego enama isali bidiba tononalu, te augwaligo aga gela usu mayu, te bidigo deli digi wai isaide dwai homu dene ebo gela wabo tiwai yaibao. Te augwaligo agade gela dwagila mu weyu, te bidigo aga gomunai ogwa deli isaide gela wabo tiwai yaibao. 11Te sogode te Jerusalemde genuai gela u mu waibao, te bidi dabego te tǫ malu dolo bulu te Megido pesagede te tibo god Hadatrimon dolaide te homu dene eyu gela usu mabo tiwai yaibao. Te augwali ayago togwali hani sibi deli delide te augwa homu dene ebo gela waibao. Te Devitgo bulali wąį nǫų hani bidi dabe me, te Natango bulali wąį hani dabe me, te Livaigo bulali hani wąį nǫų dabe me, te Simeigo bulali hani wąį nǫų dabe me, te gasa hanigo bulali wąį nǫų hani dabe tigidali me, te gela usu tigidaligo mawaibao. Te bulali wąį hani deli deli te deliba sisinama, te bidi dabe gasa badu bidiyu, te we dabe sibi tedali badu bidalu, tama tigidaligo homu dene ebo gela usu mawaibao, te augwaligo enani bidide,” Genuai Bidigo te po wai.

Ilustração artística — interpretação, não registro histórico.

Você sabia?

Livramento e pranto em Jerusalém

  • A referência ao pranto em Hadade-Rimom, na planície de Megido, recorda a dor nacional pelo rei Josias, que foi mortalmente ferido perto daquele local. O amplo vale de Megido era um corredor estratégico e um frequente campo de batalha na Antiguidade.Fontes: Hadad-rimmon · Megiddo · o próprio texto bíblico
  • A profecia lista famílias específicas em pranto separado, incluindo as linhagens reais de Davi e seu filho Natã, bem como a casa sacerdotal de Levi. Isso enfatiza que o profundo lamento e a reflexão pessoal alcançariam todos os estratos da sociedade, desde os governantes até cada família individualmente.Fontes: David · Nathan · Levi (patriarch) · o próprio texto bíblico
  • Jerusalém é descrita por meio de imagens vívidas, como uma pedra pesada e inamovível que fere quem tenta erguê-la, e um cálice que embriaga os exércitos invasores. Essas metáforas destacam a defesa divina sobre a cidade contra as nações que a cercam.Fontes: Jerusalem · o próprio texto bíblico

Notas escritas com auxílio de IA a partir de fontes abertas (Theographic Bible Metadata, CC BY-SA 4.0; Easton’s Bible Dictionary, domínio público) e revisadas antes de publicar.

Lugares deste capítulo

  • Jerusalem · 31.777, 35.234 · versículos 2, 3, 5, 6, 7, 8, 9, 10, 11
  • Megiddo · Hoje: Tel Megiddo · 32.585, 35.184 · versículo 11

Só aparecem lugares com identificação de alta confiança (90% ou mais segundo as fontes acadêmicas reunidas pelo OpenBible). Mapa da época: DARE (Digital Atlas of the Roman Empire), CC BY 4.0; mapa atual: © colaboradores do OpenStreetMap; lugares: OpenBible.info (CC BY 4.0).

Créditos e licença desta tradução
Godigo dwagi yai po buku
The Holy Bible in the Dadibi Language of Papua New Guinea
Buk Baibel long tok ples Dadibi long Niugini
copyright © 1987, 2001 Wycliffe Bible Translators, Inc.
Language: Dadibi
Translation by: Wycliffe Bible Translators
This translation is made available to you under the terms of the
Creative Commons Attribution-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not make any derivative works that change any of the actual words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2019-08-22

Fonte: http://png.bible/mps/ · eBible.org

Fale com a gente

Conte de onde você lê, como a Bíblia tem te ajudado ou o que podemos melhorar. Lemos todas as mensagens.