Mateus 2
Uumeleembaa Buŋa Tere Soomoŋgo Gbilia · Toque num versículo para ver as referências cruzadas.
Momakooto eja weeŋ koukoutanoŋga kagi.
1Jiisasnoŋ eja poŋ Herodwaa kambanoŋ Judia prowinswaa taoŋa moŋ qata Betlehem kanoŋ kolooro. Kolooroti, kambaŋ kanoŋ seŋgelaowaa momo eja weeŋ koukoutanoŋga Jerusalem sitinoŋ kagi. 2Kaŋ kokaeŋ qisigi, “Juuda oŋoonoŋ eja poŋ koloowaati, mera ii kolooŋ dakanoŋ eja? Nono weeŋ koukoutanoŋ laligoŋ iwaanoŋ widi asugiro iima kania kaeŋ moma waeya meŋ mepeseewombaajoŋ kajoŋ.”
3Kaeŋ qisigi eja poŋ Herod ano Jerusalem kanageso iwo laligogiti, iyoŋonoŋ korebore qaa ii moma aarugi. 4Aarugi kiŋ Herodnoŋ qaa ama kanagesowaa jigo gawoŋ galeŋ waŋa ano Kana qaawaa boi kuuya koma horoŋ oŋono kagi. Kaŋ ajoroogi kokaeŋ qisiŋ oŋono, “Hamoqeqe Toya Kraistnoŋ mono dakanoŋ koloowaatiwaajoŋ jegita eja?”
5Qisiŋ oŋono kokaeŋ meleema mugi, “Iinoŋ Judia prowinswaa taoŋ qata Betlehem iikanoŋ koloowaa. Iikawaa qaaya ii gejatootoo eja Maikanoŋ kokaeŋ oorota eja,
6‘Oo Betlehem kanageso Juuda gomanoŋ laligojuti, oŋoo batugianoŋga poŋ somata kolooŋ neenaa Israel kanageso mindiŋgoŋ kalaŋ koma nonombaa.
Kawaajoŋ oŋo Juuda gomambaa jotamemeya yoŋoo batugianoŋ laligogi qabuŋagianoŋ kamaaŋqeqeta mende toontooŋ koloowaa.’”
7Kaeŋ meleema mugi momakooto eja ii oloŋ oŋoono kagi kokaeŋ qisiŋ oŋono, “Widia ii naa kambanoŋ asugiro kanaiŋ iigi?” Iikawaa kania tororo momambaajoŋ moma kaeŋ qisiŋ oŋono. 8Iikawaa qaaya moma wasiŋ kokaeŋ jeŋ kotoŋ oŋono, “Oŋo mono Betlehem kema mera ii tororo qisiŋ mokolooŋ iikanondeeŋ buju qaa aŋgi noonoŋ kawa. Niinoŋ ii moma kaaŋiadeeŋ kema ii waeya meŋ mepeseeŋ mumaŋa.”
9Kiŋnoŋ kaeŋ iŋiijoŋgoŋ jeŋ kotoŋ oŋono moma kananoŋ keŋgi. Kema widi weeŋ koukoutanoŋ laligoŋ iigiti, iikanoŋ waŋgianoŋ waladeeŋ keno kosiŋ otaaŋ Betlehem kema miri koko mera eroti, iikanoŋ nano. 10Widi ii nano iima korisoro somata qatawo mogi. 11Korisoro moma miri uutanoŋ uma mera ano nemuŋa Maria iriigi. Ii iriima simiŋ kuma usugoŋ waeya meŋ mepeseeŋ mugi. Mepeseeŋ muŋ wayaŋgesogia qeŋgama iikanoŋga goul, jiniŋ paora ano sanda qata mor ii unjuma kaleŋ mugi.
12Gomantiiŋa moŋ egi Anutunoŋ gaonoŋ asugiŋ kiŋ Herodwaanoŋ mombo mende kembutiwaajoŋ qotogoŋ oŋono. Kawaajoŋ kana moŋgeŋ iyaŋgiaa gomaŋ baloŋgianoŋ eleema keŋgi. Kiaŋ.
Herodwaajoŋ asaŋgoŋ Joosef embameria Iijipt keŋgi.
13Momakooto eja yoŋonoŋ keŋgi Joosefnoŋ gaoŋ iiro Pombaanoŋ gajoba moŋnoŋ asugiŋ muŋ kokaeŋ ijoro, “Herodnoŋ mera qero komuwaatiwaajoŋ moŋgama mubaa. Kawaajoŋ mono waama mera ano nemuŋa uruama oloŋ koma Iijipt kantrinoŋ kembu. Iikanoŋ kema laligogi kanageŋ niinoŋ kawutiwaa kambaŋ jemaŋati, iikanoŋ mono eleema kawu.”
14Kaeŋ ijoro waama gomantiiŋa iikanondeeŋ koko mera ano nemuŋa uruama Iijipt keŋgi. 15Iijipt kema laligogi kiŋ Herodnoŋ komuro kambaŋ iikanondeeŋ eleema kagi. Wala Poŋnoŋ gejatootoo eja Hoosea sololooro qaa kokaeŋ jerota eja, “Niinoŋ merana oombe Iijipt gomaŋ mesaoŋ karo.” Gejatootoo qaa iikanoŋ mono kaeŋ asugiro hoŋawo kolooro. Kiaŋ.
Mera Betlehem gomanoŋ uŋugi komugi.
16Momakooto eja yoŋonoŋ Juuda gomaŋ oloŋ mesaoŋ keŋgi Herodnoŋ iikawaa kania iima “Tiligoŋ noŋgi,” jeŋ iriŋa mamaga soono jeŋkooto kokaeŋ ano, “Manjaqeqe eja, oŋo Betlehem ano gomaŋ kuuya ii liligoŋ raji, iikanoŋ kema mera gbanigia woi ano iikawaa baatanoŋ koloojuti, ii mono kuuya uŋugi komuwu.” Momakooto eja widi asugirotiwaa kambaŋaajoŋ tororo qisiŋ oŋono ijogiti, iikawaa so mera gbanigiaajoŋ jeŋkooto ii ano. 17Gejatootoo eja Jeremaianoŋ qaa moŋ jerota eji, iikanoŋ mono kaeŋ asugiro hoŋawo kolooro. Qaa ii kokaeŋ,
18“Betlehem kosianoŋ gomaŋ moŋ qata Rama iikanoŋga saagujugia mogi qama silama amburereŋ somata meju.
Reizel embawaa gbiliuruta yoŋonoŋ gbiliurugia qaoŋgi saaju.
Kawaajoŋ saagi uluŋkoleŋ meŋ oŋombombaajoŋ aŋgi uukonduŋkonduŋgadeeŋ momakeju.” Kiaŋ.
Iijipt mesaoŋ Joosef embameria Nazaret eleeŋgi.
19Joosefnoŋ Iijipt laligoro kiŋ Herodnoŋ komuro iikanondeeŋ Pombaanoŋ gajoba moŋnoŋ gaonoŋ asugiŋ muŋ 20kokaeŋ ijoro, “Mera qegi komuwaatiwaajoŋ emboŋgiti, iyoŋonoŋ mono komudaborogi. Kawaajoŋ mono waama mera nemuŋawo uruama eleema Israel gomanoŋ kembu.” 21Kaeŋ ijoro Joosefnoŋ waama mera nemuŋawo uruama eleema Israel gomanoŋ keŋgi.
22Kananoŋ kema qaa kokaeŋ moro, “Herodwaa meria Arkelausnoŋ maŋaa kitianoŋ Judia prowins galeŋ koma laligoja.” Kaeŋ moma iikanoŋ kemambaajoŋ toroko moro. Moma laligoro Anutunoŋ gaonoŋ Galili prowinsnoŋ kembutiwaajoŋ jeŋ kotoŋ muro waama iikanoŋ keŋgi. 23Galili prowinsnoŋ keuma taoŋ qata Nazaret iikanoŋ laligogi. Kaeŋ laligogi gejatootoo eja yoŋonoŋ Hamoqeqe Toyaajoŋ qaa jegiti, iikanoŋ hoŋawo kolooro. Qaa ii kokaeŋ, “Iwaa qata ii Nazaret ejaga qama laligowuya.” Kiaŋ.

Você sabia?
Magos, Herodes e Nazaré
- O rei Herodes deste capítulo é Herodes, o Grande. Seu filho Arquelau, tido com Malthace, uma mulher samaritana, herdou um terço do reino: a Idumeia, a Judeia e a Samaria. Até poucos dias antes da morte de Herodes, outro filho, Antipas, havia sido nomeado sucessor, mas, em seus últimos momentos, Herodes nomeou Arquelau; por medo dele, José desviou-se da Judeia e retirou-se para a Galileia.Fontes: Archelaus · o próprio texto bíblico
- Mateus relaciona a morte dos meninos em Belém com palavras ditas pelo profeta Jeremias: uma voz em Ramá, Raquel chorando por seus filhos. Raquel, uma das esposas de Jacó, morreu ao dar à luz Benjamim e foi sepultada à beira do caminho para Efrata, isto é, Belém, logo ao norte da cidade. Seu sepulcro é objeto de grande veneração entre os judeus.Fontes: o próprio texto bíblico · Rachel · Bethlehem
- Belém, na região montanhosa de Judá, chamava-se antes Efrata e também era conhecida como a cidade de Davi; sob os romanos, ficava na Judeia, a mais meridional das três divisões da Palestina. José e Maria foram, em vez disso, para Nazaré, na Galileia, sua terra, uma cidade não mencionada no Antigo Testamento. Em geral, supõe-se que o nome Nazaré venha do hebraico netser, um broto ou rebento, embora alguns o liguem a uma palavra que significa guardar ou vigiar.Fontes: Bethlehem · Judea · Nazareth · o próprio texto bíblico
Notas escritas com auxílio de IA a partir de fontes abertas (Theographic Bible Metadata, CC BY-SA 4.0; Easton’s Bible Dictionary, domínio público) e revisadas antes de publicar.
Lugares deste capítulo
- Bethlehem · 31.704, 35.208 · versículos 1, 5, 6, 8, 9, 16
- East · Hoje: region around Amman · 31.955, 35.934 · versículos 1, 2, 9
- Jerusalem · 31.777, 35.234 · versículos 1, 3
- Judea · Hoje: Judea 1 · 31.777, 35.234 · versículos 1, 5, 22
- Egypt · 30.129, 31.308 · versículos 13, 14, 15, 19
- Galilee · 32.760, 35.527 · versículo 22
- Nazareth · 32.702, 35.298 · versículo 23
Só aparecem lugares com identificação de alta confiança (90% ou mais segundo as fontes acadêmicas reunidas pelo OpenBible). Mapa da época: DARE (Digital Atlas of the Roman Empire), CC BY 4.0; mapa atual: © colaboradores do OpenStreetMap; lugares: OpenBible.info (CC BY 4.0).
Créditos e licença desta tradução
Uumeleembaa Buŋa Tere Soomoŋgo Gbilia The New Testament and portions of the Old Testament in the Borong Language of Papua New Guinea Sampela hap Buk Baibel long tokples Borong long Niugini Copyright © 2002, 2011 The Bible Society of Papua New Guinea Language: Borong Translation by: Wycliffe Bible Translators This translation is made available to you under the terms of the Creative Commons Attribution-Noncommercial-No Derivatives license 4.0. You may share and redistribute this Bible translation or extracts from it in any format, provided that: You include the above copyright and source information. You do not sell this work for a profit. You do not change any of the words or punctuation of the Scriptures. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. 2015-01-26
Fonte: http://png.bible/ksr/ · eBible.org