Gênesis 49
Meeŋka Jooŋ · Toque num versículo para ver as referências cruzadas.
Yaagüüp Merkä Yeeke Ŋüülkede
1Aŋ Yaagüüp merkä yeeke bärkene ti, aŋ kiinne ogo, “Wüüke ti ika ti, aŋ ikee nüütke a ŋaaka ken bi näŋï ḍoŋe ikee ti nïïnkä yaaka äätïdï ye ti.
2“Ääte ti aŋ tiiŋe, ikee merkälen yeeki,
tiiŋe wääc Yaagüüp ti.
3“Robïïn, ïkï agä kaygon yeeni, aŋ teynä yeeni
ke ïkï agä minneni ïïjïnï woo yen dürkïtïnï,
aŋ ïkï agä kültü yen eemdin ke kültü yen teynä.
4Ïkï beelä bata piik tääl wiñe yaaka ïïjïdï ti ye,
aŋ ïkï batta bi küülüküül ŋuca,
nääŋka attii kä bür yen wääc ti
aŋ ḍäälleeda kä yok ye.
5“Camoon ke Laawï a mädin
gaaḍalli yeeken a yek ïïrrä teynä.
6Dale ŋana ika kaaccädä ti nänṭa ḍülte yoken ye,
aŋ dale ŋana yori coorcudu ti jiik yeeken yaaka ḍiikä ye ti.
Kä piinkä yeeken iken nääkin me,
aŋ iken yätkä naŋe a ŋolku kä ñääy.
7Tuummu wäätï piinkä yeeken ti kä yaana yejgene yejok ye,
aŋ piinkä yeeken yejgaŋ kä yaac,
aŋ iken bi piirjä woo kaaynä yeeki gïtï,
aŋ iken bi gääjä gïtï mä Icärayiil ti.
8“Yahüüja, mädgic ïkï bi maaŋgi.
Ïṇtü bi wäätï ädäŋŋi yüükü ḍuuggen ti.
Aŋ merkä yek wääc muure bi ḍüŋjïdï ïñï ñomü ti.
9Yahüüja a geel ṭuule yaana ḍaŋŋä kä ammä waak'a näge ye.
Aŋ yore meecce woo aŋ baati m'ana ike rükü yok ye.
10Yätkïtïn batta bi kaacï woo paa ba Yahüüja,
aŋ kilkä yeeke kamat ken bi mügït
aŋ ṭoŋ ike bi äckätä iñdinni
aŋ ike bi tiiŋkätä.
11Aŋ tüürüŋle yeene bi weene kä jaan beel bata lüütkon meen,
erele yeene bi weene kä jaan beel bata lüütkon meen yaana ŋeraŋ ye,
aŋ buruŋgu yeeke bi pure kä määk,
jïbbani yeeke bi pure kä piik yek jaan yaana beel bata lüütkon ye ṭulge.
12Aŋ waŋge bi tïdaŋ kä maaṇṇä määk kä yaac,
aŋ leke bi bowaŋ kä maaṇṇä aak.
13“Aŋ Jabuloon bi cääy ṭiŋal wii mooye jï,
aŋ ike bi wäätï a nänṭ'a yuutcete ïñï kuudgu mäyken ye,
aŋ tügge bi ḍakcïdï Cïdoon.
14“Yacakïïr a tüürüŋ teyconḍe
yaana nïïn waadgä baliṇṇi ye.
15Aŋ naana nänṭä yïïktäŋ yoorre ŋeraŋ,
aŋ ŋommañ ŋeraŋ ye,
i büyke gääŋe ïñï ḍürdee kä waak pekkä
aŋ bi engä me ñuugal bata kiingon.
16“Ḍaan bi mä yeeke müge
aŋ iken bi belok bata kurku mä Icärayiil aŋan.
17Aŋ Ḍaan bi beel bata kaaŋ yaana cääy päy mooye taaŋ ye,
aŋ a pääññä yaana cääy päy taaŋ ye,
a yaana kääjä bagal ŋubduŋgene ti ye,
aŋ taapdo ḍïmjï ṭarkic.”
18Aŋ Yaagüüp jaajjin ogo,
“Ika kiijä maŋŋä yüünü, ay Pïṭo.
19“Gaat bi irkätä mäddoŋŋi,
aŋ bi ñoole aŋ baadde.
20“Acïïr ŋommañ yeene bi giit waak äämkä ñapken.
Aŋ ike bi ḍüccïdï waak äämkä yek yätkä.
21“Naptaalï a pääy yaana kälit kä tettä
yaana giit päykälen ŋerken ye.
22“Yuucip a jaan yaana giit kä yaac ye,
a jaan yaana giit kä ceere yen piik ye,
kimke muulu kaal wic.
23Aŋ ädäŋŋi yeeke ike irki kä yaacken,
aŋ ike ḍiŋi kä cäwgä aŋ ike baaydi kä yaac.
24Aŋ kaay yeene agee kä yïïcon,
aŋ bugge bïtäraŋ,
kä teynä Jooŋ yen Yaagüüp yaana Lïïṭït ye,
aŋ kä kaaydo yaana daŋit, a yen mä Icärayiil ye,
25a Jooŋ yen wääc ken ïkï yüükkedey ti,
aŋ a Jooŋ yaana Lïïṭït ye,
ken ïkï ŋüülkedey kä ŋüülkïnni yek ñaal yaaka ñaalok polloŋ jï ye,
ke ŋüülkïnni yek piik yaaka lürgaŋ ïñï ŋommañ jï ye,
ke ŋüülkïnni yek tingä ke kun.
26Ŋüülkïnni yek wääc yäwaŋ käälcïdï woo ŋüülkïnni yek pämkä dänken
ke waak ŋerkä yek tüümoni yaaka ke cüle ye ti.
Aŋ dale ŋüülkïnni yaakka muure wäätï a Yuucip wiñe ti,
yaana a woydo waadgä mädgen ye.
27“Benyamïïn a bäw yaajgonḍe yaana meken jiije gïtï ye,
kä tïṇṇäŋänä aŋŋi ämï yäŋgä yaaka näge ye,
aŋ biigin ti aŋŋi waak'a näge ye pääge gïtï.”
28Yaakki muure a kurku kä caay witken kä yew yek Icärayiil, aŋ a waak'a kiinene daa wäyen ye ikki, wääna ŋüülkedeeda kä ye, yaŋkalaŋ daa ŋüülkene kä ŋüülkïn yaana päjjïdï ke ike ye.
Tüwnü Yaagüüp
29Aŋ iken iingene kiinne ogo, “Ika bi yori cooṭu ti dänkä yurgo ti kä bïraŋ. Aŋ ika jïga ke wäygo ṭuum yaana yiil yen Aproon ti män Haat ye. 30A ṭuum yaana yiil jï Makapeela jï cokulaŋ ti Mamar ŋommañ mä Kanaan ti ye, yaana kiyi Abrayiim Aproon män Haat ti, ogo wääto ogo yen jïïgïn ye. 31Aŋ a nänṭä yaana jïkkene me Abrayiim ke iiŋe Caarra ye ke nänṭä yaana jïkkene me Icaak ke iiŋe Rïpga ye. Aŋ Leya jïŋŋä wïca. 32Aŋ yiil ke ṭuum yaana jïñe ti yaanna kiygä me mä Haat ti.”
33Wääna Yaagüüp ḍaŋŋee kä iingin merkä yeeke ye, kïïge nuulene ñaalok bür wic, aŋ ike wääkcin woo wääktäŋ tüwnü aŋ tüwnü, aŋ cooṭi me ti dänkä yurge ti.

Você sabia?
Últimas bênçãos às doze tribos de Israel
- As palavras de Jacó exploram o significado dos nomes dos filhos. Judá (em hebraico Yehudah) vem das palavras de Lia, "Agora louvarei" (odeh), e Jacó diz que os irmãos de Judá o louvarão. O nome de Dã ecoa o "Deus me julgou" (dananni) de sua mãe Bila; Jacó diz que Dã julgará o seu povo, ou lhe fará justiça, e o Easton's Bible Dictionary (1897) sugere que isso provavelmente alude a Sansão, um juiz posterior da tribo de Dã.Fontes: Judah (patriarch) · Dan · o próprio texto bíblico
- O capítulo chama cada discurso de bênção, embora alguns sejam severos. Rúben, primogênito de Jacó e Lia, cujo nome significa "Eis um filho!", ouve que não mais se destacará, porque profanou o leito de seu pai. Simeão e Levi, que se vingaram com violência de Hamor e dos siquemitas, ouvem sua ira amaldiçoada e a promessa de que serão dispersos em Jacó e espalhados em Israel; onde a Authorized Version dizia que derrubaram um muro, a Revised Version diz que jarretaram um boi, como este capítulo afirma que eles cortam os jarretes dos bois.Fontes: Reuben · Simeon · Levi (patriarch) · o próprio texto bíblico
- Jacó pede então que o sepultem com seus pais na caverna do campo de Efrom, o hitita, que Abraão comprou como túmulo da família. Macpela, nome entendido como "porção" ou "caverna dupla", ficava na encosta de um monte a leste de Hebrom, de frente para Manre, na terra de Canaã. Abraão e Sara, Isaque e Rebeca, e Lia já estavam sepultados ali.Fontes: Machpelah · Ephron · Mamre · o próprio texto bíblico
Notas escritas com auxílio de IA a partir de fontes abertas (Theographic Bible Metadata, CC BY-SA 4.0; Easton’s Bible Dictionary, domínio público) e revisadas antes de publicar.
Lugares deste capítulo
- Shiloh · Hoje: Khirbet Seilun · 32.056, 35.290 · versículo 10
- Sidon · Hoje: Sandikli archaeological site in Sidon · 33.561, 35.372 · versículo 13
- Canaan · 32.767, 35.333 · versículo 30
- Machpelah · Hoje: Cave of the Patriarchs · 31.525, 35.111 · versículo 30
Só aparecem lugares com identificação de alta confiança (90% ou mais segundo as fontes acadêmicas reunidas pelo OpenBible). Mapa da época: DARE (Digital Atlas of the Roman Empire), CC BY 4.0; mapa atual: © colaboradores do OpenStreetMap; lugares: OpenBible.info (CC BY 4.0).
Créditos e licença desta tradução
Meeŋka Jooŋ Jumjum Bible Translation copyright © 2023 Pioneer Bible Translators Language: (Jumjum) Contributor: Pioneer Bible Translators This translation is made available to you under the terms of the Creative Commons Attribution Share-Alike license 4.0. You have permission to share and redistribute this Bible translation in any format and to make reasonable revisions and adaptations of this translation, provided that: You include the above copyright and source information. If you make any changes to the text, you must indicate that you did so in a way that makes it clear that the original licensor is not necessarily endorsing your changes. If you redistribute this text, you must distribute your contributions under the same license as the original. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. Note that in addition to the rules above, revising and adapting God's Word involves a great responsibility to be true to God's Word. See Revelation 22:18-19. 2025-05-06
Fonte: http://ebible.org/jum/ · eBible.org