Mateus 8
Habo nalolene bi gahenge lo winigo ogo · Toque num versículo para ver as referências cruzadas.
Yasuhanda agali mbira mo dabi henego ogo
1Yasu ibu hari bare biagoriani howa daliyagola wali agali dewaoreme ibu haruru pialu hene. 2Ani pialu howa agali mbira ge hamuabi heago Yasu hearia ibalu ge duli hanga ho biruwa lalu, Anduane-o í̠na i̱ mo dabi hoa biyagua nde mo dabi habehe ke, lene.
3Ani layagola Yasuhanda ibunaga gi dogola amu howa agali biago ela halu ladai bialu lalu, I̱na í̠ mo dabi hoabago dabi ha, lene. Ani layagola agali biagonaga ge hamuabi abale dabi haiore hene. 4Ani buwa Yasuhanda ibuhondo lalu, Ai hale ha. Maru nalami loma binigo mo miaga agali kagome í̠ de hendelo ibu kagoria abale puabo halu pole pu. Ani bialu í̠ dabi haiore haridago wali agali karume de hendelo walia hole Mosesehanda bi lowini wiyadagua mbirale mbira Ngode Datagaliwabehondo bo mibe, lene.
Yasuhanda ami haru haganaga biabe bia haga mbira mo dabi henego ogo
5Yasuhanda Kabaniama anda pialu hearia Lomo ami haru haga mbirame ibu lola howa lalu, Yasuhanda Kabaniama anda pialu hearia Lomo ami haru haga mbirame ibu lola hole ibini.|src="LEAR 23.tif" size="1" ref="(8.5)" 6Anduane-o i̱naga biabe bia haga ibu i̱ andagani warago bo wuwa tandaga timbuni nalu ema nabibehe nga, lalu lamini.
7Ani layagola Yasuhanda ibuhondo lalu, Ibu mo dabi hole porogo, lene.
8Ani layagola ami haru biagome ladai bialu lalu, Anduane-o ani ndo. Agali ko i̱ alego andaga í̠ ibulene emene nakarulapego í̠na i̱naga biabe bia haga biago dabi helo bi dege labe. 9Ami handa gimbu bu haga hongohe karu tigua i̱hondo, Bia, laradagua bialu haruli. Ani buwa i̱na ani agali maru karuhondo, Bidaba, larodagua biaga ka. I̱na mbiralihondo, Pu, larogola ibu piaga. Mendealihondo, Íbu, larogola ibu ibaga. I̱na i̱naga garabaya biabe ale bia hagahondo, Ogo bia, larogola ogoni biaga, lene.
10Ani layagola hale howa Yasu ibu mogo timbuni lowa wali agali ibu haruru ibalu hearuhondo lalu, I̱na tí langerogo Isaraele dindini mbiralime mini mbiraore ogonidaguaore wu hearia i̱ nahende ko. 11Ogo heneneore larogo wali agali dewaore dindi ni tagira ibiragohayagi howabi ai ni paliragohayagi howabi ibuwa tigua Ngode Datagaliwabehanda Handame Ho Kagoriani ibuwa Abarahamabi Aisagabi Yagababi heba tomo timbuni dawa gimbu bu wulebirago mandagi nalu birulebira. 12Wali agali maru Ngode Datagaliwabehanda Handame Ho Kagoria polene wini wahayaru ti arumahe ngagoria minu ba tagi ho helolebira. Ani minu ba tagi ho helaragola howa ti dugu yiyi lalubi ne gingirulo hayaga bialu holebira, lene. 13Ani lowa Yasuhanda ami haru haga biagohondo lalu, Í̠na mini mbiraore wu kedagua bulebirago ai andaga pamia, lene.
Ani layaore dege ami haru haga biagonaga biabe bia haga biago dabi hene.
Yasuhanda wali agali dewa mo dabi haga binigo ogo
14Yasu ibu Pidanaga andaga puwa ibu imane poboyogo bialu warago bo wiaria de hendeme. 15De hondowa ibugua wali biagonaga gi ela hayagola poboyogo ala biyago ereba halu dabi howa wali biago heyalu ibu Yasu tomo nelo mule manda manda bini.
16Alendo ni gai layagola wali agali bu hearume dama daragahe hearu Yasu hearia haru ibini. Haru ibiyagola Yasuhanda bi layagome dama dewa wara tagi halu wali agali warago bo wiarubi mo dabi halu hene. 17Ibugua ani binigo Ngode Datagaliwabe mana latagi haga Aisaiahanda ala mbiwia heneyago heneneore lola hene. Aisaiahanda bi leneyago ogo, Inanaga warago bayago ibuni mo yini. Warago tara tara inani bayaru ibugua mo yalu pene, lenego nga.
Yasu piyadagua haruru poa ho heneru ogo
18Yasuhanda wali agali dewarore ibu heba bu hearu de hondowa ibu talima piaga biaruhondo lalu, Iba timbuni o bedagoni ange abene edegohayagi ma, lene. 19Ani layagola howa Mana lowinigo lawai haga mbira Yasu hearia ibuwa ibuhondo lalu, Lawai haga-o í̠ poregoha i̱na talima ibaga bulebero, lene.
20Ani layagola Yasuhanda ibuhondo ladai bialu lalu, Biango dudu ale karu ti dindi hau̱ha paliaga ega bedaru tinaga andaha paliaga Agali Hole Ibiyago ibu ha̱lo̱ paluene henge nawi ka, lene. 21Agali mende heago ibu Yasu talima piaga howa ibugua Yasuhondo lalu, Anduane-o i̱na i̱ aba ala hora hole dai berogo, lene.
22Ani layagola Yasuhanda ibuhondo ladai bialu lalu, Homene karu tinaga homene tinime hora holene ngago í̠na i̱ porodagua talima mba íbu, lene.
Yasuhanda puyabu ibalahondo bi lenego ogo
23Yasu ibu iba taluni anda pu birayagola ibunaga talima piaga biaru ibu heba pene. 24Ani pialu hearia puyabu hongo howa pu layagola iba yaribu biyagome iba talu biago guaneha iba anda ibalu ibame ti nai hole bini. Ani biyagola Yasu ibu iba talu guaneha palia hondo hene. 25Palia hondo hearia ibunaga talima piaga biaru tigua puwa Yasu mo barila halu lalu, Anduane-o ina homai haramago í̠na biamogo bule heya, lene.
26Ani layagola Yasuhanda ladai bialu lalu, Tí aginaga gi ho kamibe. Tígua mini mbiraore emene wu kamigo agi bulenego wu kamibe, lene. Ani lowa ibugua heyuwa puyabubi iba yaribuhondobi bi layagola puyabu nale ibabi yaribu nabi nimu lowa bayaleore wini.
27Ani biyagola bibahende hearume mogo lai howa lalu, Agali ogoni ibu ara alidabe. Puyabumebi ibamebi ibugua bi layago hale hagada, lalu hene.
Yasuhanda agali kiraha dama daraga hearia wara tagi henego ogo
28Yasu ibu iba timbuni bereago doma ede halu puwa Gadara dindi anda pene. Anda pialu hearia homali egeanda wiaruha agali kira tagira ibalu hearia Yasu lola hene. Agali ogoni labo libuha dama daraga howa wali agali bo wahabehe heago hondowa wali agali hariga ogoriani napiaga hene. Yasu ibu iba timbuni bereago doma ede halu puwa Gadara dindi anda pene.|src="HK 36B.tif" size="2" ref="(8.28)" 29Libugua Yasu lola howa ga̱ lowa lalu, Ngode Datagaliwabe Igini-o í̠na iyahondo agi bule ibiribe. Iya pani nolene horo naibidaore dege pani abale ngule ibiribe, lene.
30Emene kaware ale nogo dewa bareni pi̱a̱ nalu bu hene. 31Ani bu kago manda buwa agali biago laboha dama daraga hayagome Yasuhondo lalu, Í̠na ina wara tagi holeyagua ina nogo na̱i̱ karuha anda pu holoma̱ya hole pudaba la, lene.
32Ani layagola Yasuhanda dama biaruhondo lalu, Tí tagira pialu nogoha anda pudaba, lene. Ani layagola dama biarume agali biago labo helalu nogo biaruha anda pene. Anda piyagola nogo bibahendeore hayaru bareni dalipebe bialu iba timbuni bereagoha anda piai hayagola ibame nogo biaru nai hene.
33Ibame nogo ani nai hayago de hondowa nogo haru haga hearume gerai lalu tanoni wali agali dewa bu heagoria puwa bibahende biyago te lalu agali ala dama daragahe biago labonagabi te lalu lamiai hene. 34Lamiai hayagola wali agali bibahende hearume tano biagoria howa tagira pialu Yasu lola hole pene. Ani pialu howa tigua Yasu de hondowa ibuhondo hongo howa lalu, Í̠ inanaga dindi ogoriani nahe wahalu pu, lene.

Você sabia?
Curas, fé e o mar
- Cafarnaum, cidade em que Jesus entra neste capítulo, era uma cidade da Galileia que não aparece no Antigo Testamento. O Easton's Bible Dictionary (1897) diz que ela se tornou a “sua própria cidade” depois que ele deixou Nazaré, e inclui o pedido do centurião e a cura na casa de Pedro entre os acontecimentos ali situados.Fontes: Capernaum · o próprio texto bíblico
- Jesus diz que muitos virão do oriente e do ocidente para participar do banquete com Abraão, Isaque e Jacó no reino dos céus. O Easton's Bible Dictionary (1897) apresenta Abraão como filho de Terá e herdeiro das promessas, Isaque como o único filho de Abraão com Sara, e Jacó — também chamado Israel — como o filho gêmeo mais novo de Isaque e Rebeca.Fontes: o próprio texto bíblico · Abraham · Isaac · Jacob (Israel)
- Mateus apresenta as curas daquela noite como cumprimento do que foi dito por meio do profeta Isaías: “Ele tomou as nossas enfermidades e carregou as nossas doenças.” O Easton's Bible Dictionary (1897) identifica Isaías como filho de Amoz, que profetizou nos reinados de Uzias, Jotão, Acaz e Ezequias.Fontes: o próprio texto bíblico · Isaiah
Notas escritas com auxílio de IA a partir de fontes abertas (Theographic Bible Metadata, CC BY-SA 4.0; Easton’s Bible Dictionary, domínio público) e revisadas antes de publicar.
Lugares deste capítulo
- Gadara · Hoje: Umm Qais · 32.656, 35.679 · versículo 28
Só aparecem lugares com identificação de alta confiança (90% ou mais segundo as fontes acadêmicas reunidas pelo OpenBible). Mapa da época: DARE (Digital Atlas of the Roman Empire), CC BY 4.0; mapa atual: © colaboradores do OpenStreetMap; lugares: OpenBible.info (CC BY 4.0).
Créditos e licença desta tradução
Habo nalolene bi gahenge lo winigo ogo The Holy Bible with Deuterocanon in the Huli Language of Papua New Guinea Buk Baibel long tokples Huli long Niugini Copyright © 1983, 1991, 2002 Bible Society of Papua New Guinea ℗ Faith Comes by Hearing Language: Huli Translation by: Bible Society of Papua New Guinea This translation is made available to you under the terms of the Creative Commons Attribution-Noncommercial-No Derivatives license 4.0. You may share and redistribute this Bible translation or extracts from it in any format, provided that: You include the above copyright and source information. You do not sell this work for a profit. You do not change any of the words or punctuation of the Scriptures. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. 2014-12-11
Fonte: http://png.bible/hui/ · eBible.org