Nations Bible

Levítico 22

Hset Hadròeh · Toque num versículo para ver as referências cruzadas.

Ƀài hì ramènh kàn

1Chuaq Jêhowa doe ka Môise qmang kô: 2Drah anoe ka Isorali rameh: Kô ƀài hì ramènh au khoe patô qnoh, ƀài hì ramènh Chuaq Jêhowa khoe patô qnoh pì ep anoe qnoh aih la ƀài hì ramènh hadròeh

3Pì abroq ta tadràu hì, mahaq trùh hì tapèh aih la hì sabat, mòeq hì padài, aih la hì tagop hadròeh; ùh dùh abroq qmòe moeq yiniq cleq; yac ka pì oe taleq; aih la ramènh sabat da Chuaq Jêhowa.

4Kô ƀài ranènh da Chuaq Jêhowa, aih la ƀài hì tagop hadròeh, pì ep anoe qnoh waq ka troq dèh jò ma khoe pachì. 5Trùh hì mòeq jàt pôn khê mòeq, jò xèq clam, aih la ramènh Pan cwa da Chuaq Jêhowa; 6Trùh hì mòeq jàt padam khê kô, aih la hì ramènh ƀênh ùh wàt blo đòeq ta-iu ka Chuaq Jêhowa; pì acaq ƀênh ùh tah blo ta tapèh hì. 7Hì baxèm pì ep wèq moeq yàng tagop hadròeh ti dabau, ùh dùh abroq bìac ma xan abroq qmang ka hì qnoeq. 8Ta tapèh hì pì ep dèch ka Chuaq Jêhowa ƀài ramènh bùh; trùh hì tapèh, èh i tam moeq yàng tagop hadròeh ti dabau hòm, pì apaq abroq moeq bìac cleq qmang ka hì qnoeq.

9Chuaq Jehowa doe ka Môise: 10Doe ka mangai Isorali qmang kô: Jò pì mùt gùng au ma padon am ka pì, èh trùh jò gat, aih ep aràng trùh ka pajàu moeq ha-om qmau ma ramua da pì. 11Khoe ka hì ramènh sabat, mangai pajàu hi yŏc ha-om qmau aih dèch lam dèch hlài enh ngèa Chuaq Jêhowa, waq ka ha-om qmau aih jah dì yŏc.

12Wop hì ha-om qmau jah dèch lam dèch hlài aih, pì ep dèch ka Chuaq Jêhowa mòeq toq kon trìu jap mòeq hanam, ùh i ka xìt habau, đòeq broq ramènh bùh ka Chuaq Jêhowa,

13rai dèch tam ka Chuaq Jêhowa moeq ramènh xep broq xi baiq phàn mòeq jàt dàc habuàt i ùc dàu, broq ramènh bùh, i kan xua thùm ka Chuaq Jêhowa, xam mòeq phàn pôn hin alac, broq ramènh diac lŏc.

Hãy xem LeLv 14:10 và LeLv 19:36.

14Pì paq acaq yac ka ƀênh, yac ka qmau adrênh, ùh meh qmau oe raq ta hadròc trùh wop hì kô, aih la hì pì aràng dèch ramènh dèh ka Boc Plình. Yac ka pì oe taleq, aih raq ranenh mòeq đòe ka ƀài kon xau pì. 15Pang hì atìq ka hì sabat, aih la hì pì ma aràng dèch ha-om qmau broq ramènh dèch lam dèch hlài, pì hi rènh dôq jah wop tapèh tuàng: 16Pì rènh padam jàt hì trùh hì atìq ka ramènh sabat yàng ma tapèh, aih ep dèch moeq ramènh xep neo ka Chuaq Jêhowa. 17Pì aràng dèh enh hnim baiq toq ƀênh đòeq broq ramènh dèch da-arù lam da-arù hlài; ƀênh aih broq enh baiq phàn mòeq jàt dàc qmau mì ma dìq jaq habuàt lem i wàt blo: aih raq ramènh agàu mùa dèch ka Chuaq Jêhowa.

18Pì ep dèch pajùm ti ƀênh kô tapèh toq kon trìu bu mòeq hanam, ùh hìaq i xìt habau, mòeq toq ƀo calô hadròng, xam baiq toq trìu calô xam ramènh xep hloe xam ramènh diac lc, đòeq dèch broq ramènh bùh, i kan xua thùm lem ka manoh Chuaq Jêhowa. 19Atìq ka aih, pì hanoh ep dèch moeq toq bubi calô đòeq broq ramènh baxon yiniq lui, xam baiq toq kon trìu bu mòeq hanam, đòeq broq ramènh waiq kan catèm. 20Mangai pajàu dèch hnhu lam hnhu hlài baiq toq kon trìu aih broq ramènh hnhu lam hnhu hlài, xam baiq toq ƀênh broq xi qmau plì agàu jò gat, ƀài ramènh aih jah wìh wìa hadròeh ka Chuaq Jêhowa aih la hadròeh am ka mangai pajàu. 21Pì ep lam creo anoe đòeq i moeq kan tagop ta hì aih; ep i moeq kan tagop hadròeh, ùh jah broq qmòe yiniq cleq pì ma xan broq. Aih ranenh mòeq đòeq am ka xinoe pì yac ka pì rìh oe taleq.

22Jò pì gat dèh qmau ta taneh ruàng pì, apaq gat waq qmòe ka hreo trùh roc haqmai ruàng, apaq toch gop hlài qmau ma gat ùh hreo, ep đòeq ma aih ka mangai pa xam mangai diac wì ma rìh oe đeh tapì: Au kô raq Jêhowa Boc Plình pì.

23Chuaq Jêhowa doe ka Môise: 24Thê anoe am ka Isorali qmang kô: Hì moeq khê tapèh, i moeq hì am ka pì padài, aih la moeq hì đòeq tagop xam kan hadròeh xam bàu ken hlui. 25Apaq abroq qmòe cleq; ep dèch ƀài ramènh bùh ka Chuaq Jêhowa 26Chuaq Jêhowa doe ka Môise: 27Hì mòeq jàt khê tapèh kô aih la hì baxon yiniq lui; pì ep creo ka dabau tagop xam kan hadròeh ti dabau, ep apàm ka acaq rai tàt deh manoh rai dèch ramènh bùh ka Chuaq Jêhowa. 28Ùh khòh abroq qmòe cleq ta hì aih; majah qmang aih, aih la hì baxon yiniq lui, hì aih kan baxon yiniq pì jah broq enh ngèa Chuaq Jêhowa, Boc Plình pì 29Hì aih waq toq mangai leq ùt tàt dèh manoh cliac, ep qnoh đac enh gùng ka mangai da wì haq. 30Èh hòm waq toq cabô abroq moeq yiniq cleq, aih èh au hi palùch đac wì haq khoe ka mangai da wì haq. 31Pì ùh dùh abroq mòeq cleq, aih la ranenh mòeq đòeq am ka xinoe pì, yac ka pì oe taleq.

32Aih la hì sabat, mòeq hì đòeq ka pì padài; pì ep tàt deh manoh. Enh dixèq hì hachìn khê aih trùh xèq clam hì atìq, pì ep wèq deh hì sabat.

33Chuaq Jêhowa doe ka Môise: 34Anoe ka Isorali qmang kô: Hì mòeq jàt padam khê tapèh kô aih la hì ramènh traiq oe đò, dìq tapèh hì đòeq padèch kan ta-iu ka Chuaq Jêhowa. 35Hì baxèm i mòeq yàng tagop hadròeh, pì ùh khòh abroq qmòe cleq. 36Ta tapèh hì ep dèch ramèn bùh ka Chuaq Jêhowa; trùh hì rahem, pì i mòeq yàng tagop hadròeh hòm, hadai ep dèch ramènh bùh ka Chuaq Jêhowa. Aih la ramènh kàn, apaq abroq qmòe cleq.

37Aih la ƀài ramènh kàn Chuaq Jêhowa khoe dì, pì ep ngan aih la ƀài hì ramènh hadròeh, đòeq dèch ramènh bùh ka Chuaq Jêhowa, ramènh xep, ramènh waiq kan catèm, ramènh diac lŏc, tiaq dèh tang hì. 38Enh gùng ka aih, pì ep wèq hì sabat da Chuaq Jêhowa, dèch ka haq ƀài ramènh, ƀài ramènh pì khoe tèu jò waiq khàn xam ramènh manoh cla enh.

39Mahaq trùh hì mòeq jàt padam khê tapèh, jò pì khoe gêh ka gat, aih ep wèq moeq ramènh ka Chuaq Jêhowa ta tapèh hì. Hì baxèm aih la hì padài, hì rahem hanoh hì padài. 40Hì ma baxèm, pì ràih yŏc ƀài plì ma lem, hamenh long triaq, hamenh long ma cràm hla xam long juàng lìu, khoe aih lem bùi ta tapèh hì enh ngèa Chuaq Jêhowa, Boc Plình pì. 41Rìm hanam, trùh khê tapèh, pì ep wèq ramènh kô ka Chuaq Jêhowa qmang aih ta tapèh hì. Aih la ramènh mòeq đòeq am ka xinoe pì. 42Rìm ngai Isorali ep oe ta traiq oe đò ta tapèh hì, 43Đòeq ƀài xinoe pì loq jò au qnoh mangai Isorali loh khoe enh Êdip, au am wì haq oe đò ta ƀài traiq: Au kô raq Jêhowa, Boc Plình pì.

44Qmang aih, Môise anoe ka mangai Isorali loq ƀài hì ramènh Chuaq Jêhowa ma khoe dì.

Ilustração artística — interpretação, não registro histórico.

Você sabia?

Santidade nas Ofertas e no Sacerdócio

  • As ofertas sagradas consagradas pelos israelitas serviam de alimento para os sacerdotes e suas famílias. Contudo, regras estritas determinavam quem podia comê-las: um descendente de Arão impuro era proibido até o entardecer após se banhar, pessoas de fora e diaristas eram excluídos, mas escravos comprados ou nascidos na casa podiam participar.Fontes: o próprio texto bíblico
  • Os animais trazidos como sacrifício queimado ou oferta de comunhão deviam ser sem defeito, sem cegueira, feridas ou deformidades. Além disso, o animal recém-nascido devia permanecer com a mãe por sete dias antes de ser aceito para sacrifício a partir do oitavo dia.Fontes: o próprio texto bíblico
  • Se alguém que não pertencesse à família sacerdotal comesse de uma oferta sagrada por engano, a lei exigia a restituição do valor acrescido de um quinto pago ao sacerdote. Isso garantia que as contribuições consagradas a Deus não fossem tratadas com descuido.Fontes: o próprio texto bíblico

Notas escritas com auxílio de IA a partir de fontes abertas (Theographic Bible Metadata, CC BY-SA 4.0; Easton’s Bible Dictionary, domínio público) e revisadas antes de publicar.

Lugares deste capítulo

  • Egypt · 30.129, 31.308 · versículo 33

Só aparecem lugares com identificação de alta confiança (90% ou mais segundo as fontes acadêmicas reunidas pelo OpenBible). Mapa da época: DARE (Digital Atlas of the Roman Empire), CC BY 4.0; mapa atual: © colaboradores do OpenStreetMap; lugares: OpenBible.info (CC BY 4.0).

Créditos e licença desta tradução
Hset Hadròeh
The New Testament in the Hre language of Vietnam, translated by Baq Thi
Copyright © 2024 Baq Thi
Language: (Hre)
This translation is made available to you under the terms of the
Creative Commons Attribution Share-Alike license 4.0.
You have permission to share and redistribute this Bible translation in any format and to make reasonable revisions and adaptations of this translation, provided that:
You include the above copyright and source information.
If you make any changes to the text, you must indicate that you did so in a way that makes it clear that the original licensor is not necessarily endorsing your changes.
If you redistribute this text, you must distribute your contributions under the same license as the original.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
Note that in addition to the rules above, revising and adapting God's Word involves a great responsibility to be true to God's Word. See Revelation 22:18-19.
2026-07-18

Fonte: http://ebible.org/hrebt/ · eBible.org

Fale com a gente

Conte de onde você lê, como a Bíblia tem te ajudado ou o que podemos melhorar. Lemos todas as mensagens.