Nations Bible

Mateus 9

परमेश्‍वर उन वचन · Toque num versículo para ver as referências cruzadas.

लकवा अन्द रोगी इक चंगा माळोद

1बाक यीशु ड्वांगा मा कुर्तकु समुद्र अन आप्पाटी होदुन, अदिक तान नगर दा बंदुन. 2अदिक नोळी, हापाळ लॉकुर ऊंद लकवा अन्द रोगी इक व्हर्स मा मिंग्सकु आऊन हात्‍ती तंदुर. यीशु आंदुर विश्वास नोळकु, आ लकवा अन्द रोगी से अंदुन, “हे पारा, हिम्मत ईट; नीन पाप माफ आदव.”

3इदुर मा हापाळ शास्त्रीगोळ माताळली कुरतुर, “इव रा परमेश्वर उन अपमान माळतान.”

4यीशु आंदुर्द मन इन मातगोळी अरूकु अंदुन, “नीव लॉकुर तान-तान मन दा बुरा विचार येती माळेतीर? 5आसान येन आद? ईद अनोद, ‘नीन पाप माफ आदव,’ या ईद अनोद कि, ‘येळ नळु अदिक टेट.’ 6लेकीन इदुरसाटी कि नीव जान्स कोमी कि मंळसा अन्द पार उक पृथ्वी मा पाप माफ माळोद अधिकार आद.” इदुरसाटी यीशु लकवा अन्द रोगी से अंदुन, “येळ, तान व्हर्स नेगु, अदिक तान मान्नी होटोग.”

7आग लकवा अन रोगी यदकु तान मान्नी होटोदुन. 8लॉकुर ईद नोळकु अंजेदुर अदिक परमेश्वर उन बळाई माळली कुरतुर याव मंळसा अक हिंग अधिकार कोटान.

यीशु मत्ती इक कारूतान

9अल टु मुंद होगकु यीशु मत्ती हेसुर इन ऊंद मंळसा अक कर ताकोमोद चौकी मा कुर्तकु नोळदुन, अदिक आऊन से अंदुन, “नान हिंद आगेग.”

आव यदकु आऊंद हिंद आगेदुन.

10याग यीशु मत्ती इन मान्या ऊमोर साटी कुरतुन रा कर ताकोमावाळेर अदिक पापी बंदकु यीशु अदिक आऊन चेलागोळ सांगुळ ऊमली कुरतुर. 11ईद नोळकु फरीसीगोळ आऊन चेलागोळ से अंदुर, “नीम गुरु कर ताकोमावाळेर अदिक पापीगोळ्द सांगुळ येती तिनतान?”

12ईद केळकु यीशु आंदुर से अंदुन, वैद्य भला चंगागोळ साटी ईला लेकीन बिमारगोळ साटी जरूरी आन. 13“इदुरसाटी नीव होगकु इदुर्द अर्थ कल्त कोमी: ‘ना बलिदान ईला लेकीन दया चाहासतीन.’ यतिकी ना न्यायी लॉकुरी ईला, लेकीन पापीगोळी कारूली बंदीन.”

उपास इन प्रश्न

14आग बपतिस्मा कोळावाळा यूहन्ना अन्द चेलागोळ आऊन हात्‍ती बंदकु अंदुर, “येन कारण आद कि नाव अदिक फरीसी ईट उपास ईटतेव, पर नीन चेलागोळ उपास ईटालुर?”

15यीशु आंदुर से अंदुन, “येन वराती, यागासताका मंळगार आंदुर सांगुळ आन, शोक माळ सकतार? पर अव दिन बंदव याग मंळगार आंदुर से ब्यार्र माळकु आदान, आ समय आंदुर उपास माळ्यार.”

16“क्वारा कपळा अन्द थिगर हाळोद कपळा मा याऊ हचालुन, यतिकी अद थिगर आ कपळा से येनारा मात्‍त जेडु कोमतद, अदिक बाक अद यक्कुल हर्दोगतद. 17अदिक लॉकुर व्हाशोद अंगुर इन रास्सा हाळोद तोगुल इन चिला दा तुमालुर, यतिकी हिंग माळदुर देल तोगुल इन चिला हर्दोगताव अदिक अंगुर इन रास्सा चेल्लेगतद अदिक तोगुल इन चिला नाश आगेगताव; लेकीन व्हाशोद अंगुर इन रास्सा व्हाशोद तोगुल इन चिला दा तुमतार अदिक अव येढ्ढु उळ्दकु ईरताव.”

सोतकु पोर अदिक बिमार आर्त

18यीशु आंदुर से इव मातगोळ अनतेला अच ईरोन, कि नोळी यहूदी सभागृह अन ऊंद सरदार बंदकु आऊक प्रणाम माळदुन अदिक अंदुन, “नान पोर ईगल्या सोतार, लेकीन नळुकु तान कय आकिन मा ईट, रा आक जित्‍ता आगेदार.”

19यीशु यदकु तान चेलागोळ सांगुळ आऊन सांगुळ होटोदुन.

20अदिक नोळी, ऊंद आर्त ईरोर आक इक हन्नेळ वर्ष टु खुन होगोद रोग ईरोद, हिंदु टु बंदकु आऊन कपळा अन्द किनारा अक मुटदुर. 21यतिकी आक तान मन दा अनतोगोर, “अगर ना आऊन कपळा का मुट बुळाईन रा चंगा आगेगाईन.”

22यीशु तिर्गकु आकी नोळदुन अदिक अंदुन, “पोरी धीरज ईट; नीन विश्वास नीनी वळ्लीद माळ्याद. इदुरसाटी आक आर्त आटोटीका चंगा आगेदुर.”

23याग यीशु आ सरदार उन मान्या पोहचुसदुन अदिक कोळ्ल ऊयावाळेर इक अदिक भीळ इक सोरसराबा मचुस्त नोळदुन, 24आग आव लॉकुर से अंदुन, “सरकुसेगी, पोर सायली आर, लेकीन मिंगेत्यार.” इदुर मा आंदुर आऊन मज्याक हार्सली कुरतुर. 25लेकीन याग भीळ इक व्हार्या तेगुकु आत, रा आव बुळ्क होगकु पोर इन कय हुळदुन, अदिक पोर यदकु कुर्तोदुर. 26अदिक ई मात इन चर्चा द्याश इन सप्पा प्रदेश दा फैलुसेत.

येढ्ढ कुढ्ढगोळी दृष्टीदान

27याग यीशु अल टु मुंद वाळुसदुन, रा येढ्ढ कुढ्ढ मंळसागोळ आऊन हिंद ईद कारूतेला नळदुर, “हे दाऊद उन औलाद, नाम मा दया माळ!”

28याग आव मान्या बुळ्क पोहचुसदुन, रा आ कुढ्ढगोळ आऊन हात्‍ती बंदुर, अदिक यीशु आंदुर से अंदुन, “येन नीमी विश्वास आद कि ना चंगा माळ सकतीन?” आंदुर आऊन से अंदुर, “हव, प्रभु!” 29आग आव आंदुर्द कण्णगोळी कय हचकु अंदुन, नीम विश्वास इन अनुसार नीम साटी हांगा आगुल “ह्यांग नीव चाहासतीर.” 30अदिक आंदुर्द कण्णगोळ देल कांळ्सली हत्त. यीशु आंदरी चेतावनी कोटकु अंदुन, “सावधान, ईदुर बारा दा यारीकु मालूम ईला नळु पायजे.”

31लेकीन आंदुर अल टु होटकु पुरा द्याश दा आ समाचार इक फैलुस बुटुर.

ऊंद मुक्‍का अक चंगा माळोद

32याग आंदुर व्हार्या होगोर, रा नोळी, लॉकुर ऊंद मुक्‍का अक यारदा दुष्टआत्मा ईरोद, आऊन हात्‍ती तंदुर; 33अदिक याग दुष्टआत्मा तेग्द बुट्टुन, रा मुक्‍का मंळसा माताळली हत्‍तेदुन. इदुर मा भीळ अचम्भा माळकु अंत, “इस्त्राएल दा हिंग यागलु नोळकु आगीदील.”

34लेकीन फरीसीगोळ अंदुर, “इव रा दुष्टआत्मागोळ्द सरदार उन मदत देल दुष्टआत्मागोळी तेगुतान.”

यीशु उन दया

35यीशु सप्पा नगरगोळ अदिक ऊरगोळ दा वयाळतोगोन, अदिक राज्य अन्द खुशखबरी प्रचार माळतोगोन, अदिक हर प्रकार इन बिमारी अदिक कमजोरी इक दुर माळतेला ईत्‍तुन. 36याग आव भीळ इक नोळदुन रा आऊक लॉकुर मा दया बत्‍त, यतिकी आंदुर आ म्यांडागोळ घाई ईरोर यार्द याऊ रखवाला ईला ईरोन, आंदुर व्याकुल अदिक भटकुसकु ईरोर. 37आग आव तान चेलागोळ से अंदुन, “हण्ण केई रा हापाळ आव पर क्याल्सा माळावाळेर मजदुर गोर्त आर. 38इदुरसाटी फसल इन स्वामी से विनती माळी कि आव केई इन फसल कडोर साटी मजदूर कळु बुळुल.”

Ilustração artística — interpretação, não registro histórico.

Você sabia?

Misericórdia, cura e vinho novo

  • Mateus, filho de Alfeu, era publicano, ou seja, cobrador de impostos, em Cafarnaum. Jesus, ao subir da beira do lago, passou pela coletoria onde Mateus estava sentado e disse: “Segue-me”. Antes, ele era conhecido como Levi; nesse mesmo dia ofereceu um grande banquete, descrito como uma despedida, a Jesus, aos discípulos e, provavelmente, a muitos dos seus antigos companheiros.Fontes: Matthew · o próprio texto bíblico
  • Os que perguntam por que eles e os fariseus jejuam com tanta frequência, enquanto os discípulos de Jesus não jejuam, são discípulos de João Batista. João é chamado o precursor; era de descendência sacerdotal, seu pai Zacarias sacerdote do turno de Abias e sua mãe Isabel uma das filhas de Arão.Fontes: John the Baptist · o próprio texto bíblico
  • Uma cronologia situa a cura do paralítico, o chamado de Mateus, a pergunta sobre o jejum e a parábola dos odres no ano 28 d.C.Fontes: Healing the Man with Palsy · Jesus Calls Matthew · Fasting Question · Parable of the Winseskins

Notas escritas com auxílio de IA a partir de fontes abertas (Theographic Bible Metadata, CC BY-SA 4.0; Easton’s Bible Dictionary, domínio público) e revisadas antes de publicar.

Lugares deste capítulo

  • Sea of Galilee · 32.819, 35.590 · versículo 1

Só aparecem lugares com identificação de alta confiança (90% ou mais segundo as fontes acadêmicas reunidas pelo OpenBible). Mapa da época: DARE (Digital Atlas of the Roman Empire), CC BY 4.0; mapa atual: © colaboradores do OpenStreetMap; lugares: OpenBible.info (CC BY 4.0).

Créditos e licença desta tradução
परमेश्‍वर उन वचन
The Holy Bible in the Holiya language of India: परमेश्‍वर उन खरा वचन
copyright © 2020 The Word for the World International
Language: Gohllaru (Holiya)
Contributor: The Word for the World International
परमेश्‍वर उन वचन
हाळोद नियम, 2025
The Old Testament Books in Holiya Language
The Word for the World International
This translation is made available to you under the terms of the
Creative Commons Attribution Share-Alike license 4.0.
You have permission to share and redistribute this Bible translation in any format and to make reasonable revisions and adaptations of this translation, provided that:
You include the above copyright and source information.
If you make any changes to the text, you must indicate that you did so in a way that makes it clear that the original licensor is not necessarily endorsing your changes.
If you redistribute this text, you must distribute your contributions under the same license as the original.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
Note that in addition to the rules above, revising and adapting God's Word involves a great responsibility to be true to God's Word. See Revelation 22:18-19.
2025-07-11

Fonte: http://ebible.org/hoy/ · eBible.org

Fale com a gente

Conte de onde você lê, como a Bíblia tem te ajudado ou o que podemos melhorar. Lemos todas as mensagens.