Mateus 7
Biblica® सुतंतर समकालीन छत्तीसगढ़ी अनुवाद · Toque num versículo para ver as referências cruzadas.
आने ऊपर दोस लगई
1“आने मन के गलती झन निकालव, ताकि तुम्हर घलो गलती झन निकाले जावय। 2काबरकि जऊन किसम ले तुमन आने ऊपर दोस लगाथव, ओही किसम ले तुम्हर ऊपर घलो दोस लगाय जाही, अऊ जऊन नाप ले तुमन नापथव, ओही नाप ले तुम्हर बर नापे जाही।
3“तुमन काबर अपन भाई के आंखी के छोटे कचरा ला देखथव, जबकि अपन खुद के आंखी के बड़े कचरा ला धियान नइं देवव? 4जब तुम्हर खुद के आंखी म लकरी के लट्ठा हवय, त तुमन अपन भाई ला कइसने कह सकथव, ‘लान मेंह तोर आंखी के छोटे कचरा ला निकाल दंव?’ 5हे ढोंगीमन हो, पहिली अपन खुद के आंखी के लट्ठा ला निकालव, तभे तुमन अपन भाई के आंखी के छोटे कचरा ला साफ-साफ देखहू अऊ ओला निकाल सकहू।
6“पबितर चीज कुकुरमन ला झन देवव, अऊ अपन मोती ला सुरामन के आघू म झन डालव, नइं तो ओमन ओला अपन गोड़ तरी कुचरहीं अऊ तब लहुंटके तुम्हर ऊपर चढ़ बईठहीं।
मांगव, खोजव, खटखटावव
7“मांगव, त तुमन ला दिये जाही; खोजव, त तुमन पाहू; खटखटावव, त तुम्हर बर कपाट ह खोले जाही। 8काबरकि जऊन ह मांगथे, ओला मिलथे; जऊन ह खोजथे, ओह पाथे; अऊ जऊन ह खटखटाथे, ओकर खातिर कपाट ला खोले जाथे।
9“तुमन म अइसने कोन मनखे अय कि यदि ओकर बेटा ह ओकर ले रोटी मांगथे, त ओह ओला पथरा देथे? 10या यदि ओह एक ठन मछरी मांगथे, त ओला सांप देथे? 11जब तुम्हर सहीं खराप मनखेमन अपन लइकामन ला बने चीज के भेंट देय बर जानथव, त स्वरग म रहइया तुम्हर ददा ह ओमन ला अऊ जादा बने चीज काबर नइं दीही, जऊन मन ओकर ले मांगथें। 12आने मन संग वइसने बरताव करव, जइसने तुमन चाहथव कि ओमन तुम्हर संग करंय, काबरकि मूसा के कानून अऊ अगमजानीमन के एहीच सिकछा अय।
संकरा दुवार अऊ चाकर दुवार
13“संकरा कपाट ले घुसरव। काबरकि चाकर हवय ओ कपाट अऊ सरल हवय ओ रसता, जऊन ह बिनास कोति ले जाथे अऊ बहुंते झन ओमा ले होके जाथें। 14पर छोटे हवय ओ कपाट अऊ कठिन हवय ओ रसता, जऊन ह जिनगी कोति ले जाथे, अऊ सिरिप थोरकन झन येला पाथें।
सच्चा अऊ लबरा अगमजानी
15“लबरा अगमजानीमन ले सचेत रहव। ओमन भेड़ के भेस म तुम्हर करा आथें, पर भीतर ले ओमन भयंकर भेड़िया अंय। 16ओमन के काम के दुवारा ओमन ला तुमन चिन डारहू। का मनखेमन कंटिली झाड़ी ले अंगूर या ऊंटकटारा झाड़ी ले अंजीर के फर टोरथें? 17ओही किसम ले बने रूख ह बने फर देथे, अऊ खराप रूख ह खराप फर देथे। 18बने रूख ह खराप फर नइं दे सकय अऊ न ही खराप रूख बने फर दे सकथे। 19हर ओ रूख जऊन ह बने फर नइं देवय, काटे अऊ आगी म झोंके जाथे। 20ये किसम ले, ओमन के फर के दुवारा, तुमन ओमन ला चिन डारहू।
सच्चा अऊ लबरा चेला
21“जऊन मन मोला, ‘हे परभू! हे परभू!’ कहिथें, ओमन म ले जम्मो झन स्वरग के राज म नइं जा सकंय, पर जऊन ह स्वरग म रहइया मोर ददा के ईछा ला पूरा करथे, सिरिप ओहीच ह स्वरग के राज म जाही। 22नियाय के दिन म कतको मनखेमन मोला कहिहीं, ‘हे परभू! हे परभू! का हमन तोर नांव म अगमबानी नइं करेंन? का हमन तोर नांव म परेत आतमामन ला नइं निकालेंन? अऊ तोर नांव म कतको अचरज के काम नइं करेंन?’ 23तब मेंह ओमन ला साफ-साफ बता दूहूं, ‘मेंह तुमन ला कभू नइं जानेंव। हे कुकरमीमन हो, मोर ले दूरिहा हटव।’
घर बनइया दू झन मनखे: बुद्धिमान अऊ मुरूख
24“एकरसेति, जऊन ह मोर ये गोठमन ला सुनथे अऊ ओकर पालन करथे, ओह ओ बुद्धिमान मनखे सहीं अय, जऊन ह चट्टान ऊपर अपन घर बनाईस। 25पानी बरसिस, नदीमन म पूरा आईस, गरेर चलिस, अऊ ओ घर ले टकराईस, तभो ले ओ घर ह नइं गिरिस, काबरकि ओकर नीव ह चट्टान ऊपर डारे गे रिहिस। 26पर जऊन ह मोर ये गोठमन ला सुनथे अऊ ओकर पालन नइं करय, ओह ओ मुरूख मनखे सहीं अय, जऊन ह बालू ऊपर अपन घर बनाईस। 27पानी बरसिस, नदीमन म पूरा आईस, गरेर चलिस अऊ ओ घर ले टकराईस अऊ ओ घर ह भरभरा के गिर गीस।”
28जब यीसू ह ये बातमन ला कह चुकिस, त मनखेमन के भीड़ ह ओकर उपदेस ला सुनके चकित हो गीस। 29काबरकि यीसू ह ओमन के कानून के गुरूमन सहीं नइं, पर अधिकार के संग ओमन ला उपदेस देवत रिहिस।

Você sabia?
O juízo, o caminho estreito e um alicerce firme
- O registro do evento data o início do Sermão da Montanha em 28 d.C. e sua duração em um dia. Este capítulo termina com as multidões admiradas com o ensino de Jesus, porque ele ensinava como quem tem autoridade, e não como os escribas deles.Fontes: Sermon on the Mount · o próprio texto bíblico
- Jesus adverte que o juízo que alguém pronuncia, e a medida que essa pessoa usa, voltarão sobre ela. Ele descreve alguém que repara no cisco no olho do irmão, mas não percebe a trave no próprio olho, e diz que a trave precisa ser removida primeiro.Fontes: o próprio texto bíblico
- O capítulo chama de essência da Lei e dos Profetas fazer aos outros o que se gostaria que lhe fizessem. Ele contrasta uma porta larga e um caminho espaçoso que leva à destruição, pelo qual muitos entram, com uma porta pequena e um caminho estreito que leva à vida, que poucos encontram, e compara ouvir essas palavras e praticá-las a uma casa construída sobre a rocha, e não sobre a areia.Fontes: o próprio texto bíblico
Notas escritas com auxílio de IA a partir de fontes abertas (Theographic Bible Metadata, CC BY-SA 4.0; Easton’s Bible Dictionary, domínio público) e revisadas antes de publicar.
Créditos e licença desta tradução
Biblica® सुतंतर समकालीन छत्तीसगढ़ी अनुवाद Chhattisgarhi: Biblica® सुतंतर समकालीन छत्तीसगढ़ी अनुवाद (Bible) copyright © 2012, 2016, 2021, 2024 Biblica, Inc. Language: (Chhattisgarhi) Contributor: Biblica, Inc. Biblica® सुतंतर समकालीन छत्तीसगढ़ी अनुवाद™ कापीराईट © 2012, 2016, 2021, 2024 Biblica, Inc. Biblica® Open Chhattisgarhi Contemporary Version™ Copyright © 2012, 2016, 2021, 2024 by Biblica, Inc. Creative Commons License ये ग्रंथ ला Creative Commons Attribution-ShareAlike 4.0 International License (CC BY-SA) के अधीन उपलब्ध कराय गे हवय। ये लाइसेंस के एक प्रतिलिपि ला देखे बर https://creativecommons.org/licenses/by-sa/4.0 म जावव या Creative Commons, PO Box 1866, Mountain View, CA 94042, USA के पता म एक चिट्ठी लिखव। यदि तुमन ये काम म कोनो बदलाव नइं करत हव अऊ तुमन सीर्सक ला जस के तस रखथव, त तुमन ला ये काम के प्रतिलिपि बनाय के अऊ येला बांटे के अनुमति हवय। ये काम म बदलाव करई या अनुवाद करई ह एक आने काम हो जाही। जब तुमन ये आने काम के परकासन करथव, त ये जरूरी अय कि तुमन जऊन बदलाव करे हव, ओकर उल्लेख करव, ताकि मनखेमन ओला देख सकंय, जइसे कि एक वेबसाइट म। ये घलो दिखाना जरूरी अय कि ओ मूल या मौलिक काम कहां हवय: “मूल काम ला येकर कापीराइट मालिक के दुवारा www.biblica.com अऊ open.bible म मुफ्त म उपलब्ध कराय गे हवय।” कापीराइट के सूचना सीर्सक म या करे गय काम के कापीराइट पन्ना म ये किसम ले जरूर करे जावय: Biblica® सुतंतर समकालीन छत्तीसगढ़ी अनुवाद™ कापीराईट © 2012, 2016, 2021, 2024 Biblica, Inc. Biblica® Open Chhattisgarhi Contemporary Version™ Copyright © 2012, 2016, 2021, 2024 by Biblica, Inc. “Biblica” ह संयुक्त राज अमेरिका अधिकारिक अऊ ब्यवसायिक कार्यालय म Biblica, Inc. दुवारा पंजीयन कराय एक ठन ब्यवसायिक चिनहां हरे जेकर उपयोग अनुमति लेके करे जाथे। “Biblica” is a trademark registered in the United States Patent and Trademark Office by Biblica, Inc. Used with permission. मूल ग्रंथ ले जऊन आने काम तुमन करथव, ओ काम ला घलो ओ एकेच लाइसेंस (CC BY-SA) के अधीन उपलब्ध कराना जरूरी अय। यदि तुमन ये काम के अपन अनुवाद के बारे म Biblica, Inc. ला बताय चाहत हव, त किरपा करके हमर ले ये पता https://open.bible/#feedback म सम्पर्क करव। This work is made available under the Creative Commons Attribution-ShareAlike 4.0 International License (CC BY-SA). To view a copy of this license, visit https://creativecommons.org/licenses/by-sa/4.0 or send a letter to Creative Commons, PO Box 1866, Mountain View, CA 94042, USA. You have permission to copy and distribute this Work, as long as you do not change it and you keep the title as it is. Changing or translating this Work will create a derivative work. When you publish this derivative work, you must list what changes you have made where people can see them, such as on a website. You must also show where the original Work is from: “The original Work by its copyright holders is available for free at www.biblica.com and open.bible .” Notice of copyright must appear on the title or copyright page of the work as follows: Biblica® सुतंतर समकालीन छत्तीसगढ़ी अनुवाद™ कापीराईट © 2012, 2016, 2021, 2024 Biblica, Inc. Biblica® Open Chhattisgarhi Contemporary Version™ Copyright © 2012, 2016, 2021, 2024 by Biblica, Inc. “Biblica” ह संयुक्त राज अमेरिका अधिकारिक अऊ ब्यवसायिक कार्यालय म Biblica, Inc. दुवारा पंजीयन कराय एक ठन ब्यवसायिक चिनहां हरे जेकर उपयोग अनुमति लेके करे जाथे। “Biblica” is a trademark registered in the United States Patent and Trademark Office by Biblica, Inc. Used with permission. You must also make your derivative work available under the same license (CC BY-SA). If you would like to notify Biblica, Inc. regarding your translation of this work, please contact us at https://open.bible/#feedback . This translation is made available to you under the terms of the Creative Commons Attribution Share-Alike license 4.0. You have permission to share and redistribute this Bible translation in any format and to make reasonable revisions and adaptations of this translation, provided that: You include the above copyright and source information. If you make any changes to the text, you must indicate that you did so in a way that makes it clear that the original licensor is not necessarily endorsing your changes. If you redistribute this text, you must distribute your contributions under the same license as the original. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. Note that in addition to the rules above, revising and adapting God's Word involves a great responsibility to be true to God's Word. See Revelation 22:18-19. 2025-05-10
Fonte: http://ebible.org/hne/ · eBible.org