Gênesis 47
Buk Niu In Hida Balu nol Dehet deng Apan-kloma ki in Dadi ka · Toque num versículo para ver as referências cruzadas.
Lahing nga bel Yusuf nenan nas dale
1Hidi kon, Yusuf nol un kaka-palin nas at lima, lakos ngada se lahing nga. Yusuf tek lahing nga noan, “Ama lahi! Auk amang nga nol auk kaka-paling ngas, maas son deng Kanaꞌan. Oen maas nol oen laen, lae-blai las, aus-sapi las, nol oen kai-batu las totoang. Halas ni oen totoang ne dale Gosen son.”
3Kon lahing nga keket noan, “Lelo-lelo lam mi daek asa la?”
Kon oen siut lahing nga noan, “Kaim niam atuil in lolo-poa hmukit, banansila el kaim upu-aman nas kon, ama lahi. 4Halas ni, se dale Kanaꞌan oras tuu muun isi, tiata muik in kaa nol bluan pait lo son. Ta kaim maam se dale nia, le daad tahang. Kaim kon kil nol kaim hmukit tas. Undeng na, kaim nodan ama lahi le tade kam, kaim daad se dale Gosen, le doha-tinang kaim hmukit tas se luas.”
5Kon nam lahing nga tek un in koma ka bel Yusuf noan, “Halas ni ku amam ma, nol ku pail-kakam mas ne nias son. 6Tiata oen tao dale ni banansila el oen nena esa lako. Se auk in tana kam, dale Gosen na, dale man in banan dui se nusa nia. Tiata banan dui ka, oen daad se las tuun tia. Nol eta deng one la muik in doha-tinang taan hmukit tam, nang le oen kon doha-tinang bel auk nena lias se luas kon.”
7Hidi nam, Yusuf kil nol un ama ka laok tulu se lahing nga kon. Lius se luas kon, Yakob kohe-kanas le nodan Ama Lamtua Allah bel hangun se lahing nga.
8Kon lahing nga keket Yakob noan, “Ama umur taun bakun son na?”
9Yakob situn noan, “Auk nuling taun ngatus buk tiul son, mo auk daad tetesa se mana mes lo. Auk upu-amang ngas kon ela. Eta sukat nol one lam, auk umur ri meman daen dui. Mo inu nol in susa-daat mamo dui.” 10Hidi kon Yakob seon lahing nga. Mo un lako lo bii kam, un nodan Ama Lamtua pait le bel hangun se lahing nga.
11Hidi nam Yusuf daek muid lahing nga in teka ka, le tulu bel oen maan se dale Gosen. Maan na banan isi. (Mam oen ngali maan na ngala ‘Rameses’.) Kon nam Yusuf ama ka, nol un kaka-palin nas daad napiut se las. 12Hidim Yusuf kon mana in kaa bel un ama ka, un kaka-palin nas, nol oen sapa-anan nas totoang, deng in tene dui ngas lako pes ana blutu kas.
Oras lubu se dale Mesir ra muun keko lako
13Dedeng na, lubu ka muun isi, didiin se ola-ol kon muik in kaa pait lo son. Deng Mesir lako pes Kanaꞌan, atuli las totoang bloen son. Oen daek nal saa pait lo son, undeng oen lubus naseke. 14Hidim totoang atuli-atuil in deng mana-maan in se Mesir, nol mana-maan in se Kanaꞌan nas maas, le sos in kaa deng Yusuf. Kon un tao nakbuan duit tas totoang, le laok pesang se lahing nga uma. 15Dedeng na, atuil Mesir nol atuil Kanaꞌan nas duit tas hidis son. Tiata oen sos nal in kaa pait lo son. Kon nam oen maas ngada Yusuf le nodan noan, “Ama! Bel kaim in kaa le, le halin nam kaim matem undeng lubu deken. Ta kaim duit tas hidis son.”
16Kon Yusuf siut noan, “Eta noan baktetebes mi duit ase son nam, tao eli tukun: bel mi hmukit tas, le auk bel sedas nini in kaa.” 17Undeng taun na Yusuf tekas ela, tiata oen bel oen hmukit tas, le Yusuf beles in kaa. Oen hmukit tas banansila el: ahlote, lae-blai, laen, aus-sapi, nol keledai.
18Taun in pait maa ka, oen pait maas se Yusuf le tek noan, “Ama! Kaim aa nahlolool tukun. Kaim duit tas nol kaim hmukit tas, paap silin nalas totoang son. Halas ni kaim muik saa lo son. Liis kaim apan nias, nol kaim dale kias tuun son. 19Nang kaim le kaim matem deken. Eta kaim matem mam, asii man daek dale nias sa? Banan dui ka, ama kat kaim le daid ata se papa. Nol paap kat kaim dale kias, le taos daid paap nena. Hidim paap bel kaim bini, le kaim soko-hai bel papa. Hidim kaim in kae ka, nol kaim dale kas, paap bel sedas nini in kaa. Sadi kaim matem deken.”
20Undeng oras lubu ka muun keko lako, tiata totoang atuil Mesir ras hee soleng oen dale kas. Kon Yusuf sos nal totoang dale in se Mesir ras, le daid lahing nga pusaka. 21Nini ela, tiata Mesir hutu-ata nas totoang daid ata deng lahing nga. 22Mo deng nas totoang, Yusuf sos tulu agama las dale kas lo, undeng lahing nga bel oen in kaa tutungus. Tiata oen hee oen dale kas lo.
23Dedeng na Yusuf aa nol hutu las noan, “Halas ni mi daid lahing nga ata son. Mi dale kas totoang kon, auk sos bel lahing nga son. Tiata mi kat bini-biin nias, le laok soko-hais se dale nas tia. 24Eta lius in nui-nole kam, in hapung nas mi bating op lima. Op mesan na kilan bel lahing nga. Lisin op aat tas, mi pake daid bini, nol taung mia, nol mi nenan nas in kaa.”
25Kon oen siut noan, “Ama! Ku bel slamat kaim son, tiata kaim nodan mamo. Kaim tade le daid ama lahi ata.”
26Hidi nam, Yusuf pake atorang na le daid hadat se dale Mesir. Tiata deng totoang ael man hutu las in nui-nole ngas, oen bating op lima. Op mesan na oen belen se lahing nga. Op aat tas oen pake esas. Suma tulu agama las dale kas siis, man lahing nga sosas lo. Hadat na, oen pake napiut.
Yusuf hida, le un puan Yakob se oen upu kia-kaon nas niut utu nguas
27Kilan deng dedeng na, kon atuil Israel las daad napiut se Mesir, se dale Gosen. Oen daid atuil in muki, nol oen in hua-koet tas kon mamo taplaeng.
28Se Mesir, Yakob nuli taplaeng taun hngul itu pait, didiin un umur taun ngatus buk aat beas itu. 29Un oras-lelon in mate ka dadani son kon, un haman Yusuf le tekan noan, “Ana Yusuf! Auk nataka kam nesang lom Ama Lamtua Allah le haman pait au. Tiata auk nodan, le eta ku namnau au lam, ku sumpa, le ku puan auk se dale Mesir lo. 30Ku musti nol pait auk aap-sising ngia, lako kit upu kia-kaon nuas maan in puan na. Le ku puan auk se na. Paap in koma ka ela.”
Kon Yusuf siut noan “Banan papa! Eta paap koma ka ela son nam, auk muid tukun.”
31Kon Yakob aa noan, “Elam nol nia, ku sumpa, le tek noan ku daek muid paap in koma ka.”
Tukun nam, Yusuf sumpa muid Yakob in aa ka. Kon Yakob hai buku ka le suda se hadang nga dapa, halas-sam un kohe-kanas nodan mamo se Ama Lamtua Allah.

Você sabia?
Um lar em Gósen
- José estabeleceu seu pai e seus irmãos em Gósen, a região que o faraó chamou de a melhor parte da terra. O mesmo distrito também é chamado terra de Ramessés; ficava a leste do Nilo, ao que parece não longe da residência real, embora a região hoje seja um deserto.Fontes: o próprio texto bíblico · Goshen · Rameses
- Quando o faraó perguntou qual era o ofício deles, os irmãos de José responderam que eram pastores, como seus pais, e pediram para ficar em Gósen, porque a fome em Canaã não deixara pasto para os rebanhos. O Easton’s Bible Dictionary (1897) identifica o faraó dos dias de José provavelmente como Apopi, o último rei hicso, e observa que os pastores eram uma abominação para os egípcios nativos, enquanto esses pastores asiáticos foram bem recebidos pelos hicsos; outros situam José no reinado de Tutmés III, muito depois dos hicsos.Fontes: o próprio texto bíblico · Pharaoh (of Joseph)
- Como a fome esgotou o Egito e Canaã, José recebeu o pagamento primeiro em dinheiro, depois em gado e, por fim, em terras, de modo que os campos passaram a ser do faraó e o povo foi reduzido à servidão. Ele não tomou a terra dos sacerdotes, pois o faraó já lhes fornecia as rações, e estabeleceu que um quinto da produção pertencia ao faraó.Fontes: o próprio texto bíblico
Notas escritas com auxílio de IA a partir de fontes abertas (Theographic Bible Metadata, CC BY-SA 4.0; Easton’s Bible Dictionary, domínio público) e revisadas antes de publicar.
Lugares deste capítulo
- Canaan · 32.767, 35.333 · versículos 1, 4, 13, 14, 15
- Goshen · Hoje: Goshen 1 · 30.799, 31.834 · versículos 1, 4, 6, 27
- Egypt · 30.129, 31.308 · versículos 4, 6, 11, 13, 14, 15, 20, 21, 26, 27, 28, 29, 30
Só aparecem lugares com identificação de alta confiança (90% ou mais segundo as fontes acadêmicas reunidas pelo OpenBible). Mapa da época: DARE (Digital Atlas of the Roman Empire), CC BY 4.0; mapa atual: © colaboradores do OpenStreetMap; lugares: OpenBible.info (CC BY 4.0).
Créditos e licença desta tradução
Buk Niu In Hida Balu nol Dehet deng Apan-kloma ki in Dadi ka Genesis and the New Testament in Helong Kejadian dan Perjanjian Baru dalam bahasa Helong copyright © 2011 Unit Bahasa dan Budaya Language: Helong Translation by: Wycliffe Bible Translators, Inc. This translation is made available to you under the terms of the Creative Commons Attribution-No Derivatives license 4.0. You may share and redistribute this Bible translation or extracts from it in any format, provided that: You include the above copyright and source information. You do not make any derivative works that change any of the actual words or punctuation of the Scriptures. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. 2022-03-11
Fonte: http://ebible.org/hegNTpo/ · eBible.org