Salmos 41
God Nuye Kunwok · Toque num versículo para ver as referências cruzadas.
Karridjawan God Bu Kankongibunkenh.
1Bininj nawu nungka kabenyikarrme birridjalmarladj bininj, nakka wanjh kabenmarnenjilngmak. Nungan Yawey kabibingehke namekbe bininj bu kunrayek kabimarnewernmerren nuye. 2Nungka Yawey kabinahnan dja mak kabimarnbun bu nungka karrarrkid bu minj karrowen. Nawu birribuyika bininj kabirrimarneyime bu Yawey kabimarnekurduyime namekke bininj. Minj Yawey kabibawon nawu bininj birriyidko bu kabirrimarnebebme nuye. 3Yawey kabimarnbun namekke bininj bu darnkih karrowen wanjh kamakmen nungka bu kahdjalni kunmak rowk.
4Ngaye nawu ngadjaldi yiwarrudj, bu marneyimeng, “Ngudda Yawey, kandjalkongibu! Ngaye ngabakkeng manbu mankarre ke, wanjh ngudda kandjalmarnbu!” 5Nawu bininj ngarriyidko bedda wanjh kabirridjawarren bedmandeleng bu kunwarrekenh bedda ngandimarneyime, “Baleh kabolkyimerran bu nahni bininj karrowen, wanjh manbu kunngey nuye kangeyyakmen?”
6Bu bininj bedda nawu ngarriyidko ngaye kabirrimre bu ngarriwokdi, wanjh kabirridjalkurren. Bedda kabirridjare bu ngandikowekenh, bu bedda ngandibawon wanjh kabirribalwohrewohre bu ngaye ngandiyolyolme kore kurobbe. 7Birriwern bininj nawu ngandiwirrihme wanjh ngandiyolyolme ngaye. Bedda kabirridjare kunrayek duninjh nganmarnebebme. 8Bedda kabirriyime, “Mah! Kaluk nakka karrowen. Mankimuk kundjak kabimang, minj kayawoyhdolkkan kore kahkeyo!” 9Dja nawu nakudji bininj nganedabbolk duninjh ngardduk, nungka warridj ngandjalbawong. Bu ngakangekurrmeng nuye, mak nungka bu nganedjarrknguni manme. Bonj, nungka bolkkime wanjh ngandjalwirrihmeng.
10Ngudda nawu Yawey kanwernkongibu! Kandolkkayhwemen ba bu ngabenbun bininj nawu ngandiwidnan. 11Bu bedda minj ngandibun, wanjh kunu ngaye ngaburrbun bu ngudda yinjilngmak ngardduk. 12Ngaye minj kunwarre ngayimeninj, dja ngudda kanbidyikarrmeng bu kankurrmeng ngahdi kore ngudda kumirrk ke bu djal munguyh.
13Mah! Karridjalwernhburlumen God nawu Yahweh kadberre, ngad nawu bininj Israel kankebmawahmeng duninjh. Karridjalburlume bu munguyh munguyh. Bu djal woybukkih duninjh!

Você sabia?
Oração na Doença e na Traição
- O salmo começa com uma bênção para quem cuida dos pobres ou vulneráveis, associando a compaixão pelos necessitados ao socorro divino em tempos de enfermidade e aflição.Fontes: o próprio texto bíblico
- O salmista lamenta que até mesmo um amigo íntimo de confiança que partilhava do seu pão se voltou contra ele, destacando a grave quebra de lealdade e comunhão de mesa na sociedade antiga.Fontes: o próprio texto bíblico
- O salmo é concluído com uma solene doxologia louvando ao Deus de Israel 'de eternidade a eternidade', selada com um duplo 'Amém'.Fontes: o próprio texto bíblico
Notas escritas com auxílio de IA a partir de fontes abertas (Theographic Bible Metadata, CC BY-SA 4.0; Easton’s Bible Dictionary, domínio público) e revisadas antes de publicar.
Créditos e licença desta tradução
God Nuye Kunwok The Holy Bible in the Kunwinjku language of Australia copyright © 2018 Bible Society of Australia Language: Kunwinjku (Gunwinggu) This translation is made available to you under the terms of the Creative Commons Attribution-Noncommercial-No Derivatives license 4.0. You may share and redistribute this Bible translation or extracts from it in any format, provided that: You include the above copyright and source information. You do not sell this work for a profit. You do not change any of the words or punctuation of the Scriptures. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. 2026-04-02
Fonte: http://ebible.org/gup/ · eBible.org