Nations Bible

Gênesis 49

Nacom Pejume Diwesi po diwesi pena jume diwesi xua Jesucristo yabara tinatsi · Toque num versículo para ver as referências cruzadas.

Jacob Nurskaleimburab Wendøsrø Maig Pub Attrabigw An Waminchib

1Jacobpe nui nusrkalan wama trenchibig køn:

—Tulaambay cha. Nabe wendø kwalømmerawansrø ñimun maig purainrrabigwan eshkanrrab inchar cha.

2Kemalay cha, mørtrab, Jacobwei nusrkalø. Møray cha, ñimui møskai Israel wamindigwan.

3Ñi, Ruben, nai mayur nusrkai, na unøtø misag larrø chishig kua ke srøtø tøgaguig unø, tabig kui asig kømiguba, katø chi maramig nuig kømiguba ñimerrig køn cha.

4Ñibe kan pimera køramdiig latøgushib amrrubig lataig, møimbe yandø ñi mayurbe maskucha nuibe kømønrrabguen cha. Kaguende nai kamayu nai sraimba trømbøig mara, ñui trag møskawei kamawan, kaig kuig lataig mara kørrømarig køn cha.

5Simeónba Levíbabe nunelø køben, nømui espadamerabe ka kwayab misag kweechib tøgagømiitø køn cha.

6Nøm chigøben kaig martrab waminchib kuigu na truyu pasrønrrab kømøwei, nøm nørrø tuliambinug na linchab kømøwein kur, nai isubigwan na chishig tøgaguigwan mindisaig kømønrrab. Kaguende nømbe larrø namikkøleelø pønrrøwa, misagwan kweecha petab, mørøkkømubiitø ke kagatø, toromerai chambesrølmeran para petig køn.

7Larrø tsag inchib namig kurriiba, nømui namikkøbigu lastimagaig trømbøig mariibabe larrø trømbøig nebuig købash cha.Nabe Jacobwei piraugurrimbe ke nuinguindø misrtrai mara, Israel pirau ke truørø amba warønrrai maramønrrun.

8Ñi Judábe ñui nunelø chi tamgaig, katø tabig wamindig kønrrabguen. Ñui ashig kømui inchibelane ñi kanawa tøgagønrrun. Inchen ñui trag nuneløguen ñui merrappe utsøbasrtrun.

9Inchen ñi, nai nusrkai Judábe, kan matsinø leon lataig, nø kemørigwan chab mabe, kan køli leon lataig pirau purø møg ashib tsumisrøptinchibig lataig køn. ¿Nune mugui kebacha ashchautah?

10Judáwane nui karub sraua wain Pørøtsigwane kerraig kønrramøn, katø nui karub tøgaguin pørøtsigwan lata tru nui srøb utøyugurri, tru cierton rey arrumnegatig. Truiwane yu pirau pirø muba kuimnburab maya misaaba nune mørig kønrrabig køn.

11Judabe nui burrune uvas tusryu lichippe, lluig lamø burru unøzhigwane purø tab tusr srølyu licha pasran. Nui kewa kuigwane vinotøga tsarøppe, nui pala itø kewa kuigwane uvas anim piyu tsaran.

12Nui kammerabe vino lataguen kømø, mas yaløbigøzheelø køn. Inchen nui trugulmerabe pitsø lataguen kømø, mas puløzheelø køn.

13Inchen Zabulónweinukkurri amrrub misaamerabe mar mendawan warønrrabelø køben, truyube barcosmera chi isumgaig pub lliramig kønrrabig køn. Inchen nui linderosmerabe Sidonsrøngatig lulrrabelø køn.

14Isacarbe kan burru larrø murig lataig køn, kan muba webya yamga tul— unøyu keerig pigaya tsub lataig.

15Tru muba webya yamga tul-unøbe larrø tabig, pirøbe larrø chull asamdø pirø køb, katø pishindø tab tsumdiig køb køben, nøbe karga niga inrrab lligwan kegucha, ka karuindø megabig misrig køn.

16Inchen Danbe nui misaameran maig kønrrabigwan asha martrabig køn. Israelwei tru doce nusrkalai misag søtømerayu kan møikkøsrøn lataitøwei.

17Danbe kan may menda tsub ul lataig køn, tsachippe kwetchab tsachib ul may menda tsubig lataig, kaullin chiñimerayu tsacha, itøguana wabigwan wendømay palasig kebinab kutsingarubig.”

18“¡Jehová, ñi kaiyugurri wesraig kømigwan muniirar!”

19Gadwane kaig marøb misag søtømera amrrua melambub kwayaindøgucha, nøbe wendautø pasraørøb ya, kwayanrrun.

20“Aserbe larrø may mamiimera mabig kønrrun. Incha nøbe reywei mamiimera lataig manrrai pønsrønrrun.

21Neftalíbe kan ishug panzhig chi iløsrkaimíig uñibig lataig køn, larrø tab pan-ureezheelø peraig.

22“Inchen Josébe kan larrø may utiguitsin tusr lataig køn, may utiguichib pi menda pasrab lataig. Tsiurøzheelø nebib ibiibe tru pirøbanrrimerasrø nebib ib lataig.

23Nune arcostøga kwayabeløbe, lastimaguengaig flechasmeratøga søl ørøb, kwayam laben,

24nø srua pasrai arcone chigucha kullaaramø srua pasraig køn, tru Jacobwei maramburab marøb kwalmeragurri. ¡Mayanguen ungua ungua tru Jacobwei Mugucha Chindamga Tiuswan. Truikkurrin køn, tru Ubisha Ashibig, tru Israelwei kan peña lataig.

25¡Mayanguen ungua ungua ñui møskawei Tius ñun purugubigwan! ¡Mayanguen ungua ungua Maramburab Marøb Tius ñun mayanguen tabig nebuig kønrrai marøbigwan! ¡Mayanguen tabig nebuig kønrrai Srømbalasrøngurri arrubiitøga! ¡Mayanguen tabig nebuig kønrrai maryu purø umbusrøngurri arrubiitøga! Pitsø mutsøsrøb tøgagøb katø usrai patsau tøgagøb indingurri mayanguen tabig nebuig kønrrai arrubiitøgaba. 26Ñui møskaimbe tru maya nuguen tabig nebuig kømigwan ñun tranøppe, nai møskalø tru maya nuguen tabig nebuig kømigwan nan trani lataitøguen kømø tranig køn; managatig tru pønrrab tunmerasrøngatig. Tru iig mayanguen tabig nebuig kønrrai traniiløbe, Joséwei turbala kønrrain køn, nui nunelai utugurri tru lawa wesruigweinug.

27Inchen Benjamínbe kan larrø namig lobo lataig køn, løtsøbe nui kemøra mamigwan ma, maabene unchibelan pirishibig.”

28Iilø køn tru Jacobwei doce nusrkaløgurri misag nørrø søtø amrrubelø, tru nømunba, katø nuikkurri amrrub misaameranba wendøsrø nømun kanun kanun maig pub attrabigwan eshkawa pasrig kuig køn.

Jacob Kwaig

29Incha katø Jacobpe øya eshkawa pasrøbig køn:

—Nabe nai misaameraba tsunrrab yamig yandø lutau køtan cha, nai kølli misaameraimbulu sørørrunrrig chibig cha, tru heteo Efronwein pirau peña trab pasrabigu, 30tru Mamre pinrrøguesø Macpela pirau peña trab lalig pasrabigu Canaán pirausrø, Abraham tru Efron hititan peninug nui yau misaameran kwaben, sørab kømig nømui pasrønrrai. 31Truyube Abrahamwanba, nui srai Saranba sørab, katø Isaacwanba nui srai Rebecanba sørab indig køn. Katø nagucha Lean truyu sørig kuig køn. 32Pøs tru pirøwanba tru peña trab lalig pasrabigwanbabe, Hititasmeran penig kuig køn.—

33Incha Jacob mandø marøb kømigwan chab waminchabe, katøle kamayu tsumisra, neesrappe, kwaptinchibig køn. Incha merrabsrø nømui møskaløba isrønrrab t sumisrig køn.

Ilustração artística — interpretação, não registro histórico.

Você sabia?

Últimas bênçãos às doze tribos de Israel

  • As palavras de Jacó exploram o significado dos nomes dos filhos. Judá (em hebraico Yehudah) vem das palavras de Lia, "Agora louvarei" (odeh), e Jacó diz que os irmãos de Judá o louvarão. O nome de Dã ecoa o "Deus me julgou" (dananni) de sua mãe Bila; Jacó diz que Dã julgará o seu povo, ou lhe fará justiça, e o Easton's Bible Dictionary (1897) sugere que isso provavelmente alude a Sansão, um juiz posterior da tribo de Dã.Fontes: Judah (patriarch) · Dan · o próprio texto bíblico
  • O capítulo chama cada discurso de bênção, embora alguns sejam severos. Rúben, primogênito de Jacó e Lia, cujo nome significa "Eis um filho!", ouve que não mais se destacará, porque profanou o leito de seu pai. Simeão e Levi, que se vingaram com violência de Hamor e dos siquemitas, ouvem sua ira amaldiçoada e a promessa de que serão dispersos em Jacó e espalhados em Israel; onde a Authorized Version dizia que derrubaram um muro, a Revised Version diz que jarretaram um boi, como este capítulo afirma que eles cortam os jarretes dos bois.Fontes: Reuben · Simeon · Levi (patriarch) · o próprio texto bíblico
  • Jacó pede então que o sepultem com seus pais na caverna do campo de Efrom, o hitita, que Abraão comprou como túmulo da família. Macpela, nome entendido como "porção" ou "caverna dupla", ficava na encosta de um monte a leste de Hebrom, de frente para Manre, na terra de Canaã. Abraão e Sara, Isaque e Rebeca, e Lia já estavam sepultados ali.Fontes: Machpelah · Ephron · Mamre · o próprio texto bíblico

Notas escritas com auxílio de IA a partir de fontes abertas (Theographic Bible Metadata, CC BY-SA 4.0; Easton’s Bible Dictionary, domínio público) e revisadas antes de publicar.

Lugares deste capítulo

  • Shiloh · Hoje: Khirbet Seilun · 32.056, 35.290 · versículo 10
  • Sidon · Hoje: Sandikli archaeological site in Sidon · 33.561, 35.372 · versículo 13
  • Canaan · 32.767, 35.333 · versículo 30
  • Machpelah · Hoje: Cave of the Patriarchs · 31.525, 35.111 · versículo 30

Só aparecem lugares com identificação de alta confiança (90% ou mais segundo as fontes acadêmicas reunidas pelo OpenBible). Mapa da época: DARE (Digital Atlas of the Roman Empire), CC BY 4.0; mapa atual: © colaboradores do OpenStreetMap; lugares: OpenBible.info (CC BY 4.0).

Créditos e licença desta tradução
Nacom Pejume Diwesi po diwesi pena jume diwesi xua Jesucristo yabara tinatsi
New Testament in Guambiano
copyright © 2010 Wycliffe Bible Translators, Inc.
Language: Guambiano
Translation by: Wycliffe Bible Translators, Inc.
Copyright Information
© 2010, Wycliffe Bible Translators, Inc. All rights reserved.
This translation text is made available to you under the
terms of the Creative Commons License: Attribution-Noncommercial-No Derivative Works.
( http://creativecommons.org/licenses/by-nc-nd/3.0/ )
In addition, you have permission to port the text to different file formats, as long as you
do not change any of the text or punctuation of the Bible.
You may share, copy, distribute, transmit, and extract portions
or quotations from this work, provided that you include the above copyright
information:
You must give Attribution to the work.
You do not sell this work for a profit.
You do not make any derivative works that change any of the actual words or punctuation of the Scriptures.
Permissions beyond the scope of this license may be
available if you contact
us with your request.
The New Testament
in Guambiano
© 2010, Wycliffe Bible Translators, Inc. All rights reserved.
This translation is made available to you under the terms of the
Creative Commons Attribution-Noncommercial-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not sell this work for a profit.
You do not change any of the words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2014-04-25

Fonte: http://ebible.org/gum/ · eBible.org

Fale com a gente

Conte de onde você lê, como a Bíblia tem te ajudado ou o que podemos melhorar. Lemos todas as mensagens.