Zacarias 14
Geeshsha Maxaafa · Toque num versículo para ver as referências cruzadas.
Xoossay Yaana, Kawotana
1Heko, Godaa pirda gallasay yees; he wode hinte xeellishin, hintefe bonqidaba hinte sinthan shaaketana. 2Kawotethata ubbaa Goday Yerusalaame bolla olas shiishana. Katamay oyketana; keethay bonqetana; macca asaa wolqan iissana. Katamaa asaape baggay di7etidi baana; shin attida asay katamaape keyenna. 3Hessafe guye, Goday keyidi, kase ola gallas oleteysada kawotethata olana. 4He gallas iya tohoti Yerusalaamepe doloha baggara de7iya Shamaho zuma bolla eqana. Shamaho Derey dolohape wuloha gakanaw nam7u keyidi phalqetin, daro gita zangaaray medhetana. Zumaape baggay pudeha bagga, qassi baggay dugeha bagga sher7i gaana. 5He zangaaray bidi Axeela gakana; hinte he zangaarara baqati aadhidi attana. Beni Yihuda kawa Ooziyaane laythi biittay qaaxin, hinte mayzati baqatidi attidaysada hinte baqatana. Hessafe guye, Goday ta Xoossay ba geeshshata ubbaara issife yaana.
6He wode meegoy, shachinne dhumi deenna. 7He wode qamminne gallasi baawa, Goday xalaali eriya dumma gallas gidana; he gallas qammay poo7o gidana.
8He wode de7o haathay Yerusalaamepe goggana; iyape baggay Maxine Abban gelana; qassi baggay Medetiraane Abban gelana. He haathay balgonne bone goggishe daana. 9Goday biitta ubbaa bolla kawotana; he wode issi Godaa xalaali daana; iya sunthaa xalaala xeegana.
10Gib7ape doomidi Yerusalaame dugeha baggara aadhidi Irmoona katamaa gakanaw de7iya biitta ubbay dembatana. Shin Yerusalaamey Biniyaame Pengiyafe bidi, beni pengiya ginara Zooze Pengiya gakanaw, qassi Hanan7eela Adussa Gimbiyafe bidi, kawo woyne gum7iya bessaa gakanaw ba bessan dhoqu gidi daana. 11Yerusalaamey asi de7iya bessi gidana; hizape guye dhayenna; iyan de7iya asay hirgi bayna saro daana.
12Goday Yerusalaame olanaw dendida asa ubbaa bolla gado ehana. Enti eqon de7ishin, enta ashoy wooqana; enta ayfey ba ollan, enta inxarsay ba kottonuwan wooqana. 13He wode Goday enta wolqaama dagama daganthana. Asa ubbay issoy issuwa kushiya oykidi oletana. 14Yihuda asay Yerusalaame bagga gididi oletana. Yuushuwan de7iya kawotethata, tayboy bayna shaluwa, worqaa, biraanne ma7uwa di77idi shiishana. 15Ha gaduwa daaniya gadoy parata bolla, baqulota bolla, gimaleta bolla, hareta bollanne morketi dunkaanida bessan de7iya mehe ubbaa bolla yaana.
16Hessafe guye, Yerusalaame olida kawotethatape attida ubbay Kawa, Ubbaafe Wolqaama Godaa goyinnanawunne Shaqara Ba7aale bonchanaw laythan laythan Yerusalaame baana. 17Sa7an de7iya asaape oonika Kawa, Ubbaafe Wolqaama Godaa goyinnanaw Yerusalaame boonna ixiko, entaw iri bukenna. 18Gibxe asay bidi goyinnona ixiko, Shaqara Ba7aale bonchanaw boonna ixida asaa bolla gakida gadoy enta bolla yaana. 19Shaqara Ba7aale bonchanaw boonna ixida Gibxeynne hara kawotethati ubbay seeretana seeray haysa.
20He wode parata qoodhen de7iya shaashshotiya bolla, “Godaas Geeyidaysa” geetetiya malla xuufey xaafetana. Xoossa keethan de7iya kathiya otoy yarsho bessa matan de7iya saaniya mela geeshshi gidana. 21Yerusalaameninne Yihudan de7iya oto ubbay Ubbaafe Wolqaama Godaas geeshshi gidana. Yarsho yarshiya asa ubbay he otota ekidi, yarsho ashuwa entan kathana. He wode Ubbaafe Wolqaama Godaa keethan ay zal7anchoy deenna.

Você sabia?
O Dia do Senhor e a Adoração Universal
- O Monte das Oliveiras é uma elevação situada a leste de Jerusalém, separada da cidade pelo vale do Cedrom. Fora desta passagem profética, ele é nomeado diretamente em apenas uma outra narrativa do Antigo Testamento, que relata a fuga do rei Davi durante a rebelião de Absalão.Fontes: Mount of Olives · o próprio texto bíblico
- O profeta relembra um terremoto marcante ocorrido no reinado de Uzias, rei de Judá, evento tão severo que fez a população fugir. Uzias era filho de Amazias e governou Judá durante um longo e próspero reinado de cerca de cinquenta e dois anos.Fontes: Uzziah · o próprio texto bíblico
- O capítulo descreve os sobreviventes de todas as nações, incluindo o Egito, subindo anualmente a Jerusalém para celebrar a Festa dos Tabernáculos. Zacarias adverte que qualquer povo que se recusar a peregrinar sofrerá a falta de chuva como castigo.Fontes: Egypt · o próprio texto bíblico
Notas escritas com auxílio de IA a partir de fontes abertas (Theographic Bible Metadata, CC BY-SA 4.0; Easton’s Bible Dictionary, domínio público) e revisadas antes de publicar.
Lugares deste capítulo
- Jerusalem · 31.777, 35.234 · versículos 1, 2, 4, 8, 10, 11, 12, 14, 16, 17, 21
- Mount of Olives · 31.778, 35.246 · versículo 4
- Great Sea · Hoje: Mediterranean Sea · 31.805, 34.170 · versículo 8
- Salt Sea · Hoje: Dead Sea · 31.500, 35.500 · versículo 8
- Arabah · 30.417, 35.151 · versículo 10
- Benjamin Gate · Hoje: in Jerusalem · 31.777, 35.234 · versículo 10
- Corner Gate · Hoje: in Jerusalem · 31.777, 35.234 · versículo 10
- Tower of Hananel · Hoje: Antonia Fortress · 31.780, 35.234 · versículo 10
- Egypt · 30.129, 31.308 · versículos 18, 19
Só aparecem lugares com identificação de alta confiança (90% ou mais segundo as fontes acadêmicas reunidas pelo OpenBible). Mapa da época: DARE (Digital Atlas of the Roman Empire), CC BY 4.0; mapa atual: © colaboradores do OpenStreetMap; lugares: OpenBible.info (CC BY 4.0).
Créditos e licença desta tradução
Geeshsha Maxaafa Gofa: Geeshsha Maxaafa (Bible) for Ethiopia, Latin script copyright © 2024 The Word for the World International Language: Goofa (Gofa) Contributor: The Word for the World International This translation is made available to you under the terms of the Creative Commons Attribution Share-Alike license 4.0. You have permission to share and redistribute this Bible translation in any format and to make reasonable revisions and adaptations of this translation, provided that: You include the above copyright and source information. If you make any changes to the text, you must indicate that you did so in a way that makes it clear that the original licensor is not necessarily endorsing your changes. If you redistribute this text, you must distribute your contributions under the same license as the original. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. Note that in addition to the rules above, revising and adapting God's Word involves a great responsibility to be true to God's Word. See Revelation 22:18-19. 2025-05-03
Fonte: http://ebible.org/gofl/ · eBible.org